დახმარება - ძებნა - წევრთა სია - კალენდარი
სრული ვერსია: Bejamin Discovery Hollowpoint 10.5 grain - განვიხილოთ
Georgian Airgunners Portal > პნევმატური იარაღი > ტყვიები, ზეთები, საწმენდი საშუალებები
ja_ja
კიდევ ერთი ტყვია განხილვისთვის, ამჯერად Bejamin Discovery Hollowpoint ანუ ექსპანსიური, რომელსაც თავში პატარა ჩაღრმავება აქვს.

ტყვია საინტერესო იყო იმიტომ რომ წონა აქვს მაღალი, კომპინია crosman-ი უშვებს ჰოლოვპოინტერბს, მაგრამ 7/9 გრანიანს, რატომღაც იგივე კომპანია
Crosman-ი უშვებს კიდევ ერთ ჰოლოვპონიტს ტყვიებს, ოღონდ Benjamin discovery-ს სახელით, აი ამ მოდიფიცირებულ ტყვიას უკვე წონა აქვს 10.5 გრანი,
ანუ ზუსტად იმდენივე რამდენიც აქვს COM-ს და CP-ს. როგორ ფიქრობთ საინტერესო ტყვიაა?? მგონი კი, მაშინ მოდით დავიწყოთ მისი განხილვა.



თავდაპირველად ჩამოვყაროთ საწყისი ინფორმაცია:

წონა: მწარმოებლის განცხადებით 10.5 გრანი
რაოდენობა შეფუთვაში: 500 ცალი
მწარმოებელი ქვეყანა: ამერიკა
შეძენილია: pyramydair.com-ზე ამაზონის მეშვეობით
ფასი ამერიკაში: 9.50$
ფასი ჩამოტანის შემდეგ: სადღაც 13$

სახელიდან ვასკვნი რომ ტყვია წესით და რიგით შექმნილია Benjamin Discovery-სთვის, თუმცა შეიძლება ეს მხოლოდ მარკეტინგული სვლა არის.



ტყვია თავისი ფორმით პრაქტიკულად წარმოადგენს COM-ისა და CP-ს ასლს. მაგრამ თავზე აქვს პატარა ამოღრმავება.

რის ხარჯზე ხდება წონის შენარჩუნება 10.5 გრანზე თუ ჰოლოვპოინტს თავზე ლითონი აკლია! ვერ გეტყვით, დიდიხნის დაკვირვების შემდეგ ვერ ვნახე რაიმე
რადიკალურად განმასხვავებელი, უკანა ბოლოში ორივეს ერთნაირი ადგილი აქვს, ტანი იდენტურია, პასუხი ამ მომენტისთვის არ მაქვს, ერთადერთი ეჭვი მაქვს
რომ ცოტა სხვა შენადნობი გამოიყენება, რომელიც შედარებით უფრო მეტს იწონის.

კაი ბატონო გადავხედოთ ტყვიის ზედხედს და ქვედხედს



შეიძლება ითქვას პრაქტიკულად იდეალური განმეორებაა ყველა ტყვიაში, კოლოფში ვერ ნახავთ ვერანაირ მტვერს და ნაგავს, მოკლედ იდეალური სისუფთავეა.
იგივე ტყვიის ზედაპირი რომ დავათვალიეროთ, არის სუფთა და კრიალა, თუმცა ხელს მაინც სვრის, ისე არა როგორც CUM-ი, მაგრამ კვალს თითებზე აუცილებლად აღმოაჩენთ smile.gif.



იგივე შეიძლება ითქვას ქვედაბოლოზე, ტყვიები არის იდეალური. არ ვიცი რა დაზგას იყენებს Crosman-ი ამ ტყვიების გასაკეთებლად, მაგრამ აშკარად კარგი დაზგა აქვს.



