Benjamim Marauder - ახალი თოფი, ახალი ხედები, არ განვიხილოთ? პარამეტრები

[ja_ja]

ჩამოჯდა ჩიტი ხეზე, შენ დიდი ხანია ელოდებოდი მას. ათვალიერებ და ემზადები სასროლად, მაგრამ ამჩნევ რომ მეორე ტოტზე კიდევ ერთი ჩიტი ჯდება, 3 ტოტით ქვემოთ კიდევ 2 ჩიტი ჯდება, ემოციები გეუფლება, გინდა ყველას წვდე, მაგრამ ხვდები ეს შეუძლებელია, გულში იქნევ ხელს და ფიქრობ ჯანდაბას ერთს ხომ მაინც მოვინადირებ.

ეფერები სასხლეტს, იღებ მიზანში პირველ ჩიტს, და ცოოოტათი აწვები სასხლეტს.... ჩვეული ბრახუნის მაგივრად რაღაც მოგუდული ხმა გესმის, თითქოსდა ნაჭერში გახვეული ლურსმანი ისე რა ძალით დაჰკარი ქვას. პირველი ჩიტი ვარდება, მაგრამ დანარჩენი არ ინძრევა, აგრძელებს ჭყიპინს და თავის ენაზე ჭორაობას, უცბად გადაწევ ჩახმახს, მეორე ტყვია თვითონ მზადდება, ჩაკეტე ჩახმახი ისევ ოდნავი დაწოლა სასხლეტზე და მეორე სამიზნეც ძირს ჩამოვარდა, სასწრაფოდ კიდევ ერთხელ ჩახმახის გადაწევა და მესამე სამიზნე ძირს აგდია, კიდევ ერთხელ აპირებ ჩახმახის გადაწევას მაგრამ მეოთხე დამფრთხალი ჩიტი მიფრინავს, იმიტომ რომ დაინახა მისი გვერდზე მჯდომი როგორ ჩამოვარდა, ვერ მიხვდა რატომ, მაგრამ თვითშენარჩუნების ინსტიქტი აიძულებს გაფრინდეს.

ჩამოწიე თოფი, აიქნიე თავი ოფლიანი შუბლიდან ”ჩოლკის” ასაგდებად და გაიფიქრე, 2-3 წამში 3 ნადავლი არც თუ ისე ცოტაა, მითუმეტეს ტყე ბახაბუხით არ გაგიყრუებია და მონადირებული ფრინველის მეგობრები ვერც კი ხვდებიან რომ უნდა გაიქცნენ, შორს, შორს უნდა გაიქცნენ.

ეს ყველაფერი შეუძლებელ ოცნებად მიაჩნია ბევრი პნევმო თოფის მფლობელს, მაგრამ თუ ყველაფერი სწორედ გათვალე..... ქარხნიდან გამოსული თოფივე მოგცემს საშუალებას ერთდროულად გახდე მიზანში ზუსტი მსროლელიც და ტყის ჩუმი რისხვა. მაშ ასე გაიცანით - საუბარია წლის ინოვაციურ მოდელზე! რომელმაც ყველა ნომინაციაში მოწონება მიიღო, საუბარის კომპანია Crosman-ის ნაწარმზე Benjamin Marauder-ზე.



ეს მიმოხილვა დიდი ხნის წინ უნდა დაწერილი, მაგრამ სუბიექტური, ობიექტური და ოჯახური პრობლემების გამო კარგა ხნით გადაიდო. მოკლედ 1 თვეზე ცოტა მეტი გავიდა რაც სამყაროსთვის შედარებით ახალთ ახალი Benjamin Marauder-ი ჩამომივიდა. ჩამოსვლის მომენტში საქართველოში უკვე არსებობდა ერთი მარადიორი, მაგრამ ბევრმა მის შესახებ ლამის ბოლო წუთამდე არაფერი არ ვიცოდით. ჩამოტანით ჩამოიტანა ეს საუცხოო თოფი კროსმანის ლოკალურმა წარმომადგენელმა ინდ საწარმომ გრიგოლ ხელაძემ (ფირმის მფლობელს იგივე სახელი აქვს), მისი ნახვა და კონტაქტზე გასვლა შეიძლება ქართული ვებ გვერდი www.iaragi.ge-ს მეშვეობით. ბატონ გრიგოლს სტაბილურად ჩამოაქვს კროსმანის პროდუქცია, მე პირადად მეორედ ვისარგებლე მისი დახმარებით და მინდა გითხრათ რომ 100%-ით კმაყოფილი ვარ. პირველი გამოცდილება მქონდა Benjamin Discovery-ს დროს, მეორე კი Benjamin Marauder-ის დაკვეთისას.

შეიძლება ცოტაოდენ რეკლამა გამომდის, მაგრამ ამ პიროვნებამ ყველანაირად დადებითი ემოციები გამოიწვია, უკვეთავთ საქონელს და მას ჩამოაქვს (თანხის გადახდაზე წინასწარ მოილაპარაკებთ, გააჩნია შემთხვევას და ფასს,). არ შემიძლია არ ავღნიშნო ის გარემოებაც, რომ ბატონ გრიგოლს ჩამოაქვს აღნიშნული საქონელი გაცილებით იაფად, ვიდრე იგივე საქონელი, რომ ჩამოგეტანათ მაგალითად ცნობილი პირამიდ აირიდან. Benjamin Marauder-ი პირამიდზე ღირს 499$ პლიუს საქართველოში გამოგზავნა 272$, პლიუს განბაჟების პროცედურები, მოკლედ თავისუფლად შეიძლება 1000$ მიუკაკუნოთ რაც რა თქმა უნდა, იაფი აღარ გამოდის, მაგრამ ბატონი გრიგოლის მეშვეობით ჩემს მიერ სანატრელი Benjamin Marauder-ი ჩამბარდა 600$-ად. აქ შედის ყველა ხარჯი, ტრანსპორტირებაც განბაჟებაც, წარმომადგენლობის მოგებაც და სხვაც. მოკლედ კიდევ ერთხელ დიდი მადლობა მინდა გრიგოლს მოუხადო, მოქმედებს ყველანაირი გაგებით, მომხმარებლების ინტერესების გათვალისწინებით და ფასს არ ზრდის ქართული უჯიშო მაღაზიებივით 2 და 3-ჯერ.

