თემის საბეჭდი ვერსია

პოსტის ავტორი: ja_ja Dec 22 2013, 01:43 PM

დიდი მოლოდინის და მონატრების შემდეგ დადგა დრო დავწეროთ და შემდგომ მოწიწებით გადავიკითხოთ თბილ სახლში იმ თბილი დღის შესახებ რომელიც იყო არც თუ ისე შორეულ 15 სექტემბერს. ამ მშვენიერ თბილ სექტემბრის დღეს საქართველოში ჩატარდა მეორე შეჯიბრი პნევმატიური იარაღიდან სროლაში, კერძოდ BR25-ში.





მეორე შეჯიბრი ჩატარდა ჩვენს მიერ მომზადებულ ტერიტორიაზე, სადაც მოწყობილია ჩვენი სასროლი მაგიდა. მაგიდის გამზადებაში თითქმის მთელი ფორუმის ბირთვი იღებდა მონაწილეობას. ასე იყო თუ ისე, დიდი ლოდინისა და ბევრჯერ გადადების შემდეგ მოხერხდა ფინანსების აკუმულირება, წვიმების ციდან მოცილება და შედეგად გავეშურეთ სოფელ ქესალოს მიმდებარე ტერიტორიისკენ.

თავდაპირველად რა თქმა უნდა მუდმივ და უკვე უცვლელ ადგილზე შეკრება - ძალიან-ძალიან დილა უთენია, აი მზე რომ ახალი ამოსულია, ასე შუადღის 10 საათისთვის ...



ხასიათი ყველას მშვენიერი აქვს, შემართებას ვიდეო ჩანაწერში იხილავთ



ყველაფერი დაიწყო სტანდარტულად, გზად ხალხის აყვანა, სურსათ სანოვაგის აკრეფა და შორი გზა ქალაქიდან შორს....





უკვე წესად გვაქვს რუსთაველელებს დაველოდოთ ხოლმე ერთ სტანდარტულ ადგილზე , ისე როდის იქნება რომ დასავლეთის ხალხიც შემოგვიერთდება ხოლმე... KAKA არ ითვლება დასავლელად, პრაქტიკულად აღმოსავლეთში ცხოვრობს , უბრალოდ გვატყუებს ხოლმე სამეგრელოში ვიყავიო





ისევე როგროც წინა წელს, წელსაც შეჯიბრი ჩატარდა ევროპულ ბენჩრესტში BR25, რაც გულისხმობს მსროლელის მიერ 25 სამიზნეში 25 ტყვიის სათითაოდ სროლას. სამიზნეებს გააჩნია თავისი ქულების ზონები და დაგროვილი ქულების მეშვეობით ხდება გამარჯვებულის გამოვლენა, სრული წესები შეგიძლიათ იხილოთ http://www.airgun.ge/forums/index.php?showtopic=2390 (წესები შარშანდელიდან არ შეცვლილა).





წელს ისევე როგორც შარშან არ გვქონდა თოფების მისაყუდებელი მოწყობილობა, ამიტომაც მსროლელების იარაღები ჩვენს ვეებერთელა მაგიდაზე განთავსდნენ, ხოლო სროლას აწარმოებდა მხოლოდ 2 მსროლელი, მაგიდის მარცხენა კუთხიდან.



უნდა აღინიშნოს რომ მიუხედავად იმისა რომ წელს გამოიყენებოდა ბეტონის ჩამოსხმული და საკმაოდ გამყარებული მაგიდა, მაინც მთლიანი კონსტრუქციის გამო პატარა ხარვეზები გადაეცემოდა ერთი მსროლელიდან მეორე მსროლელს. გასათვალისწინებელია ევროპულ ამერიკული გამოცდილება და პერსონალური მაგიდებია გასამზადებელი თითოეული მსროლელისთვის, მაგრამ ეს ჯერჯერობით დიდ თანხებთანაა დაკავშირებული, როგროც ტერიტორიის წინასწარ შეძენით, ასევე მისი მოწყობით და სხვა ტექნიკური პროცესებით, მოკლედ ჯერჯერობით ასეთი ჩანაფიქრი არის, მაგრამ უაზროდ გაკეთება და ფინანსების მობილიზაციის გარეშე არ გამოვა.


