Geoffrey-Kolbe და JbmBallistics ბალისტიკური პროგრამები, განხილვა, გამოყენება. პარამეტრები

[MonSoon]

მოგესალმებით.

მინდა გაგიზიაროთ 2 საინტერესო პროგრამის შესახებ. რომლის მიხედვითაც თეორიულად მოახერხებთ სასურველი ფორმის, ზომის, კალიბრის, ბალისტიკის ტყვიის შექმნას და ამ ყველაფერს მოარგებთ სასურველი ლულის ტვისტზე. იგულისხმება სლაგები. ჩვეულებრივ მრგვალთავიან ტყვიებზე (პულკები, პელეტები) არ მუშაობს. მისი გამოყენება შეიძლება როგორც პნევმატიკაში ისე ცეცხლსასროლში მაღალ სიცქარეებზე. სიჩქარეების დიაპაზონია 150 მ/წამიდამ 1000 მ/წამზე მეტი.

2_ვე პროგრამა დაფუძნებულია Robert L. McCoy_ის ალგორითმზე. ვინ იყო McCoy ზუსტად არ ვიცი. მაგრამ ძალიან კარგი ნაშრომები ეკუთვნის გარე ბალისტიკაზე.

თავიდან ჩავაგდებ ორივე პროგრამის ლინკს. არ საჭიროებს გადმოწერას. პირდაპირ ონლაინ შეიძლება მუშაობა.


1). http://www.geoffrey-kolbe.com/external_ballistics.htm
2). https://www.jbmballistics.com/cgi-bin/jbmdrag-5.1.cgi


jbmballistics არის ძალიან კარგი საიტი. გარდა იმისა კეთებისა რაც ჩამოვთვალე, დამატებით კიდევ ბევრი ბალისტიკური ფუნქცია აქვს. ვინც არ იცის ძაან გამოადგება. არის ინფორმაცია ბალისტიკური კოეფიციენტის დადგენაზე. წიგნებზე, 3d პროგრამებზე და ა.შ. მთავარ გვერდზე გადასასვლელ ლინკს ჩავაგდებ
https://www.jbmballistics.com/ballistics/ca...lculators.shtml



მოკლედ სიტყვა რო არ გამიგრძელდეს საქმეზე გადავალ.

რა აქვთ საერთო და რით განსხვავება ეს 2 პროგრამა ერთმანეთისგან ?
2_ვე პროგრამაში დეტალურად უნდა იქნეს შეყვანილი სასურველი ან უკვე ცნობილი ტყვიის მონაცემები. სიგრძე, კალიბრი, ცხვირი კუდი და ასე შემდეგ. ქვევით ამ ყველაფეერს დამატებით განვიხილავთ.

geoffrey-kolbe_ს უპირატესობა ის არის რომ შესაყვანი პარამენტრები მოცემულია ნახაზის სახით, ამით მარტივდება ტერმინების გაგება.





გარდა ამისა, პასუხს გადმოსცემს გრაფების სახით რაც ასევე ადვილად აღსაქმელია, მთავარია გარჩევა შეგეძლოს.



jbmballistics_ის შემთხვევაში ეს ინფორმაციები ციფრების სახით არის გადმოცემული.


მემგონი მეტი არაფერი მაქვს სათქმელი და ამიტომაც პირდაპი შიდა მენიუს განხილვაზე გადავალ.

მოკლედ, საკუთარი გაკეთებული მაგალითის მიხედვით განვიხილოთ, რომელსაც ყველაზე მეტი ვუტრიალე. ეს არის .172 კალიბრის ტყვია. არ გეშლებატ 17 HMR_ს ვგულისხმობ. ლულა კი 9 ტვისტის იმიტო რო მეტი არ იშოვება. რა, როგორ და რანაირად ამაზე აღარ გავარგრძელებ. რატომ არ ავიღე ჩვეულებრივი 450 ტვისტიანი 4.5 კალიბრის ლულა ?? იმიტომ რომ 4.5 ის სლაგს ამ პროგრამაში ვერ ვუკეთებდი უკან კონუსურ ფორმას ე.წ. boat tail_ს. მიზეზი იყო ნელი ტვისტი. მოგეხსენებატ გრძელ ტყვიას უნდა უფრო სწრაფი ტვისტი. მეორე მიზეზი ის რომ 17 hmr არის ცეცხლსასროლი ტყვია და მინდოდა დაბალ და მაღალ სიჩქარეებზე განხილვა ყოფილიყო.

Boat Tail_შო ამას ვგულისმხობ. ტყვიის უკან შევიწროვებულ, ფორმას.



