Benjamim Marauder - ახალი თოფი, ახალი ხედები, არ განვიხილოთ? პარამეტრები

[ja_ja]

ჩამოჯდა ჩიტი ხეზე, შენ დიდი ხანია ელოდებოდი მას. ათვალიერებ და ემზადები სასროლად, მაგრამ ამჩნევ რომ მეორე ტოტზე კიდევ ერთი ჩიტი ჯდება, 3 ტოტით ქვემოთ კიდევ 2 ჩიტი ჯდება, ემოციები გეუფლება, გინდა ყველას წვდე, მაგრამ ხვდები ეს შეუძლებელია, გულში იქნევ ხელს და ფიქრობ ჯანდაბას ერთს ხომ მაინც მოვინადირებ.

ეფერები სასხლეტს, იღებ მიზანში პირველ ჩიტს, და ცოოოტათი აწვები სასხლეტს.... ჩვეული ბრახუნის მაგივრად რაღაც მოგუდული ხმა გესმის, თითქოსდა ნაჭერში გახვეული ლურსმანი ისე რა ძალით დაჰკარი ქვას. პირველი ჩიტი ვარდება, მაგრამ დანარჩენი არ ინძრევა, აგრძელებს ჭყიპინს და თავის ენაზე ჭორაობას, უცბად გადაწევ ჩახმახს, მეორე ტყვია თვითონ მზადდება, ჩაკეტე ჩახმახი ისევ ოდნავი დაწოლა სასხლეტზე და მეორე სამიზნეც ძირს ჩამოვარდა, სასწრაფოდ კიდევ ერთხელ ჩახმახის გადაწევა და მესამე სამიზნე ძირს აგდია, კიდევ ერთხელ აპირებ ჩახმახის გადაწევას მაგრამ მეოთხე დამფრთხალი ჩიტი მიფრინავს, იმიტომ რომ დაინახა მისი გვერდზე მჯდომი როგორ ჩამოვარდა, ვერ მიხვდა რატომ, მაგრამ თვითშენარჩუნების ინსტიქტი აიძულებს გაფრინდეს.

ჩამოწიე თოფი, აიქნიე თავი ოფლიანი შუბლიდან ”ჩოლკის” ასაგდებად და გაიფიქრე, 2-3 წამში 3 ნადავლი არც თუ ისე ცოტაა, მითუმეტეს ტყე ბახაბუხით არ გაგიყრუებია და მონადირებული ფრინველის მეგობრები ვერც კი ხვდებიან რომ უნდა გაიქცნენ, შორს, შორს უნდა გაიქცნენ.

ეს ყველაფერი შეუძლებელ ოცნებად მიაჩნია ბევრი პნევმო თოფის მფლობელს, მაგრამ თუ ყველაფერი სწორედ გათვალე..... ქარხნიდან გამოსული თოფივე მოგცემს საშუალებას ერთდროულად გახდე მიზანში ზუსტი მსროლელიც და ტყის ჩუმი რისხვა. მაშ ასე გაიცანით - საუბარია წლის ინოვაციურ მოდელზე! რომელმაც ყველა ნომინაციაში მოწონება მიიღო, საუბარის კომპანია Crosman-ის ნაწარმზე Benjamin Marauder-ზე.



ეს მიმოხილვა დიდი ხნის წინ უნდა დაწერილი, მაგრამ სუბიექტური, ობიექტური და ოჯახური პრობლემების გამო კარგა ხნით გადაიდო. მოკლედ 1 თვეზე ცოტა მეტი გავიდა რაც სამყაროსთვის შედარებით ახალთ ახალი Benjamin Marauder-ი ჩამომივიდა. ჩამოსვლის მომენტში საქართველოში უკვე არსებობდა ერთი მარადიორი, მაგრამ ბევრმა მის შესახებ ლამის ბოლო წუთამდე არაფერი არ ვიცოდით. ჩამოტანით ჩამოიტანა ეს საუცხოო თოფი კროსმანის ლოკალურმა წარმომადგენელმა ინდ საწარმომ გრიგოლ ხელაძემ (ფირმის მფლობელს იგივე სახელი აქვს), მისი ნახვა და კონტაქტზე გასვლა შეიძლება ქართული ვებ გვერდი www.iaragi.ge-ს მეშვეობით. ბატონ გრიგოლს სტაბილურად ჩამოაქვს კროსმანის პროდუქცია, მე პირადად მეორედ ვისარგებლე მისი დახმარებით და მინდა გითხრათ რომ 100%-ით კმაყოფილი ვარ. პირველი გამოცდილება მქონდა Benjamin Discovery-ს დროს, მეორე კი Benjamin Marauder-ის დაკვეთისას.

შეიძლება ცოტაოდენ რეკლამა გამომდის, მაგრამ ამ პიროვნებამ ყველანაირად დადებითი ემოციები გამოიწვია, უკვეთავთ საქონელს და მას ჩამოაქვს (თანხის გადახდაზე წინასწარ მოილაპარაკებთ, გააჩნია შემთხვევას და ფასს,). არ შემიძლია არ ავღნიშნო ის გარემოებაც, რომ ბატონ გრიგოლს ჩამოაქვს აღნიშნული საქონელი გაცილებით იაფად, ვიდრე იგივე საქონელი, რომ ჩამოგეტანათ მაგალითად ცნობილი პირამიდ აირიდან. Benjamin Marauder-ი პირამიდზე ღირს 499$ პლიუს საქართველოში გამოგზავნა 272$, პლიუს განბაჟების პროცედურები, მოკლედ თავისუფლად შეიძლება 1000$ მიუკაკუნოთ რაც რა თქმა უნდა, იაფი აღარ გამოდის, მაგრამ ბატონი გრიგოლის მეშვეობით ჩემს მიერ სანატრელი Benjamin Marauder-ი ჩამბარდა 600$-ად. აქ შედის ყველა ხარჯი, ტრანსპორტირებაც განბაჟებაც, წარმომადგენლობის მოგებაც და სხვაც. მოკლედ კიდევ ერთხელ დიდი მადლობა მინდა გრიგოლს მოუხადო, მოქმედებს ყველანაირი გაგებით, მომხმარებლების ინტერესების გათვალისწინებით და ფასს არ ზრდის ქართული უჯიშო მაღაზიებივით 2 და 3-ჯერ.

ახლა კი მოკლე შესავლის შემდეგ დავუბრუნდეთ დღევანდელ სტუმარს, მაშ ასე გაიცანით Benjamin Marauder:

მწარმოებელი: Crosman
ბრენდის მარკა: Benjamin
იარაღის კლასი: PCP
კალიბრი: 0.177 იგივე 4.5 mm
წონა: 3.4 კგ
მთლიანი სიგრძე: 110 სმ
წინა სამიზნე: არა
უკანა სამიზნე: არა
ოპტიკის სამაგრი: 11mm dovetail
სასხლეტი: 2 დონიანი რეგულირებადი
სასხლეტის რეგულირება: არის
ჩახმახის ტიპი: Bolt
ტყვიების რაოდენობა: 10
კლიპების რაოდენობა ქარხნიდან: 1 ცალი
გამოყენებადი აირი: მაღალი წნევის ჰაერი ან CO2

ჩამოსვლით მარადიორი ჩამოდის მარტო, ან ნასოსთან ერთად, რადგან ნასოსი მე უკვე მქონდა, იგი აღარ დამიკვეთია, სავარაუდოდ ნასოსიანი ვერსია 800$-ს მიუკაკუნებს, თუმცა ეს კონკრეტული საკითხი ზემოთხსენებულ წარმომადგენელთან უნდა დააზუსტოთ, მე კი დავუკვეთე მხოლოდ თოფი და მხოლოდ თოფი მივიღე. ჩამოსვლისას თოფი ჩამოდის საკმაოდ ვიწრო და გრძელი ყუთით.



როგორც ყველა ყუთს ამასაც აქვს ორი მხარე წინა და უკანა.



