Benjamim Marauder - ახალი თოფი, ახალი ხედები, არ განვიხილოთ? პარამეტრები

[ja_ja]

ჩამოჯდა ჩიტი ხეზე, შენ დიდი ხანია ელოდებოდი მას. ათვალიერებ და ემზადები სასროლად, მაგრამ ამჩნევ რომ მეორე ტოტზე კიდევ ერთი ჩიტი ჯდება, 3 ტოტით ქვემოთ კიდევ 2 ჩიტი ჯდება, ემოციები გეუფლება, გინდა ყველას წვდე, მაგრამ ხვდები ეს შეუძლებელია, გულში იქნევ ხელს და ფიქრობ ჯანდაბას ერთს ხომ მაინც მოვინადირებ.

ეფერები სასხლეტს, იღებ მიზანში პირველ ჩიტს, და ცოოოტათი აწვები სასხლეტს.... ჩვეული ბრახუნის მაგივრად რაღაც მოგუდული ხმა გესმის, თითქოსდა ნაჭერში გახვეული ლურსმანი ისე რა ძალით დაჰკარი ქვას. პირველი ჩიტი ვარდება, მაგრამ დანარჩენი არ ინძრევა, აგრძელებს ჭყიპინს და თავის ენაზე ჭორაობას, უცბად გადაწევ ჩახმახს, მეორე ტყვია თვითონ მზადდება, ჩაკეტე ჩახმახი ისევ ოდნავი დაწოლა სასხლეტზე და მეორე სამიზნეც ძირს ჩამოვარდა, სასწრაფოდ კიდევ ერთხელ ჩახმახის გადაწევა და მესამე სამიზნე ძირს აგდია, კიდევ ერთხელ აპირებ ჩახმახის გადაწევას მაგრამ მეოთხე დამფრთხალი ჩიტი მიფრინავს, იმიტომ რომ დაინახა მისი გვერდზე მჯდომი როგორ ჩამოვარდა, ვერ მიხვდა რატომ, მაგრამ თვითშენარჩუნების ინსტიქტი აიძულებს გაფრინდეს.

ჩამოწიე თოფი, აიქნიე თავი ოფლიანი შუბლიდან ”ჩოლკის” ასაგდებად და გაიფიქრე, 2-3 წამში 3 ნადავლი არც თუ ისე ცოტაა, მითუმეტეს ტყე ბახაბუხით არ გაგიყრუებია და მონადირებული ფრინველის მეგობრები ვერც კი ხვდებიან რომ უნდა გაიქცნენ, შორს, შორს უნდა გაიქცნენ.

ეს ყველაფერი შეუძლებელ ოცნებად მიაჩნია ბევრი პნევმო თოფის მფლობელს, მაგრამ თუ ყველაფერი სწორედ გათვალე..... ქარხნიდან გამოსული თოფივე მოგცემს საშუალებას ერთდროულად გახდე მიზანში ზუსტი მსროლელიც და ტყის ჩუმი რისხვა. მაშ ასე გაიცანით - საუბარია წლის ინოვაციურ მოდელზე! რომელმაც ყველა ნომინაციაში მოწონება მიიღო, საუბარის კომპანია Crosman-ის ნაწარმზე Benjamin Marauder-ზე.



ეს მიმოხილვა დიდი ხნის წინ უნდა დაწერილი, მაგრამ სუბიექტური, ობიექტური და ოჯახური პრობლემების გამო კარგა ხნით გადაიდო. მოკლედ 1 თვეზე ცოტა მეტი გავიდა რაც სამყაროსთვის შედარებით ახალთ ახალი Benjamin Marauder-ი ჩამომივიდა. ჩამოსვლის მომენტში საქართველოში უკვე არსებობდა ერთი მარადიორი, მაგრამ ბევრმა მის შესახებ ლამის ბოლო წუთამდე არაფერი არ ვიცოდით. ჩამოტანით ჩამოიტანა ეს საუცხოო თოფი კროსმანის ლოკალურმა წარმომადგენელმა ინდ საწარმომ გრიგოლ ხელაძემ (ფირმის მფლობელს იგივე სახელი აქვს), მისი ნახვა და კონტაქტზე გასვლა შეიძლება ქართული ვებ გვერდი www.iaragi.ge-ს მეშვეობით. ბატონ გრიგოლს სტაბილურად ჩამოაქვს კროსმანის პროდუქცია, მე პირადად მეორედ ვისარგებლე მისი დახმარებით და მინდა გითხრათ რომ 100%-ით კმაყოფილი ვარ. პირველი გამოცდილება მქონდა Benjamin Discovery-ს დროს, მეორე კი Benjamin Marauder-ის დაკვეთისას.

შეიძლება ცოტაოდენ რეკლამა გამომდის, მაგრამ ამ პიროვნებამ ყველანაირად დადებითი ემოციები გამოიწვია, უკვეთავთ საქონელს და მას ჩამოაქვს (თანხის გადახდაზე წინასწარ მოილაპარაკებთ, გააჩნია შემთხვევას და ფასს,). არ შემიძლია არ ავღნიშნო ის გარემოებაც, რომ ბატონ გრიგოლს ჩამოაქვს აღნიშნული საქონელი გაცილებით იაფად, ვიდრე იგივე საქონელი, რომ ჩამოგეტანათ მაგალითად ცნობილი პირამიდ აირიდან. Benjamin Marauder-ი პირამიდზე ღირს 499$ პლიუს საქართველოში გამოგზავნა 272$, პლიუს განბაჟების პროცედურები, მოკლედ თავისუფლად შეიძლება 1000$ მიუკაკუნოთ რაც რა თქმა უნდა, იაფი აღარ გამოდის, მაგრამ ბატონი გრიგოლის მეშვეობით ჩემს მიერ სანატრელი Benjamin Marauder-ი ჩამბარდა 600$-ად. აქ შედის ყველა ხარჯი, ტრანსპორტირებაც განბაჟებაც, წარმომადგენლობის მოგებაც და სხვაც. მოკლედ კიდევ ერთხელ დიდი მადლობა მინდა გრიგოლს მოუხადო, მოქმედებს ყველანაირი გაგებით, მომხმარებლების ინტერესების გათვალისწინებით და ფასს არ ზრდის ქართული უჯიშო მაღაზიებივით 2 და 3-ჯერ.

ახლა კი მოკლე შესავლის შემდეგ დავუბრუნდეთ დღევანდელ სტუმარს, მაშ ასე გაიცანით Benjamin Marauder:

მწარმოებელი: Crosman
ბრენდის მარკა: Benjamin
იარაღის კლასი: PCP
კალიბრი: 0.177 იგივე 4.5 mm
წონა: 3.4 კგ
მთლიანი სიგრძე: 110 სმ
წინა სამიზნე: არა
უკანა სამიზნე: არა
ოპტიკის სამაგრი: 11mm dovetail
სასხლეტი: 2 დონიანი რეგულირებადი
სასხლეტის რეგულირება: არის
ჩახმახის ტიპი: Bolt
ტყვიების რაოდენობა: 10
კლიპების რაოდენობა ქარხნიდან: 1 ცალი
გამოყენებადი აირი: მაღალი წნევის ჰაერი ან CO2

ჩამოსვლით მარადიორი ჩამოდის მარტო, ან ნასოსთან ერთად, რადგან ნასოსი მე უკვე მქონდა, იგი აღარ დამიკვეთია, სავარაუდოდ ნასოსიანი ვერსია 800$-ს მიუკაკუნებს, თუმცა ეს კონკრეტული საკითხი ზემოთხსენებულ წარმომადგენელთან უნდა დააზუსტოთ, მე კი დავუკვეთე მხოლოდ თოფი და მხოლოდ თოფი მივიღე. ჩამოსვლისას თოფი ჩამოდის საკმაოდ ვიწრო და გრძელი ყუთით.