იმისათვის რომ წარმოდგენა შეგვექმნას ამ ტყვიაზე, ეს ტყვია შემიძლია შევადარო იგივე Crosman-ის ჰოლოვპოინტ ტყვიას ოღონდ 7.9 გრანიანს. ბენჯამინის
ტყვია უფრო მასიურია, სიგანეში რა თქმა უნდა, კალიბრი არ აძლევს ამის საშუალებას მაგრამ აი სიგრძე... სიგრძე შეზღუდული არაა. ასე რომ...



ზედა სურათზე მოყვანილია Crosman Premier 7.9 Grain Hollowpoint-ი და Benjamin Discovery 10.5 Grain Hollowpoint-ი. სურათები რამდენიმე კუთხიდანაა
გადაღებული და ერთადაა შემდეგ დასმული. ბენჯამინის ტყვიის მასიურობა აშკარად ჩანს.

კარგი ბატონო გადავიდეთ ზომა წონით ერთეულებზე.



წონამ მართალი გითხრათ გამაკვირვა, როგორც აწერია 10.5 გრანი, ისეთივე გხვდებათ შიგნითაც, მაქსიმუმ არის გადახრები 10.6 გრანისკენ, 10.4-იანი ძალიან იშვიათია



ჯინაზე დავისახე მთელი კოლოფის გადარჩევა, მაგრამ ნერვები მთელს კოლოფზე არ მეყო, სადღაც 250 ცალამდე გადავარჩიე, შედეგად ამ 250-ცალში
აღმოვაჩინე ერთადერთი კოლოსალური გადახრა



ანუ ნახევარ პროცენტზე ნაკლები გამოდის 0.2 გრანიანი გადახვევა, დანარჩენი ძირითადად არის 10.5, გამორეულია 10.6 გრანიანები და იშვიათად გვხვდება
10.4 გრანიანები, ანუ ვჯდებით სტანდარტში - პლიუს/ მინუს 0.1 გრანი. რა უნდა ვთქვა? ყოჩაღ კროსმანს რომ მოახერხა წონის ასეთი სიზუსტით შენარჩუნება, არ ვიცი როგორ.

დავაგვირგვინოთ წონის მიმოხილვა ჯგუფური ფოტოთი, ამისათვის ვიღებთ და 10-10 ცალს ვწონი, შედეგად მივიღე შემდეგი სურათი



არის 105.1 გრანი, 105.7 გრანი, მაგრამ არასდროს არ არის 105 გრანზე ნაკლები და 106-ზე მეტი, მოკლედ ტყვია იდეალურად დაბალანსირებულია წონებში,
კიდევ ერთხელ ვიმეორებ არ ვიცი რის ხარჯზე, ლეგენდარულ JSB-შიც კი ვერ ვნახე ასეთი განმეორადობა (ამ მომენტისთვის მხოლოდ მსუბუქი JSB მაქვს 8.4 გრანიანი)

წონის ერთეულებიდან გადავიდეთ ზომის ერთეულებში



თავი სტანდარტულად ზის 4.52 მილიმეტრში, არის გადახრები, ოღონდ 0.01 მილიმეტრის ფარგლებში

”იუბკა” საკმაოდ ფართოა, მაგრამ უნდა ვაღიარო არ უშლის ლულაში ტყვიის შესვლას



იგრძნობა პატარა წინააღმდეგობა, მაგრამ არც ისე დიდი რომ რაიმე განსაკუთრებული ყურადღება მიაქციო, იმავე CUM-ს თუ შევადარებთ CUM-ი უფრო მოითხოვს მეტ დაწოლას ვიდრე ეს ექსპანსიური ტყვიები.



ბოლო სურათით ვამთავრებ სიგრძის ზომების გადაღებას.

