მაიტა ნასოსი!, კიდევ ერთი მაღალი წნევის ნასოსის დაშლა პარამეტრები

[ja_ja]

ადრე თუ გვიან ყველა მაღალი წნევის ნასოსს დასჭირდება დაშლა და პროფილაქტიკური სამუშაოების ჩატარება. ბევრ ახალბედას ეშინია ასე ვთქვათ მაღალტექნოლოგიური ნასოსის დაშლა, ზოგს დაეზარება, ზოგი კი უბრალოდ დაიწყებს უმოწყალოდ დაზეთვას და ჩათვლის, რომ მთელი პრობლემა მოეხსნა. აქვე დავძენ რომ დაშლა დასჭირდება ნებისმიერ ნასოს, გინდ იყოს სუპერ ძვირიანი გინდ იყოს ჩინური გაუგებრობა.

მოდით სანამ დაშლას და გაწმენდას განვიხილავთ ვახსენოთ ყველაზე ხშირი მიზეზი რატომ შეიძლება გახდეს ნასოსი დასაშლელი:

1) მესამე საფეხურის რეზინის დაზიანება. ხშირად მესამე საფეხურის რეზინა ფუჭდება, ამის მანიშნებელი არის შემდეგი ფაქტორი, ნასოსის მუშაობისას სადღაც 1000 PSI-ს შემდეგ ძალიან, ძალიან ძნელი ხდება ნასოსის სახელურის ზემოთ ამოქაჩვა, და რაც უფრო იზრდება წნევა, მით უფრო ძნელი ხდება ამოწევა. თუ ასეთ რამეს შეამჩნევთ თქვენს ნასოსს აზრი არა აქვს ძალისმიერი მეთოდით გააგრძელოთ მუშაობა, უბრალოდ გაჩერდით, გამოუშვით ჰაერი და იფიქრეთ მესამე საფეხურის რეზინის შეცვლაზე

2) უნაკა კლაპნის რეზინის გაფუჭება. ამ შემთხვევაში ტენით ტენით ნასოსით და წნევა გარკვეულ ზღვარზე ზემოთ არ მიდის, თავიდან კი ჭირს წნევის აწევა. ეს იმის ბრალია, რომ ჰაერი ნასოსიდან გადადის შლანგში წნევით. შლანგში გადასვლისთანავე პატარა დეტალი რომელსაც რეზინა აქვს თავზე, პაწია ზამბარის ზემოქმედებით კეტავს გადამსვლელ კლაპანს, შედეგად ნასოსიდან შლანგში გადასული ჰაერი უკან ნასოსში ვეღარ ბრუნდება. თუ ეს რეზინა დაზიანებულია, უსასრულო იქნება თქვენი ბუქნაობა.

3) წყლის კონდენსატი, მნიშვნელობა არა აქვს ნასოსის ხარისხს, ცნობილ HILL-ის ნასოსშიც გროვდება კონდენსატი. საქმე იმაშია, რომ ჰაერში არსებული ნესტი შეწოვისას ბოლომდე არ გამოიდევნება ჰაერიდან რაც არ უნდა ფილტრი დააყენოთ, შედეგად დაწნეხვისას ჰაერში დარჩენილი წყლის ორთქლის კონდენსირება ხდება, ნელნელა ეს კონდენსატი გროვდება და ჟანგავს ნასოსს.

4) სხვა ტექნიკური მიზეზები, მაგალითად რანდემიმე სხვა რეზინის გაცვეთა, საპოხი მასალის გამოშრობა, უბრალოდ დაჭუჭყიანება (მუშაობისას რეზინა ცვდება და ტაოტთან ერთად იზილება მისი ნარჩენები, შედეგად გაუგებარი ყავისფერ-შავში გარდამავალი ბლანტი ტალახი მიიღება), მოკლედ სამი ძირითადი და რამდენიმე დამატებითი მომენტი არსებობს, ძირითადად ნასოსში არ ფუჭდება ლითონის დეტალები, ყოველთვის გვაქვს რეზინებთან საქმე.



ჩემს ხელში მოხვდა ერთერთი ჩვენი ცნობილი ფორუმელის და მშვენიერი მონადირის ნასოსი, რომელიც კაიხანია ბუქსაობს, ადრე ვსინჯეთ El-Java-ზე ნაყიდი რეზინების მეშვეობით შეგვეცვალა მესამე საფეხურის და უკანა წნევის სარქველის რეზინები, მაგრამ შედეგი ვერ მივიღეთ. ნასოსი თან მუშაობდა, თან წნევის აღება უჭირდა, ხშირად ფუჭი ბუქნები ჩნდებოდა. მოკლედ ზედაპირული შეხედვით არაფერი ნასოს არ სჭირდა, ლითონის დეტალები მთელი იყო, ესეიგი საქმე რეზინებთან და საპოხ მასალასთან გვქონდა.

