ყველასდიდი თხოვნაა როდესაც ასეთი კონკრეტული კითხვა ისმება ჩვენი ფორუმელისგან შეეცადეთ ხოლმე მაქსიმალურად რაც შეგიძლიათ ამომწურავი პასუხი გასცეთ ხოლმე, თორემ ვაბნევთ ერთმანეთს მოკლე პასუხებით, მაგალითად :
- არა
- კი
- გადააკდე
ეს ყველაფერი ინფორმაციის მაძიებლის მხრიდან უფრო მეტ კითხვას წარმოშობს, რატომ არა, იქნებ და რაიმე ავლის მეთოდი არსებობს და ასე შემდეგ...
mister_io ციტატა(mister_io @ 22nd July 2020 - 09:55 AM)
სალამი მეგობრებო, კითხვა მაქვს, ჟანგბადის ბალონები რამდენ ატმოსფეროზეა გათვლილი ანუ მაინტერესებს პცპ თოფის დასატენად თუ გამოდგება, კისლაროდი აწერია გარედან ლურჯი ბალონებია
დავიწყოთ შენი კითხვის განხილვა ნაბიჯებად:
1) ნუ იმედია ის იცი რომ ჟანგბადი არ უნდა გამოიყენო არავითარ შემთხვევაში, კი ვხვდები რომ მხოლოდ ბალონს გულისხმობ და არა თვითონ ჟანგბადის გამოყენებას, მაგრამ მაინც თავს ვიცავ... იდეაში თვითონ ჟანგბადი რაიმე განსაკუთრებული არა, უბრალოდ ზეთთან არ უყვარს კავშირი, თან გაჩერებულ სტატიკურ მდგომარეობაში კიდევ ჯანდაბას, მაგრამ აი მოძრაობის და დინების დროს.... ანუ ჟანგბადი 100 ატმოსფეროს ზემოთ დინებისას (მაგალითად კლაპანში გავლისას), ისეთ ხახუნს წარმოქმნის ზეთთან რომ თვით აალებას იწვევს, ხოლო აალებული ჟანგვადით რომ რელსებს ჭრიან მგონი ქე იცი და რეზერვუარს და თოფს რა მოუვა ....
2) ყველა ბალონს აქვს თავისი გათვლილი მახასიათებლები, ჩვენ ამ შემთხვევაში გვაინტერესებს რა წნევაზე შეუძლია მუშობა. ჟანგბადი და co2 როგორც წესი ინახება ჭურჭელში რომლის სამუშაო წნევაც არის 150 ატმოსფერო, ხოლო შესამოწმებელი 225 ატმოსფერო, დიდი თხოვნაა ეს ბოლო ციფრი სასიხარულოდ არ მიიჩნიო, სატესტო ნიშნავს 5 წელიწადში ერთხელ 5-10 წუთით ამ წნევაზე შემოწმებას და არა მუდმივად ასეთ სტრესულ წნევაზე ბალონის დატოვებას, შეიძლება შემოგეხვიოს კისერზე.... საერთოდ მაღალი წნევის ჭურჭელს ყველას გააჩნია 2 წნევის მაჩვენებელი, ვთქვათ 150 არის ჟანგმადის შემთხვევაში სამუშაო, ანუ შეგიძლია დატენო და დიდი ხნით დატოვო ამ წნევაზე, არაფერი მოუვა, ხოლო 5 წელიწადში ერთხელ რკინის ბალონი უნდა შეამოწმე სტრესზე, ხომ არ მოსუსტდა. თუ რაღაც ვერაა აქვს საქმე იმ 1.5-ჯერ მეტ წნევაზე გამოიჩენს თავს თუ არა და მომდევნო 5 წელი შეგიძლია ისევ იხმარო.
მაგ ლოგიკით 150 ატმოსფეროს 1.5-ჯერ მეტი წნევა არის 225 ატმოსფერო. სწორედ მაქედან მიიღება ეგ ციფრი და როგორც ავღნიშნე ეგ არის სატესტო წნევა 5-10 წუთით დასატენად.
შესაბამისად 200 ატმოსფეროიანი სამუშაო ბალონისთვის სატესტო წნევაა 300 ატმოსფერო, ხოლო 300 ატმოსფერო სამუშაო წნევის მქონე ბალონისთვის სატესტო წნევაა 450-500 ატმოსფერო.