როგორც ყველა ყუთს ამასაც აქვს ორი მხარე წინა და უკანა.



პირველი რეაქცია ჰქონდა ტაქსის მძღოლს როდესაც შენაძენი სახლში მომქონდა, მიუხედავად იმისა რომ კოლოფი უკუღმა დავდე მაინც დააინტერესა და შემეკითხა რა დამიჯდა ეს სნაიპერული შაშხანა. როდესაც ვუთხარი, რომ პნევმატიკაა... მძროლმა არ დაიჯერა და პირდაპირ მითხრა, რომ ვინმე შპიონი ნუ გგონივარ პროსტა იარაღი ბავშვოდიდან მიტაცებსო . ბევრი ახსნის მერე დავაჯერე თუმცა ბოლომდე დაიჯერა თუ არა არ ვიცი. ის, რომ მარადიორი ძალაინ ჰგავს ცეცხლსასროლ შაშხანას ეს ფაქტია, პირველი ქართველი მფლობელი და ჩვენი აქტიური ფორუმელი Beqa-ც საბაჟოზე ლამის შარში გაეხვა, თუ არა ვცდები მოსთხოვეს ექსპერტის დასკვნა, რომ ეს ცეცხლსასროლი იარაღი არააო. თუმცა იქაც საკითხი მალე და უმტკივნეულოდ გადაწყდა.

გულდასაწყვეტია, რომ ქართული კანონმდებლობით .22-იანი კალიბრის პნევმატიკის შეძენა არ შეიძლება, თორემ ამ თოფს სანადირო კუთხით ბადალი არ ეყოლებოდა.

კარგი ბატონო ჩავხედოთ კოლოფს შიგნით. გახსნისას ვნახულობთ სათუთად პოლისტიროლის დამჭერებში ჩამჯდარ ფიშტოს.



დისკოსგან განსხვავებით თოფს ლულაზე პატარა დამცავიც კი აქვს წამოცმული რომ ტრანსპორტირებისას მტვერი არ შეიპაროს.





რა თქმა უნდა, ყველა პროდუქტს მოყვება თავისი სახელმძღვანელო და სხვადასხვა პატარა ინსტრუქციები, გასაკვირი ისაა, რომ დისკოსგან განსხვავებით მარადიორს მოყვება დეგაზაციის ინსტრუმენტი, იდეაში ეს ერთი დიდი გრძელი ვინტია, მაგრამ აშკარად სასიამოვნო და საჭირო ნივთია, დისკოს დეგაზაციის ვინტი 15$ ღირს რაც მთლად კარგი არაა, აქ კი უფასოდ გაქვს.





ზედა სურათზე ალბათ დაინახეთ, რომ გამოსახულია 2 კლიპი (ეგრეთწოდებული ”აბოიმა”, ისე ჩვენში დარჩეს და როდის გადმოხვალთ რუსული ენიდან???), აქვე უნდა გამოგიტყდეთ მეორე კლიპი დამატებით მე დავუკვეთე და დამიჯდა 20$, მარადიორს ქარხნულად მხოლოდ 1 კლიპი მოყვება. 1 კლიპი ძალიან ცოტაა, ანუ გაისროლე და სანამ დატენი კლიპს მანამდე თოფში ტყვია არ გაქვს , რა თქმა უნდა უფრო მეტის დაკვეთაც შეიძ,ება, მაგრამ 2 ყველაზე ოპტიმალურია, თავიდან ორივე დატენილი გაქვს, პირველს ცვლი და მეორეს არჭობ თოფში, პირველს კი ამასობაში ტენი, თუ უცებ რაიმე სამიზნე გაჩნდა, მეორე კლიპიდან შეგიძლია ისროლო. მოკლედ მე პირადად მიმაჩნია რომ 2 კლიპი აუცილებელია, რადგან თოფი ძირითადად კლიპზეა გათვლილი და თითო ტყვიის ჩატენვა ხელით ცოტა არ იყოს მოუხერხებელია. რა თქმა უნდა შეიძლება, შეუძლებელი ამ ქვეყანაზე არაფერია, მაგრამ....

თოფის ხელში დაჭერისას თვალში გხვდება მისი უბადლო შესრულების დონე, წარმოუდგენელია, რომ პნევმატიკაზე ასეთი სუფთა მუშაობა იყოს ჩატარებული, კონდახი კი თვალებს გინათებს, ბევრს მაღალი კლასის სანადირო ცეცხლსასროლ თოფზე ვერ ნახავთ ამ დონის სუფთა ნამუშევარს და მდიდრულ გრავირებას.













რამდენ პნევმატურ თოფზე გინახიათ საკმაოდ მაღალი ხარისხის მონტეკარლოს კონდახი? თან არა მხოლოდ ერთ მხარეზე, არამედ უნივერსალი, გინდა მარჯვენა ხელისთვის გინდა მარცხენა ხელისთვის, გამზადებული ღვედების დასამაგრებელი და სხვა.









სასხლეტი უკვე რადიკალურად შეცვლილია, ანუ პირველ PCP თოფზე, რომელიც კომპანია კროსმანმა გამოუშვა სასხლეტი იყო ერთ საფეხურიანი (საუბარი discovery-ს სასხლეტზეა) და თან პლასტმასის, აღარაფერს ვამბობ ზამბარაზ,ე რომელიც გამოიყენება სასხლეტში, ასე ვთქვათ თითებს მოგამტვრევს და პირველი რასაც დისკოს მფლობელი აკეთებ ეს არის სასხლეტის ზამბარის შეცვლა.



მაშ ასე სასხლეტი მარადიორზე არის 2 საფეხურიანი, აქვეა განთავსებული მცველიც, როდესაც სასხლეტის წინ დამაგრებული დეტალი უკანაა მოწეული სასხლეტი დაბლოკილია და გასროლა შეუძლებელია, როდესაც წინაა მცველი გაწეული სროლა უპრობლემოდ მიმდინარეობს. როგორც უკვე ვთქვი სასხლეტი ორ საფეხურიანია თან შეიძლება მისი რეგულირება, როგორც სასხლეტის სვლის სიგრძე, ასევე დაწოლის ძალა, ქარხნულად მარადიორის სასხლეტი გათვლილია 500 გრამზე, ანუ საკმარისია სასხლეტს 500 გრამის ძალით დააწვეთ და გასროლა მოხდება, შეიძლება ძალიან მგრძნობიარეც გახადოთ, მაგალითად შეხება და გასროლა ერთი რომ იყოს, საერთოდ სნაიპერული სროლისთვის ასეთი სასხლეტი სჯობია, რადგან დაწოლით გამოწვეული გვერდითი ძალა არ გიცვლით სამიზე წერტილს, მაგრამ ძალიან მგრძნობიარე სასხლეტი უსაფრთხო აღარაა, ასე რომ რაღაც საშუალო უნდა იპოვოთ, მე სხვათაშორის დღემდე ქარხნულ ვარიანტს ვიყენებ, საკმაოდ მოსახერხებელი, თუმცა არ შემიცვლია მარტივი მიზეზის გამო, შესაბამისი ინსტრუმენტები არ მაქვს. მარადიორში ისევე როგორც დისკოში ყველა ვინტი და დეტალი დუიმების სისტემაზეა. ასე რომ....