პირველი რეაქცია ჰქონდა ტაქსის მძღოლს როდესაც შენაძენი სახლში მომქონდა, მიუხედავად იმისა რომ კოლოფი უკუღმა დავდე მაინც დააინტერესა და შემეკითხა რა დამიჯდა ეს სნაიპერული შაშხანა. როდესაც ვუთხარი, რომ პნევმატიკაა... მძროლმა არ დაიჯერა და პირდაპირ მითხრა, რომ ვინმე შპიონი ნუ გგონივარ პროსტა იარაღი ბავშვოდიდან მიტაცებსო . ბევრი ახსნის მერე დავაჯერე თუმცა ბოლომდე დაიჯერა თუ არა არ ვიცი. ის, რომ მარადიორი ძალაინ ჰგავს ცეცხლსასროლ შაშხანას ეს ფაქტია, პირველი ქართველი მფლობელი და ჩვენი აქტიური ფორუმელი Beqa-ც საბაჟოზე ლამის შარში გაეხვა, თუ არა ვცდები მოსთხოვეს ექსპერტის დასკვნა, რომ ეს ცეცხლსასროლი იარაღი არააო. თუმცა იქაც საკითხი მალე და უმტკივნეულოდ გადაწყდა.

გულდასაწყვეტია, რომ ქართული კანონმდებლობით .22-იანი კალიბრის პნევმატიკის შეძენა არ შეიძლება, თორემ ამ თოფს სანადირო კუთხით ბადალი არ ეყოლებოდა.

კარგი ბატონო ჩავხედოთ კოლოფს შიგნით. გახსნისას ვნახულობთ სათუთად პოლისტიროლის დამჭერებში ჩამჯდარ ფიშტოს.



დისკოსგან განსხვავებით თოფს ლულაზე პატარა დამცავიც კი აქვს წამოცმული რომ ტრანსპორტირებისას მტვერი არ შეიპაროს.





რა თქმა უნდა, ყველა პროდუქტს მოყვება თავისი სახელმძღვანელო და სხვადასხვა პატარა ინსტრუქციები, გასაკვირი ისაა, რომ დისკოსგან განსხვავებით მარადიორს მოყვება დეგაზაციის ინსტრუმენტი, იდეაში ეს ერთი დიდი გრძელი ვინტია, მაგრამ აშკარად სასიამოვნო და საჭირო ნივთია, დისკოს დეგაზაციის ვინტი 15$ ღირს რაც მთლად კარგი არაა, აქ კი უფასოდ გაქვს.





ზედა სურათზე ალბათ დაინახეთ, რომ გამოსახულია 2 კლიპი (ეგრეთწოდებული ”აბოიმა”, ისე ჩვენში დარჩეს და როდის გადმოხვალთ რუსული ენიდან???), აქვე უნდა გამოგიტყდეთ მეორე კლიპი დამატებით მე დავუკვეთე და დამიჯდა 20$, მარადიორს ქარხნულად მხოლოდ 1 კლიპი მოყვება. 1 კლიპი ძალიან ცოტაა, ანუ გაისროლე და სანამ დატენი კლიპს მანამდე თოფში ტყვია არ გაქვს , რა თქმა უნდა უფრო მეტის დაკვეთაც შეიძ,ება, მაგრამ 2 ყველაზე ოპტიმალურია, თავიდან ორივე დატენილი გაქვს, პირველს ცვლი და მეორეს არჭობ თოფში, პირველს კი ამასობაში ტენი, თუ უცებ რაიმე სამიზნე გაჩნდა, მეორე კლიპიდან შეგიძლია ისროლო. მოკლედ მე პირადად მიმაჩნია რომ 2 კლიპი აუცილებელია, რადგან თოფი ძირითადად კლიპზეა გათვლილი და თითო ტყვიის ჩატენვა ხელით ცოტა არ იყოს მოუხერხებელია. რა თქმა უნდა შეიძლება, შეუძლებელი ამ ქვეყანაზე არაფერია, მაგრამ....

თოფის ხელში დაჭერისას თვალში გხვდება მისი უბადლო შესრულების დონე, წარმოუდგენელია, რომ პნევმატიკაზე ასეთი სუფთა მუშაობა იყოს ჩატარებული, კონდახი კი თვალებს გინათებს, ბევრს მაღალი კლასის სანადირო ცეცხლსასროლ თოფზე ვერ ნახავთ ამ დონის სუფთა ნამუშევარს და მდიდრულ გრავირებას.













რამდენ პნევმატურ თოფზე გინახიათ საკმაოდ მაღალი ხარისხის მონტეკარლოს კონდახი? თან არა მხოლოდ ერთ მხარეზე, არამედ უნივერსალი, გინდა მარჯვენა ხელისთვის გინდა მარცხენა ხელისთვის, გამზადებული ღვედების დასამაგრებელი და სხვა.









სასხლეტი უკვე რადიკალურად შეცვლილია, ანუ პირველ PCP თოფზე, რომელიც კომპანია კროსმანმა გამოუშვა სასხლეტი იყო ერთ საფეხურიანი (საუბარი discovery-ს სასხლეტზეა) და თან პლასტმასის, აღარაფერს ვამბობ ზამბარაზ,ე რომელიც გამოიყენება სასხლეტში, ასე ვთქვათ თითებს მოგამტვრევს და პირველი რასაც დისკოს მფლობელი აკეთებ ეს არის სასხლეტის ზამბარის შეცვლა.



მაშ ასე სასხლეტი მარადიორზე არის 2 საფეხურიანი, აქვეა განთავსებული მცველიც, როდესაც სასხლეტის წინ დამაგრებული დეტალი უკანაა მოწეული სასხლეტი დაბლოკილია და გასროლა შეუძლებელია, როდესაც წინაა მცველი გაწეული სროლა უპრობლემოდ მიმდინარეობს. როგორც უკვე ვთქვი სასხლეტი ორ საფეხურიანია თან შეიძლება მისი რეგულირება, როგორც სასხლეტის სვლის სიგრძე, ასევე დაწოლის ძალა, ქარხნულად მარადიორის სასხლეტი გათვლილია 500 გრამზე, ანუ საკმარისია სასხლეტს 500 გრამის ძალით დააწვეთ და გასროლა მოხდება, შეიძლება ძალიან მგრძნობიარეც გახადოთ, მაგალითად შეხება და გასროლა ერთი რომ იყოს, საერთოდ სნაიპერული სროლისთვის ასეთი სასხლეტი სჯობია, რადგან დაწოლით გამოწვეული გვერდითი ძალა არ გიცვლით სამიზე წერტილს, მაგრამ ძალიან მგრძნობიარე სასხლეტი უსაფრთხო აღარაა, ასე რომ რაღაც საშუალო უნდა იპოვოთ, მე სხვათაშორის დღემდე ქარხნულ ვარიანტს ვიყენებ, საკმაოდ მოსახერხებელი, თუმცა არ შემიცვლია მარტივი მიზეზის გამო, შესაბამისი ინსტრუმენტები არ მაქვს. მარადიორში ისევე როგორც დისკოში ყველა ვინტი და დეტალი დუიმების სისტემაზეა. ასე რომ....



ისე სიმართლისთვის ერთი რამ უნდა დავამატო, კროსმანმა ეტყობა ჩათვალა რომ ბოლომდე ყველაფერი 5-იანზე გააკეთა და ბოლოს რაღაც სისულელე არ გაეკეთებინა არ შეიძლებოდა, ამიტომაც სასხლეტის ხუფი გააკეთა პლასტმასისგან , რა თქმა უნდა ამას არანაირი დიდი მნიშვნელობა არა აქვს, იდეაში ჭკვიანურიც კი არის, ზამთარში თითი ცივი ლითონის გარემოცვაში არ იქნება, ერთი ლითონის სასხლეტიც ეყოფა თითს .