თუ გავითვალისწინებთ რომ უმეტესობა თოფი სროლისთვის საჭიროებს 200 ატმოსფეროს და მუშაობას ანუ სროლას ვაჩერებთ 110-120 ატმოსფეროზე რომ ხელახლა დავტენოთ, გამოდის რომ ეგ კისლატოდის ბალონი, მაქსიმუმ პირველ დატენვაზე როცა თვითონ იქნება 150 ატმოსფეროზე (ვგულისხმობ თან დიდ სვარშიკების გრძელ ბალონს და არა 1 ან 2 ლიტრიან პაწუა ბალონს) თოფს დაგიტენის სადღაც 148 ატმოსფეროზე, შემდეგ ჯერზე 145-ზე და ასე გაგრძელდება ძირს ვარდნა, მოკლედ ეგეთი პატარა დატენვისთვის თუ მისაღებია ეგ ბალონი კიბატონო, მაგრამ მაგხელა ბალონის თრევა....
პატარა მოცულობა კი უფრო ჩქარა დაიცლება და პირველივე დატენვაზე 150-ზე კი არა ალბათ 140-ზე დაგიტენის თოფს და მერე სულ ძირს წამოვა, მოკლედ არა კომფორტულია
3) კიდევ გასათვალისწინებელი ბალონის ვადა, ბევრი მოსულა ჩემთან და აი ძველი რუსული მაგარი ბალონია და იმენნა ვეშია!!!!... ყველას უარს ვეუბნები დატევვაზე და რატომ:
- ყველა ბალონს აქვს თავისი ცხოვრების ვადა, მაგალითად :
კომპოზიტური ბალონებისთვის ესაა 15 წელი გამოშვების დღიდან , ან 1200 დატენვა დაცლის ციკლი, იმის გამო რომ ვერავინ ახერხებს ბალონის დატენვების რაოდენობის დათვლას და თან 15 წელიწადში 1200 დატენვა ნიშნავს ყოველ 4-5 დღეშI ერთხელ დატენვას, რეალურად კი ეგრე ხშირად არავინ ტენის... მოკლედ ასათვლელი რჩება გამოშვების დღიდან 15 წელი, მერე დაშლას იწყებს კომპოზიტის დამაკავშირებელი წებო და ერთ დრესაც ისე შემოგეხვევა ტანზე ბალონი რომ ... მოკლედ მაგ მხურვალე მომენტს არავინ ელოდება და 15 წლის გასვლის მერე ნორმალურ ქვეყანაში ხვრელს ადებენ ბალონს და მიდის გადამუშავება/უტილიზაციაში
ლითონის ბალონს, იქნება ეს ალუმინი თუ რკინა (აქვე დავძენ - დადის ლეგენდები რომ აი ელიავაზე ვიღაც ტიტანის ბალონს ყიდის, დაივიწყე არასერიოზულია, ტიტანი არის რკინაზე მსუბუქი და ალუმინზე მძიმე, შედეგად თუ ბალონის კეთდება სიმსუბუქის კუთხით ყველა ალუმინისგან გააკეთებს და არა ტიტანისგან, მითუმეტეს ტიტანი ძვირია, ძნელია დამუშავება დაასე შემდეგ, ასე რომ ეგეთი სახელის მქონე ბალონები რეალში ან კომპოზიტური აღმოჩნდება ხოლმე ან ალუმინის)... მოკლედ ლითონის ბალონს ცხოვრების ვადა აქვს 25 წელი ან იგივე 1200 დატენვა დაცლის ციკლი, ოღონდ მთავარი განმახსვავებელი ისაა რომ 25 წელი აითვლება არა გამოშვების დღიდან, არამედ პირველი დატენვის დღიდან, ანუ ლითონის ბალონი შეიძლება გამოშვებული იყოს და საწყობში ტაროზე 50 წელი იდოს, ვადა არ გაუვა თუ შენახვის წესები დაცულია, აი 50 წლის მერე თუ ჩამოიღებენ და დატენიან უკვე დაიწყება მისი ცხოვრების ათვლა
ყველა ბალონს, სჭირდება 3 ან 5 წელიწადში ერთხელ ტესტირება სამუშაო წნევიდან 1.5-ჯერ მეტ წნევაზე, ამ პროცესს ჰქვია რუსულად აპრესოვკა, ჩვენთანაც ეგ სიტყვაა ძირითადად შემორჩენილი, თუ ეს შემოწმება ბალონმა გაიარა შემდგომი 3 ან 5 წელი შეიძება ამუშაო თუ მოხმარების პირობებს არ არღვევ და მთიდან არ ისვრი ხოლმე, მაგალითად კომპოზიტურ ბალონს უწერია რომ ყოველ 5 წელიწადში ერთხელ უნდა შემოწმება, ეგ ნიშნავს რომ გამოშვების თარიღი თუ არის 2020 წელი, მაშინ შემდგომი შემოწმება უნდა გაიაროს 2025 წელს, მერე 2030 წელს და თავისუფლად გამოიყენება 2035 წლამდე, ხოლო 2035 წელს რომც გაიაროს შემოწმება მისი გამოყენება აღარ შეიძლება რადგან გავიდა მისი სიცოცხლის ციკლი და როგის რას მიქარავს კაცმა არ იცის, ამიტომაც, ნორმალურ ქვეყანაში ეგეთ ბალონს სატესტოდ რომ მიიიტან ან დასატენად, ჩამოგართმევენ და შენს თვალწინ დიდი ხვრელს დაადებენ ან შაუზე გადაჭრიან.