ამასწინათ ერთობლივი ძალით დავუკვეთეთ ფორუმელებმა კომპანია Crosman-ის მიერ რეკომენდირებული სილიკონის საპოხი ტაოტი Parker O-lube. ტაოტი იაფი არ დაჯდა, მგონი 14$ დაჯდა თითო ტუბი, მაგრამ ღირს.



პირადად გირჩევთ არასდროს არ გამოიყენოთ მაღალი წნევის ნასოსებში ზეთი, არც სინთეთიკური, არც სილიკონის არც მანქანის ნამუშევაში დამწვარი ზეთი... მიუხედავად იმისა, რომ ერთი შეხედვით გეგონებათ ნასოსმა ზეციურად მსუბუქად დაიწყო მუშაობა სინამდვილეში ეფექტი დროებითია, დამიჯერეთ პირადად გამოვცადე Crosman Silicone Chamber Oil შედეგი იყო არაადეკვატურად მომხიბვლელი, ნასოსმა მსუბუქად დაიწყო მუშაობა, მაგრამ დრომ მაჩვენა, რომ ზეთი მალე ამოშრა ხოლო რეზინების ნაცვეთი ლექად დაჯდა ლითონის დეტალებზე, შედეგად ერთხელაც 3 კვირიანი გამოუყენებლობის შემდეგ აღმოვაჩინე რაღაც ნადები პირველი საფეხურის ღერძზე, ვცადე დრემელით მოცილება და პოლირება, მაგრამ ჩემს და გასაოცად აღმოჩნდა, რომ ლითონის ზედაპირი ამოჭმული იყო ამ ნადებთან ერთად შემოპარული კონდენსატის მიერ.

მოკლედ ტაოტი ჩქარა არ შრება და ლითონის დეტალებს ყოველთვის თხელ ფენად ადევს, ასე რომ ზედაპირი ყოველთვის დაცულია.



კარგი გადავიდეთ კონკრეტულად ნასოსი დამუშავებაზე. რადგან El-Java-ს რეზინებმა არ გაამართლე,ს ვცადე ინტერნეტში მომეძებნა რაიმე გზა, სადმე მეშოვა და დამეკვეთა რეზინების კომპლექტი, სამწუხაროდ ნასოსის მწარმოებელს საიტი და ონლაინ დაკვეთა არ გააჩნია, ასე რომ მომიწია სხვა გზების მოძიება. ამასობაში ერთი გზა რეზერვში მქონდა, ერთერთი ჩვენი ძველი ფორუმელის ნასოსი რომელიც Airforce-ს ლოგოთია აღჭურვილი, ასევე გაფუჭდა და აღდგენა ვერ შევძელით ლოკალური ძალებით, ბოლოს შესაბამისმა პიროვნებამ აირფორსს მიმართა ელ-ფოსტით და სთხოვა დახმარება, მათ თავის მხრივ არ დაიზარეს და გამოუგზავნეს რეზინების კომპლექტი. ანუ იდეაში შეიძლება ამ მწარმოებელთან დაკავშირება და თავის მოკატუნება ვითომ და Airforce-ს ნასოსი გაქვს, ისინიც გამოგიგზავნიან რეზინებს (მითუმეტეს რომ Airforce-ს, HILL-ის და Benjamin-ის ნასოსები ერთნაირია). მოკლედ ასე თუ ისე რავარც იქნა ერთერთ ამერიკულ ფორუმზე ვნახე პიროვნება, რომელმაც მიიღო ჩემი საკრედიტო ბარათი და გამოაგზავნა 5 კომპლექტი რეზინები. რომელიდანაც ერთერთი ამ ნასოს აღსადგენად იყო გამოყენებული.

კაი ბატონო დავიწყოთ დაშლა:

ასე გამოიყურება ნასოსი მეორე საფეხურის ღერძი, რომელიც შარშან შეძენის შემდეგ არ გაწმენდილა. ეს არის ძირა ნაწილი





ეს კი იმავე ღერძის ზედა ნაწილი, აშკარაა რომ მფლობელი ნასოსს ბოლომდე ზემოთ არ წევს ხოლმე.



ეს კი არის კლაპანი, რომელიც უზრუნველყოფს მეორე საფეხურიდან ჰაერის მესამე საფეხურში გადასვლას. დაზიანება არ არის, უბრალოდ აურაცხელი ჭუჭყი და ნახმარი ტაოტია.





ეს კი ძირა დეტალი რომელშიც შიგნიდან მოთავსებულია უკანა წნევის კლაპანი, ანუ აი ის რეზინა ყველაზე ხშირად რომ იხევა ხოლმე. ერთი შეხედვით სუფთაა



თუმცა მეორე მხრიდან შეხედვისას....



ძირა ბოლტის დეტალში არის ხვრელი რომლიდანაც გამოდის მაღალი წნევის ჰაერი და ასევე დიდი სიამოვნებით გამოაქვს გადამუშავებული ტაოტი და ტალახი.

