კრალი ნპ-01, კრალი ნპ-01 პარამეტრები

[giga2010]

მოგესალმებით მეგობრებო. შევიძინე კრალი ნპ-01 და მინდა გაგიზიაროთ ამ მოდელის შესაძლებლობები. მოყვა მას კარგი პლასტიკის ქეისი, საკმაოდ მოცულობითი. კონდახის მოხსნის შემთხვევაში, თავისუფლად თავსდება ოპტიკიანად. ასევე მოყვა 2 მჭიდი და კოლიმატორი, რომელიც ჩემი შეხედულებით უხარისხოა. რეზერვუარი 105კბ-ია. დავტენე რეზერვუარი 200 ბარზე და ზუსტად 110 ბარამადე მომცა 28 გასროლა. სიჩქარის რეგულატორი მაქსიმუმზე მქონდა.





ეს მანომეტრის ფოტოები, პირველი მჭიდის გასროლის შემდგომ მანომეტრმა ზუსტად 150ბარი მიჩვენა.
ძალიან ცხელა დღეს და ვერ შევძელი დიდხანს გარეთ გაჩერება. სულ რამოდენიმე ჯგუფი გავაკეთე და გიჩვენებთ, ყველა გასროლა გაკეთდა მჭიდიდან, მანძილი 18 მეტრი. ტყვია ჯსბ 0,67. სიჩქარე არ ვიცი.
ეს პირველი ჯგუფია სადაც 14 გასროლა გაკეთდა


შემდგომი ორი ჯგუფი 5 გასროლა და ბოლო 4 გასროლა







ფიშტო როგორც იტყვიან ყუთიდან არის, არ გამიკეთებია ფასკა და არც სასხლეტი დამირეგულირებია. სასხლეტი საკმაოდ მძიმეა და საჭიროებს რეგულირებას. ამ დღეებში კიდევ შემოგთავაზებთ ინფოებს სხვა უფრო შორ მანძილზე და სხვა წონის ტყვიებით. შედეგებმა ჩემს მოლოდინს გადააჭარბა

[ja_ja]

ასე იყო თუ ისე მგონი ძალიან, ძალიან დიდი ხანია არაფერი მიმოხილვის მაგვარი არ დამიდია.... საქმეებმა გადამიყოლეს, ნაწილი პირადი, ნაწილი მანქანის, ნაწილი სამსახურის და ... და ნაწილიც კოსმოსური ხომალდის მშენებლობის გადამკიდე

ასეა თუ ისეა ერთ მშვენიერ დღეს ერთერთმა ყველასათვის ნაცნობმა ადამიანმა მომაკითხა და სერიოზული ხმით მითხრა რომ ან დავეხმარებოდი მისი სურვილის რეალობაში ასახვაში ან არა და საქართველოში მეტად პოპულარულ მეთოდს მიმართავდა მიტინგების სახით პირდაპირ ჩემს კარებთან ...

იმდენად სერიოზული წინადადება იყო რომ მომიწია ჩემს ტახტრევანზე წამოკოტრიალება, სტაფილოს მოკვნეტა და სანამ ბედნიერად ვიტამინებით სავსე მასას მივირთმევდი ტვინში სხვადასხვა გრანდიოზული იდეები იჩენდა თავს.... როდესაც სტაფილო დამთავრდა იდეა ჩამოყალიბებული იყო, კბილები გაცვეთილი, ყურები დაცქვეტილი და მე კიდევ მზად ვიყავი გრანდიოზულ-სერიოზული იდეაც აზრებიდან რეალურ სამყაროში გადმომეტანა....

ამისათვის საჭიროა იყო სულ რაღაც რამდენიმე კომპიუტერული შელოცვა ნახაზებისთვის, რამდენიმე შელოცვა ინტერნეტ მაღაზიებისთვის და რა თქმა უნდა საკუთარი ხელების ჩქარი მოძრაობა....

