Crosman Optimus, ყველაფერი Crosman Optimus-ის შესახებ პარამეტრები

[mr.man]

მოგესალმებით

2-3 დღის წინ ვიყიდე Crosman Optimus მაიმარკეტზე 250 ლარად 2 კვირის ნახმარი. სანამ ვიყიდდი, უცხოურ ფორუმებზე და ამაზონზე შთაბეჭდილებები გადავიკითხე ამ თოფზე და კიდევ უფრო გამიმყარდა ყიდვის სურვილი. თანაც ყველა მახასიათებლით ეს იარაღი აკმაყოფილებდა ჩემს მოთხოვნებს (უნდა ყოფილიყო ძლიერი და შეძლებისდაგვარად ზუსტი), ამასთანავე ჰქონდა ლამაზი ხის კონდახი. ერთი სიტყვით, 20 წუთის დადებული იყო განცხადება, პატრონს რომ დავურეკე, საღამოს კი უკვე სახლში მქონდა ეს სილამაზე


მანამდე ერთადერთი იარაღი მქონია, ამავე ფორუმელისგან შარშან მურკა შევიძინე, რადგან თითქმის 1 თვე ვუცადე 200-300 ლარად კროსმან ფანტომის ან ჰატსან მოდ 80-ის ზემოთ მაიმარკეტზე დაგდებას უშედეგოდ. ერთ-ორჯერ კი დაიდო ხაჩიკა, მაგრამ რომ დავრეკე, გაყიდული დამხვდა :| ხოდა მეც ავიღე და მურკა ვიყიდე ფორუმელისგან. ერთადერთი, რაც არ მომწონდა ამ თოფში, მისი სისუსტე იყო (საპლინკაოდ მინდოდა თავიდანვე, ფიცრების და ბოთლების სახვრეტად, მურკა კი ამას თავს ვერ ართმევდა). ვუპირებდი ჩემს მურკას გაძლიერებას, ჰაერის ზამბარის დაყენებას, კონდახის დამძიმებას, მანჟეტის შეცვლას და ა. შ, მაგრამ დროს ვერა და ვერ ვნახულობდი.

ბევრი ლაპარაკი რომ არ გავაგრძელო, შთაბეჭდილებებზე მოგიყვებით. მურკას შეჩვეულ ადამიანს ეს თოფი ძალიან მძიმედ მომეჩვენა თავიდანვე. გადატენვა რომ ვცადე, მაშინ კიდევ ერთხელ ვიგრძენი მისი ძალა. ამან ცოტა შემაცბუნა, ვიფიქრე, ეს რომ ისვრის, საერთოდ ხელიდან გამივარდება მეთქი, მაგრამ რომ ვისროლე, აღმოვაჩინე, რომ უკუცემა სულაც არ ჰქონდა მურკაზე მეტი. 2-3 დღეში ერთი სიტყვით, მივეჩვიე გადატენვასაც და სიმძიმესაც. ერთი ეგაა, რომ ოპტიკა არ აქვს გასწორებული, ღია სამიზნით სროლაც არ მიცდია, თუმცა ამას ყველაფერს იქითა "უიქენდზე" გავაკეთებ. აქვე მინდა დავუმატო, რომ მივხვდი, რატომ აფასებენ მურკას: ის არის მსუბუქი, ძალიან მარტივი მოხმარებაში და ამტანი, ბევრი დეტალის გარეშე, ერთი სიტყვით ბევრად უკეთესი დამწყებისთვის, ვიდრე თუნდაც ხაჩიკა ან კროსმანი. ამიტომ აღარც მისი უცხოური ფასი - თითქმის 200 დოლარია ჩემთვის გასაკვირი. დღეს სულაც არ ვნანობ, რომ უფრო ძლიერი პნევმატიკის გამოყენებამდე მურკამ გაიარა ჩემს ხელში.

ახალი თემის გახსნა კი იმიტომ გადავწყვიტე, რომ მივხვდი, რომ ეს იარაღი მოსავლელად არც ისე მარტივი იქნება, როგორც მურკა, ანუ თურქული 2-3 ლარიანი ტყვიებით მიზანში ნორმალურად ვეღარ გავისვრი, დაზეთვაც უფრო ხშირად დასჭირდება (ეს ყველაფერი ყუთსა და ინსტრუქციის ფურცელზე ეწერა). უფრო გამოცდილი ადამიანებისგან მაინტერესებს, თუნდაც ფანტომის მფლობელებისგან, რა სახის ტყვიებითაა მიზანში სროლა უკეთესი. ასევე მაინტერესებს ამ თოფის ფანტომთან შედარება. ერთადერთი განსხვავება, რაც მე აღმოვაჩინე, ისაა, რომ ჩემი Optimus ოდნავ უფრო ძლიერია და ხის კონდახი აქვს ერთი სიტყვით, სიამოვნებით გავეცნობი თქვენს აზრებსა და გამოცდილებას ამ იარაღის შესახებ. სურვილის შემთხვევაში, დაახლოებით ერთ თვეში, რაღაც რეპორტისნაირსაც მოვამზადებ

ასევე მაინტერესებს, თუ ვინმეს შეგიძლიათ მითხრათ, შეიძლება თუ არა ამ იარაღზე ჰაერის ზამბარის დაყენება და რა შედეგებს მომცემს?