ეს კი მესამე საფეხურის ღერძის სარქველი... როგორც ხედავთ აღინიშნება ჟანგის კვალი, რეზბა ნამუშავარ ტალახშია ამოსვრილი და წყლის წვეთებითაა უხვად დახუნძლული. სხვათაშორის დამავიწყდა გადამეღო მეორე საფეხურის ცილინდრის ზედაპირი, მშვენივრად ჩანდა წყლის აურაცხელი რაოდენობა.



ეს კი მეორე საფეხურის მილის ძირა რეზბა, ისევ წყალი და ტალახი, დანარჩენი ყველაფერი მთელია.



აი ეს კი უკვე იმავე მილის ზედა მხარე. ჟანგმა უკვე ბუდე ნახა. ასეთი ჟანგი ნასოსში ბუდობს მაშინ როდესაც ნასოსის მოხმარებისას ნასოს ბოლომდე არ წევთ ზემოთ და ქვემოთ. როგორც ჩანს ძირს ბოლომდე აწვება ხოლმე მფლობელი, მაგრამ ზემოთ ბოლომდე ამოწევა არ უყვარს, შედეგად სადაც არ ხდება მოძრაობა ჩნდება მშვენიერი შესაძლებლობა ჟანგმა კონდენსატის ხარჯზე ფეხი მოიკიდოს.





ეს კი მესამე საფეხურის დგუში, ანუ იგივე ღერძი. ძირითადად ისევ ტალახი, წყალი და გაცვეთილი რეზინა.



სულ ნასოსის დაშლა გაწმენდისას დაიხარჯა 3 კომპლექტი არაჰიგიენური რეზინის ხელთათნამები, იდეაში შეიძლებოდა 1-ით გაკეთება, მაგრამ პირველი კომპლექტი მომიყვა რეზბაში და დაიხა, მეორე კომპლექტი საშინლად გაჭუჭყიანდა. მომიწია მესამე კომპლექტის აღება , ასევე დაიხარჯა 3-4 ცალი ერთჯერადი ქაღალდის ხელსახოცი, 2 ცალი ტილოს ნაჭერი და რამდენიმე ბამბის ჩხირი. იმაზე აღარაფერს ვამბობ, რომ ბევრი ჩალიჩის მიუხედავად მაინც გაჭუჭყიანდა ერი ცალი ჯინსის შარვალი, კიდევ კაი ეგეთი საქმეებისთვისაა ეგ შარვალი



კაი ბატონო დავიწყეთ გაწმენდა, გავაპრიალე შეძლებისდაგვარად ყველაფერი, თუმცა გამოგიტყდებით გვიანი საღამო იყო და ცოტა ”ვისაჩკავე”, შეიძლებოდა უკეთესად გამოსუფთავება.



ესეც გაწმენდილი ჟანგიანი მილი.



ნასოსი სახელური, ალუმინს მოვაშორე რკინის ჟანგი, მაგრამ კვალი მაინც ემჩნევა



ესეც ნასოსის ის ადგილი სადაც ჟანგი ბუდობდა





და ნასოსის გაპრიალებული მეორე საფეხურის ღერძი



ესეც გაწმენდის შემდეგ დანასოსების შედეგი, ადრე თუ 2000- PSI-ზე აყვანა პრაქტიკულად შეუძლებელი იყო, ახლა ნასოსმა ერთი მიდგომით უპრობლემოდ ამიყვანა 3200 PSI-ზე. ეგაა რომ ერთ ჯერზე დანასოსებას თავისი მინუსი აქვს - დავიღალე, თან ტაოტისა და ახალი რეზინების ჩასმის შემდეგ ნასოსი ისე თავისუფლად აღარ დატასაობს როგორც ნამუშევარ რეზინებზე. ასე რომ ძალის დატანებაც დამჭირდა და 3000-ის ზემოთ გამოგიტყდებით საკმაოდ გამიჭირდა დანასოსება (წონის გამო, მოგეხსენებათ დიდი წონით ნა მასით არ გამოვრჩევი)



აქვე წარმოგიდგენთ ცინცხალ რეზინების ნაკრებს, რომელიც გამოყენბული იყო ნასოსს აღსადგენად.



ეს კი დაცვეთილი და დაღეჭილი რეზინები



რავი მგონი სულ ესაა, მფლობელს შეუძლია თამამად მოვიდეს და წააცუნცულოს თავისი მუშა ნასოსი, ჯანმრთელია და იმუშავებს კაიხანს. ახლა რაც შეეხება ტაოტს და რეზინებს

ტაოტი ბევრი არ დახარჯულა, ან მე წავუსვი ნამეტანი ეკნომიურად, თუ მეტს ჩათვლის საჭიროდ მფლობელი თვითონ დაამატებს. სხვათაშორის ტაოტი საკმაოდ შედედებული კონსისტენცისაა და მხოლოდ ტაოტის გამოცვლა რეზინების გარეშე, უკვე იწვევს ნასოსის ცოტაოდენ მძიმედ სვლას.