ესეიგი მაქვს ლულა რომელსაც აქვს ტვისტის რაოდენობა 1:9 ინჩი ანუ ჩვენებურად 1:228 სმ და მინდა რომ ამ ლულაზე მოვარგო სასურველი ტყვია. ან მაქვს უკვე გამზადებული ტყვია და მინდა რომ შევუსაბამო შესბამისი ტვისტის ლულა. ამისათვის შევდივართ:
http://www.geoffrey-kolbe.com/external_ballistics.htm
სადაც გაიშლება რამოდენიმე ინფორმაცია. რომელთაგან მხოლოდ 2 გვაინტერესებს

Barrel twist - ტყვიის შედგენა და ლულა ზე მორგება ან პირიქით.
Drag curve to trajectory program – აქ უკვე შეგვიძლია ჩვენი შედგენილი ტყვიის ჩანახატი ვნახოთ თუ როგორ გამოიყურება, ასევე სასურველ ტვისტზე როგორ ზის სხვადასხვა სიჩქარეებზე და ასევე ამ ტყვიის ბალისტიკური მონაცემები.



დავიწყოთ პირველით, Barrel twist. შევდივართ და მარცხნივ არის გამოტანილი უჯრები სადაც შეგვყავს ტყვიის მონაცემები, ყველა მონაცემის შეყვანა აუცილებელია გარდა Or Boat-tail angle (degrees) და ბოლო უჯრისა. მონაცემები შეგვიძლია შევიყვანოთ ინჩებში ან მილიმეტრებში. მარჯვენა მხარეს მონაცემებში უნდა მოინიშნოს პნევმატიკისტვის Soft lead, unjacketed bullets (11.4 gms/cc.), ეს ნიშნავს რომ ტყვია არის გარსის გარეშე და არის "შიშველი" ტყვია.
როგორც ზევით აღვნიშნე უკვე გაკეტებული ტყვიის მონაცემები მაქვს შეყვანილი.




ვაჭერთ calculate_ს და გადავდივართ შემდეგ გვერდზე. შევეცდები მოკლედ ავხსნა რა მონაცემიც გამოიტანა.

ჩვენ ვიცით რო დიდი სიჩქარით გასროლილი ტყვიისთვის არსებობს ფრენის 3 ზონა. ეს არის supersonic (1700 მ/წ - 410 მ/წ), transonic (410 მ/წ - 270 მ/წ. მათ შორის არის ბგერის სიჩქარე 340 მ/წ) და subsonic (270 მ/წ და ქვევით). პნევმატიკისთვის სასურველი ზონაა subsonic ანუ 270 მ/წ_ის ქვედა სიჩქარეები.
სურათს თუ დავაკვირდებით ჩემს მიერ მინიშნებული ლურჯი ციფრი 1, არის 900 fps გადაკვეტილი 1,5 სტაბილურობის ფაქტორთან.
1.5 ითვლება ტყვია/ტვისტის შეფარდების იდეალურ კოეფიციენტად. ძველად იყო 1.2 მაგრამ ბოლო ცდების მიხედვით ოპტიმალურ ციფრად დღეს დღეისობით მიღებულია 1.5. არსებობს დიაპაზონიც რომლის ზონაშიც სიზუსტე არ გაუარესდება. ეს არის 1.3-1.5 მდე და 1.5-1.7 მდე კოეფიციენტები. ეს ყველაფერი ეხება პნევმატიკას და მის სიჩქარეებს. ხოლო ცეცხლსასროლზე იგივე გრაფაში მთელს supersonic ზონა უნდა ჩაჯდეს 2-2.5_ში. ესაც ფოტოში შეგვიძლია ვნახოთ ლურჯი ციფრი 2 და 3. ტყვიაზე ნებისმიერი მანიპულაციით შეგვიძლია ყველანარი მონაცემი შეიცვალოს. ეს უკვე პრაქტიკის ამბავია და მუშაობის.

კიდევ ერტი მომენტი პნევმატიკაზე. ლურჯი ციფრი 1_ით მონიშნული 900 fps და ქვევიტ ზონა როგორც დავწერე სასურველია რომ მოეცეს 1.5-1.7 ის გრაფაში, როგორც სურათზეა. 1.7 მტავრდება 500 fps_ზე , კიდესთან. ეს იმას ნიშნავს რომ 9 იანი ტვისტით ეს კონკრეტული ტყვია შეგვიძლია გავისროლოთ 270_250 მ/წამამდე. და იქნება კარგათ დაბალანსებული ამ ლულის მიერ.



იგივე ტყვია/ლულა შეგვიალია გადავამოწმოთ jbmballistics_ში. მარჯვნივ კიდეში არის ის სტაბილურობის ფაქტორები რასაც განვიხილავდით




გადავიდეთ Drag curve to trajectory program_ზე. აქაც იგივე პრინციპიტ არის მონაცემები შესაყვანი და ზუსტად იგივე სიზუსტის. შევიყვანთ მონაცემებს და ვაჭერთ calculate_ს.