ისე სიმართლისთვის ერთი რამ უნდა დავამატო, კროსმანმა ეტყობა ჩათვალა რომ ბოლომდე ყველაფერი 5-იანზე გააკეთა და ბოლოს რაღაც სისულელე არ გაეკეთებინა არ შეიძლებოდა, ამიტომაც სასხლეტის ხუფი გააკეთა პლასტმასისგან , რა თქმა უნდა ამას არანაირი დიდი მნიშვნელობა არა აქვს, იდეაში ჭკვიანურიც კი არის, ზამთარში თითი ცივი ლითონის გარემოცვაში არ იქნება, ერთი ლითონის სასხლეტიც ეყოფა თითს .

რეზერვუარი და მანომეტრი უკვე გათვლილია 3000 PSI-ზე ანუ უხეშად 207 ატმოსფეროზე. დისკოზე ლიმიტი იყო 2000 PSI ანუ 136 ატმოსფერო. სროლა შესაძლებელია 3000-დან 1000 PSI-ს დიაპაზონში, თუმცა მაინცა და მაინც თავიდან ბოლომდე სროლა არ მოგცემთ სახარბიელო სროლის ვარიანტს. ჩემი დაკვირვებით ოქროს შუალედი სადრაც 2600-2500-დან უნდა ეძებოთ. თოფს რედუქტორი არ აქვს, ასე რომ წნევის ცვლილებასთან ერთად იცვლება ტყვიის სიჩქარეც, თუმცა ამაზე უფრო დეტალურად ცოტა მოგვიანებით ვისაუბრებ.



რეზერვუარი მარადიორზე საკმაოდ დიდია, კროსმანის განცხადებით 215 კუბური სანტიმეტრი, შედარებისთვის გეტყვით, რომ დისკოს სულ რაღაც 105 კუბური სანტიმეტრი მოცულობა აქვს. ანუ ორმაგი მოცულობა და მეტი წნევა, სწორედ ეს იძლევა იმის შესაძლებლობას, რომ დისკოსავით 40 გასროლა კი არ გააკეთო ერთი დატენვით არამედ..... თუმცა ამაზეც ცოტა მოგვიანებით.

კარგი ბატონო გადავიდეთ ჩახმახზე. ეს ის დეტალია, რომელიც მაგიურად გიპყრობს, გიჭერს და რაღაც ენით აუღწერელ სიამოვნებას განიჭებს. მიუხედავად იმისა რომ დღეს მოდაში შემოდის, ბიატლონისტების მაგვარი ჩახმახი ეგრეთწოდებული Sidelever-ი, მე მაინც კლასიკური მამაპაპური ჩახმახი მირჩევნია, ეგრეთქოდებული BOLT-ი. სროლისას იმდენად ეფექტურია (ემოციურ ვარიანტში) და იმდენად დადებით ემოციებს გაწვდის ეს კლასიკური ძველმოდური ჩახმახი, რომ თავი მართლაც სნაიპერი გგონია, ეგაა რომ ნასროლი ჰილზების ამოყრა არ ხდება







ქარხნიდან ჩახმახის მრგვალ თავს მოყვა დამცავი პლასტიკატის ჩამოსაცმელი, მაგრამ მე იმდენად მომეწონა ეს პლასტიკად ცელოფნის ხუფი, რომ დღემდე ჩახმახიდან არ მომიძვრია . ჩახმახის მოქმედების პრინციპი მარტივია, ამოწიე ზემოთ (იხსნება საკეტი), გამოწიე უკან ბოლომდე სანამ დამრტყმელი არ დადგება საბრძოლო მდგომარეობაში, ამავე დროს, კლიპიდან გამოსული ჩახმახის ცხვირი ანთავისუფლებს ტყვიისთვის ადგილს. კლიპი თავის მხრივ ზამბარის ზემოქმედებით მუშაობს, როდესაც კლიპში აღარც გასროლილი ტყვიაა და აღარც ჩახმახის ცხვირი, იგი ავტომატურად ტრიალდება და ჩახმახის ცხვირის წინ ახალ ტყვიას აყენებს. თქვენ ამას ვერც კი გრძნობთ ჩახმახი უკან გამოწიეთ და მილიწამებში ახალი ტყვიაა ჩახმახის წინ გამზადებული, მომენტალურად ჩახმახი წინ მიგაქვთ და ჩახმახის ცხვირი თვითონ იტაცებს ახალ ტყვიას, რომელსაც თქვენი ხელის მოძრაობასთან ერთაც ლულაში მიათრევს. ბოლო პოზიციაში მისვლისას ჩახმახს ძირს ჩამოწევთ და ჩაკეტავთ.







მოკლედ კლასიკური თოფი გიჭირავთ ხელში, მაგალითად ბრიტანული ლი-ენფილდი ან ლი-მეტფორდი ენა არ მიტრიალდება ეს სილამაზე რუსულ მახინჯ თოფებს შევადარო.

თუმცა აქვე უნდა ვახსენო გარკვეული ცუდი მომენტები. საქმე იმაშია, რომ კლიპი მარტივადაა გაკეთებული, პრაქტიკულად ადრე განხილული ვირთხმინატორის კლიპის ანალოგია, ყოველი მოძრაობისას ახალი ტყვია მიემგზავრება ჩახმახში, ეს ქმნის პრობლემას. ახალბედობისას როდესაც ეს თოფი ჩემთვის ჯერ კიდევ ახალი ხილი იყო, ხშირად ჩახმახი ბოლომდე არ მიმყავდა უკან. შედეგად დამრტყმელი საბრძოლო მდგომარეობაში არ მოდის, ზამბარა ჩახმახს უკან აწვება და საწყის პოზიციაში მიათრევს. თუ შეცდი და გგონია, რომ გადატენე თოფი, ასუსტებ ხელს მაგრამ ამ დროს ზამბარა ჩახმახს წინ მიათრევს, ამ დროს პირველი ტყვია ლულაში უკვე ჩაიტენა. როგორც კი მიხვდები, რომ შეგეშალა, ავტომატურად ცდილობ ჩახმახი ხელმეორედ ბოლომდე უკან გაწიო, ამ დროს, კლიპიდან ჩახმახის ცხვირი ისევ გამოდის, კლიპს სულ არ აინტერესებს იყო უკვე ტყვია ლულაში გაგზავნილი თუ არა, ისევ ტრიალდება და ახალ ტყვიას აყენებს ჩახმახის წინ. თქვენ ჩახმახს წინ ამოძრავებს და აი ლულაში უკვე ერთად 2 ტყვიაა.

რა თქმა უნდა ეს სიზუსტეზე ნეგატიურად მოქმედებს და გასროლისას სამიზნეში უცებ 2 ხვრელი ჩნდება ერთის მაგივრად თან როგორც წესი ყოველთვის აცდენილია იმ წერტილს რომელსაც უმიზნებდით . ნელნელა პრაქტიკაზე მოდის გამოცდილება და ასეთი შეცდომები ქრება. თუმცა მაინც არის რის გამო შემთხვევები როდესაც ვერ იგებ დატენილი გაქვს თოფი თუ არა, სულ იმის ფიქრში ხარ ახლა რომ გადავტენო და თუ უკვე საბრძოლო მდგომარეობაშია თოფი ესეიგი მეორე ტყვიას ჩავტენი ლულაში...