შეჯიბრის წინ შედგა გამომსვლელთა სია, ამჯერად არ მომხდარა ბრმა მეთოდით ამორჩევა, არამედ ჯენტლემენური მეთოდით მოხდა ხალხის სიაში ჩაწერა იმის და მიხედვით ვინ მოისურვა პირველი სროლა ვინ მოისურვა სიაში ჩაწერა და იყო საერთოდ უცნაური თხოვნებით, მაგალითად - თუ შეიძლება მე სულ ბოლო ჩამწერეთ სიაში....



სია შედგა და სროლაც დავიწყეთ, ყველა მსროლელს ჰქონდა გამოყოფილი 20 წუთი თავისი სერიის დასასრულებლად. რატომ 20 წუთი და არა სტანდარტული 30 წუთი? იმიტომ რომ შეჯიბრის დღეს ზოგიერთმა ელემენტმა გვიან გაიღვიძა, ზოგს გლუვლულიანიდან თეფშებზე სროლა მოუნდა, ზოგს ჭამა მოუნდა და შედეგად შეჯიბრი დავიწყეთ 14:00 წუთზე, ამასობაში მონაწილეთა რაოდენობა 20-ს აჭარბებდა. ამიტომაც მოგვიწია რაღაც-რაღაც შეზღუდვების შემოტანა.







სტანდარტულად მისროლის დრო ყველას ჰქონდა შეჯიბრის დაწყების დროს, ინსტრუქტაჟი ყველას ცალ-ცალკე ჩაუტარდა და ამის შემდეგ დავიწყეთ თვითონ სროლა





არ ჩაიარა წლევანდელმა შეჯიბრებამ გასაჩივრებების გარეშე, ასე მაგალითად ზემოთ მოყვანილ სურათში (სია და ქულები რომელშიც ჩანს) ვხედავთ რომ 203 და 204 ქულად 3 კაცმა მიაღწია თავიდან კი პირველი დათვლით სამივეს ჰქონდა 203 ქულა. რაც რა თქმა უნდა ვერ გადაიტანა თავდაპირველად norika-მ, შემდეგ აყვა ilariona და ამ კამათ კამათში თითო-თითო ქულა ქე გამოჩიჩქნეს თავიანთ სასარგებლოდ







სხვათა შორის წელს შედარებით კარგი მოსაცდელი ზონა გვქონდა მოწყობილი, ხალხს შეეძლო ნორმალურად დაჯდომა დასვენება, გასაუბრება, თუმცა მსროლელების უკან დასასვენებელი ზონა ხანდახან იმას იწვევდა რომ ხმამაღალი საუბარი მსროლელებს ხელს უშლიდა







ნუ იყო ჩვენი საყვარელი მზარეულის მიერ საოცარი პოზების შექმნაც, იყო მონადირეების გლუვლულიანით სიარულიც.... ისე შემდეგში პირადად ავკრძალავ ნებისმიერ გლუვლულიანის გამოჩენას პნევმო შეჯიბრზე, ვერცერთი ვერ ითბენდა და ყველას დიდი სურვილი ჰქონდა გლუვლულიანიდან გაესროლა შედეგად ბევრი 2 გზად იხლიჩებოდა, ანუ სერიოზულად ესროლა თუ გლუვლულიანიდან თეფშების სროლას გადაყოლოდა





მოკლედ ასე იყო თუ ისე რეალში მაინც კარგად ჩატარდა შეჯიბრი, თუ არ ჩავთვლით თვითმარქვია "ევრეისკი" პრეზიდენტის საქციელს, როდესაც თავისი თოფის გასწორების მიზნით მაგიდას ლამის წიხლები ურტყა და ამით ხელს უშლიდა თავის ჯგუფში გამომსვლელ მონაწილეს





რა თქმა უნდა გამოვლინდა გამარჯვებულებიც და გადაეცათ ჩვენი პრიზებიც, სიმართლე რომ გითხრათ ძალიან მომწონს ჩვენი მედლები და პრიზი, სხვა არცერთ სპორტულ ფორუმზე ამდაგვარი პრიზი და მედალი არ მინახია, როგორც წესი მაღაზიებში ნაყიდი 5 ლარიანი მედლები რიგდება ხოლმე, მაშინ როდესაც ჩვენ ჩვენს სახელობით მედლებს ვიყენებთ, იაფი არ ჯდება, სამაგიეროდ მოგებულისთვის აშკარად აქვს სიამაყის და ღირებულის შეგრძნება