სხვათაშორის პატარა საიდუმლო ინფორმაცია, Benjamin Discovery-ს მოყვება პატარა რეზინის ჩანთა სადაც რამდენიმე ტყვია ყრია, სადრაც 25-35 ცალი. ასე ვთქვათ სადემონსტრაციო. ზუსტად ეს ტყვიები ყრია სადემონსტარციოდ. შესაბამისად ტყვიას სიზუსტე უნდა გააჩნდეს, თორემ რომელი ჭკუადმყოფელი ჩადებდა სადემონსტრაციოდ ტყვიებს თოფთან ერთად, რომლებიც ჯანდაბაში მიფრინავენ? სწორედ ეს არგუმენტი იყო როდესაც პირველად დავუკვეთე ეს ტყვიები გასატესტად. როგორც ხვდებით დროა სროლის შედეგები განვიხილოთ.



როგორ ფიქრობთ კარგი ჯგუფია 25 მეტრისთვის?? მემგონი კაი შედეგია, იმიტომ რომ ჯგუფები მერყეობს 13-დან 15 მილიმეტრამდე 5 ტყვიან სერიებში. სასაცილოა მაგრამ მიუხედავად ლეგენდებისა რომ ექსპანსიური თავჩახვრეტილი ტყვიები არ მიფრინავს მისამართზე.... ცოტა არ იყოს ლეგენდებში რჩება.

კარგი გადავიდეთ 10 ტყვიენ სერიებზე 25 მეტრიან დისტანციაზე



მაქსიმალური ჯგუფი არის 16 მილიმეტრი. მოკლედ CUM-ზე ოოოდნავ ცუდ შედეგს იძლევა, CUM-ით მოვაღწიე 12 მილიმეტრს, ამით 13-ზე დაბლა ვერ ჩამოვედი, თუმცა უნდა ვაღიარო ბევრი არც მისვრია ჩაჯდომით და დაფიქრებით., სამაგიეროდ დამაინტერესა რამდენად დიდი გაფანტვა იქნებოდა დიდ დისტანციაზე.

ამისათვის ავდექი დატესტირებისთვის მეზობელი კორპუსის ანტენის მილი გამოვიყენე, დისტანცია 62 მეტრი, სროლების რაოდენობა 4, სამიზნე მილის ზომა 3/4 დუიმი (სანტიმეტრებში 19 მილიმეტრი) მინდოდა სურათის დადება, მაგრამ ამ სტატიის დაწერის მომენტში მზე ამ რკინის მილის უკანაა და კონტრაჟურის გამო მორტყმული ტყვიები არ ჩანს. მოკლედ 4-ივე მოხვდა მიზანს საკმაოდ ჯგუფურად. ხვალ დილით იმედია არ დამავიწყდება და გადავიღებ სურათს რომელსაც შესაბამისად ამ სტატიას დავამატებ.
ja_ja
დავამატოთ ბოლო პარამეტრი, სიჩქარე. როგორც ტყვიას ჰქვია, იმავე სახელის მქონე თოფიდან ანუ Benjamin Discovery-დან ეს ტყვია იძლევა სტანდარტულ სიჩქარეს რომელიც აქვს 10.5 გრანიან ტყვიებს, ანუ 260-265 მეტრ წამი. აი რაც შეეხება ენერგეტიკას....

სტანდარტულად შეიძლება ითქვას რომ 10.5 გრანიან ტყვიას 260 მეტრ წამში აქვს 23 ჯოული, მაგრამ ექსპანსიურობის გამო.... ამ ტყვიების ექსპანსიურობა ჯერ გაურკვეველია, კი დეფორმირდება მაგრამ არა იმდენად რომ რაღაც განსაკუთრებული ვთქვათ. სავარაუდოდ გამოიყენება საკმაოდ მკვრივი ლითონი რომელიც დეფორმირებას ძნელად იღებს



ამ სურათზე ნაჩვენებია გაზეთების გროვაში ნასროლი ტყვიები, იდეაში რბილი სამიზნეა და დიდ დეფორმირებებს არ იღებს ტყვია.

სულ სხვა შედეგს ვიღებთ 1 სანტიმეტრიან ხის ნაჭერში სროლისისას, CP-სა და CUM-ისგან განსხვავებით ეს ტყვია ფიცარს ვერ ხვრიტავს. შიგნით რჩება და....