რეზერვუარი და მანომეტრი უკვე გათვლილია 3000 PSI-ზე ანუ უხეშად 207 ატმოსფეროზე. დისკოზე ლიმიტი იყო 2000 PSI ანუ 136 ატმოსფერო. სროლა შესაძლებელია 3000-დან 1000 PSI-ს დიაპაზონში, თუმცა მაინცა და მაინც თავიდან ბოლომდე სროლა არ მოგცემთ სახარბიელო სროლის ვარიანტს. ჩემი დაკვირვებით ოქროს შუალედი სადრაც 2600-2500-დან უნდა ეძებოთ. თოფს რედუქტორი არ აქვს, ასე რომ წნევის ცვლილებასთან ერთად იცვლება ტყვიის სიჩქარეც, თუმცა ამაზე უფრო დეტალურად ცოტა მოგვიანებით ვისაუბრებ.



რეზერვუარი მარადიორზე საკმაოდ დიდია, კროსმანის განცხადებით 215 კუბური სანტიმეტრი, შედარებისთვის გეტყვით, რომ დისკოს სულ რაღაც 105 კუბური სანტიმეტრი მოცულობა აქვს. ანუ ორმაგი მოცულობა და მეტი წნევა, სწორედ ეს იძლევა იმის შესაძლებლობას, რომ დისკოსავით 40 გასროლა კი არ გააკეთო ერთი დატენვით არამედ..... თუმცა ამაზეც ცოტა მოგვიანებით.

კარგი ბატონო გადავიდეთ ჩახმახზე. ეს ის დეტალია, რომელიც მაგიურად გიპყრობს, გიჭერს და რაღაც ენით აუღწერელ სიამოვნებას განიჭებს. მიუხედავად იმისა რომ დღეს მოდაში შემოდის, ბიატლონისტების მაგვარი ჩახმახი ეგრეთწოდებული Sidelever-ი, მე მაინც კლასიკური მამაპაპური ჩახმახი მირჩევნია, ეგრეთქოდებული BOLT-ი. სროლისას იმდენად ეფექტურია (ემოციურ ვარიანტში) და იმდენად დადებით ემოციებს გაწვდის ეს კლასიკური ძველმოდური ჩახმახი, რომ თავი მართლაც სნაიპერი გგონია, ეგაა რომ ნასროლი ჰილზების ამოყრა არ ხდება







ქარხნიდან ჩახმახის მრგვალ თავს მოყვა დამცავი პლასტიკატის ჩამოსაცმელი, მაგრამ მე იმდენად მომეწონა ეს პლასტიკად ცელოფნის ხუფი, რომ დღემდე ჩახმახიდან არ მომიძვრია . ჩახმახის მოქმედების პრინციპი მარტივია, ამოწიე ზემოთ (იხსნება საკეტი), გამოწიე უკან ბოლომდე სანამ დამრტყმელი არ დადგება საბრძოლო მდგომარეობაში, ამავე დროს, კლიპიდან გამოსული ჩახმახის ცხვირი ანთავისუფლებს ტყვიისთვის ადგილს. კლიპი თავის მხრივ ზამბარის ზემოქმედებით მუშაობს, როდესაც კლიპში აღარც გასროლილი ტყვიაა და აღარც ჩახმახის ცხვირი, იგი ავტომატურად ტრიალდება და ჩახმახის ცხვირის წინ ახალ ტყვიას აყენებს. თქვენ ამას ვერც კი გრძნობთ ჩახმახი უკან გამოწიეთ და მილიწამებში ახალი ტყვიაა ჩახმახის წინ გამზადებული, მომენტალურად ჩახმახი წინ მიგაქვთ და ჩახმახის ცხვირი თვითონ იტაცებს ახალ ტყვიას, რომელსაც თქვენი ხელის მოძრაობასთან ერთაც ლულაში მიათრევს. ბოლო პოზიციაში მისვლისას ჩახმახს ძირს ჩამოწევთ და ჩაკეტავთ.







მოკლედ კლასიკური თოფი გიჭირავთ ხელში, მაგალითად ბრიტანული ლი-ენფილდი ან ლი-მეტფორდი ენა არ მიტრიალდება ეს სილამაზე რუსულ მახინჯ თოფებს შევადარო.

თუმცა აქვე უნდა ვახსენო გარკვეული ცუდი მომენტები. საქმე იმაშია, რომ კლიპი მარტივადაა გაკეთებული, პრაქტიკულად ადრე განხილული ვირთხმინატორის კლიპის ანალოგია, ყოველი მოძრაობისას ახალი ტყვია მიემგზავრება ჩახმახში, ეს ქმნის პრობლემას. ახალბედობისას როდესაც ეს თოფი ჩემთვის ჯერ კიდევ ახალი ხილი იყო, ხშირად ჩახმახი ბოლომდე არ მიმყავდა უკან. შედეგად დამრტყმელი საბრძოლო მდგომარეობაში არ მოდის, ზამბარა ჩახმახს უკან აწვება და საწყის პოზიციაში მიათრევს. თუ შეცდი და გგონია, რომ გადატენე თოფი, ასუსტებ ხელს მაგრამ ამ დროს ზამბარა ჩახმახს წინ მიათრევს, ამ დროს პირველი ტყვია ლულაში უკვე ჩაიტენა. როგორც კი მიხვდები, რომ შეგეშალა, ავტომატურად ცდილობ ჩახმახი ხელმეორედ ბოლომდე უკან გაწიო, ამ დროს, კლიპიდან ჩახმახის ცხვირი ისევ გამოდის, კლიპს სულ არ აინტერესებს იყო უკვე ტყვია ლულაში გაგზავნილი თუ არა, ისევ ტრიალდება და ახალ ტყვიას აყენებს ჩახმახის წინ. თქვენ ჩახმახს წინ ამოძრავებს და აი ლულაში უკვე ერთად 2 ტყვიაა.

რა თქმა უნდა ეს სიზუსტეზე ნეგატიურად მოქმედებს და გასროლისას სამიზნეში უცებ 2 ხვრელი ჩნდება ერთის მაგივრად თან როგორც წესი ყოველთვის აცდენილია იმ წერტილს რომელსაც უმიზნებდით . ნელნელა პრაქტიკაზე მოდის გამოცდილება და ასეთი შეცდომები ქრება. თუმცა მაინც არის რის გამო შემთხვევები როდესაც ვერ იგებ დატენილი გაქვს თოფი თუ არა, სულ იმის ფიქრში ხარ ახლა რომ გადავტენო და თუ უკვე საბრძოლო მდგომარეობაშია თოფი ესეიგი მეორე ტყვიას ჩავტენი ლულაში...

თუმცა მოტვინვა აქაც შეიძლება:

1) ჩახმახს ხსნით და ოდნავ გამოწევთ უკან ისე, რომ ჩახმახის ნემსი არ გამოვიდეს კლიპიდან (საკმაოდ ღრმადაა ცხვირი ლულაში სადღაც 3-4 სანტიმეტრით, თქვენ კი 1 სანტიმეტრის მოძრაობაც არ გჭირდებათ), შედეგად თუ საბრძოლო მდგომარეობაში დამრტყმელი არაა, ჩახმახის ოდნავ უკან მოწევისას მაშინვე იგრძნობთ საკმაოდ გემრიელ წინააღმდეგობას ზამბარისგან, ესეიგი თოფი გადატენილი არაა და ტამამად შეგიძლიათ გადატენოთ.

2) თუ პირველად გაგისხლტათ ჩახმახი ხელიდან და პირველი ტყვია შეიტანა ლულაში, მაშინ ჩახმახი უკან მიგაქვთ, აყენებთ საბრძოლო მდგომარეობაში და აძრობთ კლიპს, კეტავთ ჩახმახს და ისვრით პირველ ტყვიას. შემდგომი გადატენვისას კლიპს თავის ადგილზე აყენებთ და აგრძელებთ სროლას.