თუმცა მოტვინვა აქაც შეიძლება:

1) ჩახმახს ხსნით და ოდნავ გამოწევთ უკან ისე, რომ ჩახმახის ნემსი არ გამოვიდეს კლიპიდან (საკმაოდ ღრმადაა ცხვირი ლულაში სადღაც 3-4 სანტიმეტრით, თქვენ კი 1 სანტიმეტრის მოძრაობაც არ გჭირდებათ), შედეგად თუ საბრძოლო მდგომარეობაში დამრტყმელი არაა, ჩახმახის ოდნავ უკან მოწევისას მაშინვე იგრძნობთ საკმაოდ გემრიელ წინააღმდეგობას ზამბარისგან, ესეიგი თოფი გადატენილი არაა და ტამამად შეგიძლიათ გადატენოთ.

2) თუ პირველად გაგისხლტათ ჩახმახი ხელიდან და პირველი ტყვია შეიტანა ლულაში, მაშინ ჩახმახი უკან მიგაქვთ, აყენებთ საბრძოლო მდგომარეობაში და აძრობთ კლიპს, კეტავთ ჩახმახს და ისვრით პირველ ტყვიას. შემდგომი გადატენვისას კლიპს თავის ადგილზე აყენებთ და აგრძელებთ სროლას.

მოკლედ არც ისე ძნელია, და რაიმე კოშმარული არ ხდება. ცუდი უფრო ისაა, რომ დისკოსავით არ შეგიძლია ჩატენო ტყვია, შემდეგ საბრძოლო მდგომარეობიდან მოსხნა დამრტყმელი და თოფი ისე შეინახო (ზამბარა რომ არ დაჯდეს), ხოლო როდესაც გასროლა დაგჭირდება უცებ გამოწიო ჩახმახი ჩაკეტო და გაისროლო. იდეაში ეგეც შეიძლება, ოღონდ კლიპი უნდა მოხსნა მარადიორს, საქმე იმაშილა რომ ამ დროს მარადიორი ერთ დამტენიანი ხდება.

კიდევ ერთი ცუდი ფაქტი ის არის, რომ თვითონ ლულის უკანა ნაწილშია ჩახმახის რეზინი ჩასმული. იმის გამო, რომ ჩახმახმა კლიპი უნდა გაიაროს ხოლმე ჩახმახის ცხვირზე აღარაა განთავსებული ჩამკეტი რეზინა. ეს საქმეს ართულებს ლულის შეცვლისას, მაგალითად კროსმანის ლულა რომ შეცვალოთ LW-ს ლულაზე საჭირო ხდება რეზინის ჩასასმელი ბუდის ამოჩარხვა, რაც საქართველოში საკმაოდ რთულ ოპერაციად ითვლება.

კარგი მოდი შევადაროთ დისკოს ახალი მარადიორი, როგორც ორივე ერთი კომპანიის მიერ გამოშვებული და შემდეგ სხვა საინტერესო დეტალები განვიხილოთ.



მარადიორი რაღაც უფრო ზრდასრულ ჩამოყალიბებულ თოფად გამოიყურება დისკოსთან შედარებით, იგივე ჩემი ცნობილი დიდი ოპტიკა VO 6-25x56 მარადიორზე კარგად ჩანს მაშინ როდესაც დისკოზე ზედმეტად დიდ კუზად ჩანდა.



სამაგიეროდ დისკოს მოუხდა Crosman-ის მიერვე გამოშვებული Centerpoint 4-16x40 ოპტიკა, საკმაოდ ნორმალურად დაჯდა დისკოზე. ახლა ჩახმახების სისტემასაც უხეშად გადავხედოთ





დისკოს რუდიმენტალურ ჩახმახის სახელურსა და მარადიორის ჩამოყალიბებულ ჩახმახს შორის, მემგონი დიდი სხვაობაა , სხვათაშორის ეს ჩახმახია რომ ხალხს აგიჟებს. მეზობელი, გამვლელი, ნათესავი თუ ახლობელი, ყველა ქლიავდება მარადიორის დანახვაზე, პატარა შესავალია ყველსათვის გასაკეთებელი რომ ეს პნევმატიკაა და არა ცეცხლსასროლი, ზოგიერთი ამის შემდეგ მარადიორზე ხელს იქნევს, ასევთქვათ იმედგაცრუებას ხედავს, მითუმეტეს საერთოდ ეცინებათ როდესაც მარადიორის ხმას იგებენ საერთოდ სათამაშო ჰგონიათ, ვერ ხვდებიან რომ ეს სიჩუმე ოქროს ფასი ღირს.

ერთერთ მინუსად შეიძლება მარადიორს ჩავუთვალოთ წონა. დისკოს მერე მარადიორი ოპტიკის გარეშე უკვე დიდ წონად გეჩვენება, ოპტიკიანად კი.... მართალი გითხრათ ხელიდან სროლაც კი ჭირს, 5-10 წამი ეს არის მაქსიმუმი, რომელსაც შესძლებთ და ხელიდან დამიზნებიდან გაუძლებთ, შემდეგ მიზანი ხელში დადის და ზუსტ გარტყმა პრაქტიკულად ქრება, რაც დრო გადის მით უფრო ქრება. საყრდენი აუცილებელი პირობა გახდა. აი დისკო კი... ფუმულა მჩატე თოფია. ასე რომ ყველა პლიუსთან ერთად რაღაც მინუსი არ გამოიძებნოს არ შეიძლება .

მოდით ახლა გადავიდეთ ლულაზე და მოდერზე. ლულა დისკოსგან განსხვავებით მოკლეა, ანუ დისკოს აქვს 61 სანტიმეტრიანი ლულა, მარადიორს 50 სანტიმეტრიანი, დისკოს ლულის მწარმოებელი იდეაში უცნობია, ხოლო მარადიორზე კროსმანი აცხადებს რომ თვითონ ამზადებს და ამზადებს ამერიკაში, რამდენად შეესაბამება რეალობას და რამდენად სარეკლამო სვლაა ვერ გეტყვით, ფაქტი ერთია ორივე ლულა მიზანში სროლის მიხედვით რადიკალურად განსხვავდება. დისკოს შეუძლია JSB-ს მეშვეობით გააკეთოს 11-12 მილიმეტრიანი ჯგუფები, მარადიორს კი JSB არ მოსწონს. 25 მილიმეტრინიანი ჯგუფი იმავე პირობევში საუკეთესო შემთხვევაა. თავიდან მეგონა რომ ჩემს მარადიორს სჭირს რაღაც, ან ტყვიები შემხვდა არანორმალური, მაგრამ შემდგომში საკითხის შესწავლისას აღმოჩნდა, რომ მარადიორის ლულას უყვარს კროსმანის ტყვიები და ეს მტკიცდება ლამის მთელი პლანეტის მაშტაბით, ვერავინ კარგად,ვერ ისვრის სახელგანთქმული JSB-ს ტყვიებს მარადიორიდან, სამაგიეროს Crosman Premier 10.5 gr იძლევა საუცხოო შედეგს, პირადად მოვახერხე 20 ტყვიის ჩაჯენა 10 მილიმეტრიან რგოლში, დისკოზე 10 მილიმეტრიან რგოლში ჩაჯენა შეუძლებლად მიმაჩნია და თან 20 ტყვიის ერთად, მაქსიმუმ დისკომ 10 ტყვიის ჩაჯენა მოახერხოს.