აქ უკვე ვხედავთ ჩვენი ტყვიის მიახლოვებულ, გამოხატულ ფორმას. მარჯვნივ კი არის სავარაუდო ბალისტიკური კოეფიციენტი და ტვისტი კონკრეტულ სიჩქარეზე. სიცქარე წერია mach_ის სახით. 1 mach უდრის 340 მ/წ_ს. ასევე ballistic_ზე დაჭერიტ გადავდივართ ამ ტყვიის ბალისტიკურ მონაცემებზე. ამაზე ოდნავ ქვევით განვავრცობ.
ამასთან ერტად კიდე ერთ ინფორმაციას გამოიტანს პროგრამა. ეს არის წინააღმდეგობის კოეფიციენტი (drag coefficient), ეს ციფრი რაც დაბალია მით ნაკლები წინააღმდეგობა აქვს ტყვიას. შესაბამისად ბალისტიკური კოეფიციენტიც მეტი აქვს. კარგ ციფრად ითვლება 0.23 მაგრამ ფოტოში ხედავთ რომ დაახლოევიბით 0.16_ზე დგას 0.4-0.8 mach ანუ სადღაც 150-270 მ/წამის დიაპაზონია.





გავაგრძელოთ ballistic_ზე. აქ უკვე ტყვიის მონაცემებია ასახული. განხილვარ არ დავიწყებ.




სულ ეს იყო. ყველაფრის დეტალურად განხილვა, აუტანელს გახდიდა წაკითხვისას. ძირითადები შევეცადე გადმომეცა. დანარჩენ კომენტარებში განხილვის ან მასზე მუშაობის შედეგად უნდა გაკეთდეს. პირველივეზე მარტივი საკეთებელი არ არის, ცოტა დრო უნდა შესწავლას.

აქვე დავამატებ ძირითად პარამეტრებს ტყვიისა, თუ საიდან უნდა დაიწყო და რა ზომებია გასათვალისწინებელი. მოკლედ რო ვთქვათ გამოსაძერწი ტყვიის ფორმა საიდანაც დაიწყებს ადამიანი მუსაობას.
პროგრამის ინგლისურენოვანი სიტყვებით დავწერ რო ადვილი იყოს სურათსაც დავურთავ.




1) Bullet diameter (კალიბრი). მაგალითად 4.5 მმ.
2) Bullet length (ტყვიის მთლიანი სიგრძე).
3) Nose length (ცხვირის სიგრძე). სასურველი არაუმეტეს 3 ჯერ მეტი კალიბრისა ანუ 4.5x3=13.5 მმ. სტანდარტულად 30-150 % კალიბრის.
4) Meplat diameter (ცხვირის სიგანე) სასურველია არაუმეტეს 70 % კალიბრისა. სტანდარტულად 50%_ის ქვევით
5) Drive-band diameter - კალიბრის ზომა.
6) Base diameter (კუდის სისქე) სასურველი არაუმეტეს 65% კალიბრისა.
7) Boat-tail angle (degrees) გამოვტოვოთ. ავტომატურად წერს პროგრამა.
8) Boat-tail length - სასურველია არაუმეტეს 100 % კალიბრისა.

ჩამოთვლილთაგან ძალიან მგძნობიარეა 1 მმ_იან შეცვლაზეც კი 2. 4 და 6 პუნქტები.

გმადლობთ ყურადღებისთვის.

[MonSoon]

გავაგრძელოთ.


ცხრილი ნომერი 2.
აქ უკვე შევცვალეთ ცხვირის სიგანე, ანუ წვეტი გავასქელეთ კალიბრის 40%_მდე. უცვლელი დავტოვეთ 0.7-2.5კალ. ცხვირის სიგრძეები. ვნახოთ რა შეიცვლება.

0.7კალ. ლურჯი ხაზით ოდნავ დასტაბილურდა. ხოლო cd_ს გაუარესება სადღაც 280 მ/წ_დან დაიწყო. ასევე ბგერის სიჩქარეზე და მის ზევით ცოტათი დასტაბლურდა. cd_ს მატება ნიშნავს რომ მოიმატა წინააღმდეგობამ, შესაბამისაც გაუარესდა ბკ ანუ ბალისტიკური კოეფიციენტი.
1კალ.წითელი ხაზით ასევე დასტაბილურდა დაბალ სიცქარეებზე და უფრო უკეთესად გამოიყურება სიჩქარის ყველა დიაპაზონში ვიდრე 0.7კალ. ახლა უკვე 280_ის მაგივრად 300 მ/წ_დან დაეწყო cd_ს გაუარესება ანუ წითელი ხაზის ზევით ასვლა. 300 მ/წ_მდე უკვე სტაბილურ cd_ს ინარჩუნებს დაბალი სიჩქარეებიდანვე.

