პირველ რიგში ყველას მოგესალმებით. ახალი ვარ ამ ფორუმზე, რამდენიმე კვირაა ყველანაირ ინფორმაციას ვეძებდი პნევმატურ თოფებზე და შემთხვევით გიპოვეთ
ამ თოფზე Benjamin Summit NP2 /.177 ცალკე თემას ვერ მივაგენი და იმიტომ ვხსნი ახალს.

ეხლა რა მაინტერესებს, მინდა შევიძინო პნევმატური თოფი ჩამოვწერ რა პრიორიტეტებით ვეძებ

1. უნდა იყოს ამ კლასს რაც შეესაბამება "მაქსიმალურად" ზუსტი. საორიენტაციო მანძილი 50 მეტრი. ეს ყველაზე მთავარი პარამეტრია, შესაბამისად არ მინდა ისეთი თოფი რომელიც წარმოუდგენელი ძალით ისვრის ტყვიებს სადღაც
2 გადასატენად უნდა იყოს შედარებით ადვილი კაცმა არ იცის რამდენის გასროლა მომინდება და ყოველ ჯერზე ლულის გადატეხვაზე ჭიდაობა არ მინდა.
3. ზედა ორი პრიორიტეტიდან ვამახვილბ ყურადღებას NP2-ზე ჩემი აზრით უფრო ადვილი გადასატენი იქნება და მიზანში სროლაშიც ნაკლებად შემიშლის ხელს.
4. სასურველია თუ შედარებით მსუბუქი იქნება.
5. ვიზუალს რაც შეეხება ძალიან მომწონს კლასიკური თოფის კონდახის ფორმა.
6. სასურველია თუ ექნება სამიზნეები. ყველა ვარიანტში ოპტიკას დავუყენებ, მაგრამ თავისიც ქონდეს (იყოი რა პურსა მთხოვს თუ წყალსა).
7. ეს შეიძლებოდა ზევითაც დამეწერა NP2 კიდე იმიტომ მინდა როგორც მე ვიცი თავისთვის დამატებით აქ პატარა ამორტიზაცია და შესაბამისად მთლიან ამორტიზაციას კიდე უფრო ამცირებს.

კიდე რაც მახსენდება ისე დავწერ.
მაინცდამაინც ეს მოდელი იმიტომ ავირჩიე რომ აქვს ასე თუ ისე ის ვიზუალი რაც მე მინდა, სამწუხაროდ სამიზნეები არა აქ. რა მოდელებსაც სამიზნეები აქვთ ან ლულები აქვთ ჩემთვის მიუღებელი ფორმის ან კონდახები.
თუ შეგიძლიათ რომ მირჩიოთ როგორი თოფი და მეგობარი იქნება მომავალში.
ასევე თქვენ თუ გეგულებათ სხვა ვარიანტები მსგავსი მოთხოვნებით. (ზუსტი, ნპ2, ველური ძალა არ ქონდეს და დატენვა სროლაზე ჭიდაობა არ ჭირდებოდეს, სასურველია სამიზნეები თუ ექნება. არაჩვეულებრივი გამოფენის არ იყოს შესახედავადაც ნუ იქნება მთლად უშნო, კლასიკური თოფის კონდახი და ერთნაირი სისქის ლულა თავიდან ბოლომდე, გაბრტელებების და გამოუცნობი ფორმების გარეშე.)
ბევრ თემას გადავხედე ამ ფორუმზე და მაშინვე პირველი კითხვა ჩნდება ბიუჯეტი. რახან ჯერ ბოლომდე ჩამოყალიბებული არა ვარ და ეს თოფი საორენტაციოდ მაქ შერჩეული რაც ღირს გონივრულობის ფარგლებში მისაღები იქნება.
კიდე დამავიწყდა პცპ არ მინდა მინდა ზდპ მიახლოებული პცპ-სთან
კიდევ აქ რამდენჯერმე ვნახე იარაღი.გე- ზე ურჩევდნენ ნახვას და არ არის საიტზე ბევრი მოდელები. ცოცხალში სად შეიძლება მსგავსი თოფები ვნახო? დღეს ერთ ერთ მაღაზიაში ვიყავი სპეციალურად არ დავწერ საკმაოდ იყო ხალხიც გამყიდველს რომ ვთხოვე თოფი ახლოდან მაჩვენე მეთქი ისე დაიჯღანა თითქოს მთელი ქვეყნის ვალი ქონდა. ნორმალური მაღაზია მინდა სადაც მართლა უნდათ გაყიდვა და არჩევანიც ექნებათ. ინტერნეტში ან ცოტა მოდელებია ან ძველი ვერსიებია.