რაც შეეხება რეზინებს, გადაყრა არ ღირს, მითუმეტეს, რომ ამ ნახმარი რეზინებიდან მინიმუმ ერთი რეზინა, ანუ მესამე საფეხურის ნამუშევარი რეზინა თავისუფლად გამოდგება უკანა სარქველის რეზინად (ერთი ზომისაა ეს ორი რეზინა), რომელიც ამ ნასოსში ადრე თუ გვიან დაიბრიდება, ჩემს ნასოსში სადღაც 1 თვე აქტიური მუშაობისას დაეტყო რომ რეზინა გამოსაცვლელი იყო, არაა გამორიცხული აქაც იგივე იყოს. ძველი რეზინა კი რომელსაც მხოლოდ გარედან ჰქონდა დეფორმაცია, უპრობლემოდ იმუშავებს ზემოთა ან ქვემოთა მხრიდან კლაპანში.

რჩევა მომავალი ნასისს დამშლელებისთვის, ნუ დაფრთხებით, ყველაფერი საკმაოდ იოლადაა ნასოსში მოწყობილი, ბოლო ბოლო ქაღალდზე ჩაიწერეთ რა დეტალი სად იყო. ასევე გირჩევთ ეტაპობრივად ცვალოთ რეზინები, ანუ ერთი დეტალი ამოიღეთ, მოაძრეთ ძველი რეზინები, გაწმინდეთ ძველი ტაოტისგან, აიღეთ ახალი რეზინები დაატოლეთ რომელი ედრება და შეცვალეთ. შეცვლილი დეტალი გადადეთ გვერდზე და შეუდექით მეორე დეტალს და ასე შემდეგ. როდესაც ყველა დეტალი გასუფთავებული და რეზინებ დაცვლილი იქნება შეუდექით ნასოსის დეტალების ტაოდით დამუშავებას და აწყობას. დამიჯერეთ არაფერი რთული არაა.

ასევე კიდევ ერთი რჩევა, დრო და დრო დაშალეთ თქვენი ნასოსი და არსებული კონდენსატი ამოწმინდეთ ან უბრალოდ ჰაერზე დატოვეთ დაშლილი მდგომარეობაშუ ნასოსის დეტალები, ტაოტი დარჩება ხოლო წყალი აორთქლდება (მირუმეტეს ახლა ზაფხული მოდის და სიცხე მშვენივრად დაგეხმარებად), შემდგომ ნასოსი ააწყვეთ. თუ ამას პერიოდულად არ გააკეთებთ მაშინ გაქვთ ყველა შანსი ნასოსში დაგროვებული კონდენსატი თოფის რეზერვუარში გადაიტანოთ და უკვე თოფის რეზერვუარი დაჟანგოთ, ან კლაპნები დააჭუჭყიანოთ.

[ja_ja]

მოკლედ მაინც სრული შტილია, ამიტომ მოდით პაწა გადავახალისებ ფორუმს...

დღეს მთელი დღე სახლში ვარ, რაცხა მაცემინებს გაუჩერებლივ, წუთში ორი ვეებერთელა აფჩხის რითმით. სად და რა ავიკიდე არ ვიცი. ამის გამო ვერსად ვერ გავედი, საყვარელ დაზგასაც ვერ მივუჯექი. SC II-ის ვერ ვითამაშე, ვერანაირად ვერ მოვიგე, მიუხედავად 5 მცდელობისას (ექსპერტის დონე ნამეტანი რთულია ), ჰოდა მეთქი მოდი გავერთობითქვა, მარა ვაი მაგ გართობას, გავსკდი ფჩხიკინით

მოკლედ Allstar-ის ნასოსის ამბები ყველამ იცით. ჰოდა დევს რა ეგ უბედური ჩემთან სახლში და ....

მოვკიდე ხელი კიდევ ერთხელ დავშალე, მოვაძრე რეზინები და ბამბით და ქაღალდის ხელსახოცით ამოვწმინდე რეზინის ჩასადები ადგილები.. არ უშველა! ამიტომაც დავაძრე ზუმფარის ქაღალდი (ვინც ტანკში ზის და ვერ გაიგო "შკურკას" ჰქვია ქართულად ზუმფარის ქაღალდი), დავიადე ყველაზე პატარა დეტალი რომელიც აი ასე გამოიყურებოდა...



