ხელნაკეთი PCP-ს სრული ნახაზები, მხოლოდ გაცნობისთვის :) პარამეტრები

[Jah]

ის რაც ბევრს სურდა...

РСР პისტოლეტის ნახაზები. სრულად.

ეგრევე ვიტყვი. კონსტრუქციის ნაწილი აღებულია სხვისი ნამუშევრებიდან, ნაწილი გამომუშავებულია ჩემს მიერ.

პისტოლეტი საკმაოდ რთულია ასაწყობად, მაგრამ ვინც დაიწყებს, ცაუღრმავდება და გაიგებს. ამ პროექტში არის შეცდომები და ზოგი არასწორი სვლა.... მაგრამ ყველაფერ ამასთან, ის იდეალურად არეგულირებს ყვავების რაოდენობას ტან საკმაოდ ზუსტად...

ამ ნახაზების აქ გამოქვეყნებისას, მე მესმის რომ ვიღაცამ შეიძლება არ მიყვეს ზუსტად მასალებს და ზომებს, რომლებიც ნაჩვენებია ნახაზებში. თან მაღალი წნევის რეზერვუარის გადაპრესვის გარეშე, დაიწყოს პისტოლეტის ხმარება და მიიღოს წინა საცობით თავში...

ამ შემთხვევებზე და ფაქტებზე მე არავითარ პასუხს არ ვაგებ, და პრეტენზიებს არ ვითვალისწინებ!!!

ამ ნახაზების მიხედვით შესაძლებელია საკმაოდ საბიუჯეტო, საწყისი დონის, PCP პისტოლეტის აწყობა

დავიწყოთ!

რიგრიგობით ვამაგრებ აქ სურათებს. ყველა ნახაზს აქვს თავისი ნომერი და ყველაფერი რაც საჭიროა. სურათები არ არის შეკუმშული, ასე რომ საკმაოდ კარგი ხარისხის ამობეჭდვაც შეიძლება.

ამ იარაღის დონორი - იჟ 53

ნახაზების შემდეგ, დავწერ მითითებებს და განმარტებებს, თუ რა უნდა შეიცვალოს, ამა თუ იმ ნახაზში...

 1.jpg ( 163.03 კილობაიტი ) ჩამოტვირთვების რაოდენობა: 54
 2.jpg ( 217.33 კილობაიტი ) ჩამოტვირთვების რაოდენობა: 35
 3.jpg ( 201.7 კილობაიტი ) ჩამოტვირთვების რაოდენობა: 21

 4.jpg ( 189.27 კილობაიტი ) ჩამოტვირთვების რაოდენობა: 18
 5.jpg ( 174.76 კილობაიტი ) ჩამოტვირთვების რაოდენობა: 8
 6.jpg ( 191.28 კილობაიტი ) ჩამოტვირთვების რაოდენობა: 7

 7.jpg ( 189.13 კილობაიტი ) ჩამოტვირთვების რაოდენობა: 4
 8.jpg ( 171.32 კილობაიტი ) ჩამოტვირთვების რაოდენობა: 4
 9.jpg ( 181.66 კილობაიტი ) ჩამოტვირთვების რაოდენობა: 7

 10.jpg ( 172.05 კილობაიტი ) ჩამოტვირთვების რაოდენობა: 7
 11.jpg ( 173.69 კილობაიტი ) ჩამოტვირთვების რაოდენობა: 8
 12.jpg ( 184.45 კილობაიტი ) ჩამოტვირთვების რაოდენობა: 8

[ja_ja]

ნუ ერთი მხრივ რომ დაგაფიქრე მაგი კაია, უკვე სწორი გზისკენ იღებ კურსს. ის რომ გადაყარო... არა ეგ არასდროს არ გააკეთო რაც არ უნდა სუპერ ჯღანი იყოს, გავა დრო და მუზეუმივით გექნება საიდან დაიწყე და სადამდე მიხვედი დამიჯერე შენ თვითონ მაგარი გაგისწორდება საკუთარი თავის ევოლუცია, მე ეგრე რეები მაქვს შემონახული ჩემს მტერს

რაც შეეხება ტექსტს

ეს ყველაფერი რაზეც ამდენი ხანია ვწვალობ, ვიქნებოდი მართალი საკუთარი თავის წინაშე შუაგზიდან რომ ზადნი მივცე

აი მანდაა ერთერთი მამაძაღლი იდეა ჩამალული, რომ იცოდე რამდენი ნახაზი მაქვს, და ნახაზის დონეზევე დაბრაკულია იდეა, არა რეალიზებადია, რთულია, არაპრაქტიკულია, გამოუდეგარია, ჩემი ძალებით ვერ კეთდება და სხვა მიზეზები, ... სწორედ მაგიტომ ვამბობ ნახაზი, ნახაზი და კიდევ ერთხელ ნახაზი...