ახლა კი მოკლე შესავლის შემდეგ დავუბრუნდეთ დღევანდელ სტუმარს, მაშ ასე გაიცანით Benjamin Marauder:

მწარმოებელი: Crosman
ბრენდის მარკა: Benjamin
იარაღის კლასი: PCP
კალიბრი: 0.177 იგივე 4.5 mm
წონა: 3.4 კგ
მთლიანი სიგრძე: 110 სმ
წინა სამიზნე: არა
უკანა სამიზნე: არა
ოპტიკის სამაგრი: 11mm dovetail
სასხლეტი: 2 დონიანი რეგულირებადი
სასხლეტის რეგულირება: არის
ჩახმახის ტიპი: Bolt
ტყვიების რაოდენობა: 10
კლიპების რაოდენობა ქარხნიდან: 1 ცალი
გამოყენებადი აირი: მაღალი წნევის ჰაერი ან CO2

ჩამოსვლით მარადიორი ჩამოდის მარტო, ან ნასოსთან ერთად, რადგან ნასოსი მე უკვე მქონდა, იგი აღარ დამიკვეთია, სავარაუდოდ ნასოსიანი ვერსია 800$-ს მიუკაკუნებს, თუმცა ეს კონკრეტული საკითხი ზემოთხსენებულ წარმომადგენელთან უნდა დააზუსტოთ, მე კი დავუკვეთე მხოლოდ თოფი და მხოლოდ თოფი მივიღე. ჩამოსვლისას თოფი ჩამოდის საკმაოდ ვიწრო და გრძელი ყუთით.



როგორც ყველა ყუთს ამასაც აქვს ორი მხარე წინა და უკანა.



პირველი რეაქცია ჰქონდა ტაქსის მძღოლს როდესაც შენაძენი სახლში მომქონდა, მიუხედავად იმისა რომ კოლოფი უკუღმა დავდე მაინც დააინტერესა და შემეკითხა რა დამიჯდა ეს სნაიპერული შაშხანა. როდესაც ვუთხარი, რომ პნევმატიკაა... მძროლმა არ დაიჯერა და პირდაპირ მითხრა, რომ ვინმე შპიონი ნუ გგონივარ პროსტა იარაღი ბავშვოდიდან მიტაცებსო . ბევრი ახსნის მერე დავაჯერე თუმცა ბოლომდე დაიჯერა თუ არა არ ვიცი. ის, რომ მარადიორი ძალაინ ჰგავს ცეცხლსასროლ შაშხანას ეს ფაქტია, პირველი ქართველი მფლობელი და ჩვენი აქტიური ფორუმელი Beqa-ც საბაჟოზე ლამის შარში გაეხვა, თუ არა ვცდები მოსთხოვეს ექსპერტის დასკვნა, რომ ეს ცეცხლსასროლი იარაღი არააო. თუმცა იქაც საკითხი მალე და უმტკივნეულოდ გადაწყდა.

გულდასაწყვეტია, რომ ქართული კანონმდებლობით .22-იანი კალიბრის პნევმატიკის შეძენა არ შეიძლება, თორემ ამ თოფს სანადირო კუთხით ბადალი არ ეყოლებოდა.

კარგი ბატონო ჩავხედოთ კოლოფს შიგნით. გახსნისას ვნახულობთ სათუთად პოლისტიროლის დამჭერებში ჩამჯდარ ფიშტოს.



დისკოსგან განსხვავებით თოფს ლულაზე პატარა დამცავიც კი აქვს წამოცმული რომ ტრანსპორტირებისას მტვერი არ შეიპაროს.





რა თქმა უნდა, ყველა პროდუქტს მოყვება თავისი სახელმძღვანელო და სხვადასხვა პატარა ინსტრუქციები, გასაკვირი ისაა, რომ დისკოსგან განსხვავებით მარადიორს მოყვება დეგაზაციის ინსტრუმენტი, იდეაში ეს ერთი დიდი გრძელი ვინტია, მაგრამ აშკარად სასიამოვნო და საჭირო ნივთია, დისკოს დეგაზაციის ვინტი 15$ ღირს რაც მთლად კარგი არაა, აქ კი უფასოდ გაქვს.





ზედა სურათზე ალბათ დაინახეთ, რომ გამოსახულია 2 კლიპი (ეგრეთწოდებული ”აბოიმა”, ისე ჩვენში დარჩეს და როდის გადმოხვალთ რუსული ენიდან???), აქვე უნდა გამოგიტყდეთ მეორე კლიპი დამატებით მე დავუკვეთე და დამიჯდა 20$, მარადიორს ქარხნულად მხოლოდ 1 კლიპი მოყვება. 1 კლიპი ძალიან ცოტაა, ანუ გაისროლე და სანამ დატენი კლიპს მანამდე თოფში ტყვია არ გაქვს , რა თქმა უნდა უფრო მეტის დაკვეთაც შეიძ,ება, მაგრამ 2 ყველაზე ოპტიმალურია, თავიდან ორივე დატენილი გაქვს, პირველს ცვლი და მეორეს არჭობ თოფში, პირველს კი ამასობაში ტენი, თუ უცებ რაიმე სამიზნე გაჩნდა, მეორე კლიპიდან შეგიძლია ისროლო. მოკლედ მე პირადად მიმაჩნია რომ 2 კლიპი აუცილებელია, რადგან თოფი ძირითადად კლიპზეა გათვლილი და თითო ტყვიის ჩატენვა ხელით ცოტა არ იყოს მოუხერხებელია. რა თქმა უნდა შეიძლება, შეუძლებელი ამ ქვეყანაზე არაფერია, მაგრამ....

თოფის ხელში დაჭერისას თვალში გხვდება მისი უბადლო შესრულების დონე, წარმოუდგენელია, რომ პნევმატიკაზე ასეთი სუფთა მუშაობა იყოს ჩატარებული, კონდახი კი თვალებს გინათებს, ბევრს მაღალი კლასის სანადირო ცეცხლსასროლ თოფზე ვერ ნახავთ ამ დონის სუფთა ნამუშევარს და მდიდრულ გრავირებას.













რამდენ პნევმატურ თოფზე გინახიათ საკმაოდ მაღალი ხარისხის მონტეკარლოს კონდახი? თან არა მხოლოდ ერთ მხარეზე, არამედ უნივერსალი, გინდა მარჯვენა ხელისთვის გინდა მარცხენა ხელისთვის, გამზადებული ღვედების დასამაგრებელი და სხვა.









სასხლეტი უკვე რადიკალურად შეცვლილია, ანუ პირველ PCP თოფზე, რომელიც კომპანია კროსმანმა გამოუშვა სასხლეტი იყო ერთ საფეხურიანი (საუბარი discovery-ს სასხლეტზეა) და თან პლასტმასის, აღარაფერს ვამბობ ზამბარაზ,ე რომელიც გამოიყენება სასხლეტში, ასე ვთქვათ თითებს მოგამტვრევს და პირველი რასაც დისკოს მფლობელი აკეთებ ეს არის სასხლეტის ზამბარის შეცვლა.