მოკლედ არც ისე ძნელია, და რაიმე კოშმარული არ ხდება. ცუდი უფრო ისაა, რომ დისკოსავით არ შეგიძლია ჩატენო ტყვია, შემდეგ საბრძოლო მდგომარეობიდან მოსხნა დამრტყმელი და თოფი ისე შეინახო (ზამბარა რომ არ დაჯდეს), ხოლო როდესაც გასროლა დაგჭირდება უცებ გამოწიო ჩახმახი ჩაკეტო და გაისროლო. იდეაში ეგეც შეიძლება, ოღონდ კლიპი უნდა მოხსნა მარადიორს, საქმე იმაშილა რომ ამ დროს მარადიორი ერთ დამტენიანი ხდება.

კიდევ ერთი ცუდი ფაქტი ის არის, რომ თვითონ ლულის უკანა ნაწილშია ჩახმახის რეზინი ჩასმული. იმის გამო, რომ ჩახმახმა კლიპი უნდა გაიაროს ხოლმე ჩახმახის ცხვირზე აღარაა განთავსებული ჩამკეტი რეზინა. ეს საქმეს ართულებს ლულის შეცვლისას, მაგალითად კროსმანის ლულა რომ შეცვალოთ LW-ს ლულაზე საჭირო ხდება რეზინის ჩასასმელი ბუდის ამოჩარხვა, რაც საქართველოში საკმაოდ რთულ ოპერაციად ითვლება.

კარგი მოდი შევადაროთ დისკოს ახალი მარადიორი, როგორც ორივე ერთი კომპანიის მიერ გამოშვებული და შემდეგ სხვა საინტერესო დეტალები განვიხილოთ.



მარადიორი რაღაც უფრო ზრდასრულ ჩამოყალიბებულ თოფად გამოიყურება დისკოსთან შედარებით, იგივე ჩემი ცნობილი დიდი ოპტიკა VO 6-25x56 მარადიორზე კარგად ჩანს მაშინ როდესაც დისკოზე ზედმეტად დიდ კუზად ჩანდა.



სამაგიეროდ დისკოს მოუხდა Crosman-ის მიერვე გამოშვებული Centerpoint 4-16x40 ოპტიკა, საკმაოდ ნორმალურად დაჯდა დისკოზე. ახლა ჩახმახების სისტემასაც უხეშად გადავხედოთ





დისკოს რუდიმენტალურ ჩახმახის სახელურსა და მარადიორის ჩამოყალიბებულ ჩახმახს შორის, მემგონი დიდი სხვაობაა , სხვათაშორის ეს ჩახმახია რომ ხალხს აგიჟებს. მეზობელი, გამვლელი, ნათესავი თუ ახლობელი, ყველა ქლიავდება მარადიორის დანახვაზე, პატარა შესავალია ყველსათვის გასაკეთებელი რომ ეს პნევმატიკაა და არა ცეცხლსასროლი, ზოგიერთი ამის შემდეგ მარადიორზე ხელს იქნევს, ასევთქვათ იმედგაცრუებას ხედავს, მითუმეტეს საერთოდ ეცინებათ როდესაც მარადიორის ხმას იგებენ საერთოდ სათამაშო ჰგონიათ, ვერ ხვდებიან რომ ეს სიჩუმე ოქროს ფასი ღირს.

ერთერთ მინუსად შეიძლება მარადიორს ჩავუთვალოთ წონა. დისკოს მერე მარადიორი ოპტიკის გარეშე უკვე დიდ წონად გეჩვენება, ოპტიკიანად კი.... მართალი გითხრათ ხელიდან სროლაც კი ჭირს, 5-10 წამი ეს არის მაქსიმუმი, რომელსაც შესძლებთ და ხელიდან დამიზნებიდან გაუძლებთ, შემდეგ მიზანი ხელში დადის და ზუსტ გარტყმა პრაქტიკულად ქრება, რაც დრო გადის მით უფრო ქრება. საყრდენი აუცილებელი პირობა გახდა. აი დისკო კი... ფუმულა მჩატე თოფია. ასე რომ ყველა პლიუსთან ერთად რაღაც მინუსი არ გამოიძებნოს არ შეიძლება .

მოდით ახლა გადავიდეთ ლულაზე და მოდერზე. ლულა დისკოსგან განსხვავებით მოკლეა, ანუ დისკოს აქვს 61 სანტიმეტრიანი ლულა, მარადიორს 50 სანტიმეტრიანი, დისკოს ლულის მწარმოებელი იდეაში უცნობია, ხოლო მარადიორზე კროსმანი აცხადებს რომ თვითონ ამზადებს და ამზადებს ამერიკაში, რამდენად შეესაბამება რეალობას და რამდენად სარეკლამო სვლაა ვერ გეტყვით, ფაქტი ერთია ორივე ლულა მიზანში სროლის მიხედვით რადიკალურად განსხვავდება. დისკოს შეუძლია JSB-ს მეშვეობით გააკეთოს 11-12 მილიმეტრიანი ჯგუფები, მარადიორს კი JSB არ მოსწონს. 25 მილიმეტრინიანი ჯგუფი იმავე პირობევში საუკეთესო შემთხვევაა. თავიდან მეგონა რომ ჩემს მარადიორს სჭირს რაღაც, ან ტყვიები შემხვდა არანორმალური, მაგრამ შემდგომში საკითხის შესწავლისას აღმოჩნდა, რომ მარადიორის ლულას უყვარს კროსმანის ტყვიები და ეს მტკიცდება ლამის მთელი პლანეტის მაშტაბით, ვერავინ კარგად,ვერ ისვრის სახელგანთქმული JSB-ს ტყვიებს მარადიორიდან, სამაგიეროს Crosman Premier 10.5 gr იძლევა საუცხოო შედეგს, პირადად მოვახერხე 20 ტყვიის ჩაჯენა 10 მილიმეტრიან რგოლში, დისკოზე 10 მილიმეტრიან რგოლში ჩაჯენა შეუძლებლად მიმაჩნია და თან 20 ტყვიის ერთად, მაქსიმუმ დისკომ 10 ტყვიის ჩაჯენა მოახერხოს.



პირველი 10 გასროლის შემდეგ იმდენად გაოცებული დავრჩი, რომ მეორე კლიპიც მივუშვი, შედეგი გამაოგნებელია 20 ტყვია ურედუქტორო თოფის მეშვეობიოთ 10 მილიმეტრიან ხვრელში. შესაშური მიზანი ამ თოფს აქვს, ოღონდ თავისი ჭკუის ტყვიები უნდა

ჰო მართლა სანამ დამავიწყდა, მარადიორს ღია სამიზნე საერთოდ არ აქვს, ასე რომ ოპტიკა სავალდებულოა, წინააღმდეგ შემთხვევაში მისი გამოყენება შეუძლებელი ხდება, მინიმუმ გირჩევთ 4-16-იანი ჯერადობის ოპტიკას, თოფს აშკარად შეუძლია დიდ დისტანციაბზე სროლა და არ ღირს პატარა ჯერადობის ოპტიოკით შემოფარგვლა.