GMT


მოგესალმები ! კეთილი იყოს შენი ფეხი ამ ფორუმზე .

პირველ რიგში გეტყვი იმას , რომ იარაღი ჯი -ზე , თავისუფლად შესაძლებელია რეალში დაათვალიეროთ თოფები .

მეორე რიგში გეტყვი , იმას , რომ პცპ -სთან დაახლოებული ზდპ თითქმის არ არსებობს და თუ არსებობს გაცილებით ძვირია , ვიდრე პცპ .

მესამე : თქვენს მიერ შერჩეული ნპ 2 , ვერანაირად ვერ მოვა პცპს სიახლოვეს .

მეოთხე : ერთი მაინც ვერ გავიგე, პცპ არ გინდათ და პცპს მსგავსზე რატომ ფიქრობთ ?

GMT
მოგესალმებით და მადლობა რომ ესე გულდასმით წაგიკითხავთ ინფორმაციები და შემდგომ გვწერთ.
კეთილი იყოს თქვენი გამოჩენა ფორუმზე.
დიდად ზდპ არ მესმის და ალბათ შემოვლენ ბიჭები და იტყვიან სათქმელს. რაც თვალში მომხვდა ის არის რომ გინდათ ზდპ და მანძილი 50მეტრი. მაინტერესებს რა სიზუსტის ფარგლებში წარმოგიდგენიათ, ან რა სიზუტე დაგაკმაყოფილებთ 50მ მეტრზე?

მადლობა გამოხმაურებისთვის.
მიახლოებით მსგავსებაში ვიგულისხმე მხოლოდ და მხოლოდ სიზუსტე. ეგ თოფი მჭირდება მხოლოდ მიზანში სასროლად არანაირი ნადირობა და ასე შემდეგ, სანადიროდ მაქ კარგი იარაღები ნადირი არაა თორე. როცა დრო და საშუალებაა სანადირო მეურნეობებში დავდივარ.
როცა ნადირობის სეზონი არაა ან ვერ ვიცლი, ჩემი ჭია მინდა გავახარო ხოლმე სამიზნეში სროლით. მინდა რაც შეიძლება ზუსტი იყოს ამ კლასისთვის. მომინდა გასროლა ავიღე გადავტენე ვისროლე. შეიძლება ყოველ დღე ვისროლო შეიძლება თვეში ერთხელ, მარტივად რომ იყოს საქმე, სროლის მუღამი მომივა უბრალოდ ავიღო თოფი გავიდე სასროლ ადგილას ვისროლო. მხოლოდ და მხოლოდ ეგ მინდა.
პცპ-ს სხვა მუღამები, ჩალიჩი და მომსახურება სჭირდება. მე არ მაქვს მაგრამ მქონია შეხება და ეგ არ მომწონს
იარაღი.გე-ზე შევეხმიანები აუცილებლად ტელეფონი უწერიათ და ადგილზეც ვნახავ.

ნპ2 იმიტომ ვფიქრობ რომ მგონია სიზუსტეში სროლაში ნაკლებად შემიშლის ხელს, შეიძლება ვცდები კიდევაც ზუსტად არ ვიცი. იარაღთან მაქ შეხება მაგრამ პნევმატიკასთან ნაკლებად.