მაშ ასე სასხლეტი მარადიორზე არის 2 საფეხურიანი, აქვეა განთავსებული მცველიც, როდესაც სასხლეტის წინ დამაგრებული დეტალი უკანაა მოწეული სასხლეტი დაბლოკილია და გასროლა შეუძლებელია, როდესაც წინაა მცველი გაწეული სროლა უპრობლემოდ მიმდინარეობს. როგორც უკვე ვთქვი სასხლეტი ორ საფეხურიანია თან შეიძლება მისი რეგულირება, როგორც სასხლეტის სვლის სიგრძე, ასევე დაწოლის ძალა, ქარხნულად მარადიორის სასხლეტი გათვლილია 500 გრამზე, ანუ საკმარისია სასხლეტს 500 გრამის ძალით დააწვეთ და გასროლა მოხდება, შეიძლება ძალიან მგრძნობიარეც გახადოთ, მაგალითად შეხება და გასროლა ერთი რომ იყოს, საერთოდ სნაიპერული სროლისთვის ასეთი სასხლეტი სჯობია, რადგან დაწოლით გამოწვეული გვერდითი ძალა არ გიცვლით სამიზე წერტილს, მაგრამ ძალიან მგრძნობიარე სასხლეტი უსაფრთხო აღარაა, ასე რომ რაღაც საშუალო უნდა იპოვოთ, მე სხვათაშორის დღემდე ქარხნულ ვარიანტს ვიყენებ, საკმაოდ მოსახერხებელი, თუმცა არ შემიცვლია მარტივი მიზეზის გამო, შესაბამისი ინსტრუმენტები არ მაქვს. მარადიორში ისევე როგორც დისკოში ყველა ვინტი და დეტალი დუიმების სისტემაზეა. ასე რომ....



ისე სიმართლისთვის ერთი რამ უნდა დავამატო, კროსმანმა ეტყობა ჩათვალა რომ ბოლომდე ყველაფერი 5-იანზე გააკეთა და ბოლოს რაღაც სისულელე არ გაეკეთებინა არ შეიძლებოდა, ამიტომაც სასხლეტის ხუფი გააკეთა პლასტმასისგან , რა თქმა უნდა ამას არანაირი დიდი მნიშვნელობა არა აქვს, იდეაში ჭკვიანურიც კი არის, ზამთარში თითი ცივი ლითონის გარემოცვაში არ იქნება, ერთი ლითონის სასხლეტიც ეყოფა თითს .

რეზერვუარი და მანომეტრი უკვე გათვლილია 3000 PSI-ზე ანუ უხეშად 207 ატმოსფეროზე. დისკოზე ლიმიტი იყო 2000 PSI ანუ 136 ატმოსფერო. სროლა შესაძლებელია 3000-დან 1000 PSI-ს დიაპაზონში, თუმცა მაინცა და მაინც თავიდან ბოლომდე სროლა არ მოგცემთ სახარბიელო სროლის ვარიანტს. ჩემი დაკვირვებით ოქროს შუალედი სადრაც 2600-2500-დან უნდა ეძებოთ. თოფს რედუქტორი არ აქვს, ასე რომ წნევის ცვლილებასთან ერთად იცვლება ტყვიის სიჩქარეც, თუმცა ამაზე უფრო დეტალურად ცოტა მოგვიანებით ვისაუბრებ.



რეზერვუარი მარადიორზე საკმაოდ დიდია, კროსმანის განცხადებით 215 კუბური სანტიმეტრი, შედარებისთვის გეტყვით, რომ დისკოს სულ რაღაც 105 კუბური სანტიმეტრი მოცულობა აქვს. ანუ ორმაგი მოცულობა და მეტი წნევა, სწორედ ეს იძლევა იმის შესაძლებლობას, რომ დისკოსავით 40 გასროლა კი არ გააკეთო ერთი დატენვით არამედ..... თუმცა ამაზეც ცოტა მოგვიანებით.

კარგი ბატონო გადავიდეთ ჩახმახზე. ეს ის დეტალია, რომელიც მაგიურად გიპყრობს, გიჭერს და რაღაც ენით აუღწერელ სიამოვნებას განიჭებს. მიუხედავად იმისა რომ დღეს მოდაში შემოდის, ბიატლონისტების მაგვარი ჩახმახი ეგრეთწოდებული Sidelever-ი, მე მაინც კლასიკური მამაპაპური ჩახმახი მირჩევნია, ეგრეთქოდებული BOLT-ი. სროლისას იმდენად ეფექტურია (ემოციურ ვარიანტში) და იმდენად დადებით ემოციებს გაწვდის ეს კლასიკური ძველმოდური ჩახმახი, რომ თავი მართლაც სნაიპერი გგონია, ეგაა რომ ნასროლი ჰილზების ამოყრა არ ხდება







ქარხნიდან ჩახმახის მრგვალ თავს მოყვა დამცავი პლასტიკატის ჩამოსაცმელი, მაგრამ მე იმდენად მომეწონა ეს პლასტიკად ცელოფნის ხუფი, რომ დღემდე ჩახმახიდან არ მომიძვრია . ჩახმახის მოქმედების პრინციპი მარტივია, ამოწიე ზემოთ (იხსნება საკეტი), გამოწიე უკან ბოლომდე სანამ დამრტყმელი არ დადგება საბრძოლო მდგომარეობაში, ამავე დროს, კლიპიდან გამოსული ჩახმახის ცხვირი ანთავისუფლებს ტყვიისთვის ადგილს. კლიპი თავის მხრივ ზამბარის ზემოქმედებით მუშაობს, როდესაც კლიპში აღარც გასროლილი ტყვიაა და აღარც ჩახმახის ცხვირი, იგი ავტომატურად ტრიალდება და ჩახმახის ცხვირის წინ ახალ ტყვიას აყენებს. თქვენ ამას ვერც კი გრძნობთ ჩახმახი უკან გამოწიეთ და მილიწამებში ახალი ტყვიაა ჩახმახის წინ გამზადებული, მომენტალურად ჩახმახი წინ მიგაქვთ და ჩახმახის ცხვირი თვითონ იტაცებს ახალ ტყვიას, რომელსაც თქვენი ხელის მოძრაობასთან ერთაც ლულაში მიათრევს. ბოლო პოზიციაში მისვლისას ჩახმახს ძირს ჩამოწევთ და ჩაკეტავთ.







მოკლედ კლასიკური თოფი გიჭირავთ ხელში, მაგალითად ბრიტანული ლი-ენფილდი ან ლი-მეტფორდი ენა არ მიტრიალდება ეს სილამაზე რუსულ მახინჯ თოფებს შევადარო.