მართალია ვარდივით არ გაუშალა როგორც ექსპანსიურს შეეფერება, მაგრამ თავის საქმე გააკეთა ობიექტში გაჩერდა და მთელი ენერგია მას გადასცა.

იმედია სრული სურათი მივიღეთ. მეტი ამ ტყვიაზე რა დავწერო არ ვიცი biggrin.gif, მოდით ჩამოვაჯამოთ მიღებული შედეგები:

1) თუ CUM და CP თქვენთვის ძვირი არ არის, მაშინ ეს ტყვიაც თქვენთვის ძვირი არ არის.
2) წონა შესაშურად სტაბილურია, მინიმალური გადახრებით პლიუს მინუს 0.1 გრანის დიაპაზონში
3) ზომები - იდეალური განმეორება, არცერთი განსაკუთრებული გადახრა
4) სიჩქარე სტანდარტულია 10.5 გრანიანი ტყვიებისთვის 260-265 მეტრ/ წამი
5) სიზუსტე აქვს, თან დამაფიქრებელი, ვერ გეტყოდით შეჯიბრებისთვის გამოიყენეთ მეთქი, მაგრამ გამოუვალ შემთხვევაში მაგ საქმეშიც გამოდგება.

გამოყენების არეალი ფართოა, მიზანში სროლიდან ნადირობის ჩათვლით, თუმცა კონკრეტულად თქვენ რისთვის გამოიყენებთ არ ვიცი. ასე თუ ისე ეს ჩვენი მოთხრობაა თუ რეპორტიც ბოლოში გავიდა. იმედია ინფორმაციული იყო, და ისა სულ დამავიწყდა... დასკვნები ავ კარგიანობაზე თქვენ უნდა გააკეთოთ, მე შევეცადე მაქსიმალურად ობიექტური ინფო მომეგროვებინა.
bazuka
ჯაჯ ტექსტები დავამოკლე ცოტა თორე 22-იანის გარდა ყველაზე გვერდებზე სირბილი იყო საჭირო.


ესეიგი როგორც აქამდე ვფიქრობდი ქროსმანს აქვს ყველაზე ხარისხიანი შესრულება, სასწაულად ხარისხიანიც კი,
ჯაჯ მოგცემ 10.2 იანებს ერთ 100 ტყვიას და გამოცადე ეგენიც, შენს იქეთ გზა არარის და რომც იყოს
ტყვიების გამოცდაგანხილვა შენი გაკეთებულია ყველა და ამაზეც იგივე პირობების გამოყენებით საინტერესო იქნება
geojorjika
ა კიდო ერთი smile.gif , მადლობა გაიხარე, ხომ ვამბობდი არა მაი მთლად წიხლსაკრავი ტყვიებითქვა smile.gif
Davitus
მადლობა რევიუსთვის

მე პირადად რაც ჩემს დისკოს მოყვა ისინი, გამოვცადე ნადირობის დროს:

ბეღურას CUM ტყვიები "ხვრიტავს" იდეალურად 30 მეტრიდან, ხოლო ეს ჰოლოუპოინტები საკმაოდ აზიანებს, უმეტესობას ფრთა ან ბარკალი საერთოდ არ ქონდა,

სამწუხაროდ არ მქონდა შესაძლებლობა, გამომეცადა უფრო დიდი ფრინველზე, მაგრამ როგორც ჩანს, თუ დისტანცია დიდი არ არის ჰოლოუპოინტებს უფრო მომაკვდინებელი ეფექტი აქვს ვიდრე CUM ტყვიებს
ja_ja
bazuka
ციტატა(bazuka @ 29th August 2009 - 10:22 PM) *
ჯაჯ ტექსტები დავამოკლე ცოტა თორე 22-იანის გარდა ყველაზე გვერდებზე სირბილი იყო საჭირო

ვ ერ მივხვდი რას ამბობ, რა დააპატარავე???

