"საძაგელი ჭუკი" Kral-ი, რომელიც Puncher Breaker-ად გადაიქცა პარამეტრები

[gregory]

მინდა წარმოგიდგინოთ თურქული საიარაღო ფირმა KRAL ARMS-ის უახლესი PCP ბულპაპი Puncher Breaker .





ვიცი, რომ „კრალის“ გაგონებაზე პნევმატურ იარაღთან თუნდაც რამენაირი შეხების მქონე ადამიანი არასასიამოვნოდ დაიჭმუხნება და ეგრევე ის ურჩხული „კისტის თოფი“ გაახსენდება, რომელსაც არცერთი დადებითი თვისება არ აქვს, გარდა ალბათ დაბალი ფასისა. რათქმაუნდა ასეთი გამოცდილებით შეიარღებულ ადამიანს ამ ახალ აგერგატზეც უკვე ჩამოყალბებული აქვს შესაბამისი შთაბეჭდილება. თუმცა უნდა გითხრათ, რომ სასიამოვნო სიურპრიზი გელოდებათ. შევეცდები ყველაფერს ნელ-ნელა მივყვე. მაშ ასე, დავიწყოთ...
იარაღი ჩამოვიდა პლასტიკის ქეისში(ოფციაა) და თვალში ეგრევე გხვდება მრგვალი წარწერა „KRAL ARMS” თავად ქეის საკმაოდ სოლიდურად გამოიყურება.



ხსნი ქეისს და იქ აღმოაჩენ: თავად იარაღს, რომელიც ლურჯ ცელოფანშია გახვეული, 2 ცალ 14 ტყვიიან კლიპს, სატენ პორტს, სათადარიგო 0-რინგებს და „შესტიგრანკებს“. მოკლედ სტანდარტული, ნორმალური კოპლექტია. ასევე ოფციის სახით შესაძლებელია მოდერის შეძენაც.






პირველი შთაბეჭდილება ძაან სასიამოვნოა. მშვენიერი ნამუშევარი, იდეალურად დამუშავებული კონდახი, მეტალის მჭიდი... თუმცა ეგრევე თვალში გხვდება, რომ ვივერის პლანკა პლასტიკისაა. დამერწმუნეთ , ნამდვილად არაა სასიამოვნო. თუმცა, მწარმოებელი ირწმუნება, რომ ეს უბრალო პლასტმასი კი არა, ბალისტიკური პოლიმერის, რომლისგანაც თანამედროვე იარაღი მზადდება. არც პრაქტიკამ აჩვენა რაიმე ხარვეზი.




იარაღი 3.2 კილოა, მაგრამ ბულპაპის სქემა თავისას შვება და სიმძიმეს ვერ გრძნობ. მთლიანი სიგრძე 75 სანტიმეტრია, რომლიდანაც 53 სანტიმეტრი ლულაა. შეიძლება 48 სმ-იანი ლულიანის შეძენაც, მაგრამ ჩვენი კანონმდებლების უაზროდ დაბრეხვებული მინიმუმ 50 სმ სიგრძის ლულის გამო, ეს ვამჯობინე.
ლულის ბოლოს დეკორატიული „ნადულნიკია“. ხსნი ამ „ნადულნიკს“ და შეგიძლია მოდერი მიახრახნო.





რაც შეეხება მოდერს. სასიამოვნო ისაა, რომ სროლისას არანაირ გადახრებს და გაფანტვებს არ იწვევს და თავის საქმესაც ნორმალურად ართმევს თავს. ერთი კია, რომ დასაშლელია და ოდნავ მისახედი, თორემ ცოტა „რახრახებს“.
სასხლეტი ძაან რბილია და რეგულირების საშუალებაც აქვს, მაგრამ ამისთვის კონდახია მოსახსნელი. თავად კონდახი ერთი ქანჩით მაგრდება და ელემენტარულად იხსნება. ასევე აქვს ბიპოდის სამაგრიც.





მანომეტრი წინაა განთავსებული და საკმაოდ ზუსტად ასახავს რეზიკის წნევას, თუმცა ნაკლებად ინფორმატიულია. მის ჩვენებას ბალონის მანომეტრის ჩვენებას ვადარებდით და პრაქტიკულად ერთნაირ მონაცემებს იძლეოდა.