პირველი 10 გასროლის შემდეგ იმდენად გაოცებული დავრჩი, რომ მეორე კლიპიც მივუშვი, შედეგი გამაოგნებელია 20 ტყვია ურედუქტორო თოფის მეშვეობიოთ 10 მილიმეტრიან ხვრელში. შესაშური მიზანი ამ თოფს აქვს, ოღონდ თავისი ჭკუის ტყვიები უნდა

ჰო მართლა სანამ დამავიწყდა, მარადიორს ღია სამიზნე საერთოდ არ აქვს, ასე რომ ოპტიკა სავალდებულოა, წინააღმდეგ შემთხვევაში მისი გამოყენება შეუძლებელი ხდება, მინიმუმ გირჩევთ 4-16-იანი ჯერადობის ოპტიკას, თოფს აშკარად შეუძლია დიდ დისტანციაბზე სროლა და არ ღირს პატარა ჯერადობის ოპტიოკით შემოფარგვლა.

აი რაც შეეხება მოდერს…. ჰოო ამის აღწერა ალბათ გამიჭირდება, კიდევ კარგი მოწმეები მყავს, თორემ არავინ დამიჯერებდა, მოკლედ თავისი პლიუსები აქვს დიდი ხნით გაჭიმულ რეპორტს. მოკლედ მოდერი მუშაობს ენით აუღწერელი ხარისხით. ანუ თუ თოფი დატენილია 3000 PSI-ზე მაშინ გასროლის ხმა არ არსებობს, მაქსიმუმ კლაპანზე დამრტყმელის ხმა ისმის, ისიც იმდენად მოგუდული და არარეალური რომ სროლა გამოდის არამიწიერი, ანუ რაღაც ხმა არის, რომელიც ენით აღწერას არ ექვემდებარება და ბოლოს მიზანში მოხვედრის ხმა. მოწმედ მოვიშველიებ ჯორჯიკას, დავითუსს და დავითს, დატენილი თოფის ხმა მოისმინეს და ტბებშიც ისროლეს, ისეთი შეგრძნებაა რომ ციდან ჩამოვარდნილი კენჭი ხვდება წყალს, გასროლა პრაქტიკულად არ არსებობს. აი წნევის ვარდნის შემდეგ ხმა ცოოტათი მატულობს. სადღაც 2600-2500-დან ჩნდება სისინის ხმა გასროლისას, ხოლო სადღაც 2000-1900-დან შეიძლება ითქვას დისკოს ხმას ეწევა, ოღონდ დისკო TKO22-ის კარბონის მოდერით (მოდერი რომელიც ლისის ტბაზე ჩავახრჩვე). თავის დროზე TKO22-ის მოდერმა გამოიწვია ფურორი ერთერთი გასვლისას, ბევრმა ჩათვალა რომ ხმა თოფს პრაქტიკულად აღარ გქონდა, აბა რაღა ვთქვა მარადიორზე.... არ აქვს, საერთოდ არ აქვს . რა თქმა უნდა საუბარია ღია სივრცეზე და არა ჩაკეტილ ოთახზე, ოთახში ცოტაოდენ სროლის ხმა ისმის. ნუ შეეცდებით ხმა გაიგოთ რაიმე ვიდეო კლიპის ჩანაწერის მეშვეობით, ყოველთვის არასწორი ინფორმაცია გექნებათ, ჩანაწერსე ყოველთვია არის ხმა, ეს გამოწვეულია მიკრაფონის მიერ ექოს და სხვა ტალღების დაჭერის შედეგად, ვერცერთი ჩანაწერი ვერ მოგცემთ მარადიორის რეალურ ხმას.

ამ სიტუაციამ იმდენად დამაინტერესა რომ მარადიორს მოვხსენი მოდერატორი, უფრო სწორედ ამას უკვე მოდერატორი აღარ ჰქვია, მარადიორს აქვს შრაუდერი, ანუ მთელი ლულის სიგრძეზე წამოცმული დამატებითი მეორე ალუმინის ლულა. თვითონ ლულის გარე დიამეტრი არის 11.14 მილიმეტრი, შრაუდერის მილის გარე დიამეტრი კი 22.5 მილიმეტრი, შრაუდერი არის 60 სანტიმეტრის სიგრძის.

ესეიგი ვიღებთ შემდეგ სიტუაციას ლულის 50 სანტიმეტრიდან 5 სანტიმეტრი არის კოლოფში მოთავსებული დარჩენილ 45 სანტიმეტრს გარს შემორტყული აქვს შრაუდერი, დარჩენილი შრაუდერის 15 სანტიმეტრი შევსებულია 4 ცალი პლასტიკატის ჭიკით, ფსკერზე ამ ჭიქებს აქვს 6.25 მილიმეტრიანი ხვრელი (.22-იანიც უპრობლემოდ გაეტევა, ან ბოლო ბოლო 1 მილიმეტრით გააფართოვებ და მორჩა საქმე). ბოლოს შრაუდერს უკეთია ალუმინის ხუფი, რომელიც იჭერს პლასტიკატის ჭიქებს შრაუდერში. შრაუდერი თავის მხრივ საწყისად მაგრდება ლულის დასაწყისზე ჩამოცმულ დეტალზე, რომელსაც შესაბამისი სისქის რეზბა აქვს.



ახლა როგორ მოქმედებს ეს ყველაფერი - ტყვია გასროლისას გადის ლულაში და ბოლოს რა თქმა უნდა ტოვებს ლულას. აქ ტყვია ხვდება პირველ დახურულ სივრცეში, უფროსწორედ ტყვიის უკან მომყოლი ჰაერის ნაკადი. ანუ ლულის თავზე ჩამომჯდარი პირველი პლასტმასის ჭიქა ჰაერს კვეთავს ტყვიისგან და ლულის ირგვლივ 45 სანტიმეტრის სიგრძეზე ანაწილებს, ამით წნევას აგდებს, და აირს აცივებს აირის გაფართოების ეფექტის გამო. ტყვია აგრძელებს მოძრაობას და გადადის მეორე პლასტიკატის ჭიქაში, აქ კიდევ ერთხელ იკვეთება უკან მოყოლილი ჰაერი, მაგრამ უკვე ნაკლები წნევით და ნაკლები ტალღით. გარდა ამისა ტყვია კიდევ 2 პლასტიკატის ჭიქას გადის რის გამოც ჰაერის ხმა და წნევა კიდევ 2-ჯერ იკვეთება. ბოლოს ტყვია ტოვებს ლულასაც და შრაუდერსაც, ხოლო შრაუდერში დარჩენილი გაფართოებული დაწყნარებული ჰაერი ნელნელა და ჩუმად ტოვებს შრაუდერს იმ ხვრელიდან რომლიდანაც ტყვია გაფრინდა.



რა თქმა უნდა ეს ყველაფერი საკმაოდ ჩქარა ხდება, მაგრამ იძლევა იმის შესაძლებლობას, რომ ტყვიის უკან მოყოლებული ჰაერის დამრტყმელი ტალღა ჩააწყნაროს. რამდენიმე წყარო იტყობინება რომ შეიძლება მესამე ჭიქის უკუღმა მოტრიალება, ისე რომ ბოლოს ერთი დიდი სივრცე შეიქმნას, შედეგად 4 საფეხურიანი სისტემის მაგივრად ვიღებთ 3 საფეხურიანს, მაგრამ იმის გამო, რომ მესამე საბოლოო სარქველი მეორე სარქველზე დიდია ჰაერს უფრო ეფექტურად ჭრის და თოფი უფრო ჩუმიაო, არ ვიცი მე ვერაფერი ეგეთი ვერ შევამჩნიე თუმცა მე ეს ექსპერიმენტი სახლის პირობებში გავაკეთე და შეიძლება ექოს ეფექტმა არ მომცა საშუალება, რომ განმესხვავებინა ესპერიმენტის მიღებული ხმები ერთმანეთისგან. აქვე დავძენ მათთვის ვისაც აინტერესებს მარადიორის ორიგინალი ხმა მოდერის გარეშე.... ცეცხლსასროლი გისვრიათ? ახლა 308 ვინჩესტერს ვერ ეწევა, მაგრამ ეგრეთწოდებულ GEKO-ზე 1,5-ჯერ მეტი ხმა აქვს. ყოველ შემთხვევაში ორმაგი დისკოს ხმა გარანტირებულად გაქვს. ასე რომ შრაუდერი სუპერ ეფექტურად მოქმედებს (ასეთი ხმა მოჭრა თითქმის ნოლამდე....).

