თხოვნა ყველასთან, არ მინდოდა მაგრამ არ გამოდის სხვანაირად პარამეტრები

[ja_ja]

ხალხნო და ჯამაათნო, დიდი თხოვნა მაქვს ნუ მწერთ PM-ში სხვადასხვა კითხვებს, ის როგორც ჩამოვიტანოთ, ეს ოპტიკა რას აკეთებს, ის თოფი რას მომცემს, განსხვავება კალიბრებში სიჩქარეებში და ასე შემდეგ, თან კითხვა არის ხოლმე 2-3 სიტყვიანი და ეხება იმხელა თემას რომ 2-3 სიტყვით ვერავინ აგიხსნით, სათითაოდ ყველასთვის სტატიების წერა კი შეუძლებელი გახდა.

ბოლო 3-4 კვირაა უკვე შეუძლებელი გახდა საკუთარი PM განყოფილების კონტროლი, მე ერთი ვარ და თქვენ რამდენიმე ათეული, თან ყველა არც კი პოსტავს ფორუმზე პირდაპირ ჩემთან PM-ში იწერებით.

ნუ მიწყენთ, მაგრამ უარს ვაცხადებ PM-ით რჩევების მიცემაზე და გაცემაზე. ჯერესერთი არასწორია ჩემს მიმართ რადგან ვეღარ აუდივარ პასუხების მიწერას და იცით რომ პატარა პასუხებს არ ვწერ (დრო იხარჯება არა ადეკვატურად დიდი, ამ PM-ების გამო ლამის მთელი დღე ფორუმზე ვაგდივარ და ამ ფორუმის გარდა სხვა თუ არაფერი სამსახურის საქმეები მაქვს ოხრად), ასევე არასწრი მოქმედება გამოდის სხვა ფორუმელების მიმართაც. რადგან ერთი და იგივეს ახსნა მიწევს ყველასთვის თავიდან.

ჯერესერთი არ ვიცი სხვებთანაც მიდის იგივე მიმოწერა, თუ მხოლოდ ჩემთან არის ასეთი პრესინგი, მეორეცესერთი შეიძლება ზედმეტად ოცნებებში ვიჭრები და საკუთარ თავს ხოტბას შევასხავ შემდეგი სიტყვებით, მაგრამ რატომღაც ჩემი გადასახედიდან ჩანს რომ ყველა ახალბედა რაღაც არაადეკვატურად კომპეტენტურ პირად თვლის ჩემს პერსონას, რაც მე არანაირად მართებულად არ მიმაჩნია, ჩემს გარდა არის ამ ფორუმზე სხვა ხალხით რომელბმაც არანაკლები იციან და ზოგიერთ საკითხში მეტიც კი იციან და ხშირად სხვისგან ვიღებ ხოლმე მეც რჩევებს.

გარდა ამისა PM-ში მიწერილი პასუხი არის დაკარგული პასუხი, რადგან ერთ კაცს ვუთხარი, დანარჩენმა ვერ გაიგო და ეს დანარჩენი მერე სათითაოდ მწერენ PM-ში.ა რცერთ ახალბედას არ უნდა თემის გახსნა და ფორუმზე თემის განხილვა, რაც არასწორია როგორც ჩემს მიმართ ასევე ახალბედა სხვა ფორუმელების მიმართაც.

მოკლედ ამ და სხვა მიზეზების გამო გადავწყვიტე რომ ყველა რჩევის მიღების PM-ს, მივუთითებ ამ ფოსტს და პასუხს PM-ში არაფის აღარ მივწერ. შეიძლება ბევრისთვის საწყენი და გულდასაწყვეტი იყოს, მაგრამ მე უკვე აღარც ფიზიკურად და აღარც ფსიქოლოგიურად ამის კეთება აღარ შემიძლია, მე ერთი ვარ ხალხნო და ამ ფორუმზე კი ყოველდღე ახალი კაცი ჩნდება რომელსაც ისევ ყველაფერი თავიდან უნდა უხსნა. აღარ შემიძლია!

მოკლედ ინფორმაციის მიღების მსურველებმა, აუცილებლად გამოიყენეთ შემდეგი პუნქტები:

1) კითხვის დასმამდე გადაიკითხეთ ეს ფორუმი და შესაბამისი განყოფილებები
2) თუ ვერ აღმოაჩენთ თქვენთვის საინტერესო თემას, შესაბამის განყოფილებაში გახსენით ახალი თემა
3) ესა თუ ის პიროვნება PM-ით შეაწუხეთ მაქსიმალურად იშვიათად და მხოლოდ პირადი აზრებისა, თუ შეხედულებების გასაზიარებლად, რაც ყველას თვალი თუ ყურისთვის არ არის

P.S. გთხოვთ გაითვალისწინოთ რომ PM არის Personal mesage და არა Personal Maswavlebel