აგერ ერთ-ერთი იდეა ნახაზში, შეიძლება ვიღაცას პრაქტიკული მოეჩვენოს, მე კიდევ მიუხედავად იმისა რომ შედარებით მარტივად რეალიზებადი მეგონა, ნახაზის დასრულების შემდეგ და წარმოდგენის შემდეგ ისე არ მომეწონა ვიზუალში, რომ არც არავის არ უნახავს ცხოვრებაში ეს მოდელი



ბალონი სადღაც იღლიაში მიდის, მიმწოდებელი ცხვირში გირტყავს, სახიფათოა მოხრილი შლანგი წნევის ქვეშ გამოკრავ რაღაცას და ან გასკდება ან გამოვარდება და ასე შედმეგ, ვსიო ადგილზევე დაიბრაკა.

მერე უკვე მაგ მოდელზე დაყრდნობით შემდეგი მოვხაზე, იმაში ის არ მომეწონა ეს, კიდევ ჩემდეგი, კიდევ, და ახლა მუშაობის პროცესშია გაგეცინება და მე-11 მოდიფიკაცია, რომელმაც პრაქტიკულად სასურველ ფორმებს მიაღწია და უკვე ნაწილი დეტალების დამზადებაც მიმდინარეობს, შედეგად აი ამ ბოლომე-11 მოდელს უკვე გამოვაჩენ ხალხში

ის თემა რომელიც ასევე მიგითითე გაეცანი და რაღაც საინტერესოს აღმოაჩენ მეთქი ეგეც თავის დროზე დაიბრაკა ბევრი წვრილი დეტალის გამო რომლის რეალიზებაზეც ძალიან ბევრი დრო უნდა დამეხარჯა...

ამიტომაც ვამბობ ნახაზიიიიიიი

რავიცი როგორ ავხსნა... არის რაღაც ძველი ქართული იგავი 2 კაცი ვაზის მოშენებას აპირებს და ფული არცერთს არ ყოფნიდაო, მივიდნენ ფულიან კაცთან და ეუბნებიან ფული გვასესხე რომ ვენახი ბოლომდე დავასრულოთო და პირველივე მოსავლიდან ვიშოვით ფულს და უკან დაგიბრუნებთო, კიდევ კაი ღვინოსაც მოგართმევთო.

ეს კაციც ეკითხება აბა შენ მითხარი რა გაქვსო გაკეთებული, ისიც ეუბნება აი მე უკვე მიწა დაბარული მაქვს ვაზი ჩაყრილია და უკვე წამოზრდილიც არისო ახლა კიდევ მინდა გავმართო და ზოლებად გავაშენოო

მოუტრიალდა ტიპი და ეუბნება მეორეს, შენ რას იტყვი შენ რა გაქვს გაკეთებული... ტიპს გაუტყდა და თავდახრით უთხრა მე ჯერ მხოლოდ მიწაში ბოძები მაქვს ჩაყენებული და მავთულ ბადეები მაქვს გაყვანილი და ვაზის შესაძენად და მიწის დასაბარად ფული არ მაქვსო...

ადგა ის კაცი და მეორეს მისცა ფული ვენახის დასასრულებლად. პირველს გაუკვირდა გა გაბრაზებულმა უთხრა მაგას ფულს რაფრა აძლევ ჯერ ვენახიც კი არ ჩაუყრიაო და მოსავალი როდის ექნებაო?! რაზეც მსესხებელმა ასეთი რამ უთხრა:

- იმას გეგმა აქვს და დაგეგმარებით მიდისო, დარჩა მხოლოდ ვაზი ჩასაყრელი, რომელიც სწორედ გაიზრდებაო და რომ გაიზრდება მხოლოდ ჩამოვლა და მოსავლის აღება უნდაო ,შენ კიდევ ვაზი ველურად გაგიზრდია და ახლა მის მორჯულებაზე უნდა იფიქროო, ზოგი ზოლში არ ჩაგიჯდება უნდა მოჭრა და თავიდან გაახაროოო, სანამ მაგას ბოძებს ჩაუყრი, მერე მიაბავ და სწორედ გაიზრდება იმდენ დროს დაკარგავ რომ ბოლოს ეს კაცი გადაგისწრებსო.

მოკლედ მე ეგ იგავი კარგად აღარ მახსოვს და ბევრი აცდენა მექნება ალბათ ორიგინალიდან, მაგრამ შინაარსი ერთია, დაგეგმარება უნდა ყველაფერს და ეტაპობრივად გეგმიურად მიყოლა. მაგისთვის კიდევ ჩვენს საქმეში არის მხოლოდ ერთი დამხმარე ნივთი, ეს არის ნახაზი. იქნება ეს შენი გათვლებისთვის თუ იქნება ეს იმისთვის რომ სხვა ხარატს მიუტანო და აჩვენო აი ეს მინდაო, მიუტან ნახაზს ზომებით და ჩაგაბარებს რაც გინდა, რაღაც აცდენას გააკეთებს გაუტრაკებ, რაღაც ნიტო გამოვა ესე იგი შენი გათვლა არაა სწორე და გადასაკეთებელი გაქვს,

ახლა კიდევ ვიცი როგორც აკეთებ მიდიხარ ტოკართან , მერე, შენ და ის ერთმანეთს ჰაერში ხელებზე უხსნით აი ის მინდა ასე და ისე, ის გეუბნება ასე არ გამოვა ისე ვიზამ იგივეაო, მერე შენ კიდევ რაღაცას ამატებ და ბოლოს....