სანამ დაჯილდოებაზე გადავალთ მოდით ჩამოვწეროთ ყველას სია და ვინ რა ქულა აიღო რამდენი X აიღო და რომელ ადგილზე გავიდა. ქვემოთ მოყვანილ ცხრილში მგონი ყველაფერი ჩანს



როგორც ცხრილში ჩანს მესამე და მეოთხე ადგილების მფლობელებმა 204-204 ქულა აიღეს, მაგრამ ნორიკამ 3 X აიღო მაშინ როდესაც ილარიონამ მხოლოდ 2 X აიღო, შედეგად პრიზიორის ბედი X-ებმა განსაზღვრა. და ეს უკვე მესამედ ხდება ჩვენთან როდესაც ქულების დამთხვევა ხდება და X-ების მეშვეობით ხდება შესაძლებელი პრიზიორის გამოვლენა. ასე რომ ნელ-ნელა რთულდება შეჯიბრი რაც რა თქმა უნდა საინტერესოს ხდის შეჯიბრს.

მას ასე დაჯილდოება.... დიდი წამყვანი მე არ ვარ მაგრამ მე მომიწია პრიზიორებისთვის მედლების გადაცემა. ყველაფერი კი იყო აი ასე:



ბოლოს რა თქმა უნდა ეგრეთწოდებული "ბანკეტი". ჩვენ ევროპისკენ კი მივიწევთ, მაგრამ სუფრა ქართული ვიცით შეჯიბრების დროსაც, მართალია შემწვარი გოჭი ბოლოკით პირში არ იყო სუფრაზე, მაგრამ მწვადი, ხაჭაპური და ღვინო ნუ ეს მინიმუმია





რა თქმა უნდა ბოლოს ღამეც შემოგვეპარა, ზოგი დაიღალა, ზოგსაც ეძინებოდა, ზოგიც მხიარულად იყო და .... მოკლედ მოგონებები ბევრი დარჩა, იმედია კეთილი და ლამაზი









ეს რაც შეეხებოდა თვითონ მიმოხილვას, ახლა კი გთავაზობთ თვითონ ნასროლ სამიზნეებს, ზოგს გადახედვა მოუნდება, ზოგს გადამოწმება, მოკლედ რავიცი ვინც როგორ ჩათვლის საჭიროდ.


მაშ ასე პრიზიოპრები:

Okela - Monadire - Norika
https://imageshack.com/i/5mklo3j https://imageshack.com/i/5gode2j https://imageshack.com/i/2of13jj



დანარჩენები:


Irlariona - Dawiti - Dave
https://imageshack.com/i/0chl93j https://imageshack.com/i/mrb7z3j https://imageshack.com/i/0yj5znj


Devil - Beqa - Geogorjika
https://imageshack.com/i/f5hcyoj https://imageshack.com/i/n6um75j https://imageshack.com/i/nmryizj

Davitus - Power_wano - Ja_Ja
https://imageshack.com/i/5mw4xyj https://imageshack.com/i/f2ufbzj https://imageshack.com/i/nlddovj

CZ80 - Bazuka - Lexo
https://imageshack.com/i/jncrwkj https://imageshack.com/i/0cf04uj https://imageshack.com/i/1asc4sj

Soxa - iorama - Marukha
https://imageshack.com/i/5my67mj https://imageshack.com/i/mancwcj https://imageshack.com/i/5i83hcj

Ikaa - irakli
https://imageshack.com/i/jmxizoj https://imageshack.com/i/nskzsdj

ასე მორჩა საკმაოდ თბილი და ლამაზი 15 სექტემბერი. გამოვლინდა მოულოდნელი პრიზიორები, წინა წლის ჩემპიონი საერთოდ ჩაიკარგა და პირველ სამეულშიც კი არ მოხდა, იმიტომ რომ არც თოფს მიხედა, ოპტიკაც დაავიწყდა და ზერელედ ისროლა აქედან მორალი, ბედი უღიმის მხოლოდ მათ ვინც მომზადებულია და შემართებით ეკიდება საქმეს.

ველით მომავალი წლის შეჯიბრებას

პოსტის ავტორი: ilariona Dec 22 2013, 02:07 PM

აი მალადეც იფ იფ იფ ისე მომნატრებია ეს სიტუაცია, რომ ზაფხული მომინდა.

საღოლ ჯაჯინსკი, როგორც ყოველთვის საუკეთესო რეპორტი.