ეს მოდელი ძირითადად ვიზუალის მიხედვით ავარჩიე ანუ კონდახი არ მომწონს როცა კლასიკურ თოფის კონდახს არ გავს. და ლულა არ მომწონს რაღაც წანაზარდები და უჩვეულო ფორმები რომ აქვს. აქ ძირითადად ვიზუალია. ასევე ავარჩიე მეორე მოდელი Benjamin Trail Nitro Piston Elite ეს უკანასკნელი უფრო კარგი უნდა იყოს ამას რომ ჩვეულებრივი კონდახი ქონდეს დაუფიქრებლად ვიყიდიდი.

თქვენი გამოცდილი იუზერების აზრი მაინტერესებს რომელ პნევმატიკას მირჩევთ. დარწმუნებული ვარ იქნება უფრო კარგი (ზუსტი) მოდელები რომელზეც მე წარმოდგენაც არ მაქ.

GMT
ერთადერთი რაც შეიძლება დანამდვილებით გირჩიოთ არის Weihrauch HW97KT . საუკეთესოა ჩემი აზრით ზდპ-ში.
თუმცა საკმაოდ ძვირად ღირებულია. ასევე მინდა გაითვალისწინოთ რომ თუ ზდპ-ზე აპირებთ ოპტიკური სამიზნის დაყენებას აქაც მოგიწევთ ოპტიკის შერჩევა. არ გამოგადგებათ იაფფასიანი ოპტიკა. უნდა იყიდოთ აუცილებლად დარტყგამძლე ოპტიკა. თუმცა ჩემი აზრით ზდპ-ზე მე პირადად არ დავაყენებდი ოპტიკას, არ მგონია რომ გაუძლებს.
ზდპ შერჩევისას დიდად გამოგადგებათ ღია სამიზნე, ასევე ნიტრო პისტონი, უკვე მეტ ენერგიას და ნაკლებ უკუცემას მოგცემთ. დანარჩენი თქვენი გემოვნების საკითხია

GMT
და პცპს , რატომ თვლით არა კომფორტულად ?
50 მეტრზე სასროლად ოპტიკური სამიზნე დაგჭირდებათ აუცილებლად და ზდპ ზე გაგაწვალებთ .
უკუცემის გამო მწყობრიდანაც მალე გამოვა და ამავე დროს ყოველიდღე გასწორება დასჭირდება. ოპტიკას.

დასტურ
თუ პცპ სიზუსტე გინდათ 50 მეტრამდე ამ თოფებს კიდევ დაუმატებდი
Air Arms TX200 MkIII
Diana 54 Air King

GMT
რამოდენიმე ფაქტი გაითვალისწინე.

თუ სიზუსტეა მნიშვნელოვანი მაშინ.

1). 400 იანს იყიდი თუ 700 იანს არ აქვს მნიშვნელობა, ერთი და იგივე სიზუსტისაა, 300 ლარით მეტი რო გადაიხადო შრდაბამის სიზუსტეს ვერ მიიღებ.

2). ცოტა ზუსტი და პცპ_ს მიმსგავსებული ზუსტი ზდპ თუ გინდა უნდა გადაიხადო 900-1000 ლარი და მეტი, იყიდო, ზემოთ ჩამოთვლილი გერმანულ-ინგლისური მოდელები, ვაირაუხი, აირ არმსი, დიანა. მაგრამ პცპ მაინც არ იქნება არც ერთი.

3) სასურველია გარე სამიზნეც ჰქონდეს თოფს, მტკივნეული თემაა ოპტიკა ზდპზე.

მადლობა ყველას

ანუ როგორც მივხვდი დაფიქსირებული ლულა უფრო კარგია სიზუსტისთვის. იდეაში ეგრეც უნდა იყოს.