ეს დეტალი პირველი საფეხურის ცილინდრზეა ჩამოცმული და ძველი Benjamin-ის ნასოსებში არსებული ჰაერის ფილტრის დეტალის სიმაღლეს იპარავს. ანუ შიგნეულობა ყველაფერი იგივეა რაც ძველი სტანდარტის ნასოსში (რომელიც HILL-ის სუფთა ასლია), ეტყობა HILL-მა გაუტრაკა იგივე კონსტრუქციაზე პატენტის პონტში და ამის გამო ცოტა შეცვალეს ახალი ნასოსები, შლანგი ბლოკში ჰორიზონტალზეა, ასევე ჰაერის შემწოვიც ბლოკზე აგადატანილი, ამის გამო შეცვლილია ბლოკში ჩასასმელი გადამყვანიც, მაგრამ სხვა დეტალები იგივე ზომისაა დატოვებული, შედეგად იგივე სიგრძეზე რომ დადიოდეს, და გადაკეთება არაფრის დასჭირდეთ, მაგის გამო ჩააყოლეს ნასოსში ეს ალუმინის დეტალი, რომელიც ძველი ნასოსის ჰაერის შემწოვის სიმაღლეს იპარავს.

მოკლედ რადგან ეს არის ალუმინის დეტალი, მიუხედავად იმისა, რომ მასზე ოხრად რკინის ჟანგია... ანუ სიტყვებიდან იმედია ხვდებით, ალუმინზე რკინის ჟანგი თავს ვერ დაიჭერს, ამიტომაც ვეცი, ვფხიკე და....



მომეწონა

ამიტომაც მივყევი და შემდეგი დეტალი სიაში აღმოჩნდა მესამე საფეხურის ღერძი. აქ უკვე ზუმფარის ქაღალდი საკმარისი აღარ აღმოჩნდა, 1000-იანი ვერ იღებდა, ისევე როგორც 500-იანი, უფრო დიდი მარცვლების მქონეთი გაწმენდა არ მინდოდა რადგან დაჩხაპნიდა ზედაპირს... კიდევ კარგი მაქვს Dremel-ი არა რა მიუხედავად იმისა პაწუა რაღაცაა და დიდი სიმძლავრით არ გამოირჩევა, ოჯახში საჭირო ნივთია , წამოვაცვი ყველაზე წვრილი ზუმფარის რგოლი 360-იანი და 33 000 ბრუნზე...



თუ გახსოვთ წინა გვერდზე რა სურათი იყო და ამას თუ შეხედავთ... თუმცა მარტო 360-იანი ზუმფარის ქაღალდი არ ვაკმარე, მერე ხელით 500-იანით და ბოლოს 1000-იანით დავამუშავე. მომიტევეთ, მაგრამ დამეზარა 1500-იანით და 2000-იანით დამუშავება, რადგან ისევ დრემელის მეშვეობით დავამუშავე ბოლოს, ოღონდ ამჯერად "პალიროვკის" თავაკი დავაცვი, წავუსვი აბრაზივი და... ქე პრიალებს არა



ოკ მესამე საფეხური ასე თუ ისე გამოცოცხლებულია, ახლა რაიმე სხვაც არის გასასწორებელი, ისევ დრემელი და...





ნუ მართალია აქ ბევრი საწმენდი არაფერი იყო, მაგრამ დროც წავიდა და დრემელიც კარგად ვაღმუილე.

შემდეგ ჯერზე ვეცი პირველი საფეხურის ტრუბას... გახსოვთ, რომ ვეებერთელა ჟანგები ჰქონდა ზემოთ და ქვემოთ, თუმცა ქვემოთ გაცილებით ნაკლები იყო. აი აქ კი ვიწვალე... სადღაც 6 ცალი დრემელის თავი გავაფუჭე, აშკარად არ ეყო 360-იანი ზუმფარა, ამიტომაც გავჩერდი ავიღე 180-იანი ზუმფარის ქაღალდი და დავიწყე Hand Made ... ჰოო დიდხანს ვეჩალიჩე, იდეაში ამ საქმისთვის გამოცდილი ხალხია საჭირო, მე ხელები დამძვრა ერთგვაროვანი მოძრაობებით. ერთი პერიოდი გავიფიქრე პროფესიონალი ანანისტი ამას უცებ და დაუღლელად გააკეთებდა მეთქი

მოკლედ 180-იანი ზუმფარა, მერე 300-იანი, მერე დრემელზე 360-იანი, მერე ხელით 500-იანი და ბოლოს 1000-იანი ზუმფარით, ბოლოს კი ისევ "პალიროვკა"... შემდეგში გაპრიალებას დავუძახებ მაგ პროცესს და ნუ გაიკვირვებთ.

მაგრამ ერთი ცუდი ამბავი მაინც არის, ვერ ამოვიღე ყველა ამოჭმული ზედაპირი, ძალიან ღრმადაა ჟანგები... ამას აუცილებლად უნდა ჟანგის ამომღები რაიმე სითხე. ფაქტები სურათებზეა



ესეც ახლოდან ზედა ნაწლი



იდეაში წრეზე, რომ ემჩნევა გამყოფი ხაზი, მანდ ჩერდება ის ალუმინის დეტალი, და ეტყობა მაგის გამო მანდ აიკიდა ყველაზე ღრმად ჟანგი, მითუმეტეს ბოლოს მანდ იყო შემხმარი და ალბათ ნესტიც მანდ გაჩერდა. გაპრიალების ტალღები კი ემჩნევა

თეორიულად აქ პირველ საფეხურთან გვაქვს საქმე და მაღალი წნევა აქ არ წარმოიქმნება, ასე რომ ამ დონის ღრმულებმა ჰაერის გამოპარება არ უნდა გამოიწვიოს, მაგრამ აი რეზინებს ალბათ მაინც გამოიყვანს გაცილებით ადრე მწყობრიდან.