[giorgi92]

რამდენ ატმოსფეროზე უნდა დაიტენოს ჰაერის ზამბარა ამ იარაღისთვის?

[ხ.მ.ე.ლ.ო]

რამდენ ატმოსფეროზე უნდა დაიტენოს ჰაერის ზამბარა ამ იარაღისთვის?

ადრე როცა რემინგტონ ნიტროსათვის გავაკეთებინე ოსტატ ვოდოს უკრაინაში ჰაერის ზამბარა, გადავიხადე 50$ და დამიტენა 122 ატმოსფეროთი და მითხრა მეტი არ გინდაო, მაგრამ მეტით დატენვაც შეიძლებოდა, დაახლოებით 130 საკმარისია მაგ იარაღისთვის, მოემატა სიზუსტე საგრძნობლად და ძალა - ეს თემა წაიკითხეთ თუ დაგაინტერესებთ, აქაა ყველაფერი, გატესტვის დროს შედეგების წარმოდგენისას არც კი დამიჯერეს მისი სიზუსტის ამბავი, მაგრამ ფაქტი სახეზეა . უკუცემა საგრძნობლად შემცირდა.
დღესღეობით ბატონი მინჩანინი ამზადებს ჰაერის ზამბარებს და 30 ან 35 დოლარი ღირს. ანუ მასთან შედარებით იაფი, რაც მე გადავიხადე და ალბად დამზადებისას დაუშვებს რომ 130 ატმოსფეროთი დატენოს

[ხ.მ.ე.ლ.ო]

ადრე როცა რემინგტონ ნიტროსათვის გავაკეთებინე ოსტატ ვოდოს უკრაინაში ჰაერის ზამბარა, გადავიხადე 50$ და დამიტენა 122 ატმოსფეროთი და მითხრა მეტი არ გინდაო, მაგრამ მეტით დატენვაც შეიძლებოდა, დაახლოებით 130 საკმარისია მაგ იარაღისთვის, მოემატა სიზუსტე საგრძნობლად და ძალა - ეს თემა წაიკითხეთ თუ დაგაინტერესებთ, აქაა ყველაფერი, გატესტვის დროს შედეგების წარმოდგენისას არც კი დამიჯერეს მისი სიზუსტის ამბავი, მაგრამ ფაქტი სახეზეა . უკუცემა საგრძნობლად შემცირდა.
დღესღეობით ბატონი მინჩანინი ამზადებს ჰაერის ზამბარებს და 30 ან 35 დოლარი ღირს. ანუ მასთან შედარებით იაფი, რაც მე გადავიხადე და ალბად დამზადებისას დაუშვებს რომ 130 ატმოსფეროთი დატენოს

აქ შეცდომა მომივიდა რომ მიწერია "რემინგტონ ნიტროსათვის"-ო, რემინგტონ სამმიტი უნდ ამეწეროს, არ დაგაბნიოს, მაგრამ არა უშავს თუ თემას გადაიკითხავ რომელიც მივუთითე, არ დაიბნევი.

mr.man
არ გაამართლებს ეგ ამბავი
ყველა იარაღი ახალ ტყვიას უნდა "მიეჩვიოს"
ანუ სხვა ტყვიაზე სანამ გადახვალ ჯობს ლულა გაწმინდო, შემდეგ ასე 50 ტყვია ისროლო და მერე დაიწყო ჯგუფებზე ფიქრი
ეს იმიტომ ხდება, რომ სხვადასხვა ტყვიას სხვადასხვა შემცველობა, "იუბკის" ფორმა და ასშ აქვს

მართალს ამბობს, წესით ყოველ სხვა სახის ტყვიაზე გატესტვისას იარაღის ლულა უნდ აგაწმინდო შიგნიდან, მაგალითად 8 გრანიანს რო გაისვრი და გადახვალ 10 გრანიანზე, სანამ გადახვალ უნდა გაწმინდო, ასევე როცა ქროსმან პრემიერს გაისვრი 10 გრანიანებს სიტყვაზე და გინდა მერე გადახვიდე ჯსბ-ს 10 გრანიანებზე, მაგ დროსაც უნდ აგაწმინდო სანამ გადახვალ და ასე შემდეგ და ასე შემდეგ.