საკმაოდ ხშირი სტუმარი ვარ სამონადირეო და სათევზაო მაღაზიების მაგრამ აქამდე რატომღაც ყურადღებას არ ვაქცევდი პნევმატიკას

თქვენი აზრი მანიტერესებდა ნიტრო დგუშზე. ეს ნპ2 უკეთესია ვიდრე ჩვეულებრივი ნპ თუ უბრალო სარეკლამო ტრიუკია არადა დღეს რაც გავარკვიე ნპ2 წარწერა დამატებით 200 ლარს უდრის ჩვენ მაღაზიებში პლიუს ეგეთი თოფებიც ცოტაა და არჩევანი მცირეა.

კიდევ გროსმან-ბენჯამენს იმიტომ ვეძებდი რომ სავარაუდოთ ბიუჯეტურობა ხარისხიდან გამომდინარე ყველა მოყვარულმა იცის საქართველოში და ჩავთვალე რომ ცუდი ფირმა არ იქნებოდა. მეც რომ გავიკითხე თავიდან ეგ მირჩიეს.

ზევით სიზუსტეზეც მკითხეთ, ჩემთვის მაგალითად 3 კვირის წინ ვინმეს რომ ეთქვა ზდპ-თი 100 მეტრში სიგარეტის კოლოფს მოვარტყავ დამიზნებითო არ დავიჯერებდი, პცპ-თი კი ბატონო მარა იმით არა. თურმე სად წასულა ტექნიკა. ისეთ ვიდეოებს ვნახულობ წარმოდგენაც არ მქონდა.

კიდევ რა მაინტერესებს თოფი რომელსაც სამიზნეები არა აქვს იდეაში ადვილად არ უნდა აფუჭებდეს ოპტიკას იმიტომ რომ ოპტიკაზე უნდა იყოს გათვლილი, ნუ ხარისხიანზე რა თქმა უნდა.

რა მოდელებიც მომწერეთ ყველას ვნახავ აუცილელად
ამ მოდელზე შეგიძლიათ რამე მითხრათ Benjamin Trail Nitro Piston Elite იდეაში ესაც ნპ2 სისტემაზეა კონდახი ცოტა არათოფური აქვს ჩემთვის მაგრამ იქნებ სხვა დანარჩენი ისაა რაც მინდა

GMT


მოგესალმები და სიკეთის ფეხი მიგეტანოს სადაც მიხვალ, ჩვენთანაც და სხვაგანაც

ეხლა თქვენს კითხვას რაც შეეხება, ზემოთ ბიჭებმა უკვე დაგიწერეს ასეთუისე შედარებით ზუსტი ზდპ-ეები მაგ ჩამონათვალს ერთს კიდევ დავამატებდი მე WALTER LGU მოდელს
აქედან ვალტერიც, ვაირაუხიც და აირარმსიც თითქმის იდენტური თოფებია, ცოტა განსხვავებული გადატენვის მექანიზმიაქვს დიანას, დანარჩენი სიზუსტეს რაც შეეხება (ზემოთ წერდით მიზანში საროლად მინდა დაარა სანადიროდო და მაგ კატეგორიის თოფს უფრო მეტად მოეთხოვება სიზუსტე ვიდრე სანადიროს) 50მ. დე ამ ოთხ მოდელს ზ.დ.პ. ეებში ბადალი არაყავთ, ერთერთის, ვაირაუხ 97კ-ს მფლობელი თავად გახლავარ და თამამად შემიძლია გითხრათ რომ 50მ.-დე მანძილებზე მართლაც ძალიან კარგად ისვრის და შესაძლოა არც დაიჯეროს აქ ზოგმა მარა საშუალაო და დაბალი პცპ კლასის თოფებთანაც კია შესაძლებელი მაგ თოფით გაპაექრება (ერთიორჯერ გამიკეთებია კიდევაც) ხოლოთ ზემოთ დაგიწერეს ბიჭებმა ეს მოდელები ის ფასი ღირს რომლითაც პცპ ის ყიდვასაც შეძლებთ, ასერომ თქვენი გადასაწყვეტია რამდენად გიღირთ ამ ფასის გადახდა??...