კიდევ ერთი სასიამოვნო სიურპრიზი სიმძლავრის რეგულატორია რომელიც იდეალურად მუშაობს. Kral Arms-ია თუ Air Arms-ი?!



ეხლა იმაზე, თუ რა არ მომეწონა:
1. ვივერის პლანკა თითქოს დაბლაა და მგონი აუცილებლად მოგიწევთ მაღალი რინგების ხმარება
2. ოპტიკის( „ფანქარს“ არ ვგულისხმობ) დაყენების შემდეგ იარაღი ქეისში აღარ ეტევა. ეს პრეტენზია მწარმოებელს შევუთვალე და გამოვასწორებთო.
3. სასურველი იქნებოდა კონდახის უკანა მხრის რეგულირების საშუალება ჰქონოდა, თუმცა საკმაოდ ბიუჯეტური ბულკისთვის ალბათ ბევრს ვითხოვ...

გადავიდეთ საველე გამოცდებზე.
ამინდი იყო ოდნავ ნიავიანი, დისტანცია 40 მეტრი, მაგიდა საკმაოდ მყარი. თავიდან იარაღი ჩავამაგრეთ ჩემს სატანოკში მაგრამ არ გაამართლა: ეს სტანოკი აშკარად არაა ბულპაპისთვის. შემდეგ ისევ კარგად გამოცდილი ბალიშები გამოვიყენეთ . აქვე მინდა ავღნიშნო, რომ ჯგუფებს კი არ ვამოწმებდით, არამედ იარაღის ენერგიას და განმეორადობას. პირველად ჩავდეთ Crosman CP 10.5 , რეგულატორი მაქსიმუმზე იდგა და რამდენიმე გასროლამ აჩვენა 330მ/წმ , ანუ 37 ჯოული! გადავწყვიტეთ, რეგულატორი ნახევრამდე (ოოოდნავ წინ) მოგვებრუნებინა და აი შედეგიც:



1 277
2 277
3 277
4 277
5 277
6 277
7 277
8 275
9 276
10 275
11 276
12 276
13 276
14 275
15 274
16 274
17 275
18 273
19 274
20 273
21 272
22 273
23 274
24 271
45 274
26 273
27 274
28 274
29 271
30 272
31 271
32 270
33 271
34 270
35 268
36 269
37 268
38 269
39 268
40 268
41 267
42 267
43 267
44 267
45 265
46 265
47 264
48 264
49 263
50 264
51 262
52 261
53 261
54 261
55 261
56 261
57 260
58 258
59 258
60 256

მგონი ურედუქტორო იარაღისთვის მშვენიერი შედეგია!
შემდეგი ტყვია JSB 10.34. რეგულატორი ნახევარზე ოოდნავ ნაკლებზე



1 278
2 278
3 279
4 279
5 279
6 279
7 277
8 279
9 277
10 278
11 277
12 279
13 278
14 278
15 278
16 277
17 279
18 277
19 277
20 277
21 276
22 276
23 277
24 277
45 276
26 276
27 274
28 275
29 275
30 276
31 276

მერე უბრალოდ რამდენიმე ტყვია ვცადეთ:
JSB16.2(რეგულატორი მაქსიმუმზეა)
1 265
2 265
3 265
4 265
5 264
6 266
7 266
8 265
9 264
10 265


JSB 0.54gr
1 299
2 298
3 297
4 298


1 277
2 278
3 278
4 277
5 277

ესეც ნასროლი სამიზნეები:
JSB 8.44, 40m, 280m/s რეგულატორი ნახევარზე ოოდნავ ნაკლებზე




JSB 10.34, 40m, 280m/s რეგულატორი ნახევარზე


ანუ შეგვიძლია დავასკვნათ, რომ განმეორადობები იდეალურთან მიახლოებულია და რეგულატორიც მშვენივრად ართმევს თავს თავის მოვალეობას.
ესეც სროლის შედეგები. აქვე დავძენ, რომ უკეთესი შედეგის მიღება თავისუფლად შეიძლებოდა, უბრალოდ თან გაქრონვა, თან ტყვიებისა და სიჩქარეების ცვლა და თან ზუსტი სროლა საკმაოდ რთული პროცესია.
შთაბეჭდილება კი ესეთია: მშვენიერი სანადირო იარაღი საკმაოდ მიმზიდველი პერსპექტივებით და რაც მთავარია საკმაოდ მოკრძალებულ ფასში.
დიდი მადლობა ყურადღებისათვის და მზად ვარ შეძლებისდაგვარად ვუპასუხო თქვენს კითხვებს...