მოკლედ რომ ვთქვათ ნამეტანი გავუბერე იმდენად ჩახვეული შესავალი გამომივიდა, არადა საქმე სულ რაღაც 110 კუბის 380 კუბამდე გაზრდას შეეხება როგორც ხვდებით ვართ Kral NP1-ის თემაში და სწორედ ამ აგრეგატს აქვს 110 კუბიანი რეზერვუარი. აგრეგატი გადასარევია, კომპაქტურია, მოხერხებულია, ნორმალურ შედეგებს იძლევა. მაგრამ ავტონომიურობა პატარა რეზერვუარის გამო ძალიან სუსტია...

ამიტომაც, ერთერთმა მომხმარებელმა მომმართა სხვადასხვა იდეებით, რომ რამენაირად მოცულობა გაგვეზარდა, ამასობაში მოდერი სრული ზომით არ დაგვეყენებინა, რათა კომპაქტურობა შეგვენარჩუნებინა და თან მოდერის ფუნქციებიც შენარჩუნებული ყოფილიყო.... ნუ პატრონი მოგვიანებით თუ მოისურვებს მერე თვითონ გააკეთებს კომენტარებს და შესწორებებს რაც მე შემეშლება....

ანუ ყველამ იცით NP1-ი როგორ გამოიყურება, თუ ვინმეს არ გახსოვთ გთხოვთ ქვემოთ მოყვანილ სურათს დააკვირდეთ

მხოლოდ პისტოლეტი, პლასტმასის სახელურით და მოხსნილი კონდახით


პისტოლეტი სრული პლასტმასის კონდახით



თავიდან განხილული იყო რამდენიმე ვერსია, მოვაწყვეთ რამდენიმე შეხვედრა რომლის შედეგადაც დავჯექი და მიახლოებით აი ასეთი კონცეპტუალური აზრი მოვხაზე


ფრთხილად, ნახაზი ფარულ შეცდომებს შეიცავს

მოკლედ ნაყიდი იყო მასალა, რეზერვუარი 380 კუბიანი, დამტენი პორტი, მანომეტრი და დანარჩენი საკუთარი ხელოვნება, ნუ პლიუს ჩემი საყვარელი დროში გაჭიმვა , მე რაღაც წყევლა მჭირს, აუცილებლად ვიღაცამ ხელი უნდა შემიშალოს, 9 მთას იქეთ უნდა გავემგზავრო და ყველანაირად საქმემ ვადებში უნდა გადაიწიოს ხოლმე.

ასე იყო თუ ისე წავიდა მუშაობა და გამოჩნდა პირველი ჩანასახები....

პირველ რიგში ავიღე და დავშალე საყვარელი NP1-ი თუმცა ამ კონკრეტული ეგზემპლარის ეს უკვე მერამდენე დაშლა იყო აღარ ვიცი, ამაზე ცოტა მოგვიანებით



ამოვიღე თავისი სახელურიდან და დავიწყე შესწავლა






რის შემდეგაც გამოჩნდა შემდეგი სამუშაოები, კლაპანი და გადამყვანი ახალი რეზერვუარის მისაერთებლად



მგონი ჩანს ყველა შემადგენელი ნაწილი, ასე რომ ზედმეტი კითხვები არ უნდა გაჩნდეს რა როგორ რანაირად რამდენია საჩალჩო....

ესეც უკვე აწყობილი ვერსია



ამას ყველაფერს კი სჭრდება თავისი შემაერთებელი რომელიც ახალ რეზერვუარს დააკავშირებს ახალ კლაპნის სისტემასთან....





ესეც საბოლოოდ აწყობილი



გარდა ამისა საჭირო იყო შრაუდერი, მოდერის სანაცვლოდ, შრაუდერი კი ბევრს მხოლოდ წარმოუდგენია რომ სწორი მილია, ამასობაში მას თავისი ხუფები უნდა წინ და უკან, სჭრდება მაცენტრირებელი, ამ კონკრეტულ შემთხვევაში ასევე დამჭირდა ვიზუალური სილამაზისთვის თავისი შემავსებელი რომელიც საშუალებას მომცემდა ჰარმონიულად შეერთებულიყო შრაუდერი, ლულა და ახალი რეზერვუარი ერთმანეთთან



