დისკოს პლიუსები მარადიორთან შედარებით პარამეტრები

[SERGI]

ალბათ უმრავლესობამ იცით ,რომ მაქვს მარადიორი.მაგრამ რატომღაც ვფიქრობ დისკოზეც .
თქვენი პრაქტიკული გამოცდილება მაინტერესებს დისკოს პლიუსებზე მარადიორთან შედარებით.

წონა გასაგებია,რომ მსუბუქია.

მე ნასოსი არ მჭირდება,ჰაერის ცილინდრს გამოვიყენებ.(იმედია იგივე კონექტორი წავა)

მოკლედ თუ აქვს აზრი ამ ჩემ ახირებას ?

სერგი

[ja_ja]

ძნელია კონკრეტული პასუხის თქმა, ალბათ ყველას სუბიექტური აზრი ექნება.

იდეაში პიროვნებაზეა დამოკიდებული, მე მაგალითად დისკო გავყიდე, მარადიორი ვიყიდე და ახლა ხელახლა ვაწყობ ნაწილ ნაწილ დისკოს, ნუ ჩემს შემთხვევაში პასუხი გასაგებია რომ მე მიღირს.

პირადად დისკოს გადაკეთებას ვგეგმავ და საექსპერიმენტო მოდელად გამოვიყენებ, თუმცა აქვს თავისი პლიუსების, იგივე წონა, ჩქარი დატუმბვა, პრაქტიკულად უნივერსალური ლულა, ჭამს ყველა ტიპის ტყვიას და ჭამს საკმაოდ კარგად, მაგალითად იგივე მარადიორი JSB-ს ვერ ჭამს, Crosman Super Point-ს ვერ ჭამს, დისკოს კი ჰკიდია, ყველაფერს მიზანში ისვრის.

მაგრამ აქვს თავისი შეზღუდვებიც, მაგალითად ერთ ტყვიანი ჩატენვა, ცოტა არასერიოზული ჩახმახი, გრძელი ლულა (ზოგს გაეცინება, მაგრამ გარკვეილი მინუსია, როდესაც მოდერის ჩამოცმაზე დაიწყებ ჩალიჩს, ისედაც გრძელ ლულას კიდევ აგრძელებ 20-30 სანტიმეტრით), ლულა ახლოსაა რეზერვუართან, დაცილება სულ რაღაც 1.2 მილიმეტრია, ამის გამო შეუძლებელი ხდება ლულაზე მარადიორივით შრაუდერის ჩამოცმა, სასხლეტი ორ საფეხურიანი, მაგრამ არარეგულირებადი, ორიგინალ ზამბარაზე თითს მოგიღუნავს.

ეს ყველაფერი რომ გამოაკლო (განსაკუთრებით სასხლეტის ზამბარის ამბავი, იმიტომ რომ ავტოკალმის ზამბარას ჩასვავ და მორჩა ეგ საქმე), მშვენიერი იაფფასიანი თოფია, რომელიც მიუხედავად თავისი იაფი ტექნოლოგიისა და ყბრალო შესახედაობისა ტყვიას ტყვიაში აჯენს ლამის 100 მეტრამდე.