[ja_ja]

Jah

რა თქმა უნდა ზამბარა ექნება. თან სასტიკი

შენ მგონი ისე იზამ რომ ან საერთოდ ა გაიხსნება ეგ კლაპანი, ან რომ გაიხსნება ერთი მოლეკულა გამოეტევა გაჩენილ ღრეჩოში და ჩაიკეთება

ზატო რამდენ მილიონ გასროლაზე გეყოფა კაცს ერთი რეზერვუარი

[Jah]

შენ მგონი ისე იზამ რომ ან საერთოდ ა გაიხსნება ეგ კლაპანი, ან რომ გაიხსნება ერთი მოლეკულა გამოეტევა გაჩენილ ღრეჩოში და ჩაიკეთება

ზატო რამდენ მილიონ გასროლაზე გეყოფა კაცს ერთი რეზერვუარი

ხუმრობა ხუმრობით, მარა მინდა გავაკეთო 270 მ/წ მინიმუმ 70-75 გასროლა
და მარადიორში კლაპანი იმდენხანს არის გახსნილი, რომ ტყულილად გაპარული ჰაერი არც ენერგიას უმატებს და ეყოფოდა კიდე ერთ 3 გასროლას მინიმუმ.
აი მაგარი დილიხორი მაქვს.
თან პლატო მაქსიმუმ +-3 მ/წ, ანუ 1.5 იქეთ 1.5 აქეთ
დაჟე შეიძლება 260 დავწიო თუ უკეთესი იქნება. 80-90 მეტრზე ნებისმიერ ვარიანტში ეყოფა იმასა... ვისაც... ნუ...

[tengo]

თეფშის დაპატარავებით მივიღებთ უფრო სწრაფ ცაკეტვას,

გია აქ ვერ გავიგე, მე ვფიქრობდი, რომ რაც უფრო დიდია თეფში მით უფროი მეტი ძალა აწვებოდა და უფრო სწრაფად იკეტებოდა,პირიქითც ყოფილა?

[Jah]

გია აქ ვერ გავიგე, მე ვფიქრობდი, რომ რაც უფრო დიდია თეფში მით უფროი მეტი ძალა აწვებოდა და უფრო სწრაფად იკეტებოდა,პირიქითც ყოფილა?

მართალია, მაგრამ ამ შემთხვევაში, უპრიანია ის რომ რაც უფრო დიდი თეფშია, მით უფრო ნელა გაიხსნება კლაპანი, ამიტომაც მაგას ვაპატარავებთ მაქსიმალურად, რომ არ მოგვიწიოს სასურველი ენერგიის მისაღწევად დამრტყმელის დამძიმება და შედეგად გადახარჯვა.
და დახურვაზე მაგას საკმაოდ მნიშვნელოვნად დაეხმარება "იალქნისებური" შტოკი.

საქმე მხოლოდ ხარჯვაში არ არის, მიზანი - სწრაფი პროცესია...

[tengo]

მართალის, მაგრამ ამ შემთხვევაში, უპრიანია ის რომ რაც უფრო დიდი თეფშია, მით უფრო ნელა გაიხსნება კლაპანი.

ეხლა გასაგებია, გახსნის სისწრაფეზე არ მიფიქრია.
ესეიგი უფრო სწრაფად გაიხსნება, ქარხნულთან შედარებით და სწრაფ ჩაკეტვას ძლიერი ზამბარა უზრუნველყოფს.
რეზიკიდან კლაპანში შემავალ ხვრელს რა დიამეტრისას აკეთებ?

[Jah]

ესეიგი უფრო სწრაფად გაიხსნება

ესეც არის, ანუ გახსნის სისწრაფეც ემატება რა თქმა უნდა, მე წერან ვერ ჩამოვაყალიბე ის რაც ჩემი მიზანია, ანუ ყველაზე მთავარი ის არის რომ უფრო ნაკლები ძალა დაჭირდება გასახსნელად. და უკან ჩაკეტვას არა მხოლოდ ზამბარა არამედ შტოკის ასეთი ფორმა უზრუნველყოფს.
ანუ კლაპანი რომ გაიხსნება, შემოვარდნილი ჰაერი არა მხოლოდ გადამშვებში გავა არამედ დააწვება შტოკის სქელ ნაწილს...
რაც შეეხება ხვრელს, ანუ კლაპნის წინა სივრცეს, ამოვიღებ ჯერ ამ ვტულკას რაც ქარხნულად არის ჩადებული, და მერე ვნახოთ.
და თუ მეკითხები "პრახადნოი" ხვრლზე ანუ რასაც კეტავს კლაპანი, იმას ვტოვებ როგორც არის 5მმ-ს.

[tengo]

ესეც არის, ანუ გახსნის სისწრაფეც ემატება რა თქმა უნდა, მე წერან ვერ ჩამოვაყალიბე ის რაც ჩემი მიზანია, ანუ ყველაზე მთავარი ის არის რომ უფრო ნაკლები ძალა დაჭირდება გასახსნელად. და უკან ჩაკეტვას არა მხოლოდ ზამბარა არამედ შტოკის ასეთი ფორმა უზრუნველყოფს.
ანუ კლაპანი რომ გაიხსნება, შემოვარდნილი ჰაერი არა მხოლოდ გადამშვებში გავა არამედ დააწვება შტოკის სქელ ნაწილს...
რაც შეეხება ხვრელს, ანუ კლაპნის წინა სივრცეს, ამოვიღებ ჯერ ამ ვტულკას რაც ქარხნულად არის ჩადებული, და მერე ვნახოთ.
და თუ მეკითხები "პრახადნოი" ხვრლზე ანუ რასაც კეტავს კლაპანი, იმას ვტოვებ როგორც არის 5მმ-ს.

მართალია ამ საქმეში დიდი გამოცდილება არა მაქვს, მაგრამ ჩემი პირადი დაკვირვებებიდან ასეთი აზრი მინდა გამოვთქვა, რომ თითქმის ერთი და იგივე შედეგების მიღება არის შესაძლებელი სხვადასხვა გზითა და მეთოდებით. იმის თქმა მინდა ,რომ ზოგიერთ შემთხვევაში მკაცრი ზამბარით დარეგულირებული საბრძოლო კლაპანის მონაცემები ანალოგიური იყოს ან ჩამოუვარდებოდეს მსუბუქი ზამბარით დარეგულირებულ საბრძოლო კლაპანს.
ხოლო მსუბუქი ზამბარის გამოყენების შემთხვევაში ვღებულობთ მეტ კომფორტს ,რაც მსუბუქს ხდის გადატენის პროცესს.
რავიცი შეიძლება მე ვცდებოდე, მაგრამ ჩემი მცირედი დაკვირვებებიდან ასეთი პოზიცია გამოიკვეთა.

[ja_ja]

tengo
სულ სხვადასხვა ზამბარებზე საუბრობთ შენ და გიო.