აი რაც შეეხება მოდერს…. ჰოო ამის აღწერა ალბათ გამიჭირდება, კიდევ კარგი მოწმეები მყავს, თორემ არავინ დამიჯერებდა, მოკლედ თავისი პლიუსები აქვს დიდი ხნით გაჭიმულ რეპორტს. მოკლედ მოდერი მუშაობს ენით აუღწერელი ხარისხით. ანუ თუ თოფი დატენილია 3000 PSI-ზე მაშინ გასროლის ხმა არ არსებობს, მაქსიმუმ კლაპანზე დამრტყმელის ხმა ისმის, ისიც იმდენად მოგუდული და არარეალური რომ სროლა გამოდის არამიწიერი, ანუ რაღაც ხმა არის, რომელიც ენით აღწერას არ ექვემდებარება და ბოლოს მიზანში მოხვედრის ხმა. მოწმედ მოვიშველიებ ჯორჯიკას, დავითუსს და დავითს, დატენილი თოფის ხმა მოისმინეს და ტბებშიც ისროლეს, ისეთი შეგრძნებაა რომ ციდან ჩამოვარდნილი კენჭი ხვდება წყალს, გასროლა პრაქტიკულად არ არსებობს. აი წნევის ვარდნის შემდეგ ხმა ცოოტათი მატულობს. სადღაც 2600-2500-დან ჩნდება სისინის ხმა გასროლისას, ხოლო სადღაც 2000-1900-დან შეიძლება ითქვას დისკოს ხმას ეწევა, ოღონდ დისკო TKO22-ის კარბონის მოდერით (მოდერი რომელიც ლისის ტბაზე ჩავახრჩვე). თავის დროზე TKO22-ის მოდერმა გამოიწვია ფურორი ერთერთი გასვლისას, ბევრმა ჩათვალა რომ ხმა თოფს პრაქტიკულად აღარ გქონდა, აბა რაღა ვთქვა მარადიორზე.... არ აქვს, საერთოდ არ აქვს . რა თქმა უნდა საუბარია ღია სივრცეზე და არა ჩაკეტილ ოთახზე, ოთახში ცოტაოდენ სროლის ხმა ისმის. ნუ შეეცდებით ხმა გაიგოთ რაიმე ვიდეო კლიპის ჩანაწერის მეშვეობით, ყოველთვის არასწორი ინფორმაცია გექნებათ, ჩანაწერსე ყოველთვია არის ხმა, ეს გამოწვეულია მიკრაფონის მიერ ექოს და სხვა ტალღების დაჭერის შედეგად, ვერცერთი ჩანაწერი ვერ მოგცემთ მარადიორის რეალურ ხმას.

ამ სიტუაციამ იმდენად დამაინტერესა რომ მარადიორს მოვხსენი მოდერატორი, უფრო სწორედ ამას უკვე მოდერატორი აღარ ჰქვია, მარადიორს აქვს შრაუდერი, ანუ მთელი ლულის სიგრძეზე წამოცმული დამატებითი მეორე ალუმინის ლულა. თვითონ ლულის გარე დიამეტრი არის 11.14 მილიმეტრი, შრაუდერის მილის გარე დიამეტრი კი 22.5 მილიმეტრი, შრაუდერი არის 60 სანტიმეტრის სიგრძის.

ესეიგი ვიღებთ შემდეგ სიტუაციას ლულის 50 სანტიმეტრიდან 5 სანტიმეტრი არის კოლოფში მოთავსებული დარჩენილ 45 სანტიმეტრს გარს შემორტყული აქვს შრაუდერი, დარჩენილი შრაუდერის 15 სანტიმეტრი შევსებულია 4 ცალი პლასტიკატის ჭიკით, ფსკერზე ამ ჭიქებს აქვს 6.25 მილიმეტრიანი ხვრელი (.22-იანიც უპრობლემოდ გაეტევა, ან ბოლო ბოლო 1 მილიმეტრით გააფართოვებ და მორჩა საქმე). ბოლოს შრაუდერს უკეთია ალუმინის ხუფი, რომელიც იჭერს პლასტიკატის ჭიქებს შრაუდერში. შრაუდერი თავის მხრივ საწყისად მაგრდება ლულის დასაწყისზე ჩამოცმულ დეტალზე, რომელსაც შესაბამისი სისქის რეზბა აქვს.



ახლა როგორ მოქმედებს ეს ყველაფერი - ტყვია გასროლისას გადის ლულაში და ბოლოს რა თქმა უნდა ტოვებს ლულას. აქ ტყვია ხვდება პირველ დახურულ სივრცეში, უფროსწორედ ტყვიის უკან მომყოლი ჰაერის ნაკადი. ანუ ლულის თავზე ჩამომჯდარი პირველი პლასტმასის ჭიქა ჰაერს კვეთავს ტყვიისგან და ლულის ირგვლივ 45 სანტიმეტრის სიგრძეზე ანაწილებს, ამით წნევას აგდებს, და აირს აცივებს აირის გაფართოების ეფექტის გამო. ტყვია აგრძელებს მოძრაობას და გადადის მეორე პლასტიკატის ჭიქაში, აქ კიდევ ერთხელ იკვეთება უკან მოყოლილი ჰაერი, მაგრამ უკვე ნაკლები წნევით და ნაკლები ტალღით. გარდა ამისა ტყვია კიდევ 2 პლასტიკატის ჭიქას გადის რის გამოც ჰაერის ხმა და წნევა კიდევ 2-ჯერ იკვეთება. ბოლოს ტყვია ტოვებს ლულასაც და შრაუდერსაც, ხოლო შრაუდერში დარჩენილი გაფართოებული დაწყნარებული ჰაერი ნელნელა და ჩუმად ტოვებს შრაუდერს იმ ხვრელიდან რომლიდანაც ტყვია გაფრინდა.



რა თქმა უნდა ეს ყველაფერი საკმაოდ ჩქარა ხდება, მაგრამ იძლევა იმის შესაძლებლობას, რომ ტყვიის უკან მოყოლებული ჰაერის დამრტყმელი ტალღა ჩააწყნაროს. რამდენიმე წყარო იტყობინება რომ შეიძლება მესამე ჭიქის უკუღმა მოტრიალება, ისე რომ ბოლოს ერთი დიდი სივრცე შეიქმნას, შედეგად 4 საფეხურიანი სისტემის მაგივრად ვიღებთ 3 საფეხურიანს, მაგრამ იმის გამო, რომ მესამე საბოლოო სარქველი მეორე სარქველზე დიდია ჰაერს უფრო ეფექტურად ჭრის და თოფი უფრო ჩუმიაო, არ ვიცი მე ვერაფერი ეგეთი ვერ შევამჩნიე თუმცა მე ეს ექსპერიმენტი სახლის პირობებში გავაკეთე და შეიძლება ექოს ეფექტმა არ მომცა საშუალება, რომ განმესხვავებინა ესპერიმენტის მიღებული ხმები ერთმანეთისგან. აქვე დავძენ მათთვის ვისაც აინტერესებს მარადიორის ორიგინალი ხმა მოდერის გარეშე.... ცეცხლსასროლი გისვრიათ? ახლა 308 ვინჩესტერს ვერ ეწევა, მაგრამ ეგრეთწოდებულ GEKO-ზე 1,5-ჯერ მეტი ხმა აქვს. ყოველ შემთხვევაში ორმაგი დისკოს ხმა გარანტირებულად გაქვს. ასე რომ შრაუდერი სუპერ ეფექტურად მოქმედებს (ასეთი ხმა მოჭრა თითქმის ნოლამდე....).

[kaka8079]

კი დრო ნამდვილად დაგვჭირდება,კაი თენგო წინასწარ მადლობა.

[ja_ja]

მოკლედრა აქ თეორიებია იმის ჭე

kaka8079
შენი თოფი და რედუქტორი საერთოდ გადამრევენ. ეს გრაფიკი კი არა კოშმარია ისე ჩვენში დარჩეს ეს რედუქტორიც ხომ არ დაგიშლია? წინა დაშლილი გქონდა და 2 დისკი აკლდა, არ მითხრა ახლა ეგეთ მდგომარეობაში მუშაობდაო

tengo
ზარედუქტორნი რა შუაშია? ვკლადიში იგივეა.

წნევა ვკითხე პატრონს რამდენი გინდა მეთქი, გავაფრთხილე ახალს რეგულირება არ ექნება წინასწარ შევზღუდავ მეთქი, მოვილაპარაკეთ სადღაც 2000 PSI-ზე, რეალურად რედუქტორი ჩერდებოდა 1900-ზე. (სადღაც 120-125 ბარია). წინა რამდენზე ჰქონდა დაყენებული არ მახსოვს. 120- ბარზე მე რაც მინახავს ყველა თოფში 280-285 გამოდის (პლიუს მინუს პატარა გადახრებით)

ჰო განსხვავებას კიდევ ის მისცემდა რომ რედუქტორის შეცვლის გარდა კლაპანში შენს ზამბარას იყენებს, მე ქარხნულზე მგქონდა გათვლილი, ეგეც რაღაც სხვაობას მისცემდა. მოკლედ მთელი დომფხალია.