სამწუხაროდ ჩვენთან ამის მაგივრად ვთქვათ იგივე სასწრაფო, ან სამაშველო სამსახური ხელს ითბობს და ან ელიავაზე აბარებს ან ვიღაცას ჩუქნიან ხოლმე და წარმოიშვება ლეგენდა რომ ბალონის შოვნა იაფადაც შეიძლება
ეხლა რაზე დაიყვანება ეს მთელი პოეზია და მოთხრობა - თუ ყიდულობ მეორად ბალონს, აუცილებლად უნდა ნახო რა სამუშაო და რა სატესტო წნევები აწერია, უნდა ნახო გამოშვების თარიღი და რომც ჯდებოდეს ცხოვრების ციკლში, მაინც უნდა გაატარო ტესტირებაზე, ანუ აპრესოვკაზე, იმიტომ რომ ვერავინ გეტყვის როდის ჩაუტარდა ბოლოს შემოწმება. შემოწმება შესაბამის სადგურებში კეთდება და თან წყლით ან რაიმე სითხით და არა ჰაერით, რადგან თუ ხარვეზი აქვს ბალონს და გახეთქვის პირასაა, მაქსიმუმ ფშიკს დაიძახევბს და წყალი შემოგესხმება, ხოლო ჰაერის შემთხვევაში კი ისეთი გაფართოება და გახეთქვა აქვს რომ შეიძლება დიდი ბა-ბახიც კი ქნას. ასე რომ სახლის პირობებში ტესტირება არ ხდება.
მძიმეთაა რკინის შემთხვევაში საქმე, რადგან არ იცი რა სიხშირით იტენებოდა, როდის დაიწყო დატენვა, როდის დაიწყო ათვლა... მოკლედ მაგარი საშაროა, მესმის რომ არაპოპულარულ ვერიანტს გთავაზობ, მაგრამ ყოველთვის ეცადე ახალი ბალონი იყიდო და არა მეორადი და ნახმარი, მიუხედავად იმისა თუ რა საოცარ ლეგენდებს მოგიყვება გამყიდველი
4) რა ბალონები შეგიძლია გამოიყენო:
- ნუ მაშველებისთვის განკუთვნილი ბალონი შეიძლია იყიდო, მაგრამ როგორც წესი სამუშაო წნევა აქვს 200-210 ატმოსფერო
- დაივერების ბალონი, ესეც ძირითადად 200-230 ატმოსფერო აქვს სამუშაო წნევა, თუმცა არის დაივერების მეორე ნაირი ბალონიც, რომელიც მაგალითად ზურგზე კი არ უკეთიათ ყვინთვის დროს, არამედ დამატებით მიათრევენ ხოლმე წყალში იმისათვის რომ ხანგრძლივად იყვნენ წყლის ქვეს, ხშირად ასეთ დამატებით ბალონებს სამუშაო წნევა უკვე 300 ატმოსფერო აქვს ხოლმე
- პეინტბოლის ან PCP-სთვის განკუთვნილი ბალონები, აქ ყურადრება მიაქციე, ხშირად ალუმინის ბალონები 200 ატმოსფეროიანია, ხოლო კომპოზიტური კი 300-იანი, თუმცა გვხვდება სქელკედლიანი ალუმინის რომელიც 300 ატმოსფეროზე მუშაობს
- ეგზოტიკური ბალონები - მაგალითად სამხედრო მფრინავების, მათ ზემოთ ფრენისას ასევე სჭირდებათ სასუნთქი ჰაერი, ამიტომაც, როგორც წესი თვითმფრინავში ჩამონტაჟებულია ხოლმე კომპოზიტური სპეციალურად სქელკედლიანი და მძიმე ბალონი რომ დატვირთვებსაც გაუძლოს და მაღლა ფრენისას ნაკლები წნევისას არაფერი დაემართოს, უმეტესწილად ასეთი ბალონების სამუშაო წნევა არის 300-350 ატმოსფერო, მაგრამ ძვირია და სამოქალაქო ბაზარზე იოლად არ იშოვება, მაქსიმუმ ჩამოწერილს თუ ნახავ იბეიზე, ან ვთქვათ საწყობში ედოთ ვადა გასდის და იცილებენ....