ხოლო 1.5-2და 2.5კალ_ის მდგომაროება საეროდ არ შეცვლილა ბგერის სიჩქარემდე. ისევ 310 მ/წ_დან ნელ-ნელა გაუარესდა cd მათთვის. მხოლოდ სულ ცოტათი სხვაობაა გაუარესებისკენ ბგერის სიჩქარეზე და ზევით. ზედა ტრანსონიკში. ამ სამში უფრო მეტად დასტაბილურდა 1.5 კალ. ყველა სიჩქარეზე. მე ვფიქრობ ცხვირის სიგრძე 1.5კალ. და 40%_იანი ცხვირის სიგანე ოპტიმალური შეფარდებაა. ამას ისიც მაფიქრებინებს რომ შემდგომ ცვლილებაზე მისი cd უარესდება. ამას ვნახავთ.

ანუ დასკვნის სახით მინდა ისევ დავწერო. როცა ცხვირი ანუ წვეტი გავასქელეთ, მოკლე ცხვირის ტყვია მეტად დასტაბილურდა, ხოლო გრძელი ცხვირის ტყვია ოდნავ არასტაბილური გახდა ბგერის სიჩქარეზე და ზევით. დაბალ სიჩქარეზე არ შეცვლილა მისთვის არაფერი. ჯერ კიდევ ოპტიმალურ შეფარდებებში ზის და ესაა მიზეზი ჩემი აზრით.





გავაგრძელოთ.


ცხრილი ნომერი 3.
აქაც შევცვალეთ მხოლოდ ცხვირის სისქე. წვეტი უფრო გავასქელეთ კალიბრის 60 %_მდე. უცვლელი დავტოვეთ 0.7-2.5 კალ. ცხვირის სიგრძეები. ვნახოთ რა შეიცვალა ამ შემთხვევაში.

0.7კალ. ცხვირის სიგრძე ლურჯი ხაზით განაგრძობს დასტაბილურებას, ახლა უკვე 290 მ/წ_ზე სრულად დასტაბილურდა და 300 მ/წ_დან უკვე მძიმე-მძიმედ დაიწყო cd_ს გაუარესება. წინა 40%_იან გრაფას რო გადავხედოთ იქ სრულად არ იყო დასტაბილურებული 280_ზეც კი. ასევე მნიშვნელოვანი გამოკეთება ეტყობა ბგერის სიჩქარის მიდამოებში და ზევით.
1კალ. წითელი ხაზით ასევე დასტაბილურდა ბგერის სიჩქარემდე. ბგერის სიჩქარეზე და ზევით მისი მდგომარეობა არ შეცვლილა წინა ცხრილთან შედარებით. ამ 60%_იან ცხვირზე, 0.7კალ._მა აჯობა დასტაბილურებაში. როგორც ჩანს საკუთარი თავი იპოვეს ამ 2_მა ტყვიამ თუ სად სტაბილურდებიან ყველაზე კარგათ.

1.5კალ._ის მდგომარეობა არ შეცვლილა ბგერის სიჩქარემდე. მას ზევით კი ოდნავ გაუარესდა.
2-2.5კალ._ები 310 მ/წ_მდე ისევ სტაბილურად დგანან. cd_ს გაუარესება დაიწყო 310_ის ზევით და უფრო მეტად ვიდრე წინა ცხრილში ვნახეთ.

აქაც მინდა დასკვნის სახით დავწერო. საერთო სურათი ფაქტიურად არ შეცვლილა წინა ცხრილთან შედარებით. როცა უფრო მეტად გავასქელეთ ცხვირის წვეტი, ამ შემთხვევაში მოკლე ტანის ტყვიაა უფრო მეტად დაეტყო დასტაბილურება. ყველაზე მეტად კი ეს იყო ჯსბ და ნილსენის ტიპის ტყვიაზე ანუ 0.7-1 კალ_ზე.

უფრო გრძელი ცხვირის ტყვიებს კი cd_ს გაუარესება დაეტყოთ ბგერის სიჩქარეზე და მის ზევით. ანუ ამ ფორმებს ხო ცეცხლსასროლში იყენებენ ამიტომაც ცდილობენ ალბათ რომ წვეტი ჰქონდეს ტყვიას. ანუ ისევ მივდივართ იქითკენ რომ მოკლე ცხვირის ტყვიას უნდა ფართე ცხვირი და გრძელი ცხვირის ტყვიას წვრილი ცხვირი. რაც გრძელია ცხვირი მით წვრილი უნდა იყოს. რაც მოკლეა ცხვირი მით ფართე ცხვირი უნდა.

პოსტის უკანასკნელი ჩამსწორებელია MonSoon: Mar 24 2020, 03:48 PM