ლაპარაკია ახალ Dominator-ზე (პირველი პლაგიატი).
როგორც ხედავთ, საკმაოდ საინტერესო შაშხანაა. შეიძლება გაგიკვირდეთ, მარა მე ძალიან მომწონს მისი დიზაინი.
იარაღი გამოდის ორ (უფრო სწორად ოთხ) ვარიანტში, ხის კონდახით და პლასტიკის კონდახით
ხის კონდახიანი ვერსია განსაკუთრებით მომხიბვლელია:
დარწმუნებული ვარ, პლასტიკსაც ეყოლება თავისი კლიენტი:
როგორ უკვე ავღნიშნე დიზაინი ძალიან მომწონს. მაგრამ დიზაინს რომ თავი დავანებოთ, სხვა საინტერესო რამეებსაც შევნიშნავთ, კერძოდ:
- კონდახი ორივე ვარიანტში აღჭურვილია სარეგულირებელი სალოყით და რეზინის სამხრით. ვფიქრობ, ეს ძალიან კარგი სიახლეა ჰაცანის მხრიდან. მართლაც დიდი პლიუსია.
- კონდახი ასევე აღჭურვილია ქამრის გამოსაბმელი "რაღაცეებით", რათა მხარზე გადაკიდება შეძლოს კაცმა. (ქამარი მოყვება) ბოდიალისას კი ეს მართლაც ძალიან დიდი პლიუსია, თან თუ იარაღის წონასაც გავითვალისწინებთ - 4.5 კგ ოპტიკის გარეშე!
- აქვს ჰაცანის S.A.S. (shock absorber system) და Quattro Trigger. არც ერთი არ ვიცი როგორ მუშაობს, თუმცა სულ არაფერს, მგონი მაინც ჯობია
- აღჭურვილია ჩემი აზრით საკმაოდ კარგი დიზაინის ოპტიკის "ჰიბრიდული" სამაგრით, რომელზედაც შეიძლება weaver და კლასიკური "მერცხლისკუდა" სამაგრების დამაგრება. ესეც კიდევ ერთი პლიუსი...
- აღჭურვილია ღია სამიზნეებით (არ მომწონს ზოგადად ასეთები)
- აღჭურვილია ავტომატურ/მექანიკურ (ეს ორი ერთად როგორ არის მაინც ვერ მივხვდი) დამცველით.
- და ბოლოს, გვერდზე აქვს ძალიან ნაცნობი Anti bear-trap სისტემა. წინა ცალკე-ბერკეტიან (უკეთესი ტერმინი თუ გაქვთ, მომაწოდეთ) ჰაცანებზე ასეთი რამ არ მახსოვს ნამდვილად....
დამეთანხმებით ალბათ, საკმაოდ "ნავაროჩენი" ფიშტოა.
ხო, უკვე რამდენჯერმე ვთქვი, რომ ვიღაცას მაგონებს ეს ჰატსანი, ხოდა ეხლა გეტყვით ვის - Airarms TX200.
ნუ გაგეცინებათ, ეხლავე აგიხსნით რატომ.
დავიწყოთ იქიდან, რომ კონსტრუქციულად იგივე მექანიზმია, ეგრეთწოდებული underlever ტიპის სისტემით. თუმცა, მსგავსება კიდევ უფრო მეტი დავინახე:
1 - Anti bear-trap გარეგნულად მაინც ძალიან წააგავს ინგლისელს. იმავე მხარეს არის, დაახლოებით იმ ადგილას განლაგებული, ისეთივე გარეგნობის პატარა ბერკეტი;
2 - ჰაცანის პირველივე შეხედვისას გამახსენდა ინგლისელი, თუმცა მიზეზი Anti bear-trap ბერკეტი არ ყოფილა. მიზეზი უფრო ზოგადად სილუეტში იმალება. საქმე იმაშია, რომ როგორც ჩანს, ჰატსანმა გადაწყვიტა კომპრესორის და ლულის ერთ ღერძზე ცენტრირება - ზუსტად ისე, როგორც ინგლისელთანაა. ამ კონკრეტულ მომენტში, რასაც ვიხსენებ, ასეთი ტიპის ლულის განლაგება მხოლოდ ინგლისელზე, ამ ხაჩიკაზე და კიდევ დიანა 52-ზე მხვდება. ყველა სხვას ლულა აქვს ზემოტა კიდეზე. რამდენად კარგი დიზაინია ეს ფუნქციონალურობის მხრივ არ ვიცი, თუმცა სადღაც მაქვს წაკითხული, რომ ასეთი განლაგება იყო ერთ-ერთი განმაპირობებელი ინგლისელის სიზუსტისა - თითქოს დგუშის მოძრაობისას ლულას ნაკლებად აყანყალებდა ვერტიკალში. რამდენად მართალია არ ვიცი, მარა ლოგიკა წესით უნდა იყოს....;
3 - დომინატორს, ისევე როგორც ინგლისელს, ყავს "უმცროსი" ძმა - დომინატორ კარაბინი, რომელიც კიდევ უფრო მეტად გავს ზოგადად ინგლისელს და ამ შემთხვევაში ალბათ TX200 HC (hunter carbine) თურქული ვარიანტია:
ინგლისელი შედარებისათვის:
როგორც სურათებიდან ჩანს, კარაბინიც გამოდის ხის და პლასტიკის კონდახით, თუმცა სიგრძის გარდა, არის სხვა განსხვავებაც - მას არ მოყვება არანაირი ღია სამიზნე მოწყობილობა და ამავდროულად, გადასატენი ბერკეტის საწყის პოზიციაში მაფიქსირებელი მექანიზმიც განსხვავებულია - კარაბინის ვარიანტი უფრო წააგავს ვაირაუხის ან ეარარმსისეულს, გრძელის კი წააგავს... მმმ, ჰაცანისას?