ეს კი ეგრეთწოდებული Kit-ი სრული კომპლექტაციით



ეს კიდევ Kit-ი და დონორი ერთად



შედეგად დონორისგან აღარ გვჭირდება საწყისი რეზერვუარი, ასე რომ მას გვერდზე ვდებთ და ვიწყებთ აწყობას





როდესაც რეზერვუარი თავის ადგილზეა, ვიწყებთ შრაუდერის ჩამოცმას, მაგრამ იმის გამო რომ შრაუდერი პირდაპირ კოლოფამდე არ მიდის შუაში რჩებოდა რაღაც გაუგებარი ადგილი, მომიწია დეკორატიული დეტალის მორგება, რომელიც შრაუდერის ფორმას გააგრძელებდა, მაგრამ სინამდვილეში ულამაზობას დამალავდა და მთელს კონსტრუქციას ჰარმონიულს გახდიდა

სწორედ ამ დეტალის ჩამოცმის პროცედურას ხედავთ ეხლა



შემდეგ უკვე შრაუდერის უკანა ხუფი, მაცენტრირებელი დეტალი ლულის ჭრილზე, და თვითონ შრაუდერის მილი წინა ხუფით და ქეჩებით









საერთო ჯამში გამოვიდა რაღაც ისეთი რასაც ქვევით სურათებზე ხედავთ, როგორც მთლიან ფორმაში ასევე ზოგიერთ დეტალს ახლოდან







ეს ყველაფერი რაც შეეხება რკინეულობას, ახლა სახელური თუ კონდახია რაღაც ფორმაში მოსაყვანი, ამაში მე მონაწილეობა აღარ მიმიღია,. მფლობელმა თვითონ მონახა მშვენიერი გამოსავალი რაც მინდა ვთქვა რომ სრულიად შემთხვევით საკმაოდ ჰარმონულად ჩაჯდა... რა თქმა უნდა იქ გადანაჭერი და რაღც პატარა ხედებზე მოდავება შეიძლება თუ ნამეტანი ინტრიგანი ხარ ან პერფექციონისტი, მაგრამ ლამის ქარხნულ ვარიაციაში ჩაჯდა მინიმალური ცვლილებებით


ცვლილებებისთვის კი ჯერ დააკვირდით საწყის ფორმას



შემდეგ შემცირებულ ვერსიას (რადგან ახალი მანომეტრი და გადამყვანი საშუალებას აღარ იძლეოდა საწყისი სახელური ყოფილიყო გამოყენებული)



და აქვე შეგიძლიათ გაეცნოთ ერთდროულად რა იყო და რა გახდა



ესეც მორგება და საბოლოო ხედი







ასე იყო თუ ისე იყო ეს ეპოპეა დასრულდა, შემდეგ ერთი ორჯერ დაგვჭირდა კორექტირება, რადგან საჩქაროდ აწყობილი კლაპნიდან აპარებდა, გასწორების შემდეგ, რატომღაც დამტენმა პორტმა აურია, და როდესაც ესეც გასწორდა მემგონი იმის მერე მხოლოდ მფლობელის გამოხმაურებასღა ველოდებით.

ნუ თავიდან დარეგულირებაც საჭირო გახდა, რადგან თურქები კლაპანში 5 მილიმეტრიან შვაბრას იყენებენ, მე კი თხელი კლაპნის ღერძ გამოვიყენე შედეგად ჰაერის გადაცემის ეფექტურობა გაიზარდა და ტყვიის სიჩქარე 265-მდე ავიდა, მაგრამ ამასობაში მოკლე ლულის გამო გასაგებია რომ ველური გადახარჯვა იყო, რამდენიმე განხილვის შემდეგ რამდენადაც მე ვიცი ამ მომენტისთვის მფლობელმა დაარეგულირა რამდენიმე პარამეტრი შედეგად სიჩქარე სადღაც 220-230-ის დიაპაზონშია და გასროლების რაოდენობა 70-დან 100-მდე მერყეობს.

მგონი სულ ეს იყო.... ვნახოთ მერე შეიძლება ეს თემა ცალკე გავიტანო, მაგრამ ჯერ აქ იყოს

P.S. იმედია ამ თემის სურათებიც დროთაგანმავლობაში არ გაქრება.... ასლს მაინც შევინახავ