16წლის ვარ, კანონს ვარღვევ პნევმატური თოფი რომ მაქვს? :შ პარამეტრები

[Archery]

მოკლედ რა მაინტერსებს 16 წლის ვარ მაქვს ორი პნევმატური თოფი (იჟ61&იჟ38ც ) და კანონს ვარღვევ რამით ?? არც ხალხს ვესვრი არც ქუჩაში დავათრევ თუ გამაქ ვინმე სრულწლოვანი მიმყვება უეჭველი......... არადა მაგრად მიყვარს პნევმატიკა

[ilariona]

mefe

რაღაც მომენტში გეთანხმები, კანონებს ჩვენ არ ვწერთ და არც ვარღვევთ, მაგრამ თქვენ მგონი პნევმო სიტუაციას არ ხართ ბოლომდე გაცნობილები. ამას ვწერ იმიტომ, რომ ბევრი რამ არ იცით (შეიძლება იცოდეთ და თვალს ხუჭავდეთ)

ნუ ახლა გადავალ იმაზე თუ რა ხდება:

2011 წლის 1 იანვრიდან კანონებში შედის რაღაცა ცვლილება პნევმატურ იარაღთან დაკავშირებით, 2011 წლის 1 იავნრიდან საბაჭო აჩერებს ყველა პნევმატურ თოფსა და პისტოლეტს, მიზეზად კი ასახელებს, რომ კანონი არ არსებობსო! ვინაიდან კანონი არის შემუშავების სტადიაშიო, ჩვენ არ გვაქვს უფლება გაგატანოთ თქვენი საქონელიო, იმას კი არ ითვალისწინებენ, რომ ძველი კანონი ჯერ კიდევ ძალაში არის. ნუ ახლა თქვენ აქ მთელი შემართებით წერთ, რომ მე კანონს ვემორჩილებიო და აი ჩემი უფლებებით 4.5 კალიბრის ნებისმიერ პნევმატურ თოფსა თუ პისტოლეტს ვიყიდი და ნებისმიერ ასაკში ვატარებო. გიტარებიათ პნევმატური თოფი? შეხვედრილხართ მილიციელებს? დაუჭერიხართ? დაუკითხიხართ? დარწმუნებული ვარ არა!!!!

წერთ, რომ ყოფილ გენერალურ პროკურორს დაურეკავთ და გაარკვევთ ამ საკითხს........

ყოფილს კი არა, ყველა მოქმედ კანონმდებელს დავუკავშირდი და პირადად ვკითხე რამე თუ იციან....... პასუხად მივიღე, რომ რაის პნევმატიკაო? ეგ რა არისო?

არ არის მასე ადვილად საკითხი თქვენ, რომ წერთ... (სამწუხაროდ არ არის მასე)

ახლა გადავიდეთ იმაზე, თუ გისვრიათ 30 ჯოულიანი პნევმატური თოფიდან 50 მეტრზე ბოთლისთვის? 100 მეტრზე?

100 მეტრზე მე ვესროდი ფინლანდიის ბოთლს და იცით რა შედეგს ვიღებდი? ნემსივით ხვრეტდა მაჭოლზე ახლა წარმოიდგინეთ იგივე თოფით 15 წლის მოზარდი, რომელსაც ახლად შეძენილი აქვს თოფი და საერთოდ იარაღთან აქვს პირველად საქმე. გლუვლულიანს არ შეუძლია 100 მეტრზე იგივე ზიანის მიყენება რაც 30 ჯოულიან პნევმო თოფს შეუძლია.

თავიდან ბენჟამინ მარადიორი, რომ ვიყიდე გავყევი მამაჩემსა და მის მეგობრებს სანადიროთ, შუადღეზე როდესაც გავჩერდით პურის საჭმელად ამოვიღე ეს თოფი და რომ დაინახეს ძველმა მონადირეებმა გამათახსირეს, მერე რომ გაიგეს 1500 ლარი მივეცი ამ თოფში სულ გამათახსირეს.

ავიღე ბოთლი, გადავთვალე სადღაც 100 ნაბიჯი და დავდე. უკნიდან რეპლიკები მესმოდა და კიდევ ხუმრობდნენ კისტის თოფზე! უკან დავბრუნდი, გადავტენე და ვესროლე ამ ბოთლს....... შუაზე გადაიხსნა ბოთლი, გასროლის ხმა საერთოდ არ იყო და მერე უნდა გენახა რა სიხარულით ბერავდნენ ნასოსით ამ თოფს, რომ გაესროლათ და ერთი დავიდარაბა იყო ვინ პირველი ისროდა

ამას ყველაფერს იმიტომ ვწერ, რომ პნევმატური თოფი არ არის სათამაშო ნივთი, რომელიც ხელთ უნდა ჰქონდეს ყველა მოზარდ, უშლის ამას კანონი თუ არ უშლის. ჯაჯა ზუსტად ამას გიხსნით და თქვენ კიდევ მაინც იმას წერთ, რომ სად ხედავთ კანონი კრძალავდესო 16 წლის მოზარდისთვის პნევმატურ თოფსო.

მაგ 16 წლის ხულიგნების გამო (ამ ფრაზაში არ იგულისხმება ყველა 16 წლის მოზარდი) არის ახლა საბაჟოზე თაროები გავსებული პნევმატური თოფებით... რომ მიხვდნენ, რომ კანონი დასაწერია და უაზრობაა დაშვებული ამ არა აკძალვით, მაგის გამო თვითონვე უკანონოდ აჩერებენ საბაჟოზე ყველა პნევმატურ საქონელს.

ბოლო ინფორმაციებით სათამაშო ბურთებს, რომ ისვრის პნევმო მაიმუნობა თოფები ისინიც აკრძალეს შემოსატანას გადით ბაზრობაზე, ადრე რომ სავსე იყო სათამაშოების რიგები ამ მაიმუნობა თოფებით, ერთი ცალი აღარ იყიდება.

ახლა მოდით მივუდგეთ ასე, ჩვენ აქ ნამდვილი პნევმატური სამყაროს მოყვარულები დავიჩაგრეთი იცით რატომ? იცით რატომ ვერ ვყიდულობთ ახალ თოფებს? იცით რატომ ვერ შემოაქვთ შ.პ.ს-ებს ახალი საქონელი?

იმიტომ, რომ ვიღაცა პატარა ხულიგანმა, მეორე პატარა ხულიგანი დაჭრა პნევმატური პისტოლეტიდან!!!! მათ ქონდათ პნევმატური პისტოლეტის შენახვისა და ტარების უფლება. არაკანონიერად არ იქცეოდნენ, მაგრამ ადგნენ და ერთმანეთს თავში ესროლეს.

ახლა მოდით კიდევ ერთხელ დავსვათ კითხვა........

უნდა ქონდეს 16 წლის მოზარდს პნევმატური პისტოლეტის ან თოფის შენახვისა და ტარების უფლება?

ჩემი აზრით არააა.

ახლა დაგვიმტკიცეთ, რომ უფლება აქვთ და ატარონო.

კიდევ ბევრს დავწერდი, მაგრამ ამ ეტაპზე თავს შევიკავებ, რომ არ გეგონოთ თქვენ გეწინააღმდეგებით მთელი ფორუმი

უბრალოდ ჩვენ აქ წელიწადზე მეტია პრობლემები გვაქვს ამ კანონის გარშემო და თქვენ გვიმტკიცებთ სულ სხვა რამეს