Crosman Optimus, ყველაფერი Crosman Optimus-ის შესახებ პარამეტრები

[mr.man]

მოგესალმებით

2-3 დღის წინ ვიყიდე Crosman Optimus მაიმარკეტზე 250 ლარად 2 კვირის ნახმარი. სანამ ვიყიდდი, უცხოურ ფორუმებზე და ამაზონზე შთაბეჭდილებები გადავიკითხე ამ თოფზე და კიდევ უფრო გამიმყარდა ყიდვის სურვილი. თანაც ყველა მახასიათებლით ეს იარაღი აკმაყოფილებდა ჩემს მოთხოვნებს (უნდა ყოფილიყო ძლიერი და შეძლებისდაგვარად ზუსტი), ამასთანავე ჰქონდა ლამაზი ხის კონდახი. ერთი სიტყვით, 20 წუთის დადებული იყო განცხადება, პატრონს რომ დავურეკე, საღამოს კი უკვე სახლში მქონდა ეს სილამაზე


მანამდე ერთადერთი იარაღი მქონია, ამავე ფორუმელისგან შარშან მურკა შევიძინე, რადგან თითქმის 1 თვე ვუცადე 200-300 ლარად კროსმან ფანტომის ან ჰატსან მოდ 80-ის ზემოთ მაიმარკეტზე დაგდებას უშედეგოდ. ერთ-ორჯერ კი დაიდო ხაჩიკა, მაგრამ რომ დავრეკე, გაყიდული დამხვდა :| ხოდა მეც ავიღე და მურკა ვიყიდე ფორუმელისგან. ერთადერთი, რაც არ მომწონდა ამ თოფში, მისი სისუსტე იყო (საპლინკაოდ მინდოდა თავიდანვე, ფიცრების და ბოთლების სახვრეტად, მურკა კი ამას თავს ვერ ართმევდა). ვუპირებდი ჩემს მურკას გაძლიერებას, ჰაერის ზამბარის დაყენებას, კონდახის დამძიმებას, მანჟეტის შეცვლას და ა. შ, მაგრამ დროს ვერა და ვერ ვნახულობდი.

ბევრი ლაპარაკი რომ არ გავაგრძელო, შთაბეჭდილებებზე მოგიყვებით. მურკას შეჩვეულ ადამიანს ეს თოფი ძალიან მძიმედ მომეჩვენა თავიდანვე. გადატენვა რომ ვცადე, მაშინ კიდევ ერთხელ ვიგრძენი მისი ძალა. ამან ცოტა შემაცბუნა, ვიფიქრე, ეს რომ ისვრის, საერთოდ ხელიდან გამივარდება მეთქი, მაგრამ რომ ვისროლე, აღმოვაჩინე, რომ უკუცემა სულაც არ ჰქონდა მურკაზე მეტი. 2-3 დღეში ერთი სიტყვით, მივეჩვიე გადატენვასაც და სიმძიმესაც. ერთი ეგაა, რომ ოპტიკა არ აქვს გასწორებული, ღია სამიზნით სროლაც არ მიცდია, თუმცა ამას ყველაფერს იქითა "უიქენდზე" გავაკეთებ. აქვე მინდა დავუმატო, რომ მივხვდი, რატომ აფასებენ მურკას: ის არის მსუბუქი, ძალიან მარტივი მოხმარებაში და ამტანი, ბევრი დეტალის გარეშე, ერთი სიტყვით ბევრად უკეთესი დამწყებისთვის, ვიდრე თუნდაც ხაჩიკა ან კროსმანი. ამიტომ აღარც მისი უცხოური ფასი - თითქმის 200 დოლარია ჩემთვის გასაკვირი. დღეს სულაც არ ვნანობ, რომ უფრო ძლიერი პნევმატიკის გამოყენებამდე მურკამ გაიარა ჩემს ხელში.