საერთო ჯამში, კარაბინი გაცილებით უფრო მიმზიდველი მგონია.... სანადიროდაც უფრო მოსახერხებელი უკეთესი ბალანსის და 100 გრამით შემცირებული წონის ხარჯზე
სიურპრიზები აქ არ მთავრდება - კარაბინს აქვს აი ასეთი საინტერესო დეტალი ლულის ბოლოში:
არის სტანდარტული რეზბა, რომელზედაც შესაძლებელია მოდერის წამოცმა (ესეც შენი 100 გრამის ეკონომია და უკეთესი ბალანსი
) დიდი ვერსია ასეთ რამეს არ ითვალისწინებს და მაგის მაგივრად რარაც გამოუსადეგარი პლასტმასის ყლინჯია ჩამოცმული ინტეგრირებული ღია სამიზნით.... შეეძლოთ მგონი მოეფიქრებინათ და დიდისთვისაც მიეცათ რეზბა. აქ ჰაცანის დიზაინერებმა ისაჩკავეს.... ნუ, კარაბინი მოდერით აი ასე გამოიყურება:
ვიზუალურად ვერაფერს დავიწუნებ, მახინჯი ნამდვილად არაა, პირიქით, მომწონს კიდეც, მარა ეს მოდერი ძალიან გავს "იმენნა" მოდერს
პირდაპირ გაჰკივის აქ ვზივარო, ხოდა ტყეში ბოდიალისას ალბათ თუ ვინმე ფორმიანი დაადგა, დიდი ხანი მოუწევს პატრონს მოდერის ფუნქციების ახსნა....რატომ ვარ აღტაცებული ამ ჰატსანით? ნუ ალბათ იმიტომაც, რომ ტორპედოებისაგან განსხვავებით, ეს შედარებით "მოკრზალებულია" და სიჩქარე უწერია 305 მ/წ. იმედი მაქვს, რომ ეს ერთ რამეს ნიშნავს - სახეზეა ზ.დ.პ. რომლის სროლა მხრის ამოგდების და ოპტიკის დალეწვის გარეშეც შეიძლება და არა ყველასათვის კარგად ნაცნობი ზარბაზანი....
ტექნიკური მონაცემები (მწარმოებლის განცხადებული):
მოდელის დასახელება - Dominator 200 (შესაბამისი დამატებებით სხვადასხვა ვერსიებისათვის)
კალიბრი - 4.5; 5.5; 6.5 (მშვენიერი არჩევანია, .20 კალიბრს ეხლა ვერ მოსთხოვ ამათ
)სიგრძე - 1156 მმ და 1098 მმ კარაბინისათვის.
ლულის სიგრძე - 450 მმ და 400 მმ კარაბინისათვის
წონა - 4.5 კგ და 4.4 კგ კარაბინისატვის
სამიზნე მოწყობილობა - ოპტიკურ ბოჭკოვანი წინა და და რეგულირებადი უკანა (ნეტა როგორ "წკაპუნობს"
) კარაბინს ღია სამიზნე არ აქვსკონდახი - ხე ან პლასტიკი, რეგულირებადი სალოყით, რეზინის სამხრით და ქამრის დასაკიდებლებით.
თოფს მოყვება ქამარი, ბიპოდი (მარაზმი underlever-ზე და საერთოდ ზ.დ.პ.-ზე) და მხარზე მისაბჯენი რეზინების კომპლექტით - მეტი კომფორტისატვის
რას ფიქრობთ? მე ვფიქრობ, რომ მგონი ჰაცანმა დაიწყო ნორმალური ზ.დ.პ.-ს გამოშვება.