ძირა ნაწილი გაცილებით უმტკივნეულოდ გაიწმინდა, თუმცა ეგრეთწოდებული "რაკუშკები" აქაც ემჩნევა, მაგრამ სიღრმე რა თქმა უნდა აქ გაცილებით, გაცილებით ნაკლებია.



ისე კი დამუშავება და გაპრიალების მერე ხელს, რომ გადაუსვავ ზედაპირს, არანაირი ხაოები და ღრმულები არ ირგძნობა, პრიალა სასიამოვნო ზედაპირია, მაგრამ მიკროსკოპში გასაგებია რომ გრანდ კანიონები გამოჩნდება...

ჰო მართლა ვერ გადავიღე შიგნითა ზედაპირი, გადარჩა,, ცოტაოდენ ჩალიჩი, გაპრიალება და აქტიური ზეთი... ბზინავს ისე თითქოს და ქარხნიდან გამოსულია, ერთი ნაკაწრი და "რაკუშკაც" კი არ ემჩნევა.

ჰოო მოკლედ დარჩა მეორე საფეხურის ტრუბა. აი აქ კი დემერხა... გარედან იდეალური სისუფთავე მივიღე თითქოსდა არც არაფერი არ ჰქონია, მაგრამ შიგნით ბლინ.... შიგნით ვერაფერს ვუშვები, ძირა ნაწილი სადაც საბოლოოდ იჭირხნება ჰაერი ბოლო 3-4 სანტიმეტრი კოშმარულ დღეშია, იმის გამო რომ ხვრელი სულ რაღაც 6.5 მილიმეტრია, ნორმალურად დამუშავება პრაქტიკულად შეუძლებელია. რა არ ვცადე მაგრა არაო. ქლიბით აღარ ჩავძვერი შიგნით რადგან ზედაპირს მოვსპობდი. მოკლედ მეორე საფეხურის შიდა მხარე, რომელიც მესამე საფეხურის კედლებს წარმოადგენს აი ასე გამოიყურება





რეზბის დასაწყისის დამუშავებაც კი ვერ მოხერხდა ნორმალურად, ისეთ სიღრმეზეა ჟანგი რომ.... ვცადე გაპრიალება, მაგრამ... არვიცი აბა, თუ მერე რაიმეს მოვიფიქრებ არ ვიცი, თუ არა და ეს იქნება ერთერთი სუსტი ადგილი ამ გამოცოცხლებულ ნასოსში, ამ ბოლო 3-4 სანტიმეტრზე ხშირად მოკვდება მესამე საფეხურის რეზინა იზვინი ოთო მარა აქ ჯერ უძლური ვარ...

ბოლოს მივადექი ძირა ბლოკს, გახსოვთ ალბათ, რომ მანდაც ჟანგები ჩანდა, რადგან ეს დეტალი გარედან იყო დაჟანგული არ დავინანე და გემრიელად გავაპრიალე მთლიანად ავიღე ყველანაირი ჟანგის კვალი, მაგრამ ამის გამო საღებავი ზედა ადგილზე საერთოდ გადავიდა, ეგრე ხომ არ დავტოვებდი.. ამიტომაც სამონტაჟო სკოჩი და ქაღალდი ერთ ხელში, მეორე ხელში ნიტრო საღებავი და...





ბოლოს გამოვიდა რაღაც ამდაგვარი



ანუ ბლოკი ყველაზე კარგად გამოიყურება

ავაწყვე დანარჩენი დეტალებიც, ჩავსვი ჩემი ძველი დაგლეჯილი რეზინები, ნუ ამას რაც ჰქონდა იმას მაინც ჯობდა



ერთი ორი ამოვწიე ჩავწიე სასინჯად მშრალზე, ანუ ტაოტის გარეშე... იცით რაა... მუშაობს, ცოცხალია ეს შობელძაღლი , აშკარად იგრძნობა რომ რეზინები ედება კედლებს და ჰაერიც სტაბილურად გამოდის, წინააღმდეგობასაც გიწევს კლაპანზე ხელის დაჭერისას...

შევაერთე ჩემს დისკოზე რომელიც 2000 PSI-ზე იყო დატენილი, გავაკეთე 5-6 ბუქნი, ნასოსში წნევა ეგრევე ავიდა 1500-1600-ზე, ვაცადე ცოტახანი და კიდევ 2 ბუქნიც ენდ... მივედი 1900-2000-მდე. მეტი აღარ მიბუქნავებია, ისედაც ჩემი მკვდარი რეზინები უყენია, პლიუს მშრალზე ვამუშავე... ეგრევე ჩამოვცალე წნევა და მივაყენე კუთხეში.