კაროჩე ჯერ სტანდარტული პარამეტრები თოფში და ვთქვათ რედუქტორი, აკმაყოფილებს პატრონს მაგრამ მეტი უნდა მერე ზამბარები და დამრტყმელი, მაგრამ ყველაფერი ერთად, ხრენ ივო ზნაიტ რას მიიღებს კაცი.

P.S. CZ80-ის მარადიორს კი ბევრი კურიოზი სიჭრს, პირველი ჟანგი, არ იკეტებოდა წინა პორტი (მოვხსენით კვიკი და იმენნა ჟანგის ფხვნილი გადმოიყარა), უკნიდან აპარებდა, მანომეტრის პორტის ვკლადიშის ძირი დაკაწრულია და რეზინა ვერ იჭერდა, პლიუს რომ უჩივის იქეთ აქეთ ისვრისო და ზოლები აქვს ლულაზო, უბრალოდ ტყვიის ნადები აქვს ლულაში და ერთ ნარეზს თუ დააკვირდები ტყვიის ნადებია ყოველ 5-6 მილიმეტრში, შედეგად ხაზივით ჩანს, ანუ პროსტა მწარედ არის ლულა გამოსაწმენდი. რაიმე ტყვიის გამხსნელი ხსნარი სჭჳრდება, მგონი ნიშადურით წმინდავენ ხოლმე მაგ დროს ლულას, ან ზეთი უნდა სპეციალური, უნდა ჩაახსხა ლულაშჳ და დატოვო 5-10 წუთი (წესით ინსტრუქცია ზეთს ეწერება), მერე კი შამპოლით და ქეჩით უმოწყალოდ წმენდა

ნუ წინა კლაპანი გავწმინდეთ, მარა 50 ბარზე მანც ვერ იჭერდა წნევას, 100-ზე წინა პორტმა დაიჭირა, მანომეტრის პორტში ტეფლონის პორტი დავახვიეთ (ვროდე დაიჭირა), რეზინები ყველა დავცვალეთ და ვროდი უჭირავს, მაგრამ არ გამოვრიცხავ რომ მაინც ეპარებოდეს. კაროჩე CZ-ს ჯერ კიდევ ბევრი აქვს საჩალიჩო, ჩემთან გარაჟში 9 პირი ოფლი გაუვიდა 2-ჯერ 50 ბარზე დატენვისას ცხელა ბლიაძ!

[tengo]

ჰო განსხვავებას კიდევ ის მისცემდა რომ რედუქტორის შეცვლის გარდა კლაპანში შენს ზამბარას იყენებს, მე ქარხნულზე მგქონდა გათვლილი, ეგეც რაღაც სხვაობას მისცემდა. მოკლედ მთელი დომფხალია.

არა კაცო, ჩემი ზამბარა რა შუაშია, როცა გაცილებით მეტი გადახარჯვა მიიღო, მგონი ზამბარა მერე შეცვალა. თუ ფიქრობ რომ ზამბარის ბრალია ,დაუყენოს ისევ ქარხნული და მორჩა.

ზარედუქტორნი რა შუაშია? ვკლადიში იგივეა.

კაი ბატონო, ვკლადიში თუ იგივეა მაშინ გამოდის რომ მოცულობაც იგივე დარჩა.
ჯაჯა, რეზერვუარიდან ჰაერის მიმწოდებელი კანალი(რედუქტორზე) ხომ არ არის უფრო დიდი დიამეტრის ,წინა რედუქტორთან შედარებით?, რომელსაც შეიძლება გადახარჯვა გამოეწვია.

წინა რამდენზე ჰქონდა დაყენებული არ მახსოვს.

როგორც მე მახსოვს წინა რედუქტორი 140 ბარამდე ქონდა დაყენებული ( ჩემსას ვადარებდით და იმიტომ მახსოვს) და მაშინ აკეთებდა 280-ით 50მდე გასროლას,როგორც თვითონ ამბობდა. თვითონ უფრო ზუსტად ემახსოვრება ალბათ.

[tengo]

კაროჩე CZ-ს ჯერ კიდევ ბევრი აქვს საჩალიჩო, ჩემთან გარაჟში 9 პირი ოფლი გაუვიდა 2-ჯერ 50 ბარზე დატენვისას ცხელა ბლიაძ!

ჩემთანც არა ნაკლკებ ოფლი გაუვიდა, 4 ჯერ დავშალეთ , გაპარვის პრობლემები მოგვარდა, მაგრამ ზამბარის დარეგულირება ვერ მოვასწარით იმ დღეს . ბესო, ხოლო რაც შეეხება ლულას, თუ ის ხაზები ტყვიის ნადების ბრალია,( როგორც ჯაჯა ამბობს) მაქვს სპეციალური ხსნარი აეროზოლში და გავსინჯოთ.

[cz80]

ja_ja
tengo
გაიხარეთ ბიჭებო დახმარებისთვის..ჯიგრები ხართ
ორივემ დიდი გულისხმიერება გამოიჩინეთ და მთელი გულით მოეკიდეთ ჩემი ფიშტოს პრობლემას ..კიდევ ერთხელ დიიდი მადლობა

რეზინები ყველა დავცვალეთ და ვროდი უჭირავს, მაგრამ არ გამოვრიცხავ რომ მაინც ეპარებოდეს

გიო კიდევ გადავამოწმე სახლში რომ მივედი,
არ აპარებს არსაიდან,
პლუს ამას ეს ორი დღეა ვაკვირდები კიდე და აშკარად არ აპარებს
ეს საქმე მოგვარდა...

რაც შეეხება ლულას,ჯაჯა მართალი ხარ..დავაკვირდი კარგად და უეჭველი ასვინცოვკაა,
უბრალოდ იმიტომ არ ვიპიქრე ეგ თავიდანვე რომ აშკარად ხშირად ვწმენდდი ლულას,
უბრალოდ ყოველგვარი ხსნარების გარეშე და ზნაჩიტ არ იყო საკმარისი..

მაქვს შოლოჩნი ზეთი,გლუვის ლულას რითიც ვწმინდავ ხოლმე და მაგით ვცდი,
ერთი იმას ვერ ვრისკავ რომ მარადას ლულაზე სეტკით გამოხეხვა ვცადო,რავი არის ეს ლულა ამაზე გათვლილი? ხერ ივო ზნაეტ..

ჩემთან გარაჟში 9 პირი ოფლი გაუვიდა 2-ჯერ 50 ბარზე დატენვისას ცხელა ბლიაძ!

ჩემთანც არა ნაკლკებ ოფლი გაუვიდა, 4 ჯერ დავშალეთ

აუ ეგ იმენა მკლავს რა,ამ სიცხეს ვერ ვიტან..მწურავს ბლიად...

ეხლა სიჩქარეების დარეგულირება მინდა კიდევ ვითომ,მარა..
გადავიდეს ეს სიცხეები,ამდენი კაჩაობა იმ დროს როცა ისედაც ვიწვი,მურტალია ტო

ნუ ჩემით ვეჩალიჩე კიდე სახლში,ბრმად,ქრონის გარეშე..ნუ რაგაც ბოლე მენეე პლატოსავით დავიჭირე..
ნუ მარტალია პირველყოფილი მეთოდით,დეესპეზე და კიდე ჟურნალებზე სროლით ვცდილობდი ბოლე მენეე თანაბარი სიჩქარის დაჭერას..
რავი რაღაც სანადიროდ დამაკმაყოფილებელი კი ვნახე ვითომ და ვნახოთ
ქრონში მერე გავატარებ..ამინდები გამოვიდეს პროსტო

მოკლედ იმედია ამ სეზონზე არ გამაწვალებს და დალშე მერე მივხედავ კიდე
გაიხარეთ და გამრავლდით დახმარებისთვის

[kaka8079]

ja_ja
გიო ეგ რედუქტორი დავშალე მართალი ხარ მაგრამ დავშალე პატარა მაგიდასტანდა ზამბარები საერთოდ არ ამომიყრია მახსოვს ერთი ზამბარა რეზინაზე გადამზვრალი იყო და გითხარი კიდეც,დავთვალე მახსოვს და 14 ცალი იყო თუ არ ვცდები,ნეტა შენ რამდენი ცალი დაგხვდა რომ დათვალე?

