Benjamin Trail NP XL 1500, დღესდღეობით ერთ-ერთი ყველაზე ძლიერი პნევმატიკა ზამბარ დგუშიანებში პარამეტრები

[ხ.მ.ე.ლ.ო]

მოგესალმებით...
მიუხედავად იმისა, რომ ფორუმზე არის დაახლოებით ერთი ასეთი თემა, გადავწყვიტე გამეხსნა ახალი, რადგან მფლობელი ამ შემთხვევაში მე ვარ...


1 წლის წინ მქონდა შესანიშნავი იარაღი, Crosman sierra pro, igive remington summit-ი. შემდეგ მოხდა ასეთი შემთხვევა რომ თანხა დამჭირდა, ძალიან კი გამიჭირდა იმ იარაღს დავშორებოდი, მაგრამ სხვა გზა არ მქონდა, ამიტომ გავყიდე და გამოვეთხოვე მას.
იარაღის ფიქრში და მისი ქონის სურვილში განვლო ტანჯულმა ერთმა წელმა, რის განმავლობაშიც თანხას ნელ-ნელა ვაგროვებდი და როდესაც მოვიდა დრო ნანატრი სურვილის ახდენისა, ამაზონიდან გამოვიწერე Benjamin Trail NP XL 1500, რომელიც ფასდაკლებით დამიჯდა 620 ლარი, მაგრამ სამწუხაროდ გარკვეული დეფექტის მქონე აღმოჩნდა. ძალიან გავბრაზდი (620 ლარი თითქოს ჰაერში გაიფანტა). ვერც უკან გავაგზავნე დეფექტიანი იარაღი, რადგან Bestex-მა მითხრა რომ ჩვენ პროდუქციას უკან არ ვაგზავნითო და რომც შესაძლებელი ყოფილიყო უკან გაგზავნა, მაინც ვერ გავაგზავნიდი იმ მარტივი მიზეზის გამო რომ ჩამოსვლისას იარაღი საბაჟომ დამიკავა და 2 კვირის შემდეგ გამომატანა. უკან დაბრუნების გარანტია კი მხოლოდ 1 კვირაზე ვრცელდებოდა. შემდეგ გამიმართლა და ეს იარაღი გავყიდე, დავამატე ცოტა თანხა და ეგრევე დავუკავშირდი გრეგორს...

-ბატონო...
-გრეგორ გაუმარჯოს, ხმელო ვარ. როგორ ხარ?
-მადლობთ კარგად, თავად?
-გაიხარე, მეც არა მიშავს. გრეგორ...
-კი გისმენ...
- ბენჯამინ 1500 ხომ გაქვს დარჩენილი?
-კი მაქვს.
-შენთან მინდა შევიძინო და ხვალისთვის გცალია?
-კი მცალია.
-ძალიან კარგი, გამოვალ...
-დროის რომელ მონაკვეთში დაახლოებით?
-ესე 12-ი 1-ისკენ.
-კი ბატონო, მოდი, აარჩიე რომელიც გინდა და წაიღე...
-კარგი გრეგორ, აბა დროებით.
-დროებით...

ამ საუბრის შემდეგ და ხვალინდელი დღის მოლოდინში როგორც იქნა გათენდა დილა. ნელ-ნელა გავემზადე გრეგორთან წასასვლელად და წავედი კიდეც. რომ მივედი გრეგორმა დამახვედრა ბენჟოები, მეც ავიღე შევათვალიერე გადავატრიალ-გადმოვატრიალე და რომ მომეწონა ავიღე, თანხა გადავეცი გრეგორს, დავემშვიდობე და გამოვეშურე ბედნიერი სახლისაკენ...
მოკლედ ბევრი რომ აღარ ვიბაასო, ესეც ჩემი ბენჯამინ 1500...

ვიდით მე ძალიან მომწონს და ალბად თქვენც...



ლულის ნარეზებს რაც შეეხება, კარგი ნარეზებია და ფასკაც კარგად აქვს მოჭრილი, მაგრამ ის რეზინა ცოტათი არ მომწონს რაც გადატეხვის ადგილზე აქვს იარაღს, ტყვია სადაც იდება. ჩემი აზრით ამ თოფს გაცილებით კარგი რეზინა ეკადრება, რათა უკეთ უზრუნველყოს ჰაერის შეკავება, მაგრამ ეს არაფერია, გამოცვლა შესაძლებელია.
რაც შეეხება სასხლეტს: როგორც თითქმის ყველა პნევმატიკას აქვს სასხლეტის დამცავი. ასევე აქვს ეგრედ წოდებული რეგულირებადი სახლეტი. სიმართლე გითხრათ ის ვინტი, რომელიც არეგულირებს სასხლეტს, გვიან გამოიკრას თუ ადრე-შესაცვლელია, რადგან სიგრძე არ ჰყოფნის დასარეგულირებლად.
ოპტიკას რაც შეეხება აქვს 3-9X40 Center Point-ის ოპტიკა.



მწარმოებელი კვლავ გვახსენებს ხელის მოსაკიდზე დატვიფრული "B" ინიციალით და ასევე სრული სახელის კონდახზე დაწერით, რომ ამ შესანიშნავი იარაღის სახელი Benjamin-ია.



რაც შეეხება ამ ფოტოს, მწარმოებელმა იზრუნა რომ ამ ეგრედ წოდებული მძიმე (4.5 კგ) იარაღის სატარებლად ხელი დაეღლებოდა მონადირეს და ამიტომ გაუკეთა საკიდი. ფოტოზე- 2-იანით მონიშნულ სურათზე საკიდის კაუჭა შევცვალე სპეციალურად, რადგან იმ ქამრის გასაკეთებლად, რომელიც მე მინდა, ასეთი რამ იყო საჭირო.

