Artemis PP700S-A 177, Artemis PP700S-A პარამეტრები

[giga2010]

მივესალმები ფორუმს. მინდა მოკლე მიმოხილვა მოგაწოდოთ კიდევ ერთ ჩინელზე, ამჯერად პისტოლეტზე სახელწოდებით Artemis PP700S-A.
წინა მოდელისგან განსხვავებით, რომელიც ასევე იყო ჩემს განკარგულებაში განსხვავდება იმით, რომ აქვს ღია სამიზნე. პისტოლეტი ვიზუალურად ესე გამოიყურება



ტექნიკური მახასიათებლები კი ასეთია. პისტოლეტის მთლიანი სიგრძე--37სმ. წონა 1100გრამი. სასხლეტი ორ საფეხურიანი, ცოტა უხეში, მაგრამ გარკვეული ჩარევის შემდგომ ძალიან დარბილდა და სასიამოვნო გახდა. რეზერვუარის მოცულობა 67.5კბ. ლულის სიგრძე 270მმ.
პისტოლეტი ყუთიდან ჯსბ0,67გრ, ისროდა 190მწ-ით. თუმცა აქვს სარეგულირებელი რომლითაც შესაძლებელია სიჩქარის მომატება, როგორც დამრტყმელით, ისე რედუქტორზე ზემოქმედებით. მაგრამ ამ ეტაპზე ვარჩიე რომ არ ჩავრეულიყავი და არ შევხებოდი რედუქტორს და დავტოვე ისე როგორც ქარხნული პარამეტრებით ჩემამდე მოვიდა.
პისტოლეტის შეძენის მიზანი იყო რომ მქონოდა კიდევ ერთი კომპაქტური პცპ აგრეგატი, რომელსაც დავარეგულირებდი მსუბუქ ტყვიებზე და მივიღებდი გასროლების ბევრ რაოდენობას. ორ დღიანი ჭკუაზე მოყვანის შემდგომ, მივიღე შემდეგი შედეგი, 35 გასროლა 235-240მწ. სიჩქარეების პლატო ჩემთვის ძალიან მისაღებია, რადგანაც პატარა რეზერვუარი აქვს. ტყვიები კი გამოვიყენე ლუმანი 0,45გრამიანი. ტყვიები ბიუჯეტურია, რაც ასევე სასიამოვნოა. ვნახოთ რა შედეგებს მივიღებ სიზუსტეში, რომელსაც ასევე გაგიზიარებთ. ამ ტყვიებზე ვსაუბრობ

[giga2010]

გიგა სანამ ინსტრუქციას წავიკითხავთ მოკლედ რო დაწერო მაგ პროგრამაზე.

გიო ორი დღეა რაც ვარკვევ მაგ პროგრამას. ის ვერსია გადმოტვირთე რომელიც ძველია 1.64. პროგრამაში არის სახაზავის მაგვარი გრაფა, ზემო მარცხენა მხარეს, ამით მე ვუთითებ უკვე ჩემთვის ნაცნობ პარამეტრს(ზომას მილიმეტრებში). მაგალითად რა სამიზნეზეც მე ვისროდი, მისი შავი რგოლი არის 12,5 მილიმეტრი, ზუსტად 12,5 მილიმეტრს ვერ ვწერ, მაგრამ მივუთითე 13 მილიმეტრი. ასევე მარჯვენა მხარეს გრაფაში უთითებ მანძილს და კალიბრს. შემდგომ ისევე მარცხენა კუთხეშია გრაფა ნატყვიარების, რომელიც ამოდის რგოლივით, მიგაქვს ეს რგოლები და ადებ ნატყვიარს. დანარჩენს უკვე პროგრამა თვლის