გიო ამბობს კლაპნის ზამბარაზე და საერთოდ კლაპანზეა საუბარი, შენ კი მსუბუქ გადატენვას ახსენებ, ანუ ყურადღება აქცენტირებული გაქვს არა კლაპნის ზამბარაზე არამედ დამრტყმელის ზამბარაზე.

ან აგერია კლაპნის ზამბარის მუშოაბა და დამრტყმელის ზამბარა ერთმანეთში, მოკლედ ზემოთ დაწერილი ტექსტი ერთი მეორეს გამორიცხავს.

ყოველი შემთხვევისთვის შეგახსენებ, საუბარია კლაპნის ზამბარაზე, რომელიც კლაპანს ხურავს დამრტყმელის დაჯახების მერე. გადატენვაში კლაპნის ზამბარის სიმსუბუქე/სიძლიერე მონაწილეობას არ იღებს. მანდ მეორე ზამბარა მონაწილეობს, რომელიც დამრტყმელს აწვება და ინერციას აძლევს იმისათვის რომ კლაპანს დაეჯახოს.


ვიზუალურად რომ ავღნიშნოთ... გადატენვის კომფორტზე მოქმედებს აი ეს ზამბარა, ანუ დეტალი # 28



ხოლო საუბარი ამჯერად არის საბრძოლო კლაპანზე და მის შიგნით არსებულ ზამბარაზე:



ანუ ეს კლაპნის ზამბარა საერთო არ ეხება მიმწოდებელს (ანუ იგივე ჩახმახს) და საერთოდ არ მონაწილობს გადატენვის პროცესის ასევთქვათ კომფორტულობა/არაკომფორტულობაში

[Jah]

ja_ja
შეიძლება თენგო გულისხმობს რომ იმას, რომ, ზამბარა თუ უხეშია კლაპანში შესაბამისად საბრძოლო ზამბარაც უხეში მომიწევს, და გადატენვა იქნება მძიმე...
საერთოსდ არც მე არ მაქვს დიდი გამოცდილება ამ საქმეში, მაგრამ კლაპნის ზამბარის სიუხეშე, მხოლოდ იმისთვის არის საჭირო რომ კუზი არ მივიღოთ პლატოს შუაში, ანუ კლაპნის გახსნა ჩაკეტვაზე არც თუ ისე მოქმედებს თვით ზამბარა არამედ წნევა. არის სისტემები სადაც საერთოდ უზამბაროდ დგას კლაპანი, მაგრამ ეს სისტემები სულ, წნევის ქვეშ უნდა იყოს.
ანუ ის უხეში ზამბარა ანეიტრალებს წნევის ვარდნის გამო ჩაკეტვა გახსნის სხვაობას მხოლოდ და არა კლაპნის დასაკეტად არის მანდ
ნუ სადღაც ასე, რამდენადაც ვიცი რუსი კოლეგებისგან

[ja_ja]

Jah
ნუ ახლა თენგოს მაგივრად რა თქმა უნდა ვერ ვიტყვი, მაგრამ ჰაჩიკას რეზერვუარზე თვითონაც აქვს ნაჩალიჩები და ძლიერი ზამბარით მიიღო უკეთესი შედეგი, ანუ გადახარჯვა შემცირდა და სტაბილური გასროლები მიიღო, არამგონია მარადიორში გულისხმობდეს რომ მსუბუქი ზამბარა უნდა იყოს კლაპანში.

ნუ რავი მე ჩავთვალე რომ 2 ზამბარა ერთმანეთში აერია, ეხლა გადავხედე ტექსტს და..რავი მაინც ეგრე მგონია , ანუ ერთ რეზიკზე აქვს გამოცდილება და თვითონ წერდა კაი შედეგიოა, დავიჯერო აქ ნააბაროტ გულისხმობს?

[tengo]

ja_ja
შეიძლება თენგო გულისხმობს რომ იმას, რომ, ზამბარა თუ უხეშია კლაპანში შესაბამისად საბრძოლო ზამბარაც უხეში მომიწევს, და გადატენვა იქნება მძიმე...
საერთოსდ არც მე არ მაქვს დიდი გამოცდილება ამ საქმეში, მაგრამ კლაპნის ზამბარის სიუხეშე, მხოლოდ იმისთვის არის საჭირო რომ კუზი არ მივიღოთ პლატოს შუაში, ანუ კლაპნის გახსნა ჩაკეტვაზე არც თუ ისე მოქმედებს თვით ზამბარა არამედ წნევა. არის სისტემები სადაც საერთოდ უზამბაროდ დგას კლაპანი, მაგრამ ეს სისტემები სულ, წნევის ქვეშ უნდა იყოს.
ანუ ის უხეში ზამბარა ანეიტრალებს წნევის ვარდნის გამო ჩაკეტვა გახსნის სხვაობას მხოლოდ და არა კლაპნის დასაკეტად არის მანდ
ნუ სადღაც ასე, რამდენადაც ვიცი რუსი კოლეგებისგან

სწორად ფიქრობ გია, სწორედ საბრძოლო კლაპნის ზამბარაზე მაქვს საუბარი, რაც შესაბამისად დამრტყმელის ზამბარაზეც ახდენს გავლენას.
მეც დღემდე მაგ აზრისა ვიყავი და ვარ კიდევაც, რომ მკაცრი ზამბარა ხელს უწყობს გადახარჯვის აღმოფხვრას და ასევე კუზის გსწორებას, მაგრამ თურმე მარტო მკაცრი ზამბარის დაყენებით და მასთან დაკავშირებული სხვა პარამეტრების შეცვლით არაა შესაძლებელი აღნიშნული შედეგის მიღწევა, თურმე მეორე გზაც არსებობს ,სუსტი საბრძოლო კლაპნის ზამბარა და მიწოდებული ჰაერის მოცულობის დარეგულირება. ეს მეთოდიც თურმე არა ნაკლებ შედეგს იძლევა.
ასე რომ თურმე ამ მიმართულებითაც არის საჭირო ყურადღების გამახვილება. კიდევ ერთხელ ვამბობ რომ ეს პირადად ჩემი აზრია.

[Jah]

სუსტი საბრძოლო კლაპნის ზამბარა და მიწოდებული ჰაერის მოცულობის დარეგულირება

კი ეს მეთოდიც არსებობს, ვიცი. და პრინციპიც გასაგებია, გადახარჯვის პრობლემას ასეც შეიძლება მოხსნა, უბრალოდ, ამ შემთხვევაში პლატო ჩამოდის დაბალი წნევის დიაპაზონში, და შედეგად ძნელია დაიჭირო სწორი გრძელი პლატო და დარჩე სასურველი ენერგიის ფარგლებში... ნუ რაღაც ასე... რაც მე ამიხსნეს, თუ რატომ, ირჩევენ პირველ მეთოდს.
არსებობს კიდე ეგრეწოდებული "რაზგრუჟენი" კლაპანი ანუ მაგის ნაწილი სადაც ზამბარაა, ნაწილობრივ უერთდება ატმოსფეროს, შესაბამისად მაღალი წნევა არ მოქმედებს დიდ ფართობზე და ვიღებთ კლაპანს უმცირესი გახსნის ძალით... თუმცა ეს ჩვენთვის ჯერ კოსმოსია. მანდ ძალიან რთულად არის ყველაფერი.
მე ვაპირებ ორივე მეთოდის გამოცდას. და ვნახოთ რა გამოვა.