არის კიდევ იგივე წყობის თურქული ჰაცანების რამდენიმე მოდელი დომინატორი და ტორპედოების სხვადასხავ ვარიაციები, DOMINATOR 200w - მქონდა, გადასატეხ ლულიან თოფებთან შედარებით ეგეც აშკარად უფრო ზუსტი იყო მარა არ იმდენად რამდენადაც ვაირაუხი, ფასიჩ შესაბამისად ოდნავ ნაკლებები ღირს ჰაცანები...

ეხლა მეორე საკითხს რაც შეეხება ნიტრო ფისტონთან დაკავშირებით, კი უდავოდ ნპ2 ცოტათი უკეთესი ვარიანტია მარა არა იმდენად რომ ორმაგი ფასი გადაიხადოთ ვიდრე ჩვეულებრივ ნპ თოფში, ჩემი აზრით ჯობია ქროსმანის რომელიმე ნპ თოფი შეარჩიოთ (ვანტაჟი, შოკვეი და ა.შ.) და ის ნიტრო ფისტონი შეგიძლიათ თქვენთვითონაც შემოაბრუნოთ და შებრუნებული ჩაუსვათ თუ საჭირო ცოდანა და პატარა მეხერხებულობა გაქვთ.
მე პირადად მასე მქონდა ერთი ვანტაჟი, თუმცა ბოლოს რომ გიომ შეიძინა იარაღი.გე ზე იგივე ვანტაჟი იმას უკვე ქარხნულადვე შემობრუნებული ეჯდა ნიტრო, მიუხედავად იმისა რომ არანაირი ნპ2 არც ეწერა და არც იყო. რომ გავხსენით ნიტროს შესაბრუნებლად ისიც გაკვირვებული დავრჩით უკვე შებრუნებული რომ დაგვიხვდა, დარტყმის კიდევ უფრო შერბილებას რაც შეეხება კიდევ ნიტროს ფკერსა და კორპუს შორის სულ უბრალო სანტექნიკის 1/2 ზომის (პოლდიუმა) სილიკონის რბილი პრაკლადკა ჩავუდეთ ჩვენ ორივემ. ასერომ თუ მაინცადამაინც შედარებით იაფიან ზდპ ეს გადაწყვეტ ნპ ზამბარით, მე მაგალითად ამ გადმოსახედიდან თქვენს ადგილას ავიღებდი ჩვეულებრივ კროსმანს და პატარას წავეჩალიჩებოდი...

პ.ს. ისე პცპ ეს მაინც ვერცერთი ზდპ ვერ შეედრება, მეთვითონ რაც პცპ სისტემის თოფი შევიძინე, თანაც საკმაოდ დაბალი კლასის (კრალის) მიუხედავად ამისა მაინც მის მერე ვაირაუხი თავის ჩიხოლში დევს და კუთხეშია მიყუდებული აგერ უკვე ლამის 2 წელია, მხოლოდ დასაზეთად და ძველი მოგონებების ხარჟზე მოსაფერებლად თუ გადმოვიღებხოლმე

ნებისმიერ არჩევანის შემთხვევაში წარმატებებს გისურვებ!!

გამარჯობა. შეკითხვა მაქვს საფენთან დაკავშირებით : 1. სილიკონის საფენი რა სისქის შეარჩიეთ? 2. საფენი მთლიანია თუ რგოლია ჩვეულებრივი? 3. საფენის ჩადების შემდეგ, ნიტროს "შტოკი" დასამოკლებელი ხომ არ გახდა ? მადლობა წინასწარ

GMT
მოგესალმები, კეთილი იყოს შენი ფეხი...