და ბოლოს, რაც შეეხება მის ძალას...



იარაღი არის საკმაოდ ძლიერი. ფოტოზე ნაჩვენებია ემალის ქვაბი. როგორც ვხედავთ, ქვაბის კედლები გახვრეტილია. ფოტოზე წითლად მონიშნული ნახვრეთები არის აქედან ნასროლი ტყვიით გამოწვეული, ხოლო ლურჯად მონიშნული ნახვრეტები არის მეორე მხრიდან ნასროლი, რაც მიგვანიშნებს, რომ ტყვია ქვაბის მეორე მხარესაც ღუნავს გარკვეული ძალით მოხვედრისას...

რაც შეეხება ჩემს შეხედულებას ამ იარაღის მიმართ, მე ძალიან მომწონს ვიდითაც და ძალითაც და ვიმედოვნებ როდესაც მის გარეთ გატანას და კარგად შემოწმებას ვცდი მიზანში სროლის საშუალებით, ამითაც მომეწონება.
თუ რამე დამატებითი შეკითხვები გაგიჩნდათ, მკითხეთ...
მადლობთ ყურადღებისთვის...

[ja_ja]

ხ.მ.ე.ლ.ო

გადადი ჯიესბიზე 10.64 გრანიანზე. გუდვილში 20 ლარი ღირს 500 ცალი

შენს გახარებას ერთი დამიზუსტე წონა მართლა ეგ დაითრიე თუ რაიმე შეცდომაა??? რაცხა JSB-ში ეგ წონა არ მახსოვს და ან ჩამოვრჩი ცხოვრებას ან რაცხა გასასწორებელია

P.S. ჩაგეთვალა კაი მიმოხილვაა, ცოტა მოკლეა, მაგრამ კაია, მთავარია საძირკველი არის.

ARASERIOZULI

და ენერგია (ჯოულებში) რომელს მეტი ექნება ამ თოფიდან, 10 გრანიანებს თუ 16 ?

ჯერესერთი შეეშვი მაგ უბედურება ტყვიებს მაგ ტყვია ჯერ ვერ ვნახე თოფი რომ რომელიმემ ნორმლაურად გაისროლოს და თან მიზანში ისროდეს.

შემდეგ რაც შეეხება რომელ ტყვიაში იქნება მეტი ენერგეტიკა... ძალიან, ძალიან გეშლება, მილიონჯერ მაქვს დაწერილი რომ თოფი სხვადასხვა წონის ტყვიას სხვადასხვა სიჩქარით ისვრის, მსუბუქს ჩქარა მძიმეს ნელა

ენერგია კი არის ტყვიის მასა გამრავლებული სიჩქარეზე კვადრატში.

შენ შეცდომით თვლი რომ ყველა ტყვიას შენი რჩეული თოფი ერთნაირი სიჩქარით ისვრის, ეგრე რომ იყოს მართლა მაშინ ბაზარი არაა 10 გრანიანის დროს ენერგია უფრო ნაკლები იქნება ვიდრე 16 გრანიანის დროს, მაგრამ რეალურად თოფს სიჩქარე რომ აწერია არის შირპატრების თვალის ასახვევად, რეალურად თოფს შეუძლია რაღაც ერთი კონკრეტული ენერგეტიკის გამომუშავება, ვთქვათ 24 ჯოულის.

შედეგადრაც არ უნდა მიუღებელი იყოს, მაინც ის გამოვა რომ მძიმე ტყვიას ნელა გაისვრი და ისევ 24 ჯოული იქნება, მსუბუქ ტყვიას ჩქარა გაისვრი და ისევ 24 ჯოული იქნება... მოკლედ არის იდეალური გამოთქმა, - შესაკრებთა გადანაცვლებით ჯამი არ იცვლებაო...

P.S. თუ არ გჯერას რომ სხვადასხვა ტყვიას შენი თოფი სხვადასვა სიჩქარით ისვრის, შეგვიძლაი შენს თავზე განვიხილოთ პატარა ექსპეტიმენტი - მოგეცი ხელში კენჭი და რიყის ლოდი, რომელს უფრო მეტი ენერგია ექნება მდინარის მეორე ნაპირისკენ რომ მოისროლო? გაგეცინება და ორივეს ერთი ენერგია ექნება, იმიტომ რომ კენჭს მაღალი სიჩქარით გაისვრი, ხოლო რიყის ლოდს კი რაც არ უნდა იჩალიჩო მაინც ნელა გაისვრი, მაგრამ მასა გამრავლებული სიჩქარის კვადრატზე მოგცემს ისევ და ისევ ერთნაირ ენერგიას... კაროჩე აინშტაინის თეორია ჯერ ვერცერთმა ფიზიკოსმა ვერ უარყო და იმიტომაა მისი კანონები რეალური და მოქმედი. ვინმემ ერთხელ მაინც თუ მოახერხა რომელიმე კანონის მოქმედების დარღვევის პრინციპი ერთხელ მაინც, ავტომატურად ის უკვე კანონად აღარ ითვლება ფიზიკოსთა წრეში. ასე რომ დამიჯერე მთელი პლანეტის ფიზიკოსები ჩალიჩობდნენ და ვერაფრით ვერ უარყვეს აინშტაინის ცნობილი ფორმულა e=mc2 ასე რომ ტყუილა ნუ გაიწვალებ თავს უნდა დავუჯეროთ იმ კაცს რომ ეგრეა