ღამის ხედვის ოპტიკა პარამეტრები

[STIG]

ღამის ხედვის ხელსაწყოები პნევატურ იარაღს ალბათ ნაკლებად ეხება, მაგრამ ერთი რამ მაინტერესებს: ღამის ხედვის დურბინდი ტაქტიკურ იარაღად ითვლება და მისი საქართველოში ჩამოტანა შეიძლება?
გერმანიაში მაგალითად, თავისუფლად იყიდებოდა და ვერ გავბედე ყიდვა, აქ არ ჩამომართვან მეთქი.

[gregory]

მოკლედ ხალხნო ჩემი გასაჭირიდან გამომდინარე მუდმივი კავშირი მაქვს საბაჟოსთან და საუბარში გაირკვა რომ არანაირ ოპტიკას არ გავაჩერებთო(ვიმეორებ: საუბარში!!!! და არა რაიმე გარანტიები მომცეს...) არც ღამის ხედვის ოპტიკაა პრობლემაო!!!
ეხლა გადავხედე კანონს( არადა რამდენჯერ მაქვს წაკითხული, ოღონდ პნევმატურ იარაღს ვაკვირდებიდი )და მართლაც ესეა:"საქართველოს კანონი იარაღის შესახებ"


თავი V
იარაღის ბრუნვა

მუხლი 12. სამოქალაქო, სამსახურებრივ-საშტატო და
ცივი იარაღის ბრუნვის შეზღუდვა
1. აკრძალულია სამოქალაქო და სამსახურებრივ-საშტატო იარაღად გამოყენებულ იქნეს: (2.07.2010. N3285)
ა) ცეცხლსასროლი იარაღი, რომელსაც აქვს სხვა საგნის იმიტირებული ფორმა;
ბ) კასტეტი და სხვა მსგავსი დასარტყამ-დამაქუცმაცებელი (დამამსხვრეველი) საგნები;
გ) საბრძოლო მასალა, რომელსაც აქვს ჯავშანგამტანი, ცეცხლგამჩენი, აფეთქებითი ან ტრასირებული მოქმედების ძალა;
დ) იარაღი და სხვა მოწყობილობანი, რომელთა მოქმედების ძალა ემყარება ელექტროენერგიას, რადიოაქტიურ გამოსხივებას ან ბიოლოგიურ ფაქტორებს;
ე) გაზის (აირის) იარაღი, რომელიც აღჭურვილია ნერვულ-პარალიტიკური (დამბლადამცემი), მომწამვლელი ან სხვა ძლიერმოქმედი ნივთიერებებით;
ვ) პნევმატური იარაღი, რომლის ტექნიკური მახასიათებლები არ შეესაბამება საქართველოს კანონმდებლობით დადგენილ მოთხოვნებს;
ზ) მოწყობილობა, რომელიც გამოიყენება სროლის ხმის დასახშობად;
თ) გრძელლულიანი ავტომატური ცეცხლსასროლი იარაღი;
ი) მართლსაწინააღმდეგოდ დამზადებული ცეცხლსასროლი ან გაზის (აირის) იარაღი;
კ) იარაღი, რომელიც არ შეესაბამება საქართველოს კანონმდებლობით დადგენილ მახასიათებლებს.
2. აკრძალულია ფიზიკურ პირთა მიერ ცივი და ცივი სასროლი იარაღის დამზადება და ტარება. ასეთი სახის იარაღის შეძენა, შენახვა, გადატანა=გადაზიდვა და გადაგზავნა დაიშვება საქართველოს უფლებამოსილი სახელმწიფო ორგანოს სათანადო ნებართვის საფუძველზე.

ანუ კანონი აღარ კრძალავს!
ასე რომ ვისაც ღამე გინდათ ნადირობა გზა ხსნილი გაქვთ