თუმცა აქვე უნდა ვახსენო გარკვეული ცუდი მომენტები. საქმე იმაშია, რომ კლიპი მარტივადაა გაკეთებული, პრაქტიკულად ადრე განხილული ვირთხმინატორის კლიპის ანალოგია, ყოველი მოძრაობისას ახალი ტყვია მიემგზავრება ჩახმახში, ეს ქმნის პრობლემას. ახალბედობისას როდესაც ეს თოფი ჩემთვის ჯერ კიდევ ახალი ხილი იყო, ხშირად ჩახმახი ბოლომდე არ მიმყავდა უკან. შედეგად დამრტყმელი საბრძოლო მდგომარეობაში არ მოდის, ზამბარა ჩახმახს უკან აწვება და საწყის პოზიციაში მიათრევს. თუ შეცდი და გგონია, რომ გადატენე თოფი, ასუსტებ ხელს მაგრამ ამ დროს ზამბარა ჩახმახს წინ მიათრევს, ამ დროს პირველი ტყვია ლულაში უკვე ჩაიტენა. როგორც კი მიხვდები, რომ შეგეშალა, ავტომატურად ცდილობ ჩახმახი ხელმეორედ ბოლომდე უკან გაწიო, ამ დროს, კლიპიდან ჩახმახის ცხვირი ისევ გამოდის, კლიპს სულ არ აინტერესებს იყო უკვე ტყვია ლულაში გაგზავნილი თუ არა, ისევ ტრიალდება და ახალ ტყვიას აყენებს ჩახმახის წინ. თქვენ ჩახმახს წინ ამოძრავებს და აი ლულაში უკვე ერთად 2 ტყვიაა.

რა თქმა უნდა ეს სიზუსტეზე ნეგატიურად მოქმედებს და გასროლისას სამიზნეში უცებ 2 ხვრელი ჩნდება ერთის მაგივრად თან როგორც წესი ყოველთვის აცდენილია იმ წერტილს რომელსაც უმიზნებდით . ნელნელა პრაქტიკაზე მოდის გამოცდილება და ასეთი შეცდომები ქრება. თუმცა მაინც არის რის გამო შემთხვევები როდესაც ვერ იგებ დატენილი გაქვს თოფი თუ არა, სულ იმის ფიქრში ხარ ახლა რომ გადავტენო და თუ უკვე საბრძოლო მდგომარეობაშია თოფი ესეიგი მეორე ტყვიას ჩავტენი ლულაში...

თუმცა მოტვინვა აქაც შეიძლება:

1) ჩახმახს ხსნით და ოდნავ გამოწევთ უკან ისე, რომ ჩახმახის ნემსი არ გამოვიდეს კლიპიდან (საკმაოდ ღრმადაა ცხვირი ლულაში სადღაც 3-4 სანტიმეტრით, თქვენ კი 1 სანტიმეტრის მოძრაობაც არ გჭირდებათ), შედეგად თუ საბრძოლო მდგომარეობაში დამრტყმელი არაა, ჩახმახის ოდნავ უკან მოწევისას მაშინვე იგრძნობთ საკმაოდ გემრიელ წინააღმდეგობას ზამბარისგან, ესეიგი თოფი გადატენილი არაა და ტამამად შეგიძლიათ გადატენოთ.

2) თუ პირველად გაგისხლტათ ჩახმახი ხელიდან და პირველი ტყვია შეიტანა ლულაში, მაშინ ჩახმახი უკან მიგაქვთ, აყენებთ საბრძოლო მდგომარეობაში და აძრობთ კლიპს, კეტავთ ჩახმახს და ისვრით პირველ ტყვიას. შემდგომი გადატენვისას კლიპს თავის ადგილზე აყენებთ და აგრძელებთ სროლას.

მოკლედ არც ისე ძნელია, და რაიმე კოშმარული არ ხდება. ცუდი უფრო ისაა, რომ დისკოსავით არ შეგიძლია ჩატენო ტყვია, შემდეგ საბრძოლო მდგომარეობიდან მოსხნა დამრტყმელი და თოფი ისე შეინახო (ზამბარა რომ არ დაჯდეს), ხოლო როდესაც გასროლა დაგჭირდება უცებ გამოწიო ჩახმახი ჩაკეტო და გაისროლო. იდეაში ეგეც შეიძლება, ოღონდ კლიპი უნდა მოხსნა მარადიორს, საქმე იმაშილა რომ ამ დროს მარადიორი ერთ დამტენიანი ხდება.

კიდევ ერთი ცუდი ფაქტი ის არის, რომ თვითონ ლულის უკანა ნაწილშია ჩახმახის რეზინი ჩასმული. იმის გამო, რომ ჩახმახმა კლიპი უნდა გაიაროს ხოლმე ჩახმახის ცხვირზე აღარაა განთავსებული ჩამკეტი რეზინა. ეს საქმეს ართულებს ლულის შეცვლისას, მაგალითად კროსმანის ლულა რომ შეცვალოთ LW-ს ლულაზე საჭირო ხდება რეზინის ჩასასმელი ბუდის ამოჩარხვა, რაც საქართველოში საკმაოდ რთულ ოპერაციად ითვლება.

კარგი მოდი შევადაროთ დისკოს ახალი მარადიორი, როგორც ორივე ერთი კომპანიის მიერ გამოშვებული და შემდეგ სხვა საინტერესო დეტალები განვიხილოთ.



მარადიორი რაღაც უფრო ზრდასრულ ჩამოყალიბებულ თოფად გამოიყურება დისკოსთან შედარებით, იგივე ჩემი ცნობილი დიდი ოპტიკა VO 6-25x56 მარადიორზე კარგად ჩანს მაშინ როდესაც დისკოზე ზედმეტად დიდ კუზად ჩანდა.



სამაგიეროდ დისკოს მოუხდა Crosman-ის მიერვე გამოშვებული Centerpoint 4-16x40 ოპტიკა, საკმაოდ ნორმალურად დაჯდა დისკოზე. ახლა ჩახმახების სისტემასაც უხეშად გადავხედოთ





დისკოს რუდიმენტალურ ჩახმახის სახელურსა და მარადიორის ჩამოყალიბებულ ჩახმახს შორის, მემგონი დიდი სხვაობაა , სხვათაშორის ეს ჩახმახია რომ ხალხს აგიჟებს. მეზობელი, გამვლელი, ნათესავი თუ ახლობელი, ყველა ქლიავდება მარადიორის დანახვაზე, პატარა შესავალია ყველსათვის გასაკეთებელი რომ ეს პნევმატიკაა და არა ცეცხლსასროლი, ზოგიერთი ამის შემდეგ მარადიორზე ხელს იქნევს, ასევთქვათ იმედგაცრუებას ხედავს, მითუმეტეს საერთოდ ეცინებათ როდესაც მარადიორის ხმას იგებენ საერთოდ სათამაშო ჰგონიათ, ვერ ხვდებიან რომ ეს სიჩუმე ოქროს ფასი ღირს.

ერთერთ მინუსად შეიძლება მარადიორს ჩავუთვალოთ წონა. დისკოს მერე მარადიორი ოპტიკის გარეშე უკვე დიდ წონად გეჩვენება, ოპტიკიანად კი.... მართალი გითხრათ ხელიდან სროლაც კი ჭირს, 5-10 წამი ეს არის მაქსიმუმი, რომელსაც შესძლებთ და ხელიდან დამიზნებიდან გაუძლებთ, შემდეგ მიზანი ხელში დადის და ზუსტ გარტყმა პრაქტიკულად ქრება, რაც დრო გადის მით უფრო ქრება. საყრდენი აუცილებელი პირობა გახდა. აი დისკო კი... ფუმულა მჩატე თოფია. ასე რომ ყველა პლიუსთან ერთად რაღაც მინუსი არ გამოიძებნოს არ შეიძლება .