მორალი ასეთია, მიუხედავად სუპერ პარალიჩისა და სრული შეურაწყოფისა ეს ნასოსი მაინც მუშაობს, ზოგიერთები კი იძახიან რა ვიცოდი 2 თვის რესურსი თუ ჰქონდაო. ამას კაი 20 წლის რესურსიც ექნებოდა თავიდანვე თბილად და ფუმფულად რომ ყოფილიყო შენახული ენდ მოვლილი

ჭირი აქა ლხინი იქა.

P.S. ჰო მართლა დამავიწყდა, ამ პროცესის დროს გაისმა 35625 აფჩხი, მაგრამ არცერთი ბაცილა არ მომკვდარა

[geojorjika]

საღოლ . ხომ ვამბობ ეს კაცი შეუცვლელიათქო

Allstar

ცხვარი უნდა იკისრო

[Allstar]

აუ გაიხარე ჯაჯა ჯიგარი ხარ :*:* ამდღეებში მოგაწვდი ტაოტსაც და იმ რაღაც ჟანგის მოსაშორებელ სითხესაც და რაქვია ხომარიცით ვინმემ ან სად ვიყიდო? და მიახლოებითი ფასიც მიაწერეთ

[Power_VANO]

ძალიან მაგარია ჯა_ჯა და დრემელიც მაგარია, მაგ დრემელის მადლობელია ჩემი დრემელუკა სიცოცხლის ბოლომდე

მართლა შეუცვლელი ხელსაწყოა. ამასწინათ მამიდაშვილებმა რაიონში ძველ ველოსიპედზე "ტორმუზების დამჭერი" მუხლი გატეხეს. დავითრიე იქვე "ლატუნის" (თითბერი ქართულად) ნაჭერი, დავხაზე იგივე დეტალი ზედ და 2-3 საათში ახალი პრიალა მუხლი მზად იყო ხელით იმის გაკეთებას საუკუნეს მოვანდომებდი და არც მოვკიდებდი თან ხელს.




Allstar
აი, ისევ არ კითხულობ ფორუმს

ხომ მოგწერე წინა გვერდზე, გუდვილში იყიდება, ვიურტის სითხეა, ჟანგის მოსაშორებელი. აეროზოლის ბოთლებშია. ღირს 15-20 ლარი.

იგივე სითხე აქვს ლიქვი-მოლისაც, ავლაბარშია მაგათი მაღაზია. იდეაში ლიქვი უკეთესი ხარისხია

[ja_ja]

Power_VANO

უდვილში იყიდება, ვიურტის სითხეა, ჟანგის მოსაშორებელი. აეროზოლის ბოთლებშია. ღირს 15-20 ლარი.

აეროზოლია თუ სითხეა?? მე მეგონა სითხე იყო და ჩავაგდებდი შიგნით 1 დღით მაინცა რომ გასძრობოდა მაქსიმალურად ჟანგი... აეროზოლი კი მიასხურებ და რამდენიმე წუთში ამოშრება.

[cz80]

ჯაჯინსკიი... ტი სლუში დოქტორ აიბალიტ გრუზინსკავა აირგანა

მართლა მაგარი და დაუზარელი კაცი ხარ რა... იმენნა საღოლ

პ.ს. ჩემ ნასოსსაც ვერ აქვს მთლად ჯანმრთელად საქმე..დარჩა რაკოვინები...
დამჭირდება მაი ჟანგის მოსაცილებელი სპრეი მეც...

[Power_VANO]

ja_ja

აეროზოლია თუ სითხეა?? მე მეგონა სითხე იყო და ჩავაგდებდი შიგნით 1 დღით მაინცა რომ გასძრობოდა მაქსიმალურად ჟანგი... აეროზოლი კი მიასხურებ და რამდენიმე წუთში ამოშრება.

აეროზოლის ბოთლში ასხია სითხე. ანუ ბევრს რომ გამოუშვებ, დაგროვდება სითხე, ან გადაჭერი ბოთლის თავი და სავსეა იმ სითხით. სადღაც 500 თუ 700 გრამია. ეგ ეხება ვიურტის სითხეს.

ლიქვის სითხე არ მინახავს ლაივში, რეალში როგორი ხუფი აქვს არ ვიცი.

[Allstar]

Power_VANO
ოკ მარა ავლაბარში გასვლა მირჩევნია გუდვილში გასვლა და საკონტაქტო ნომერი როგორ გავიგო მაგ მაღაზიის ?

[Power_VANO]

UPDATE:

ვიურტის სითხე სხვა დიდ ჭურჭლებშიც ყოფილა:

PROTECTED LINKS

CAUTION: REGISTER / LOGIN first, to view this links.