- ასევე არსებობს რკინის მძიმე ბალონები, რომელიც მაშველებისთვისაა განკუთვნილი და სამუშაო წნევა აქვს ხოლმე 300 ატმოსფერო...
- კიდევ ძველი საბჭოთა გაუგებარი სტანდარტის 250 ატმოსფეროაინი 2 ლიტრიანი ბალონები არსებობს, მაგრამ ვადის და მოხმარების პირობების გაუგებრობის გამო ყველანაირად ჯობია რომ მოერიდო ეგეთ ბალონებს
5) და ბოლოს რატომ უნდა იყიდო 300 ატმოსფეროიანი ბალონი და არა 150-იანი 200-იანი ან 230-იანი, და რატომ უნდა მიჰყვე ბალონის ცხოვრების ციკლს
ნუ თუ თოფი პირობითად გაქვს 200 ატმოსფეროანი, მაშინ აზრი არ აქვს ბალონიც გქონდეს 200 ატმოსფეროიანი, ნაკლებ წნევიანი მითუმეტეს, იმიტომ რომ ვერასდროს დატენი თოფს სამუსაო 200 ატმოსფეროზე. თუ ბალონის და თოფიც 200 ატმოსფეროზე მუშაოაბენ, ჩათვალე რომ ხელში ზიარ ჭურჭელი გიჭირავს და გათანაბრებული წნევა ექნებათ ორივეს, შედეგად თუ თოფში გაქვს დარჩენილი 100 ატმოსფერო და მიაერთებ 200 ატმოსფეროიან ბალონს, ნაწილი ჰაერი რეზერვუარში გადადის, ეგ კი იმას ნი ნშავს რომ ბალონს რაღაც მოაკლდა, შედეგად ვერც თოფს დატენი პირველივე დატენაზე მთლად 20--ზე და ბალონსაც მოაკლდება, მეორე დატენისთვის უკვე პირობითად 195 ატმოსფერო გექნება და ასე ვეჩნა კლებით დატენვაზე იქნები.
რა თქმა უნდა უკეთესია 220-230 ატმოსფეროაინ ბალონი, მაგრამ სრულყოფილი დატენვების რაოდენობა ცოტაა, ვიდრე ვთქვქთ 300 ატმოსფეროიან ბალონზე, შესადარებლად შეგიძლია გამოიყენო მაგალითად
აი ეს კალკულატორიასევე გაითვალისწინე კარბონი რა თქმა უნდა კარგია და მსუბუქია, მაგრამ 15 წელიწადში კაპუტ, რკინა ცოტა მეტსაც გაგიძლებს ანუ 25 წელს, მაგრამ იგივე მოცულობის ალუმინის ბალონი კომპოზიტურზე 2-ჯერ მძიმეა, ხოლო რკინის ლამის 3-4-ჯერ მძიმეა, გამძლეობით ახლა თუ უფსკრულში არ ისვრი ხოლმე და ცეცხლში არ აგდებ ორივეს ერთნაირი გამძლეობა აქვს, გამძლეობა კი აქვს მაგრამ ცხოვრების ვადის გადაცილებას არ გირჩევ, არაერთი შემთხვევა იყო უკვე როდესაც ვადაგასული ან არასწორე მოხმარების გამო ბალონმა ბუთქა.ჯერ რასაც ვუყურებ მგონი ფატალური შემთხვევა არ ყოფილა, მაგრამ ცეცხლთან თამაში არ ღირს, მითუმეტეს რომ 1-2-ს რუსეთში რომ უბუთქუნა ეგეთმა ბალონმა, მთელი ბინა საომარ პოლიგონად აქცია, ვეღარც თვითონ ცხოვრობს, ვეღარც თავისიანები, პლიუს მეზობელს ზარალი მიაყენა, პოლიცია მილიციის ამბებს ცალკე უნდა სირბილი და....
ძირითადი სულ ესაა, ნუ ჩაშლილად კიდევ ძალიან ბევრის დაწერა შეიძლება, მაგრამ პირველი ეტაპისთვის საკმარისი და ამომწურავი ინფორმაციაა, მითუმეტეს ვიცი რომ პირველ ჯერზე ამდენი ინფოს აღქმა ხანდახან ძნელი ხოლმე, ას ერომ დეტალები და წვრილმანები როგორაცაა ონკანი, მცველი, მიერთების ტიპი და სხვა რაცხაები მერე იყოს
აი ბათუმს რაც შეეხება და გვიდევსო და არ ვიყენებთო, მაგას ალბათ ჟანგი ექნება უკვე მოდებული, სურათზე არ ჩანს და ეგრე უდიერად თუ ეპყრობოდნენ თოფს რომ წნევაც არ იციან რაზე ტენიდნენ დაზეთვითაც არავინ დაზეთავდა…
მარა არც ის 150 კითხვა იყო რთული