[Jah]

და ისე არსებობს აზრი, რაც უკვე ვთქვი წინა პოსტში, რომ ზამბარა არის მანდ საერთოდ, ან უხეშია თუ სუსტი არ ახდენს დიდ გავლენას კლაპნის გახსნის ძალაზე. ჩვენ რომ ურტყავთ დამრტყმელით შტოკზე ვეძალებით მაღალ წნევას და არა ზამბარას, უფრო სწორად მისი ზემოქმედება მცირეა. ანუ შედარებით.
დაუხეში ზამბარით კლაპანში, ჩვენ არ ვიღებთ საჭიროებას უფრო უხეში საბრძოლო ზამბარის დაყენების, არამედ ის უხეში კლაპნის ზამბარა უბრალოს ასწორებს პლატოს, ანუ ამცირებს წნევის ვარდნის გავლენას კლაპნის გახსნის სიჩქარეზე.
რაც მე ნაწილობრივ გამოვცადე "ვირთხაზე".
ანუ როდესაც მე რბილიდან ძალიან უხეშ ზამბარაზე გადავედი, ვფიქრობდი რომ მომიწევს სასტიკი ზამბარის დაყენება, ამ დროს მივიღე ძალიან მცირე განსხვავება სიჩქარეში, იგივე ზამბარის და მიჭიმვის დროს, და ბევრად უფრო სწორი პლატო.

[bazuka]

Jah

რაც მე ნაწილობრივ გამოვცადე "ვირთხაზე".
ანუ როდესაც მე რბილიდან ძალიან უხეშ ზამბარაზე გადავედი, ვფიქრობდი რომ მომიწევს სასტიკი ზამბარის დაყენება, ამ დროს მივიღე ძალიან მცირე განსხვავება სიჩქარეში, იგივე ზამბარის და მიჭიმვის დროს, და ბევრად უფრო სწორი პლატო.

შენს ვირთხაზე, რომ 500მმ-იანი ლულა გქონოდა მაშინ ნახავდი სხვაობას, რადგანაც მოკლე ლულა არ იძლევა მაღალი სიჩქარეების საშუალებას ....
ამიტომაც ჩემი აზრით, მარადას შემთხვევაში სიჩქარეებში სხვაობა საკმაოდ დიდი იქნება

[Jah]

შენს ვირთხაზე, რომ 500მმ-იანი ლულა გქონოდა მაშინ ნახავდი სხვაობას, რადგანაც მოკლე ლულა არ იძლევა მაღალი სიჩქარეების საშუალებას ....
ამიტომაც ჩემი აზრით, მარადას შემთხვევაში სიჩქარეებში სხვაობა საკმაოდ დიდი იქნება

არ ვიცი შეიძლება რომ გავაკეთებ ვნახავ. ორი კორპუსი მექნება ერთში რბილი კლაპანი მეორეში უხეში, და ვნახოთ რა გამოვა.
თუმცა მე მჯერა 100% რუსების ამ საკითხში. კლაპნის ზამბარა ძალიან უმნიშვნელოდ მოქმედებს კლაპნის გახსნისთვის საჭირო ძალაზე.

[bazuka]

Jah

არ ვიცი შეიძლება რომ გავაკეთებ ვნახავ. ორი კორპუსი მექნება ერთში რბილი კლაპანი მეორეში უხეში, და ვნახოთ რა გამოვა.
თუმცა მე მჯერა 100% რუსების ამ საკითხში. კლაპნის ზამბარა ძალიან უმნიშვნელოდ მოქმედებს კლაპნის გახსნისთვის საჭირო ძალაზე.

დამრტყმელის წონასაც გააჩნია.
თუ ძაან დაამსუბუქებ და ზამბარაც ლაითი იქნება მაშინ გაუჭირდება ბოლომდე გახსნა

[norica_dragon]

გრძელ ლულაზე მართლაც რომ საჭიროა უფრო მეტი გადახარჯვა სიჩქარის მისაღებად, თუმცა ამ გადახარჯვაზე არანაირად არ იმოქმედა საბრძოლო ზამბარის შეცვლამ ჩემს ჰაჩიკაზე. სიჩქარე სადღაც 2-3 მეტრწამით დააგდო, ანუ დატოვა მარტო "სასარგებლო" გადახარჯვა და საგრძნობლად მოიმატა გასროლების რაოდნებამ

[Jah]

გრძელ ლულაზე მართლაც რომ საჭიროა უფრო მეტი გადახარჯვა სიჩქარის მისაღებად

სულ პირიქით არის... თან კარდინალურად

[tengo]

თუმცა მე მჯერა 100% რუსების ამ საკითხში. კლაპნის ზამბარა ძალიან უმნიშვნელოდ მოქმედებს კლაპნის გახსნისთვის საჭირო ძალაზე.

გეთანხმები გია, ამაში მეც დავრწმუნდი როდესაც უსასტიკესი ზამბარა დავაყენე და იმასთვის რომ სასურველი სიჩქარე მიმეღო, მარტო 2-ჯერ ნახევარ "აბაროტით" მომიწია დამრტყმელი ზამბარის მიჭიმვა. კომფორტული გადატენვა რომ ვახსენე ეს მხოლოდ ერტერთი პატარა პლიუსი ავღნიშნე და არა ძირითადი.
ძირითად პლიუსად მეც ის მიმაჩნია ,რომ სწორდება კუზი და იკლებს გადახარჯვა, რომელიც მეც გამოვცადე სხვადასხვა რეზიკზე და არანაკლებ საინტერესო შედეგი მივიღე მსუბუქი ზამბარით.

უბრალოდ, ამ შემთხვევაში პლატო ჩამოდის დაბალი წნევის დიაპაზონში, და შედეგად ძნელია დაიჭირო სწორი გრძელი პლატო და დარჩე სასურველი ენერგიის ფარგლებში...

მეც ასე მეგონა ,მაგრამ თურმე ასე არ არის. თურმე შესაძლებელია ნებისმიერი დიაპაზონის დაჭერა, საჭიროა მხოლოდ სწორი წერტილების მოძებნა, რაც რათქმაუნდა არ არის ადვილი საქმე, მაგრამ არის შესაძლებელი.
ბევრი ცდები არ ჩამიტარებია ,მაგრამ ვფიქრობ რომ რბილი ზამბარა უფრო შედეგიანი აღმოჩნდა , რადგანაც რბილი ზამბარის დროს როდესაც კლაპანი იხსნება ყოველი დარტყმისას , თვითონ წნევა უზრუნველყოფს და არეგულირებს კლაპანის დახურვის სისწრაფეს, შესაბამისად წნევისა და საბოლოო ჯამში ვღებულობთ უფრო ერთგვაროვან პლატოს. რავიცი ჩემი ცდებიდან ჯერჯერობით ასე გამოდის.
ხოლო მკაცრი ზამბარის შემთხვევაში ვფიქრობ , წნევის ვარდნისგან გამოწვეული ,კლაპანის დახურვის დრო იმდენად ვერ იზრდება. ,რადგანაც მკაცრი ზამბარა აკეთებს თითქმის ერთგვაროვან მოქმედებებს .
გია მაინტერესებს "ვირთხაზე " რა სიჩქარით და რამდენი პლატო გქონდა. ეს პლატო იყო სწორი და კლებადი ,კუზის გარეშე ხომ?

[Jah]

მაგრამ თურმე ასე არ არის.

შეიძლება არ ვიცი, კამათი მეზარება.
არ არის შენს კონკრეტულ შემთხვევაში ან რამოდენიმე შემთხვევაში, მაგრამ ასე არ არის ყველგან მაგას ნუ იტყვი