სურათს შეხედეთ. თუმცა პატარაშიც იგივე ასხია

Allstar
აი ლიქვი მოლის ნომერი: 774294

კიდევ ერთი UPDATE:

O-რინგებიც ჰქონიათ ოხრად, იქნებ ჩვენც გამოგვადგეს, იდოს ეს ლინკიც:

PROTECTED LINKS

CAUTION: REGISTER / LOGIN first, to view this links.

[Allstar]

Power_VANO
ოკ დიდი მადლობა აბა დანარჩენი ჩემზეა და სადაც ამდენი იწვალეთ და ლინკები დამიყარეთ ბარემ ტაოტიც მირჩიეთ სად ვიყიდო ოღონდ 50 ლარი რო დაჯდეს არმინდა თორე ჯამში ჰატსანის ნასოსის ფასი დამიჯდება მაგის გაკეთება

[Power_VANO]

Allstar
ტაოტი გრიგოლს უნდა ჰქონდეს დარჩენილი. თუ არ აქვს, ამაზონიდან მოგიწევს ჩამოტანა, Parker O-Lube ჰქვია

[geojorjika]

Allstar

ოღონდ 50 ლარი რო დაჯდეს არმინდა თორე ჯამში ჰატსანის ნასოსის ფასი დამიჯდება მაგის გაკეთება

მოგევლო ნორმალურად და არ დაგიჯდებოდა მაგდენი, ჩვენ რა გიჟები ვართ წინასწარ რომ გავითვალისწინეთ ყველაფერი და დამატებითი პრიბამბასები ვიყიდეთ? რა ფული ჯიბეს კი არ გვწვავდა მაგრამ ეგრე იყო საჭირო

[gregory]

ja_ja
საღოლ შენ!
კოდევ ერთხელ მტკიცდება შენი დაუღალავი და ოპტიმისტური ბუნება!

[ja_ja]

geojorjika
ჯორჯიკ რეზინები დაკვეთილი მაქვს და ალბათ 2 კვირაში აქ იქნება (ნუ ეს ყველაზე ოპტიმისტურ პონტში)

რამე რომ იყოს არ დაუთმობ შენს კომპლექტს Allstar-ს?? ბარემ ავაწყობდი საბოლოოდ და მორჩებოდა აი საქმე. 2 კბვირაში კი ახალ კომპლექტს ჩაგახუტებდი.

[geojorjika]

ja_ja
თუ უეჭველი ჩამოვა თუნდაც 1 თვეში მაშIN დამითმია

[ja_ja]

geojorjika

თუ უეჭველი ჩამოვა თუნდაც 1 თვეში მაშIN დამითმია

ჩამოვა კაცო აბა სად წავა, მე ვფიქრობ სადრაც აგვისტოს 10 რიცხვიდან 15 რიცხვამდე უნდა იყოს აქინე

[cz80]

ჟანგის მოსაშორებლად WD-40 არ გამოდგება?

[ja_ja]

cz80

ჟანგის მოსაშორებლად WD-40 არ გამოდგება?

აზრზე არ ვარმ რა ჭირია ეგ უბედურება??

[Power_VANO]

WD-40

Water Displacement - 40th Attempt

მულტიფუნქციური სპრეია. იდეაში ჟანგსაც აშორებს, მაგრამ აქტიურობა ნაკლები ექნება ალბათ ზემოთ ნახსენებ სპეციალიზირებულ სითხეებთან შედარებით.

[dole]

ერთი კითხვა მაქვს , ნასოსში ამ მესამე საფეხურის რეზინა საშუალოდ რამდენ ხანში ერთხელ უნდა გამოიცვალოს ანუ დაახლოებით რამდენ დატენვას ეყოფა , ეს კითხვა გამიჩნდა იმიტო რო ჩემ ნასოს, რომელიც ალბათ მაქსიმუმ 1 თვის წინ ვიყიდე ახალი, დაემართა ესეთი რამ , დატენვის მერე და ჰაერის გამოშვების მერე რამდენჯერმე რო ვცადე დგუშის მოძრაობა ზემოთ ქვემოთ გაიჭედა დგუში ანუ ნასოსი გაიჭედა , უფრო სწორედ კი არ გაიჭედა თითქოს შიგნით დაგროვდა ჰერი რაგაც წნევით, რომელიც ნასოსის არც ზემოთ და არც ქვემოთ მოძრაობის საშუალებას არ იძლეოდა . ავდექი და დავშალე ნასოსი . პირველად მოვხსენი ქვედა ძირი რადიატორის ფორმა რასაც აქვს და
აი ამაზე მოვუშვი სარქველი საიდანაც გამოვიდა დაგროვილი ჰაერი და ნასოსიც განთავისუფლდა წნევისგან. ეს რისი ბრალია ხო ვერ მეტყვით მაგ მესამე საფეხურის რეზინის გამო ?