[ja_ja]

tengo

ჩემი ზამბარა რა შუაშია

ოხ მოკელდ, იმას ვამბობ რომ ერთად 300 პარამეტრის ცვლილების დროს რამ რა გამოიწვია ადინ ხრენ ივო ზნაიტ მეთქი

თუ ფიქრობ რომ ზამბარის ბრალია

ვერაფერს ვერ ვფიქრობ, ჯერ გაუგებარია რა ხდება. თავიდან მახსოვს პირველ დღეს 1 მეტრიანი დერეფანი მაქვსო მომწერა, ახლა იმოდენა განსხვავებაა რომააა

ჯაჯა, რეზერვუარიდან ჰაერის მიმწოდებელი კანალი(რედუქტორზე) ხომ არ არის უფრო დიდი დიამეტრის ,წინა რედუქტორთან შედარებით?, რომელსაც შეიძლება გადახარჯვა გამოეწვია

ვერ გავიგე რას კითხულობ, ყველა რედუქტორში ერთი ზომის ნემსია თუ მაგას კითხულობ (ხვრელი იმდენად პატარაა რომ საცდელ სადგურში კლაპნის გახსნისას რედუქტორის წინ არსებული რამდენიმე კუბის ჰაერს 1-2 წამი უნდა რომ გამოეტიოს და გამოვიდეს, ასე რომ ზედმეტი ნაღდად ვერ გავა), კონსტრუქციულად არაფერია შეცვლილი, გარეგნული ზომების გარდა.

როგორც მე მახსოვს წინა რედუქტორი 140 ბარამდე ქონდა დაყენებული

ნუ მაგას მე ვერ ვხვდები, 140-ს აყენებენ 5.5-ზე და 6.35-ზე, 177-იანზე 140 ბარი ნახრენა? თუ მაინც 280 მეტრს ვერ იღებ?

მაშინ ისმის კითხვა, რაღად აყენებთ ძლიერ ზამბარას და რათ გინდათ მაშინ დიდი ზარედუქტორნი მოცულობა? ნუ შეიძლება მე ვურიკინებ, მაგრამ მეტი წნევა წესით მეტი რაოდენობის ჰაერის დაგროვებას ნიშნავს რედუქორს მიღმა, შედეგად მეტი ხარჯიცაა. რავიცი, რავიცი.

კაროჩე არ ვიცი, მოვა ამ დღებში კაკოი ჩემთან ჩემს რედუქტრს ჩავაყენებთ და ვნახოთ, თუ იმაზეც დაიწყო ვაი ვუი და აღარ ვიცი


cz80

პლუს ამას ეს ორი დღეა ვაკვირდები კიდე და აშკარად არ აპარებს

ნუ ძალიანაც კაი, ესეიგი მორჩა ეგ პრობლემა

რაც შეეხება ლულას,ჯაჯა მართალი ხარ..დავაკვირდი კარგად და უეჭველი ასვინცოვკაა,
უბრალოდ იმიტომ არ ვიპიქრე ეგ თავიდანვე რომ აშკარად ხშირად ვწმენდდი ლულას,
უბრალოდ ყოველგვარი ხსნარების გარეშე და ზნაჩიტ არ იყო საკმარისი..

აბა უბრალოდ ბამბის იქეთ აქეთ კატავი არ გიშველის, ეგრე შუა საუკუნეების მეთოდიც გაწმენდად ითვლება, ანუ საკუთარი ნერწყვი , მაგრამ მეცმიერებამ დაამტკიცა რომ არ შველის ეგ მაგ საქმეს

ერთი იმას ვერ ვრისკავ რომ მარადას ლულაზე სეტკით გამოხეხვა ვცადო,რავი არის ეს ლულა ამაზე გათვლილი? ხერ ივო ზნაეტ..

შენ თუ სპილენძIს თუ ლატუნის ჩოთქს გულისხმობ, მაშIნ შეიძლება, რაც არ უნდა ბანძI იყოს, მარადიორის ლულა, მაინც ფოლადია, ფოლადი უწრთობიც კი ლატუნზე და სპილენძზე მყარია, ასე რომ ვერ გააფუჭებ.

kaka8079

დავთვალე მახსოვს და 14 ცალი იყო თუ არ ვცდები,ნეტა შენ რამდენი ცალი დაგხვდა რომ დათვალე?

13, არადა ყველა რედუქტორიშIი15 ცალი მაქვს ჩადებული. ანუ უკვე შენს დროს 1 ცალი სადღაც გაქრა, კაროჩე რაფერ ამუშავებდი

[tengo]

მაშინ ისმის კითხვა, რაღად აყენებთ ძლიერ ზამბარას და რათ გინდათ მაშინ დიდი ზარედუქტორნი მოცულობა? ნუ შეიძლება მე ვურიკინებ, მაგრამ მეტი წნევა წესით მეტი რაოდენობის ჰაერის დაგროვებას ნიშნავს რედუქორს მიღმა, შედეგად მეტი ხარჯიცაა. რავიცი, რავიცი.

მგონი პირიქითაა, მეტი ჰაერი მეტი წნევა და ნაკლები ხარჯი, ჩემი დაკვირვებებიდან ასეთი დასკვნა გამოვიტანე და ბექას თვითდამტენმაც ანალოგიურ დასკვნამდე მიგვიყვანა ,როდესაც მაღალ წნევაზე ტვითგადატენვა არ ხდებოდა,ხომ გახსოცვს. შეიძლება მეც ვურიკინებდე, მაგრამ ვფიქრობ რომ რაც მეტია წნევა მით ნაკლებია ჰაერის ხარჯი .

[ja_ja]

tengo
მაშIნ მანდ ზამბარების თეორია მაკვირვებს, რაღათ აყენებ ძლიერ ზამბარას? კაკოს და CZ-საც ერთნაირი აქვს, 1.8 მილიმეტრიანი რაღაც საშინელი სისქის ზამბარაა, ანუ ეგ აკეთებს კაკრაზ წინააღმდეგობის ვარიანტს და ჩაქუჩი ვეღარ ხსნის დიდად კლაპანს, რაღათ გინდა კიდევ 140 ბარიც?, მაშინ პატარა მოცულობა დავტოვოთ რედუქტორს მიღმა და მორჩა....

ბექასთან იმიტომ არ ხდებოდა რომ კაკრაზ მაღალ წნევაზე ჩაქუჩი ვეღარ ხსნიდა კლაპანს, კი ერთისმხრივ გამოდის რომ ამ დროს კლაპნიდან ცოტა ჰაერი გამოდის, მაგრამ მაგის რეგულირება შეიძლება პატარა რედუქტორს მიღმა მოცულობით, ისე კაი იდეაა სადღაც 5 კუბიანი უნდა გამოვთალო და ვნახო ერთი რა შედეგი გაიჩითება.

[kaka8079]

ja_ja
გიო სრულიად ფხიზელ მდგომარეობაში დავშალე რედუქტორი მახსოვს 3დიდი კრებული იყო თითო 4ცალისაგან შემდგარი და ცალკე 2 ცალი იყო ბოლოში თუ თავში არ მახსოვს თუმცა არც ვიცი სადაა მანდ თავი და ბოლო

[tengo]

tengo
მაშIნ მანდ ზამბარების თეორია მაკვირვებს, რაღათ აყენებ ძლიერ ზამბარას? კაკოს და CZ-საც ერთნაირი აქვს, 1.8 მილიმეტრიანი რაღაც საშინელი სისქის ზამბარაა, ანუ ეგ აკეთებს კაკრაზ წინააღმდეგობის ვარიანტს და ჩაქუჩი ვეღარ ხსნის დიდად კლაპანს, რაღათ გინდა კიდევ 140 ბარიც?, მაშინ პატარა მოცულობა დავტოვოთ რედუქტორს მიღმა და მორჩა....