პოსტის ავტორი: geojorjika Dec 22 2013, 03:02 PM

ამას რას ვეღირსეთ

მე-13-ე ვიყავი თურმე. არ გამიკვირდა რატომ ვერ მოვიგეთქო

პოსტის ავტორი: davil Dec 22 2013, 03:41 PM

ძაან კარგი დღის ჯიგრული რეპორტია. კიდევ ერთხელ ვულოცავ გამარჯვებულებს და ყველა მონაწილეს.

ისე ერთი კაი შეკრება არ გვაწყენდა, თუნდაც ზამთრის პირობებში.

პოსტის ავტორი: ilariona Dec 22 2013, 04:21 PM

davil
მერე მივცხოთ ერთი შეჯიბრი შეკრება

ახალი წლების მერე მოჟნა

პოსტის ავტორი: ja_ja Dec 22 2013, 05:03 PM

geojorjika

ჰო რა სულ ეგ გიშლიდა ხელს რა




ბლინ ისე სულ რაცხა ტილიანი 3 თვე გავიდა არადა რა აცივდა მე ამის დედაც!!!! ახლა კიდევ 3 თვე როდის გავა რომ ეგრევე დათბეს.... მარა 3 თვეში არ დათბება ზაფხული მინდა ....

პოსტის ავტორი: okela84 Dec 22 2013, 06:48 PM

სგ ჯაჯა მშვენიერი რეპორტია

პოსტის ავტორი: iorama Dec 22 2013, 06:49 PM

okela84
აი ეხლა კი გილოცავთ ჩემო ბატონო ჩემპიონობას

პოსტის ავტორი: bazuka Dec 22 2013, 07:57 PM

აუუუუ, ეს რა გამახსენე, გავიგუდეე
თან რომ ვერ ვაჩერებდით :

პოსტის ავტორი: Dave Dec 22 2013, 08:44 PM

ვაჩერებდითო ?! რო ვუთხარი ხელს ნუ მიშლი მეთქი, ისეთი სახით შემომხედა რამის ჩემი ქულებიც მაგას მივაწერე

პოსტის ავტორი: okela84 Dec 22 2013, 09:01 PM

ilariona
მაგარი თოფია ძმაო, გახსოვს ყიდვისას მე რო გკითხე სტაბილურად როგორ ჯგუფებს აკეთებსთქო და შენ მითხარი 25 მმ-ო. ვიფიქრე უეჭველი აზვიადებსთქო, არადა სტაბილურად კი არა თითქმის არც გაურბის 25-ს თუ ნორმალური ამინდია. იდიალურ ამინდში და კარგი ოპტიკით 20-საც გააკეთებს სტაბილურად მოკლედ მაგარი თოფია და დიდი მადლობა შენ კიდევ ერთხელ

პოსტის ავტორი: beqa Dec 22 2013, 09:03 PM

მშვენიერი ჯაჯა ბიძია მშვენიერი,

აქამდე რომ არ დადე ისე კარგია, ამ სიცივეში არ სჯობია ზაფხულის გახსენება, რა სროლა, რა ქეიფი, იფიფიფ

პოსტის ავტორი: gregory Dec 22 2013, 09:30 PM

okela84
გილოცავ უპეტენდენტო ჩემპიონობას! ძძძააან მაგარია
პრიზიორბსაც ვულოცავ დამსახურებილ 2-3 ადგილებს

პოსტის ავტორი: ilo Dec 22 2013, 09:36 PM

დიდი მადლობა ჯაჯა შესანიშნავი რეპორტისთვის.

მიზანში სროლის დროს მსროლელის და თოფის გარდა კიდევ 2 მნიშვნელოვანი ფაქტორია ოპტიკა და ტყვიები.

ყველაფერი უფრო ნათელი რომ იყოს. ცოტა ანალიზი რომ გავაკეთოთ და დასკვნები გამოვიტანოთ თოფების შესაძლებობებზე კარგი იქნებოდა მონაწილეებს რომ დაეწერათ ვინ რა ოპტიკით და რამდენი ზუმით ისროდა.

ტყვიებიც საინტერესოა, მაგრამ არა აუცილებელი, ნუ ეგ ვიცით რომელი ტყვეიბიცაა უკეთესი მიზანში სასროლად. თუმცა ვისაც სურვილი აქვს კარგი იქნებოდა რომ დაწეროს.