[ja_ja]

მოკლედ კრალოიდებო და კრალოღლებო ანუ ვინც ამ იარაღის მფლობელები ხართ ალბათ ყველას გქონიათ პაწა დისკომფორტი კლიპთან მიმართებაში, რომელიც რბილად გადაედინება მსუბუქი სახის პრობლემაში...


ვისაც არ სმენია პატარა მიმოხილვა კლიპის ხარვეზებზე:

1) ესე იგი აღინიშნება კლიპის ან უცებ გადატრიალება რამდენიმე ხვრელით წინ, ან საერთო ადგილზე დგას და შემდეგი ტყვია არ მიეწოდება მიმწოდებელს... მოკლედ რაღაცნაირად ან წაბორძიკებას აქვს ადგილი, ან პირიქით გადახტომა გადასრიალებას

2) მიმწოდებლის წინ მოძრაობისას მიმწოდებელი ეჯახება კლიპში განთავსებულ ენას, მაგრამ ვერ ახერხებს მის დაძვრას, შედეგად მიმწოდებელი ვერ მიდის წინ და ვერაფრის დიდებით ვერ ხერხდება მიმწოდებლის ჩაკეტვა

ნუ ეს ორივე პრობლემა საკმაოდ იოლად მოგვარებადია, ძირს ავხსნი რა და როგორ უნდა გაკეთდეს, სურათებსაც მოვიყვან. ან მომენტისთვის კლიპთან დაკავშირებით მე პირადად მხოლოდ ერთი ხარვეზიღა დამრჩა და ჯერ ვერ მოვტვინე რა ხდება, ამაზე მოგვიანებით, ვისაუბრებ (ბოლოში) და ძალიან კაი იქნება თუ ვინმეს უკვე გადალახული გაქვთ ეს ხარვეზი და გაგვიზიარებთ გადაწყვეტილებას, ან თუ იტყვით რომ თქვენს იარაღს ასეთი ხარვეზი არ აქვს, ნუ მაშინ ჩემს ხელთ არსებული ეგზემპლარის ხარვეზი იქნება მაგი

დავიწყეთ და მივყვეთ პრობლემების ნუმერაციით, თუმცა ერთი პრობლემის მოგვარება ავტომატურად იწვევს მეორეს დარეგულირებას.

ესე იგი უნდა დაიშალოს კლიპი, მაგის გარეშე არაფერი არ გამოდის, დაშლა ხდება კლიპის უკანა მხრიდან, ანუ იმ მხრიდან საიდანაც ტყვიებს ალაგებთ. მანდ არის 4 ვინტი. 2 ქვედა ვინტის მოხსნით მთლიანად მოაძრობთ კლიპს უკანა მხარეს, თავისი გადამტრიალებელი ენიანად და მექანიზმიანათ, ხოლო ზედა ორი ვინტის მოხსნით გაიხსნება განყოფილება სადაც მოთავსებულია კლიპის ენა რომელიც პასუხისმგებელია კლიპის გადატრიალებისგან გაჩერებაზე და მხოლოდ ენის აწევისას აკეთებს ერთი ხვრელით გადაადგილებას...



მე პირადად ჯერ ზედა ორ ვინტს მივადექი და მექანიზმი ვნახე...

