21+ წლის ასაკის პირებს ცივი იარაღის ტარება ეკრძალებათ, და ჩვენ რას ველოდებით პარამეტრები

[bazuka]

21 წლის ასაკს მიღწეულ პირებს ცივი იარაღის ტარება ეკრძალებათ
17:52 07-05-2012
საზოგადოებრივი თავშეყრის ადგილზე  21 წლის ასაკს მიღწეულ პირებს ცივი იარაღის ტარება ეკრძალებათ.
შესაძლო ცვლილება ვიცე სპიკერ გიგი წერეთლის ინიციატივით ადმინისტრაციულ სამართალდარღვევათა კოდექსში შედის. კანონპროექტით დგინდება, რომ ქუჩებში, სტადიონებზე, სკვერებში, პარკებში და საზოგადოებრივი თავშეყრის ადგილებში 21 წლის ასაკს მიღწეულ პირის მიერ ცივი იარაღის ტარება 300 ლარის ოდენობით დაჯარიმდება. ამავე პროექტის მიხედვით, ამ ქმედების განმეორების შემთხვევაში ჯარიმა 500 ლარი იქნება.
კანონპროექტი პარლამენტში დღეს შევიდა




Pშ სათაური ცოტა დავამოკლე, არ დაეტია მთლიანი, და აზრი ისე არ გამოდის როგორც საჭიროა.

პოსტის უკანასკნელი ჩამსწორებელია bazuka: May 8 2012, 04:09 AM

[geojorjika]

ძალიანაც კარგი , ოღონდ იმედია ცივი იარაღის პარამეტრები განსაზღვრულია და ”კუსაჩკებზე” ჯარიმების წერას და კანონით მანიპულირებას არ დაიწყებენ

[nihontoman]

ძალიანაც კარგი , ოღონდ იმედია ცივი იარაღის პარამეტრები განსაზღვრულია და ”კუსაჩკებზე” ჯარიმების წერას და კანონით მანიპულირებას არ დაიწყებენ

მართალია. განსაზღვრონ მაშინ რა არის ცივი იარაღი...


რაც შეეხება ჩემ მოსაზრებას ამ ინიციატივაზე - იმ მიზანს რაც ამ კანონს იდეაში აქვს, მაინც ვერ მიაღწევს. საქართველოში როგორც პნევმატური იარაღის, ასევე "ცივი იარაღის" კულტურა არ არსებობს. ძალიან ბევრი ისევ იმის მიხედვით ზომავს "გასროკავენ" თუ არა დანის ტარებაზე, თუ რამდენი თითის დადებაა დანის პირის სიგრძე. რა აკრძალვაზეა საქმე, მართლშეგნება ხალხში საერთოდ არაა. ჯერ მოხდეს მოსახლეობის განათლება საკითხზე და მერე შემოიღონ რეგულაციები... შეიძლება თქვათ, მერე რა, მთავარია არაფერი დაშავდესო, მაგრამ პრობლემა იმაშია, რომ ვისაც დანა არ მიაჩნია იარაღად, არამედ საჭირო ინსტრუმენტად ჯიბეზე, იმისათვის ხდება შეზღუდვის დაწესება, ხოლო ვისაც ცუდი მიზნებისათვის უნდა, ის ისევ ატარებს და ატრიალებს დანებს...

მე მაგალითად ძალიან არ მსიამოვნებს პირადად, იმიტომ რომ როგორც კანონმორჩილი მოქალაქე აქამდე დანა ერთხელ არ მიტარებია ქუჩაში, თუ არ ჩავთვლით აი ამას, ველოდებოდი რა 21 წლის ასაკის მიღწევას. ეხლა კი რავი, ისე დაწვრილმანდნენ, რომ მგონი მასეთსაც ვერ ვატარებ - ცივი იარაღის კატეგორიები ნორმალურად არავის აქვს განსაზღვრული და ყველაფერი შეიძლება მოექცეს მაგ კატეგორიაში...


ინიციატივის უკან ვხედავ ორ მიზეზს, ასე ვთქვათ ნამდვილ მოტივაციას: 1) ქულების დაწერა ზოგადად და განსაკუთრებით იმ მშიშარა ხალხის თვალში, ვისაც ყველაფრის დანახვაზე ჟიმ-ჟიმი ეწყება; 2) ბიუჯეტს უნდა შევსება და ეს კიდევ ერთი ინსტრუმენტია...

ბევრი თქვენგანი მიხვდა ალბათ რას ვფიქრობ ეხლა მე სინამდვილეში, უბრალოდ ფორუმის წესებს ვიცავ და არ ვწერ იმ "აზრებს". ამ თემის დანახვაზე თითქოს ამომცხეს, ისე არ მესიამოვნა... ყველაზე ცუდი ის არის, რომ ასეთი კანონების გადახედვა, რომელიც მიმართულია"საზოგადოებრივი უსაფრთხოების დონის ასამაღლებლად" იშვიათად გადაიხედება ხოლმე შემდგომში, რაც არ უნდა სისულელე იყოს თვითონ ეს კანონი. მაგალითისათვის მოვიყვანოთ ამერიკის ბევრი შტატის მაგალითი, სადაც მოქალაქეს აქვს უფლება ატაროს ცეცხლსასროლი იარაღი, თუმცა ავტომატური დანა (კნოპკიანი ანუ) აკრძალულია იმის გამო, რომ მას აქვს დიდი "დაშინების" ფაქტორი (intimidating factor), თითქოს ცეცხლსასროლი იარაღი 1000-ჯრ უფრო საშიში არ იყოს, ვიდრე წკაპუნა დანა...

ნუ იმედი მაქვს იმისი, რომ არ მიიღებენ, თუმცა დღეს-დღეისობით, პარლამენტის ეტაპი ქართული კანონშემოქმედების პროცესისათვის უკვე ფორმალურ ნაწილად იქცა, ასე რომ დიდი იმედი მაინც არ მაქვს...


ის ვთქვი თუ როგორ უაზროდ არის გაწერილი კანონპროექტის ტექსტი? რას ნიშნავს 21 წელს ასაკს მიღწეული პირის მიერ? თუ ეს ეხმიანება სისხლის სამართლის კოდექსის იმ მუხლს, სადაც საუბარია 21 წლამდე ასაკის პირთა მიერ ცივი იარაღის ტარების სანქციებზე, მაშინ გამოდის, რომ ერთადერთი ადგილი, სადაც პირს შეუძლია ამ ცივი იარაღის ტარება არის სადაც არაა საზოგადოების თავშეყრის ადგილი. ანუ დაუსახლებელი პუნქტები? დაუსახლებელი პუნქტების თავისებურება იმაში მდგომარეოპბს, რომ ისინი დაუსახლებელია. ტყეში მოსიარულე ხალხი ან მონადირეა, ან განდეგილი და ამ კატეგორიისთვის ცივი იარაღის ტარების აკრძალვა ისედაც წარმოუდგენელია, შესაბამისად გამოდის, რომ 21 წელს ასაკს მიღწეული პირების 99.9% ვერ ატარებს ჯიბის დანას. იმას არ ვამბობ რომ ყველამ უნდა ატაროს, მაგრამ აქ არავის გაუთვალისწინებია ჩემნაირი ხალხის ინტერესი...

ნუ ბლინ