ნუ ბიჭებმა ბევრი დაწერეს და იგივეს აღარ დავწერ, ერთადერთი შეგახსენებდი ძირითად მიმართულებებს და პრიორიტეტებს ზ.დ.პ-სა და PCP-ს შორის...

ზ.დ.პ-ს უდიდესი პლიუსი არის მხოლოდ ერთი - ეს არის ავტონომიურობა, ანუ გადატეხე ლულა, ჩადე ტყვია და გაისროლე, პროცესი უსასრულოა სანამ რაიმე არ გაფუჭდება... სიზუსტე აქ ცოტა სხვა ფაქტორია, ძირითადად ზ.დ.პ.-ში სიზუსტეს არ მისდევენ მცოდნე ხალხი, იმიტომ რომ სიზუსტე რომ მიიღო ნამეტანი ძვირიანი და სახელოვანი ფირმის უნდა იყოს თოფი, იაფიან მოდელებში სიზუსტე პირობითია, ხელის შემშლელი ფაქტორი ძირითადად ზამბარაა, არა აქვს მნიშვნელობა ეს ზამბარა რკინის ხვეული იქნება თუ აირ ზამბარა, ანუ ეგრეთ წდებული ნიტრო პისტონი, გინდა პირველი გინდა მეორე თაობის... ყველა ზამბარას აქვს გაშლის და მოძრაობის ეფექტი, ნუ ეგაა მაგ კონსტრუქციის მუშაობის პრინციპი და ეგ დეტალივე იწვევს მასიურ იმპულსს, თან ორმაგს როგორც უკუცემას, ასევე წინ დარტყმას... მოკლედ შესაბამისი კომპენსატორები და ტექნოლოგიები თუ იქნება თოფში უკვე ფასი ნამეტანი გაიქცევა, ჩვეულებრივებში კი არანაირი კომპენსატორი არაა და შედეგად როგორც ვთქვი სიზუსტე პირობითია

PCP-ს უდიდესი პლიუსი კაკრაზ სიზუსტეა და პრაქტიკულად უკუცემის არ არსებობს. ყველაზე დიშოვკა PCP-ითაც კი შეიძლება სუპერ შედეგების მიღება, იქნება ეს ქარხნული თუ ხელნაკეთი, ზოგს უმართლებს და ყუთიდან ამოღებულივე იდეალურად ისვრის, ზოგს ხელის შევლება უნდა (ხელის შევლება შეიძლება იყოს პაწუა, ან დიდი ფინანსური დანახარჯების, ეგ უკვე კონკრეტულ მოდელზე და კონკრეტულ თოფზეა დამოკიდებული),

ამ ორივე სისტემიდან გამომდინარეობს სხვა ფაქტორებიც, ზ.დ.პ-ზე უკუცემის და ყანყალის გამო ოპტიკური სამიზნეები ძალინ ჩქარა ფუჭდება და ცოტა მოდელია ბაზარზე გამძლე, ზოგ შემთხვევაში ეგენიც კი ვერ უძლებენ.

PCP-ს უდიდეს მინუსად კი უნდა ჩათვალო ის რომ დატენვა და შესაბამისი ჩალიჩებია საჭირო, რაც ავტონომიურობაში გზღუდავს

შენ ჯობია ჯერ ჩამოყალიბდე რა გინდა, ავტონომიურობა თუ სიზუსტე, სამწუხაროდ ორივეს ერთად უმტკივნეულოდ ვერ შეაერთებ

vexam


ღმერთმა გაგიმარჯოს!!!