ახალი თემის გახსნა კი იმიტომ გადავწყვიტე, რომ მივხვდი, რომ ეს იარაღი მოსავლელად არც ისე მარტივი იქნება, როგორც მურკა, ანუ თურქული 2-3 ლარიანი ტყვიებით მიზანში ნორმალურად ვეღარ გავისვრი, დაზეთვაც უფრო ხშირად დასჭირდება (ეს ყველაფერი ყუთსა და ინსტრუქციის ფურცელზე ეწერა). უფრო გამოცდილი ადამიანებისგან მაინტერესებს, თუნდაც ფანტომის მფლობელებისგან, რა სახის ტყვიებითაა მიზანში სროლა უკეთესი. ასევე მაინტერესებს ამ თოფის ფანტომთან შედარება. ერთადერთი განსხვავება, რაც მე აღმოვაჩინე, ისაა, რომ ჩემი Optimus ოდნავ უფრო ძლიერია და ხის კონდახი აქვს ერთი სიტყვით, სიამოვნებით გავეცნობი თქვენს აზრებსა და გამოცდილებას ამ იარაღის შესახებ. სურვილის შემთხვევაში, დაახლოებით ერთ თვეში, რაღაც რეპორტისნაირსაც მოვამზადებ

ასევე მაინტერესებს, თუ ვინმეს შეგიძლიათ მითხრათ, შეიძლება თუ არა ამ იარაღზე ჰაერის ზამბარის დაყენება და რა შედეგებს მომცემს?

[mr.man]

გილოცავ 250 ლარად შესანიშნავი შენაძენია. მე გირჩევდი JSB diabolo-ს 8 გრანიანებს, გუდვილში 500 ცალი პაჩკით 17 ლარი ღირს. შესანიშნავად ზუსტი ტყვიებია და საკუთარი გამოცდილებიდან ვიცი რომ მაგ იარაღზეც შესანიშნავია, ასევე შეგიძლია სცადო JSB EXACT 10.34 გრანიანები, გუდვილში 500 ცალი პაჩკით 20 ლარი ღირს, ან ცროსმან პრემიერები 10 გრანიანი, გრეგორს აქვს ოღონდ ეს იმ შემთხვევაში უფრო აჯობებს, როცა უკვე ჰაერის ზამბარას ჩააყენებ. და გირჩევ რომ ჩააყენო, რადგან 250 ლარი დაგიჯდა მეტი არა და ჰაერიოს ზამბარას გავიმეტებდი შენს ადგილას მისთვის. ჰაერის ზამბარას კი რაც შეეხება, მისი ჩაყენება შესაძლებელია და შესანიშნავ შედეგებსაც მოგცემს, უკუძალა საგრძნობლად შემცირდება, სიზუსტე მოემატება, გადატენვა გაგიიოლდება და ძალაც მოემატება (ნუ გააჩნია ეხლა რამდენი ატმოსფეროთი დაატენინებ)

ალბათ ზამბარის ჩაყენებაზე შემოდგომიდან ვიფიქრებ. იმიტომ, რომ მინდა, მანამდე ამ მონაცემებით "მოვისურვილო" ეს იარაღი. ერთი ასპექტია კიდევ, მომავალში ალბათ ჩემი pcp-ზე გადასვლა გარდაუვალი იქნება, მაგრამ მანამდე მინდა, ვაირაუხი ან დიანა ვიქონიო (უბრალოდ იმის გამო, რომ ხარისხიანი იარაღის შესანიშნავი მაგალითია), ხოდა ზუსტად ეს არჩევანი დამიდგება - ან ამ იარაღის აპგრეიდი უნდა დავიწყო, ან გავყიდო და გერმანელებზე ვიფიქრო

mr.man
არაა ეგრე: ფანტომისგან მხოლოდ კონდახით და გამოშვების წლით განსხვავდება
ტყვიებს რაც შეეხემა 7.9 გრაინიანებით მშვენივრად ისვეროს როგორც ვიცი

ერთადერთი მიზეზი, რამაც ოპტიმუსის ოდნავ სიძლიერე მაფიქრებინა, ისაა, რომ ყუთზე ეწერა, მსუბუქი ტყვიებით 1200 ფპს-მდე ისვრისო ხოდა მეც დავასკვენი როგორც ვხვდები, მძიმე ტყვიებით სროლა სჯობია. ეს თავის დროზე ჰატსან 125-ის პატრონმაც მითხრა, ოპტიკასაც ნაკლებად გააფუჭებს და მიზანშიც უკეთესად წავაო. თან მე მგონი, პირველმა პატრონმა iaragi.ge-ზე იყიდა ეს ოპტიმუსი და სწორედ თქვენი ნარჩევი ტყვიები მოაყოლა, რომელთაგან 10-20 ცალი დამრჩა სავარაუდოდ მაინც სხვადასხვა სახის თითო ყუთ ტყვიებს შევიძენ (2-3 ყუთს, როგორც ჩანს) და 5-10 ტყვიიან ჯგუფებს გავაკეთებ. ვნახავ, რომელზე უფრო უკეთ მოიქცევა