კაიფი ისაა რომ 2 სხვადასხვა კლიპში რომელიც ერთ თოფს მოყვა, შიგნით სხვადასხვა ფერის პლასტმასის დეტალებია , შავი და გამჭირვალე, ნუ დიდად ეს არაფერს ცვლის, უბრალოდ რატომ არაა ერთნაირი ცოტა უცნაურია



მოკლედ აქ იყავით ფრთხილად, არ დაკარგოთ ზამბარა, რომელიც თავისით არ ამოხტება, მაგრამ ზედმეტი ჯაჯგურისას მიფრინავს იქ სადაც ვერ იპოვით . მთავარია აქ ამოიღოთ ალუმინის დეტალი, რომელსაც კბილი აქვს მიმწოდებლის ფანჯარაში ჩამოყოფილი, შემდეგ კი დაგჭირდებათ ზუმფარის ქაღალდი (ანუ "შკურკა" ვინც ვერ მიხვდა) ან წვრილი ქლიბები, ეგრეთწოდებული ნადფილები... თუმცა ზუმფარის ქარალდს ვერ გაექცევით ნებისმიერ შემთხვევაში (საჭიროა 500-იანი და ბოლოს შეიძლება 1000-იანიც გამოიყენოთ თუ გაპრიალება გინდათ, უფრო მაღალი ნომერი საჭირო არაა).

ესე იგი წვრილი ქლიბებით ვაკეთებთ ისე, რომ მოვამრგვალოთ მთელს პერიმეტრზე საკმაოდ მკაფიო კუთხეები, რომელიც ხან პლასტმასს ცვითავს და მოძრაობას ხელს უშლის, ხან წახნაგების გამო ეჭედება... როდესაც ყველა მხარეს მოამრგვალეთ, ზემოდან, ქვევიდან და წინა უკანა მხრიდან, მერე უკვე გადადიხართ ზუმფარის ქაღალდზე და მოასუფთავეთ წინა და უკანა მხარე, განსაკუთრებით უკანა მხარე, იმიტომ რომ მანდ აქვს ყალიბში ჩამოსხმის ნაწიბურები და ზოგიერთი ცოტა არ იყოს უშნოთაა ამობზეკილი...



როდესაც ამ ყველაფერს მორჩებით, კარგი იქნება თუ სილიკონის ტაოტს ოდნავ წაუსვავთ შიდა ადგილს სადაც მოძრაობს ეს ალუმინის დეტალიც და ის პლასტმასის დეტალიც, რომ მაქსიმალურად რბილად ისრიალოს... გთხოვთ გაითვალისწინეთ ტაოტზე მაქვს საუბარი და არა სილიკონის ზეთზე, ზეთი არ განიხილება მიუხედავად იმისა თუ ვინ გიწევთ რეკომენდაციას რომელ მაღაზიაშიც არ უნდა იყიდებოდეს და რომელ თოფზეც არ უნდა გამოიყენებოდეს... ზეთი ძალიან თხევადია და ძალიან მალე ჩამოიღვინთება დეტალები კი მშრალზე გააგრძელებენ მუშაობას.



როდესაც ალუმინის და პლასტმასის დეტალებს ჩასვავთ ზემოდანაც პაწა ტაოტი გადაუსვით და შემდეგ ააწყვეთ, არ გამოგრჩეთ ზამბარა და დეტალების პოზიციებს მიაქციეთ ყურადღება, რომ შემდეგ ვაი ვუი არ იყოს.

როდესაც ხუფსაც დაახურავთ და ვინტებსაც მოუჭერთ, გადადით ქვედა ორ ვინტზე და თამამად ბოლომდე მოხსენით, ამ დროს მთლიანად კლიპს მოსძვრება უკანა ნაწილი წეღან გასწორებული დეტალებიანად და გამოჩნდება საყვარელი ბარაბანი



მე რასაც ვხედავ არის ის გარემოება რომ თვითონ ბარაბანიც საკმაოდ დაჩხაპნილია ხოლმე, ესე იგი ესეც ედება რაღაც ადგილებს, ნუ წესით საერთოდ ბარაბანსაც მოუხდებოდა ზუმფარის ქაღალდით გადავლა, მაგრამ მე თავი შევიკავე, რადგან ამ შემთხვევაში საღებავი ასძვრებოდა და ვიზუალს დაკარგავდა... ნუ მოკლედ მე მხოლოდ შუა ვინტი მოვხსენი და ბარაბანი ამოვიღე ბუდიდან... იმ მიზნით რომ ტაოტი ჩამედო წინა მხრიდანაც და როდესაც ბარაბანს ჩავდებდი შემდეგ ზემოდანაც.