საფენს რაც შეეხება, სისქე იქნებოდა ახლის 2-2,5მმ მარა გარკვეული ხნის ხმარების შემდეგ რო გავხსენი ისევ და შევამოწმე, დაზიანებული არ იყო მარა სისქეში განახევრებული იყო< თითქოს დაიტკეპნაო ისე იყო,
ფორმით კიი რგოლია, ხოლოთ არა ბუბლიკი რგოლი< ჩვეულებრივი ბრტყელი რგოლი,
და მესამეკითხვაც, არა არავითარი დაჭრა არ დაჭირდა "შტოკს" ჩაჯდა ჩვეულებრივ და უპრობლემოდ იტენებოდა და მუშაობდა საკმაოდ კაი ხნის მანძილზე, დაახლოვებით ასე 2 წლის მანძილზე ვხმარობდი და არაფერი დეფექი ან გართულება არ მოყოლია

პ.ს. ხო კიდევ ზემოთ დამავიწყდა დამეწერა, ნიტროს რომ შევაბრუნე, ანუ ცილინდრი დგუშის კორპუსში რომ მოვათავსე ზედ ელექტრო იზოლენტი დავახვიე თავში და ბოლოში ცილინდრის ტანზე იმ რაოდენობის რომ დგუშის შიგნით ფოლხვა არ ქონოდა, არც ჭედვით ჩასულიყო მარა "ზაზორიც რაც შეიძლება ნაკლები რომ ქონოდა, ამან ნიტროს დაცენტრებასაც შეუწყო ხელი და კიდევ შტოკის წვერში, რომელიც თოფის ცილინდრის პრობკაზე ებჯინება მანდ დაჭირდა ლატუნის შაიბის ჩადება..
სამწუხაროდ აქ სურათებს ვერ ვდებ თორემ გაჩვენებდით რა ფორმის შაიბა და საფენები ვიხმარე, პირადში თუ მომწერთ ტელ. ნომერს ვაცაპით ან ვიბერით გადმოგიგზავნით სურათებს

ja_ja


მე კიდევ პლიუსად ვთვლი და რავი აბა ....

ნიტროზე ჩემს გამოცდილებას გაგიზიარებთ, ამოტრიალებული ნიტრო ანუ ღერძით უკან ხშირად იძლევა 5-10 მწ-ით მეტ სიჩქარეს ეგ იმიტომ რო მისი ცილინდრი ხდება ე.წ დამამძიმებელი თოფისთვის, ხომ გინახავთ ხვეულ ზამბარებზე დგუშში ჩადებული რკინის დეტალი? ეგ დეტალიც წონებით არის ხოლმე 80-150 გრამამდე, იგივე ეფექტი აქვს შემოტრიალებულ ნიტროს, მაგრამ მაგ დროს უკუცემა იზრდება და თან შეიძლება ზოგჯერ უკუეფექტიც ქონდეს სიჩქარის გაზრდის მაგივრად შეიძლება მოიკლოს, შემოტრიალებას ჯობია ნიტროში წნევა შეირჩეს ოპტიმალურ.

ამორტიზატორის შემოტრიალებისთვის საჭირო შაიბები და დგუშის ბუდეში გასამაგრებლად და ცენტრირებისთვის იზოლენტის გამოყენების ბევრი ვიდეოები არის ინტერნეტში. საფენის ჩადება არ შემხვედრია. ნპ2-ის მსგავსი სისტემის მისაღებად ვფიქრობდი მაგ მანიპულაციას მთლიანი საფენით, მაგრამ დარტყმებს რამდენად გაუძლებდა და არ დაიშლებოდა ვერ ჩამოვყალიბდი. დაშლა აწყობებს და მერე გადამოწმებით ექსპერიმენტებს შევეშვი და დავტოვე როგორც არის. თქვენი გამოცდილება მეტყველებს რომ მსგავსი გადაწყვეტილება მუშაობს და როცა დროს მოვიხელთებ მივხედავ მეც. მადლობა. ნომერს გამოვუშვებ, შაიბის სურათებისთვის. იქნებ რაიმე განსხვავებულია. მადლობა