მოდით ახლა გადავიდეთ ლულაზე და მოდერზე. ლულა დისკოსგან განსხვავებით მოკლეა, ანუ დისკოს აქვს 61 სანტიმეტრიანი ლულა, მარადიორს 50 სანტიმეტრიანი, დისკოს ლულის მწარმოებელი იდეაში უცნობია, ხოლო მარადიორზე კროსმანი აცხადებს რომ თვითონ ამზადებს და ამზადებს ამერიკაში, რამდენად შეესაბამება რეალობას და რამდენად სარეკლამო სვლაა ვერ გეტყვით, ფაქტი ერთია ორივე ლულა მიზანში სროლის მიხედვით რადიკალურად განსხვავდება. დისკოს შეუძლია JSB-ს მეშვეობით გააკეთოს 11-12 მილიმეტრიანი ჯგუფები, მარადიორს კი JSB არ მოსწონს. 25 მილიმეტრინიანი ჯგუფი იმავე პირობევში საუკეთესო შემთხვევაა. თავიდან მეგონა რომ ჩემს მარადიორს სჭირს რაღაც, ან ტყვიები შემხვდა არანორმალური, მაგრამ შემდგომში საკითხის შესწავლისას აღმოჩნდა, რომ მარადიორის ლულას უყვარს კროსმანის ტყვიები და ეს მტკიცდება ლამის მთელი პლანეტის მაშტაბით, ვერავინ კარგად,ვერ ისვრის სახელგანთქმული JSB-ს ტყვიებს მარადიორიდან, სამაგიეროს Crosman Premier 10.5 gr იძლევა საუცხოო შედეგს, პირადად მოვახერხე 20 ტყვიის ჩაჯენა 10 მილიმეტრიან რგოლში, დისკოზე 10 მილიმეტრიან რგოლში ჩაჯენა შეუძლებლად მიმაჩნია და თან 20 ტყვიის ერთად, მაქსიმუმ დისკომ 10 ტყვიის ჩაჯენა მოახერხოს.



პირველი 10 გასროლის შემდეგ იმდენად გაოცებული დავრჩი, რომ მეორე კლიპიც მივუშვი, შედეგი გამაოგნებელია 20 ტყვია ურედუქტორო თოფის მეშვეობიოთ 10 მილიმეტრიან ხვრელში. შესაშური მიზანი ამ თოფს აქვს, ოღონდ თავისი ჭკუის ტყვიები უნდა

ჰო მართლა სანამ დამავიწყდა, მარადიორს ღია სამიზნე საერთოდ არ აქვს, ასე რომ ოპტიკა სავალდებულოა, წინააღმდეგ შემთხვევაში მისი გამოყენება შეუძლებელი ხდება, მინიმუმ გირჩევთ 4-16-იანი ჯერადობის ოპტიკას, თოფს აშკარად შეუძლია დიდ დისტანციაბზე სროლა და არ ღირს პატარა ჯერადობის ოპტიოკით შემოფარგვლა.

აი რაც შეეხება მოდერს…. ჰოო ამის აღწერა ალბათ გამიჭირდება, კიდევ კარგი მოწმეები მყავს, თორემ არავინ დამიჯერებდა, მოკლედ თავისი პლიუსები აქვს დიდი ხნით გაჭიმულ რეპორტს. მოკლედ მოდერი მუშაობს ენით აუღწერელი ხარისხით. ანუ თუ თოფი დატენილია 3000 PSI-ზე მაშინ გასროლის ხმა არ არსებობს, მაქსიმუმ კლაპანზე დამრტყმელის ხმა ისმის, ისიც იმდენად მოგუდული და არარეალური რომ სროლა გამოდის არამიწიერი, ანუ რაღაც ხმა არის, რომელიც ენით აღწერას არ ექვემდებარება და ბოლოს მიზანში მოხვედრის ხმა. მოწმედ მოვიშველიებ ჯორჯიკას, დავითუსს და დავითს, დატენილი თოფის ხმა მოისმინეს და ტბებშიც ისროლეს, ისეთი შეგრძნებაა რომ ციდან ჩამოვარდნილი კენჭი ხვდება წყალს, გასროლა პრაქტიკულად არ არსებობს. აი წნევის ვარდნის შემდეგ ხმა ცოოტათი მატულობს. სადღაც 2600-2500-დან ჩნდება სისინის ხმა გასროლისას, ხოლო სადღაც 2000-1900-დან შეიძლება ითქვას დისკოს ხმას ეწევა, ოღონდ დისკო TKO22-ის კარბონის მოდერით (მოდერი რომელიც ლისის ტბაზე ჩავახრჩვე). თავის დროზე TKO22-ის მოდერმა გამოიწვია ფურორი ერთერთი გასვლისას, ბევრმა ჩათვალა რომ ხმა თოფს პრაქტიკულად აღარ გქონდა, აბა რაღა ვთქვა მარადიორზე.... არ აქვს, საერთოდ არ აქვს . რა თქმა უნდა საუბარია ღია სივრცეზე და არა ჩაკეტილ ოთახზე, ოთახში ცოტაოდენ სროლის ხმა ისმის. ნუ შეეცდებით ხმა გაიგოთ რაიმე ვიდეო კლიპის ჩანაწერის მეშვეობით, ყოველთვის არასწორი ინფორმაცია გექნებათ, ჩანაწერსე ყოველთვია არის ხმა, ეს გამოწვეულია მიკრაფონის მიერ ექოს და სხვა ტალღების დაჭერის შედეგად, ვერცერთი ჩანაწერი ვერ მოგცემთ მარადიორის რეალურ ხმას.

ამ სიტუაციამ იმდენად დამაინტერესა რომ მარადიორს მოვხსენი მოდერატორი, უფრო სწორედ ამას უკვე მოდერატორი აღარ ჰქვია, მარადიორს აქვს შრაუდერი, ანუ მთელი ლულის სიგრძეზე წამოცმული დამატებითი მეორე ალუმინის ლულა. თვითონ ლულის გარე დიამეტრი არის 11.14 მილიმეტრი, შრაუდერის მილის გარე დიამეტრი კი 22.5 მილიმეტრი, შრაუდერი არის 60 სანტიმეტრის სიგრძის.

ესეიგი ვიღებთ შემდეგ სიტუაციას ლულის 50 სანტიმეტრიდან 5 სანტიმეტრი არის კოლოფში მოთავსებული დარჩენილ 45 სანტიმეტრს გარს შემორტყული აქვს შრაუდერი, დარჩენილი შრაუდერის 15 სანტიმეტრი შევსებულია 4 ცალი პლასტიკატის ჭიკით, ფსკერზე ამ ჭიქებს აქვს 6.25 მილიმეტრიანი ხვრელი (.22-იანიც უპრობლემოდ გაეტევა, ან ბოლო ბოლო 1 მილიმეტრით გააფართოვებ და მორჩა საქმე). ბოლოს შრაუდერს უკეთია ალუმინის ხუფი, რომელიც იჭერს პლასტიკატის ჭიქებს შრაუდერში. შრაუდერი თავის მხრივ საწყისად მაგრდება ლულის დასაწყისზე ჩამოცმულ დეტალზე, რომელსაც შესაბამისი სისქის რეზბა აქვს.