ციტატა(bazuka @ 29th August 2009 - 10:22 PM) *
ჯაჯ მოგცემ 10.2 იანებს ერთ 100 ტყვიას და გამოცადე ეგენიც, შენს იქეთ გზა არარის


მადლობა მაგრამ არ გინდა, ამ ხუთშაბათს ველოდები, უნდა ჩამოვიდეს, პროსტა თუ არ გამიშვეს განბაჟებაში ხომ კაი biggrin.gif თუ გადავრჩი რეპორტი ჩემზე იყოს biggrin.gif
bazuka
ja_ja
ციტატა(ja_ja @ 30th August 2009 - 02:46 AM) *
ვ ერ მივხვდი რას ამბობ, რა დააპატარავე???

17 სქრინისთვის ძაან განიერი იყო ტექსტი, არ ეტევოდა, ხოდა კორექტირება გავუკეთემეთქი wink.gif
nihontoman
თუ ეგენიც ფორმით და ზომით იგივეა რაც პრემიერები, მაშინ შეიძლება მართლა სხვა შენადნობს იყენებენ, რათა წონა შეინარჩუნონ. ალბათ მაგ ტყვიებში უფრო მეტი ტყვიაა..
ja_ja
შეიპრებისამებს ვამატებ გადაღებულ სურათს სადაც ჩანს 62 მეტრზე ნასროლი 4 ტყვია. როგორც ადრე ვთქვი ეს არის მეორე კორპუსის თავზე არსებული ანტენის მილი, თავდაპირველად მეგონა რომ იყო 3/4 დუიმი (მივეჩვიე წყლის მილებით საუბარს), მაგრამ შემდგომ საკუთარ სახურავზე ავძვერი და ვნახე ეგეთივე ანტენა რომელი იყო 5 სანტიმეტრიან მილზე დაყენებული ასე რომ სავარაუდოდ სურატზე მოყვანილი ანტენაც 5 სანტიმეტრიან მილზეა წამოცმული



მიუხედავად ყველაფრისა შედეგი მგონი მშვენიერია, მარცხენა მხარეს თუ არავცდები ორი ტყვიაა ერთად, ხოლო მარჯვნივ კიდევ 2 ტყვიაა. ასე რომ მიზანში სროლისტვისაც კი გამოდგება ეს ტყვიები biggrin.gif
dawiti
დააწკაპუნეთ მიმაგრებული ფაილის სანახავად Benjamin Discovery 10.5 Grain Hollowpoint-ის ნახელავი smile.gif დისტანცია 30მ ლუდის ქილა სავსე იყო წყლით, ლუდი ჩვენ დავლიეთ wink.gif
dawiti
ესეც ქილის უკანა მხარე დააწკაპუნეთ მიმაგრებული ფაილის სანახავად
geojorjika
ციტატა(dawiti @ 30th October 2009 - 01:36 PM) *
ლუდი ჩვენ დავლიეთ wink.gif


კარგი გიქნიათ biggrin.gif
Gigabyte13
ja_ja


გენიალ'ნო ვატსონ!!!! smile.gif ბრავო!!! 30.gif
Der Rote Baron
ციტატა(ja_ja @ Aug 29 2009, 06:08 PM) *
მართალია ვარდივით არ გაუშალა როგორც ექსპანსიურს შეეფერება, მაგრამ თავის საქმე გააკეთა ობიექტში გაჩერდა და მთელი ენერგია მას გადასცა.

biggrin.gif
პ.ს ეს ტყვიები იმენნო სანადიროა რა! მიზანში კარგად მიდის + მთელ ენერგიას აქსოვს რასაც მოხვდება, (პრემიერისგან განსხვავებით ფრინველს შოკში არ ჩააგდებს ეგრევე მოწყვეტს ადგილიდან)
ეს არის ფორუმის "მსუბუქი" (lo-fi) ვერსია. თუ გსურთ იხილოთ სრულად, სურათებით, გაფორმებით და მეტი ინფორმაციით, დააწკაპუნეთ აქ.
Invision Power Board © 2001-2024 Invision Power Services, Inc.