გამარჯობა, რამდენადაც ვიცი ამორტიზატორების დასატენი პორტი არის ვორტექსის სისტემებზე, რომლებიც ძირითადად ჰატსანებზეა (სხვა თოფებზე არ შემხვედრია). ნპ თაობის კროსმანებს და ბენჟამინებს არ აქვთ მსგავსი პორტები და წნევის დაგდება და მათი დატუმბვა ოპტიმალური წნევის შესარჩევად ალბათ გაცილებით პრობლემური იქნება. ჩემი აზრია, თუ ნიტრო პისტონი არ იცვლება და პირველი თაობის ნპ რჩება, ან საერთოდ თავი უნდა დავანებოთ და დავტოვოთ როგორც არის ან ერთი ექსპერიმენტი მაინც ჩატარდეს და შედარდეს როგორ იქნება უკეთესი.

ჰაცანის ნიტროს კი აქვს დამტენი პორტი მაგრამ წნევის დაგდება არც ისე უსაბრთხოა, ჩვეულებრივ დალუქული ნიტროდან ორი ვარიანტია წნევის დაგდების ან უნდა გადაკეთდეს ძირი, დაუყენდეს დამცლელი, ან საყინულეში უნდა შეაგდო მაგრად გაყინო და წნევა დავარდება ან დაიცლება მაგ დროს შეიძლება მანჟეტიც გაფუჭდეს

GMT
კეთილი იყოს შენი შემოსვლა ფორუმზე.
თუ მაიცდამაინც ზდპ-ს ყიდვას ფიქრობ რეალური სასროლი მანძილი მაქსიმუმ 30 მეტრამდე უნდა შეამცირო.
ეხლა გადავხედე კროსმანის პროდუქციას და ყველაზე მეტად ეგ იარაღია საინტერესო Crosman Summit Ranger NP2 Air Rifle.
მაგრამ სანამ იყიდი საინტერესოა მისი შედარება ვენთეჯთან სიზუსტეში, რომ მერე იმედგაცრუებული არ დარჩე.

GMT
Welcome

თუ კარგ ოპტიკას აარჩევ უპრობლემოდ გაძლებს და დიდ ხანს ემსახურება შენს ზ.დ.პ-ს

კიდევ 30 მეტრი კი არა, 50 მეტრში ყვავებს ვხსნიდი ჩემი საშუალო ბიუჯეტიანი ზ.დ.პ-თი და ლიპერსის ოპტიკით,

75 მეტრზე ვახვედრებდი ბორჯომის შუშის ბოთლს.

ყველაფერი პრაქტიკაა.

პ.ს რა თქმა უნდა PCP უფრო ზუსტია და მე რომ ეხლა ყიდვას ვაპირებდე რამეს მაგ კლასში ავარჩევდი,
მაგრამ ზ.დ.პ ძაან სპონტანური ტიპია რა, საბარგულში ჩადებ და სადაც კაი ადგილს ნახავ ამოიღებ გაისვრი,
პცპ-ს ცოტა მომზადება უნდა, წინასწარ დატენვა მაინც )

[quote name='GMT' date='Oct 13 2019, 06:23 PM' post='159311']
პირველ რიგში ყველას მოგესალმებით. ახალი ვარ ამ ფორუმზე, რამდენიმე კვირაა ყველანაირ ინფორმაციას ვეძებდი პნევმატურ თოფებზე და შემთხვევით გიპოვეთ
ამ თოფზე Benjamin Summit NP2 /.177 ცალკე თემას ვერ მივაგენი და იმიტომ ვხსნი ახალს.


გაუმარჯოს

მეც ახალი ვარ ამ ფორუმზე და ზუსტად ამ პნევმატურის (Benjamin Summit NP2 .177) ყიდვის შემდეგ აღმოვაჩინე ეს გვერდი და კარგი ხალხი. მხოლოდ ერთს ვიტყვი კარგი გასართობია და საკმაოდ ძლიერია 40-50 მეტრზე სროლაში ვერთობი ხშირად და ძალიან მომწნს, რაც არ მომწონს ისაა რომ სამიზნეს გასწორება ყველა გასვლაზე სჭირდება.