ახლა როგორ მოქმედებს ეს ყველაფერი - ტყვია გასროლისას გადის ლულაში და ბოლოს რა თქმა უნდა ტოვებს ლულას. აქ ტყვია ხვდება პირველ დახურულ სივრცეში, უფროსწორედ ტყვიის უკან მომყოლი ჰაერის ნაკადი. ანუ ლულის თავზე ჩამომჯდარი პირველი პლასტმასის ჭიქა ჰაერს კვეთავს ტყვიისგან და ლულის ირგვლივ 45 სანტიმეტრის სიგრძეზე ანაწილებს, ამით წნევას აგდებს, და აირს აცივებს აირის გაფართოების ეფექტის გამო. ტყვია აგრძელებს მოძრაობას და გადადის მეორე პლასტიკატის ჭიქაში, აქ კიდევ ერთხელ იკვეთება უკან მოყოლილი ჰაერი, მაგრამ უკვე ნაკლები წნევით და ნაკლები ტალღით. გარდა ამისა ტყვია კიდევ 2 პლასტიკატის ჭიქას გადის რის გამოც ჰაერის ხმა და წნევა კიდევ 2-ჯერ იკვეთება. ბოლოს ტყვია ტოვებს ლულასაც და შრაუდერსაც, ხოლო შრაუდერში დარჩენილი გაფართოებული დაწყნარებული ჰაერი ნელნელა და ჩუმად ტოვებს შრაუდერს იმ ხვრელიდან რომლიდანაც ტყვია გაფრინდა.



რა თქმა უნდა ეს ყველაფერი საკმაოდ ჩქარა ხდება, მაგრამ იძლევა იმის შესაძლებლობას, რომ ტყვიის უკან მოყოლებული ჰაერის დამრტყმელი ტალღა ჩააწყნაროს. რამდენიმე წყარო იტყობინება რომ შეიძლება მესამე ჭიქის უკუღმა მოტრიალება, ისე რომ ბოლოს ერთი დიდი სივრცე შეიქმნას, შედეგად 4 საფეხურიანი სისტემის მაგივრად ვიღებთ 3 საფეხურიანს, მაგრამ იმის გამო, რომ მესამე საბოლოო სარქველი მეორე სარქველზე დიდია ჰაერს უფრო ეფექტურად ჭრის და თოფი უფრო ჩუმიაო, არ ვიცი მე ვერაფერი ეგეთი ვერ შევამჩნიე თუმცა მე ეს ექსპერიმენტი სახლის პირობებში გავაკეთე და შეიძლება ექოს ეფექტმა არ მომცა საშუალება, რომ განმესხვავებინა ესპერიმენტის მიღებული ხმები ერთმანეთისგან. აქვე დავძენ მათთვის ვისაც აინტერესებს მარადიორის ორიგინალი ხმა მოდერის გარეშე.... ცეცხლსასროლი გისვრიათ? ახლა 308 ვინჩესტერს ვერ ეწევა, მაგრამ ეგრეთწოდებულ GEKO-ზე 1,5-ჯერ მეტი ხმა აქვს. ყოველ შემთხვევაში ორმაგი დისკოს ხმა გარანტირებულად გაქვს. ასე რომ შრაუდერი სუპერ ეფექტურად მოქმედებს (ასეთი ხმა მოჭრა თითქმის ნოლამდე....).

[Jah]

დისკოსაც დამარადიორსაც კონუსური რეზერვუარი აქვს,უკანა მხარეს ვიწროვდება და რეზინების გადატარება ხვრელებზე გარანტირებულად წაკვეთაზეა განწირული.

ხო უკნიდან ვდებდი თავიდან, მერე კი წინიდან ვცადე მაგრამ მაინც მოეჭრტა, ნუ მოკლედ ალბათ მართლა ვჩქარობდი და იმიტომ.

[tengo]

დღეს მოვრჩი რედუქტორს და დაუყენე ჩემს მარადას, პირველივე ჩადებაში 90 ბარზე დადგა წნევა. მანომეტრმა გამაწამა , სანტექნიკის თეთრი პაკლი დავახვიე რამოდენიმეჯერ, მაგრამ მაინც ცოტას აპარებს. მოკლედ ისე დავიღალე რომ ისევ დაშლის და წნევის 130 ბარზე დაყენების თავი არა მაქვს. ხვალ დასავლეთში მივდივარ და როცა დავბრუნდები გავაგრძელებ ჩალიჩს.
ცნობისთვის, 90 ბარზე ისვრის 214 -215 მწ-ით. რედუქტორი ჯერჯერობით სტაბილურად მუშაობს. მინდა რომ 300მწ. მქონდეს მინიმუმ 40 გასროლა მაინც.
ვნახოთ რა გამოვა.

PROTECTED LINKS

CAUTION: REGISTER / LOGIN first, to view this links.

PROTECTED LINKS

CAUTION: REGISTER / LOGIN first, to view this links.

PROTECTED LINKS

CAUTION: REGISTER / LOGIN first, to view this links.

[cz80]

tengo
ჟდიომს

[davil]

tengo
იმედია მიიღებ სასურველ შედეგს, და არამარტო შენთვის სასურველს

[ilariona]

tengo

თენგო, თუ საიდუმლო არ არის, რა დაგიჯდა ეს რედუქტორი?

[beqa]

tengo

მაგარი რედუქტორია მომეწონა. ჩადებით კი ჩადებ, ამიღება რომ დაგჭირდება მერე?

[tengo]

ჟდიომს

დაახლოებით ეთ კვირაში დავბრუნდები.

იმედია მიიღებ სასურველ შედეგს, და არამარტო შენთვის სასურველს

ვიცი რომ შენც გაინტერესებს, მაგრამ ექსპერიმენტი ჩემს თავზე ავიღე.

თენგო, თუ საიდუმლო არ არის, რა დაგიჯდა ეს რედუქტორი?

არავითარი საიდუმლო არაა, დამიჯდა სადღაც 60 ლარი და 4-5 საათი "პადგონკა"(შლიფოვკა მიკრო ნახრეტების გაკეთება და რეზინების მორგება)

მაგარი რედუქტორია მომეწონა. ჩადებით კი ჩადებ, ამიღება რომ დაგჭირდება მერე?

როგორც ყველა რედუქტორი, ამოდის დამტენი პორტიდან სხვა შიგნეულობასთან ერთად. თუ მარტო რედუქტორის ამოღება გინდა ისიც არაა რთული საქმე, შეგიძლია წინასწარ რედუქტორს თავზე მოაბა წვრილი მავთული ან ტროსი და რეზიკში ჩატოვო, ხოლო როცა ამოღება მოგინდება ,მოქაჩავ და ამოვა მარტო რედუქტორი.