ბექასთან იმიტომ არ ხდებოდა რომ კაკრაზ მაღალ წნევაზე ჩაქუჩი ვეღარ ხსნიდა კლაპანს, კი ერთისმხრივ გამოდის რომ ამ დროს კლაპნიდან ცოტა ჰაერი გამოდის, მაგრამ მაგის რეგულირება შეიძლება პატარა რედუქტორს მიღმა მოცულობით, ისე კაი იდეაა სადღაც 5 კუბიანი უნდა გამოვთალო და ვნახო ერთი რა შედეგი გაიჩითება.

მგონი შენც ძლიერი ზამბარა გიყენია. ჩემი ზამბარაც ზუსთად ისეთია როგორც კაკოსი და ბესოსი, მხოლოდ სიგრძეში შეიძლება სხვაობები იყოს, ამიტომ არის საჩალიჩო მისი დარეგულირება(ოდნავ მოჭიმული უნდა იდოს თავის ბუდეში).
რაც შეეხება წნევას და ზამბარას, აქ იმდენი ვარიანტი და კომბინაციები შეიძლება გაკეთდეს,რომ მაგის შედეგების ცწინასწარ განსაზღვრა ძალიან რთულია.
მე ნაკლები მოცულობითაც გავსინჯე, წნევბა არა უმეტეს 140 ბარისა იყო, მაგრამ შედეგები გაცილებით უარესი მივიღე.
ბექასთან მგონი ,დაახლოებით ერთდაიგივე ტყვიის სიჩქარეზე,მაგრამ განსხვავებულ წნევაზე ხდებოდა ასეთი რამ ; მაღალ წნევაზე არ იტენებოდა, მიუხედავად იმისა რომ ტყვიის სიჩქარე არ იყო ნაკლები ვინემ დაბალ წნევაზე მიღებული ტყვიის სიჩქარე. მაგალითად თუ 3000-ზე ქონდა 280 და არ იტენებოდა, 2500-ზე ქონდა იგივე ან ნაკლები და იტენებოდა. გამომდინარე აქედან მაღალ წნევაზე ჰაერის რაოდენობა არ ყოფნიდა, ჩემი ფიქრით მაღალი წნევიდან გამოტყორცნილი მცირე ჰაერი იგივე ეფექტს იძლევა ,როგორც ნაკლები წნევიდან გამოტყორცნილი მეტი მოცულობის ჰაერი. შედეგად ნაკლებ წნევაზე მეტი გადახარჯვაა.
თვითონ კლაპნის ფორმაზეც ბევრი რამ არის დამოკიდებული, შეიძლება ფორმა იყოს ისეთი რომ ძალიან სუსტი ზამბარითაც, გადამშვების დარეგულირებით მიიღო ნორმალური პლატო და გასროლების რაოდენობაც. ( მაგალითად ხაჩიკას ერთ-ერთ კლაპანზე მივიღე მშვენიერი შედეგები და მონაცემები დავდევი მაშინ).

[beqa]

გაუმარჯოს მეგობრებო

აზრთა ჭიდილიში მეც შემოგირთდებით

ზარედუქტორნი წნევა არაფერ შუაშია გრაფიკის ცვალებადობაზე მხოლოდ სიჩქარეზე მოქმედებს ეს ჩემი გამოცდილებიდან, მანდ მნიშვნელობა ქონდა

რაღაც მგონია რომ ჩაქუჩი არ დადის თანაბრათ, ან საპოხი არ არის შესაბამისი. კარგათ ვერ სრიალებს თავიდან, ოდნავ რომ შეთბება უმატებს სრიალს ესეც გრაფიკის ცვალებადობაზე მოქმედებს.

შეიძლება რამე არის ჩაქუჩსა და რეზერუარს შორის მოხვედრილი რომელიც სვლაში ხელს უშლის რაღაც დროს

[tengo]

ზარედუქტორნი წნევა არაფერ შუაშია გრაფიკის ცვალებადობაზე მხოლოდ სიჩქარეზე მოქმედებს ეს ჩემი გამოცდილებიდან

რათქმაუნდა ასეა.

რაღაც მგონია რომ ჩაქუჩი არ დადის თანაბრათ, ან საპოხი არ არის შესაბამისი. კარგათ ვერ სრიალებს თავიდან, ოდნავ რომ შეთბება უმატებს სრიალს ესეც გრაფიკის ცვალებადობაზე მოქმედებს.

ესენიც ყველაფერი მოქმედებს განმეორადობაზე და პლიუს რედუქტორიც ალბათ.

[beqa]

tengo

პლიუს რედუქტორიც.

რედუქტორი რათქმაუნდა მოქმედებს აღარ დავწერე, იქნებ ეს დეტალები გამორიცხოთ, მერე ვნახოთ რედუქტორი

[tengo]

tengo


რედუქტორი რათქმაუნდა მოქმედებს აღარ დავწერე, იქნებ ეს დეტალები გამორიცხოთ, მერე ვნახოთ რედუქტორი

ნუ ეს რედუქტორი ჯერჯერობით ახალია და დროთაგანმავლობაში მოდჯდება ალბათ. გრაფიკი იმდენად არაა პრობლემა , რაღაც 40 გასროლაზე მეტს ვერ ღებულობს 280 მწ.ით.

[cz80]

მოკლედ, მოვხსენი ლულა..ჩავასხი შოლოჩნი ზეთი..25-30 წუთი დავტოვე..
მერე მივედი ვხეხე დაუნდობლად
ასვინცოვკა ქონდა კაააარგაად..ბლომად ჭუჭყი გამოვიდა..
დალშე ქეჩებით ვაპრიალე..ნუ ყველა შესაბამისი პროცედურა ჩავუტარე..გავხედე ლულაში და..ის ხაზები მაინც დარჩა...
ვოტ ტაკ ვოტ

იტოგში დროებით ვიკიდებ ამ ყველაფერს..
ჯერ სეზონია წინ

PROTECTED LINKS

CAUTION: REGISTER / LOGIN first, to view this links.

[tengo]

ნუ ყველა შესაბამისი პროცედურა ჩავუტარე..გავხედე ლულაში და..ის ხაზები მაინც დარჩა

სამწუხაროა რომ ტყვიის ნადები არ ყოფილა და ის ხაზები ისევ დარჩა, მაგრამ იქნებ ასეთი გაწმენდა მოუხდა და ატრივებიც არა აქვს, ხომ არ გაგისინჯია?

[tengo]

გიო სრულიად ფხიზელ მდგომარეობაში დავშალე რედუქტორი მახსოვს 3დიდი კრებული იყო

აკაკი, როგორაა საქმე ,თუ მიიღე სასურველი შედეგი?

[kaka8079]

შედეგი ისაა რომ ახალი რედუქტორი ჩავდგი შედეგად მივიღე 53 გსროლა 282-278მერტ წამით,ხოლო რედუქტორის გარეშე 40გასროლა 310-300 მეტრ წამით,კიდევ უნდა დარეგულირება და ცოტა უკეთესი შედეგის მირებაც არის შესაძლებელი მგონი.

[tengo]

შედეგი ისაა რომ ახალი რედუქტორი ჩავდგი შედეგად მივიღე 53 გსროლა 282-278მერტ წამით,ხოლო რედუქტორის გარეშე 40გასროლა 310-300 მეტრ წამით,კიდევ უნდა დარეგულირება და ცოტა უკეთესი შედეგის მირებაც არის შესაძლებელი მგონი.

ნუ ეს შედეგი გაცილებით უკეთესია, მაგასთან შედარებით რაც შენ ბოლოს გქონდა. ნელ-ნელა ამ შედეგის გაუმჯებესებაც შეიძლება.
რედუქტორი რამდენ ბარზე აყენია?