ამიტომაც, ვიცი რომ გწყინს და ალბათ საზიზღარ ტიპად მიმიჩნევ, მუღამს გიკარგავ და ასე შედმეგ მაგრამ დამიჯერე ის საქმე რასაც შეეჭიდე საკმაოდ სახიფათოა ყოველ მეორე კვანძში. შენ ეხლა ხარ სწორედ ის ველური ვაზი რომელიც თავის ჭკუაზე გაიზარდა და ცოცხალი თავით არ ნებდება რომ სტანდარტებში და გეგმებში ჩაჯდეს, გურიაშიც ეგრეა ვაზი, ველურადაა მიშვებული და ხალხს ხეებზე უწევთ კენწეროში ძრომიალი რომ ყურძენი მოკრიფონ, ანუ ხალხი კი არ მართავს პროცესს, არამედ ვაზი აჯაზებს თავისებურად

ნუ ეგ კაია ბუნების პონტში, იქ ტრადიცია, ოდა, ეთნოგრაფია, რაღაც მისტიურობა, ქალაქს მოწყვეტა, ბუნებასთან ერთობა, მაგრამ ამ საქმეს არაფერი აქვს საერთო ნორმალურ ღვინის წარმოებასთან. შეადარე აბა ახლა კახეთის ვენახები, გასწორებული, ერთ რიგში, შემოუარე აქედან და მოკრიფე, შემოუარე იქედან და მოკრიფე, მორჩა, არც ხეზე ძრომაა საჭირო არც თოკი არც სხვა უბედურება, აგერ გერმანელებმა სულ გარეკეს და ვაზი მიაჩვიეს ზოლებში კონკრეტულ სიმაღლეზე ნაყოფის გამოსხმაზე, შედეგად საერთოდ ტრაქტორით ჩამოუვლიან და უცებ ხალხის დაძახების გარეშე კრიფავენ მოსავალს.

მოკლედ კი მესმის ძნელია ჩვეული მეთოდები დათმო, თან არც იმას გირჩევ რომ ეს რაც დაიწყე გადააგდო სანაგვეში, პირიქით დაასრულე და შეინახე რომ შესადარებელი გქონდეს შენი ევოლუციისთვის, მაგრამ დროა უკვე მეორე მოდელზე დაიწყო ფიქრი და ფიქრი უნდა დაიწყო ნა-ხა-ზით, არანაირი გონებაში მოხაზული, ინტერნეტში ნანასი სურათი და სხვა, დაჯექი წყნარად და მოხაზე დეტალები (ან იგივე ინტერნეტში ნახე ნახაზი ოღონდ მიწერილი ზომებით), გარწმუნებ არანაკლებად გაგიტაცებს, თან გარკვეული შესვენების მერე უბრუნდები და აუმჯობესებ რაღაც დეტალს იმიტომ რომ ტვინში იმ დეტალმა მოხარშა თავისი ტავი და მოიფიქრე მიდი დამზადების ან გამოყენების უკეთესი მეთოდი, შედეგად არც ზედმეტად ირბინე ტოკრებთან, არც ფული დახარჯე, არც მასალა გააფუჭე, ბოლო კი მიხვედი საბოლოო ვერსიამდე ან მაქსიმალურად მიახლოებულამდე და დაიწყე კეთება.

აი ვირტუალური სამყაროდან და ქაღალდიდან რომ რეალში გადმოვა და ხელში დაიჭერ აი მანდ 100-მაგ სიამოვნებას მიიღებ სიამაყესაც და თამამად გადასცემ სხვასაც რომ ნერწყვები ყლაპონ

ვცდილობ კაკრაზ მაგ მეთოდზე გადაგიყვანო, მაგრამ ჩვეული სტერეოტიპების დამტვრევა ძნელია, ახლა მე გამოვდივარ საზიზღარი ექიმი რომელიც პაციენტს ფეხს უმტვრევს და საშინელ ტკივილს აყენებს იმ მიზეზით რომ უშნოდ შეხორცებული ძვალი სწორ კალაპოტში ჩააყენოს და ნორმალურად მომუშავე და ლამაზი ფეხი გამოიყვანოს და არა 90 გრადუსით მოხრილი და კოჭში გადაღუნული კასტილიანი კაცი დატოვოს.

ახლა გააჩნია პაციენტი რაფერ მიიღებს ამ საქმეს, იქნება გულნაწყენი ექიმზე რომ ახლა აყენებს ტკივილს და უმოწყალოდ ექცევა, შედეგად დააძრობს დანას და ექიმს მუცელში გაუყრის, თუ მიხვდება იგივე პაციენტი რომ ექიმი ასე საზიზღრად ექცევა იმიტომ რომ თვითონვე პაციენტს მომავალში ნორმალური ცხოვრება ჰქონდეს და საკუთარივე ფეხით სიარული შესძლოს...

აუ ნამეტანი რაცხა მორალის კითხვა გამომივიდა ეს პოსტი ნაღდად არ მინდოდა ეგეთი რამე