[norica_dragon]

რედუქტორი არ გამაგონოთ!!! დამტანჯა, სისხლი გამიშრო... კუნთები დამიყენა, მარა მაგარია


20 გასროლა მაქვს რედუქტორის მსგავსი თან 310 ით და მერე უკვე სანადირო... ტირისთვის 20 გასროლა მემეგონი საკმარისია

[ja_ja]

tengo

მანომეტრმა გამაწამა , სანტექნიკის თეთრი პაკლი დავახვიე რამოდენიმეჯერ, მაგრამ მაინც ცოტას აპარებს. მოკლედ ისე დავიღალე რომ ისევ დაშლის და წნევის 130 ბარზე დაყენების თავი არა მაქვს. ხვალ დასავლეთში მივდივარ და როცა დავბრუნდები გავაგრძელებ ჩალიჩს.

შენ მაგას პირდაპირ თოფში ტესტავ? ტეტუუუ! მაგას სადგური უნდა სადგური!

ეგრე რამდენჯერ შეცვალა დარეგულირება მოგინდება ბოლი გაგივა სანამ სასურველ წნევაზე დააყენებ.

[norica_dragon]

ხო, ეგ მართალია, თენგო დაიკუნთები მანამ დააყენებ სასურველ 130 ბარზე, სხვანაირად ძაან გაგიჭირდება 300 მეტრწამის მიღება, თან კიდე 300 მეტრწამით 40 გასროლა რავი აბა, მემგონი რთული საკითხია, კაი წვალება მოგიწევს მაგ შედეგამდე მანამ მიხვალ...

300 მეტრწამი გინდა ცპ თი, ჰაჩიკაზე 22 გასროლაზე მეტიარ მქონდა... ჩემი რედუქტორს მიღმა სივრცე სადღაც 150 იყო შენ ეხლა სადღაც 190 გენქებბა ან უფრო ნაკლები...

[ja_ja]

norica_dragon

რედუქტორი არ გამაგონოთ!!! დამტანჯა, სისხლი გამიშრო

კაი ერთი ვინ იყო ჩვენს ფორუმზე პირველი კაცი ვინც რედუქტორი მოინდომა? და ვინ იყო გასწორებული შედეგით? ახლა აღარ უნდა დანახვა

[kaka8079]

norica_dragon
130 ბარზე მარადა ვერ ისვრის 300-ით სულ რომ დედა აგინო,ნუყოველ შემთხვევაში ჩემი ვერ ისვრის,მაქსიმუმ რაც შეუძლია ამ წნევაზე ეგაა 282მეტრ წამი,რაც არ უნდა ატრიალო ზამბარები დამრტყმელი და კლაპანი თუ რაცაა შედეგი ნულია.გადამშვებისა და კლაპნის ხვრელის გადიდებითაც ვერანაირ შედეგს მერ მიიღებს მე გავადიდე გადამშვები და კლაპნის ხვრელი 3.5მმ-მდე მაგრამ სიჩქარე იგივე დარჩა282 მერე ავდექით და დავაპატარავეთ 2.5მმ-მდე და სიჩქარე დავარდა 263მდე მაგრამ განმეორადობა აქვს ნუუუუ შესაშური 1მეტრ წამი აქ გადახრა ისიც თითქმის არ აღენიშნება.

[norica_dragon]

ესე იგი პრობლემა რედუქტორს მიღმა სივრცეშია მე 10 კუბით 300 არასდროს არ მქონია

[tengo]

შენ მაგას პირდაპირ თოფში ტესტავ? ტეტუუუ! მაგას სადგური უნდა სადგური!

ეგრე რამდენჯერ შეცვალა დარეგულირება მოგინდება ბოლი გაგივა სანამ სასურველ წნევაზე დააყენებ.

რედუქტორის დაყენება სასურველ წნევაზე არაა პრობლემა ,მე ვთქვი მანომეტრმა გამაწამა მეთქი, თორემ პირველივე დაყენებაზე 90 ბარი მაქვს ,აწი გაცილებით ადვილია, მაქსიმუმ ორჯერ მომიწიოს ამოღება .

ხო, ეგ მართალია, თენგო დაიკუნთები მანამ დააყენებ სასურველ 130 ბარზე, სხვანაირად ძაან გაგიჭირდება 300 მეტრწამის მიღება, თან კიდე 300 მეტრწამით 40 გასროლა რავი აბა, მემგონი რთული საკითხია, კაი წვალება მოგიწევს მაგ შედეგამდე მანამ მიხვალ...

300 მეტრწამი გინდა ცპ თი, ჰაჩიკაზე 22 გასროლაზე მეტიარ მქონდა... ჩემი რედუქტორს მიღმა სივრცე სადღაც 150 იყო შენ ეხლა სადღაც 190 გენქებბა ან უფრო ნაკლები...

30 გასროლა 300 მწ-ით უკვე მაქვს ხასანის რეზიკზე,თითქმის რედუქტორივით. ვფიქრობ რომ არის შესაძლებელი 40 გასროლის 300 მწ-ით მიღება თუნდაც დარჩენილი 190 -ით, მხოლოდ მიგნებაა საჭირო.

130 ბარზე მარადა ვერ ისვრის 300-ით სულ რომ დედა აგინო,ნუყოველ შემთხვევაში ჩემი ვერ ისვრის,მაქსიმუმ რაც შეუძლია ამ წნევაზე ეგაა 282მეტრ წამი,რაც არ უნდა ატრიალო ზამბარები დამრტყმელი და კლაპანი თუ რაცაა შედეგი ნულია.გადამშვებისა და კლაპნის ხვრელის გადიდებითაც ვერანაირ შედეგს მერ მიიღებს მე გავადიდე გადამშვები და კლაპნის ხვრელი 3.5მმ-მდე მაგრამ სიჩქარე იგივე დარჩა282 მერე ავდექით და დავაპატარავეთ 2.5მმ-მდე და სიჩქარე დავარდა 263მდე მაგრამ განმეორადობა აქვს ნუუუუ შესაშური 1მეტრ წამი აქ გადახრა ისიც თითქმის არ აღენიშნება.

მე შევეცდები რომ 300 მივიღო,ვნახოთ რა გამომივა. აკაკი ხომ არ შეგეშალა 3,5-მდე თუ 4,5-მდე გაადიდე და ბოლოს 2.5 -იანი დააყენე ახალი გადამშვები თუ თავისი ქარხნული? 282-ით რამდენ გასროლას აკეთებს?

[ja_ja]

tengo

აკაკი ხომ არ შეგეშალა 3,5-მდე თუ 4,5-მდე გაადიდე

3.5-ზე ავიყვანეთ გადამშვები, ახალი გამოვჩარხეთ, ქარხნული არის 3.15 მმ. 4.5-ზე რათ გინდა? ნუ არც საჭიროება მოთხოვს დათან გადასაკეტებელი იქნებაბევრი რამ, პლიუს რეზინები ახალი გასაკეთებელი იქნება.