დაშლისას გაითვალისწინეთ, რომ ბარაბანის ტრიალი დაფუძნებულია მრგვალ დახვეულ ზამბარაზე, შედეგად ამოღებისას ფრთხილად იყავით, არ დააზიანოთ ზამბარა, ნუ... ამოხტომით არ ამოხტება, შეიძლება ითქვას შანსი არაა, მაგრამ იმის გამო რომ ცოტაოდენ გადატრიალებულია ზამბარა და მიჭიმულია, შეიძლება პატარა წინააღმდეგობა გაგიწიოთ და არ შეეცადოთ მკვეთრი და ძლიერი მოძრაობებით ამოძირკოთ ბარაბანი.

როდესაც ბარაბანს ამოიღებთ ქვემოდან ისევ ტაოტი წაუსვით, თუ თქვენთვის მისაღები იქნება შეგიძლიათ მანამდე ზუმფარის ქაღალდით გადაუაროთ, ოღონდ ზედმეტი ფანატიზმის გარეშე, მგონი უბრალოდ საღებავი რომ ასძვრეს უკვე საკმარისი იქნება, ზედმეტს თუ ააცილებთ, მერე შეიძლება მუშაობაში იყოს ხელის შემშლელი..

მოკლედ როდესაც ყველაფერს გაამზადებთ, შემდეგ იწყებთ აწყობას, გაითვალისწინეთ რომ ზამბარის პატარა ამოშვერილი კუდი უნდა ჩასვათ თავის ბუდეში, ხოლო კლიპი საათის ისრის საწინააღმდეგო მიმართულებით უნდა გადაატრიალოთ, ნუ სადღაც ნახევარი ბრუნით. იმისათვის რომ პატარა გამოშვერილი კლიპი ჩაჯდეს შესაბამის ღარში და თან გადაახტეს ეგრეთწოდებულ "აგრანიჩიტელს"



მოყვანილ სურათზე მწვანე ისრით ნაჩვენებია მიახლოებით სადაც არის ზამბარის გამოშვერილი ულვაში ჩასასმელი, ხოლო წითლით ნაჩვენებია სად უნდა გადახტეს დატრიალებისას ბარაბნის კბილი, აქ სურათზე ცუდათ ჩანს, მაგრამ თქვენ როდესაც დაშლით კლიპს ლურჯი ისრით მინიშნებულ ადგილზეა ხსენებული "აგრანიჩიტელი“, ანუ მაგის ზურგს უკან უნდა დაჯდეს კბილი. თუ წინ ჩასვავთ მაშინ ბარაბანი მხოლოდ ნახევარ ბრუნს გააკეთებს ხოლმე თან იმასაც ნორმალურად არა, ასე 3-4 ხვრელში უკვე გაჩერდება და აღარ გადატრიალდება.

მგონი ძირითადად სულ ესააა... ააწყვეთ, მანამდე ზემოდანაც არ დაგავიწყდეთ პატარა ტაოტის დატანა, და მორჩა ამის მერე კლიპი მუშაობს გადასარევათ.

-----------------

მე პირადად დამრჩა მხოლოდ ერთი პრობლემა, კერძოდ, როდესაც კლიპს ვსვავ თოფში და შემდეგ მინდა სასხლეტის დაშვებით დავუშვა მიმწოდებელი ისე რომ გასროლა არ მოხდეს, აი ამ შემთხვევაში მიმწოდებელი ეჯახება კლიპს და ცოცხალი თავით წინ არ მიდის

თუ ცარიელ კლიპზე მინდა თოფის მიმწოდებლის დაკეტვა ისე რომ სასხლეტი გამოკრული იყოს, მაშინ მიწევს ცოტათი მიმწოდებლის წინ მიწევა, რომ კლიპში თავი შეყოს, და ამის შემდეგ ვაკეთებ სასხლეტის დაშვებას, ამის შემდეგ მიმწოდებელი რიჩაგი თავისუფლად იკეტება, მაგრამ თუ უკანა პოზიციაში დავიჭერ მიმწოდებელს და ისე დავუშვებ სასხლეტს, როგორც ვთქვი ამ შემთხვევაში წინ წასული მიმწოდებლის თავი ეჯახება კლიპს და ვერ გავიგე რატომ... აი ეს მომენტი გადაამოწმეთ აბა კრალის მფლობელებმა და მითხარით თქვენთანაც ეგრეა თუ არა....