და ბოლოს 2.5 -იანი დააყენე ახალი გადამშვები

ეგეც ახალი გავაკეთეთ კაკოს აინტერესებდა რა შედეგს მიიღებდა. ბოლოს შედეგი ის მივიღეთ რომ თავისი რადნოი 3.15-იც და გაფართეობული 3.5-იც ერთი და იგივე 282- მეტრ წამს იძლევა. შემცირებული 2.5-იანი კი(სინამდვილეში 2.6-იანი გავაკეთეთ) სიჩქარეს აგდებს 263-მდე.

გასროლები 282-ზე მგონი 50 ცალია, მეტ სიჩქარეს, მგონი უკვე წნევაც უნდა და რედუქტორს მიღმა მოცულობაც, მაგრამ ეგ იწვევს თავის მხრივ რეზერვუარში მოცულობის შემცირებას.

ნუ რავი ყველას თავისი სასურველი სიჩქარე აქვს, იდეალში მსოფლიოში 10.5-იანი ტყვიით იდეალად ითვლება 270 მეტრ წამი, მე ატეხილი ვიყავი 280-ზე და 10 კუბზე მარადიორი ეგრევე ზედგამოწერილად იძლევა 280-ს.

თეორიულად 300 მიღწევადია, მაგრამ რისთვის არ ვიცი , არ გინდა ახლა ისევ სწორი ტრაექტორია დამეტი ენერგია (უსასრულო კამათი იქნება). კი შეიძლება არის რაღაც, მაგრამ იმ საქმისთვის რისთვისაც 4.5-იანი თოფი არის შექმნილი 280-ი იგივეს აკეთებს რაც 300-ი განსხავავება სულ არის 3 ჯოული.

ეგრე მოდას თუ აყვებით ევანიქსები მძიმე ტყვიით თუ 60 ჯოული აქვს იგივე 10.5 გრანიანს ესეიგი უნდა ისროდეს 420 მეტრ წამით .

ნუ რავი დაველოდოთ შედეგებს...

რედუქტორის დაყენება სასურველ წნევაზე არაა პრობლემა ,მე ვთქვი მანომეტრმა გამაწამა მეთქი, თორემ პირველივე დაყენებაზე 90 ბარი მაქვს ,აწი გაცილებით ადვილია, მაქსიმუმ ორჯერ მომიწიოს ამოღება .

ნუ რავიცი, რავიცი... რამე ვთქვა არასწორად ვიქნები გაგებული, მარა რატომღაც მთელს სამყაროს ურჩევნია სადგურში ამოწმოს რედუქტორი და არა პირდაპირ თოფში. ხრენ ივო ზნაიტ.

[kaka8079]

გიომ უპასუხა ჩემს მაგივრად თენგო ყველა შენს კითხვას.

[tengo]

თეორიულად 300 მიღწევადია, მაგრამ რისთვის არ ვიცი , არ გინდა ახლა ისევ სწორი ტრაექტორია დამეტი ენერგია (უსასრულო კამათი იქნება). კი შეიძლება არის რაღაც, მაგრამ იმ საქმისთვის რისთვისაც 4.5-იანი თოფი არის შექმნილი 280-ი იგივეს აკეთებს რაც 300-ი განსხავავება სულ არის 3 ჯოული.

მხოლოდ იმისთვის რომ ჩემი დაკვირვებებიდან გამომდინარე 300მწ-ი 100 მეტრში გაცილებით უკეთეს შედეგებს იძლევა ვიდრე 280. მხოლოდ ჯგუფებზე მაქვს საუბარი და არა ტრაექტორიაზე, რაც თავისთავად უკეთესი აქვს 300მწ-ს. რავიცი ეს ჩემი აზრია.

ნუ რავიცი, რავიცი... რამე ვთქვა არასწორად ვიქნები გაგებული, მარა რატომღაც მთელს სამყაროს ურჩევნია სადგურში ამოწმოს რედუქტორი და არა პირდაპირ თოფში. ხრენ ივო ზნაიტ.

გასაგებია რომ ,რასაც შენ" სადგურს "ეძახი უფრო ადვილად და სწრაფად ხდება რედუქტორის დაყენება სასურველ წნევაზე. საქმე იმაშია რომ ეს პროცესი(რედუქტორის წნევის დაყენება) იმდენად ძნელი არ არის, მითუმეტეს მე ეს წარმოებისთვის არ მინდა, თორემ მაგის გაკეთებაც არ არის პრობლემა და გაცილებით ადვილია ვინემ თვით რედუქტორის გაკეთება.
რედუქტორზე წნევის მომატება ან მოკლება რომ გახდეს საჭირო ,თავად მომხმარებელს ხომ შეუძლია ეს გააკეთოს. ხოდა ანალოგიური სიტუაციაა ჩემთანაც , მოუშვებ მოიმატებს მოუჭერ მოიკლებს. თანაც რეზიკში წნევის აწევა 3000-დე არაა საჭირო, საკმარისია 1-2 ხაზით გადააცილო დაფიქსირებულ წნევას, რომ მიხვდე რამდენზე აყენია. არ ვიცი ავხსენი თუ არა გასაგებად, მაგრამ პირადად ჩემთვის წნევის დაყენებაში "სადგური"არის რეზიკი.

[bazuka]

მოდით ერთხელ კიდევ ჩავაკვეტებ ამ თემაში HW-ს

მოკლედ ჩემი შრაუდერიანი ვერიკო 300-ით როცა ვისროდი ჯგუფებზე ფიქრი სანატრელი მქონდა, რაც სიჩქარე 275-ის მიდამოებში ჩამოვაგდე
ქე გააკეთა 13მმ-იანი ჯგუფი, 14 ტყვიიდან 3 გაიქცა ისიც მაქსიმუმ 2სმ-ით, და ეს გააკეთა ჩვეულებრივი, ყოველგვარი გადარჩევის გარეშე აღებული ტყვიებით.
ანუ ჩემს შემთხვევაში 300მ/წმ იყო დამღუპველი.

[kaka8079]

და 50 მეტრზე რამდენია საუკეთესო სიჩქარე cp სთვის მარადიორიდან სასროლად ხომ არ იცით?

[cz80]

და 50 მეტრზე რამდენია საუკეთესო სიჩქარე cp სთვის მარადიორიდან სასროლად ხომ არ იცით?

დაზუსტებით ვერ გეტყვი კაკო,
მაგრამ მე როცა 290-ის ფარგლებში მქონდა დანასტროიკებული
50 მეტრზე საკაიფო ჯგუფებს აკეთებდა..
ეხლა 322-ით იმხელა გაფანტვებს მიკეთებს, ლამისაა კედელზე შემოვანარცხო თოფი :P