პოსტის ავტორი: okela84 Dec 22 2013, 09:47 PM

gregory

მადლობა გრიგოლ. ისე ძაან გამიკვირდა შენ რომ არ იყავი

პოსტის ავტორი: ja_ja Dec 22 2013, 09:53 PM

ilo

ცოტა რომ არ დაიზარო და ნასროლ ქაღალდებს გადახედო თოფი და ოპტიკა ზედ წერია ნუ მოდელი არა, მაგრამ ჯერადობა აშკარად წერია.


არანაირად არ არის საინტერესო, ყველა თოფს თავისი ტყვია მოსწონს, მილიონჯერ დადასტურებული ფაქტია. საერთო მოხმარების პონტზე კი უნდა გამოიყენო ან კარდონის ყუთში არსებული Crosman Premier-ები 10.5 გრანიანი, ან JSB 10.2, მაგრამ ეს არის ზერელე დასაწყისი წერტილი და არა აქსიომა. ყველა თოფს თავისი ტყვია უნდა, მაგალითად მოკალი და ჩემი მარადიორი CP-ს გარდა არაფერს ისვრის ნორმალურად, ჩატენი ვითომ სანაქებო JSB-ს და 10 სანტიემტრში ვერ სვავ ტყვიებს როდესაც Cp-თი 15-20 მილიმეტრში ჯდება, შტეერს კიდევ რაც გინდა მიეცი ფეხებზე ჰკიდია, მოიტა JSB და დანარჩენი მახატიაო, ასე რომ უაზრობაა ტყვიებზე აქცენტირება რომ ის ამ ტყვიას ისროდა და ეს ამ ტყვიას, უფრო დაგაბნევს, კონკრეტულად შენი მოდელისა და ლულისთვის ექსპერიმენტების და ვარჯიშის მეთოდით უნდა შეირჩეს რომელი ტყვია ვარგა და რომელი არა,

პოსტის ავტორი: ilo Dec 22 2013, 10:20 PM

4-16 და 10-40 არფრის მომცემი ინფორმაციებია,

სავარაუდოდ 50 მეტრზე ყველა შეეცდებოდა ესროლა მაქსიმალური ზუმით დაბინდვის გარეშე,

ის არის საინტერესო კონკრეტული მოდელის მაქსიმალური ზუმი რა არის დაბინდვის გარეშე.

უბრალოდ დამატებით ძალიან კარგი ინფო იქნებოდა ეგ.

პოსტის ავტორი: cz80 Dec 22 2013, 10:27 PM

ვაახ ჯაჯინსკი რეპორტი გამოცხვაა?
საღოლ, კაკ ვსეგდა მუაგაარ

პოსტის ავტორი: iorama Dec 22 2013, 10:42 PM

ja_ja
ორჯელ ჩემი სურათი მაგარია

იპოვეთ ათი განსხვავებაა?

პოსტის ავტორი: bazuka Dec 22 2013, 10:51 PM

iorama
მეორეში შამფურები გაქვს მოტეხილი

პოსტის ავტორი: iorama Dec 22 2013, 10:55 PM

არაააა მეორეში მწვანე პაკეტში წვენს აკლია და ხეზე ზის კატა

პოსტის ავტორი: ja_ja Dec 22 2013, 11:08 PM

ilo

მაგალითად რა ინფოს მოგცემს ის რომ ვთქვათ ვისროდი Vector Optics 8-32x56-ით??? არსად არ იწერება მსოფლიოს არცერთ დოკუმენტში თუ კონკრეტულად რა ჯერადობას იყენებდა ესა თუ ის მსროლელი...

შენ ახლა გინდა რაცხა ინფორმაციები მოიძიო, ჩქარა და უცებ გამოიყვანო წარმატების ფორმულა... ბაზარი არაა მშვენიერი სურვილია, მაგრამ ადგილი საიდანაც გინდა ამოიღო ეგ ინფორმაცია არასწორად გაქვს ამორჩეული. მაგალითისთვის იმ დღეს ბევრი ისროდა შედარებით არაიაფიანი 10-40 ჯერადობის ოპტიკებიდან, და გარწმუნებ 30-ზე დაბლა ჯერადობა არცერთს არ გამოუყენებია, მაგრამ მოიგო შეჯიბრი 4-16-იანი ჯერადობის მქონე მსროლელმა.

რა ინფორმაციას გვაწვდის ეს?

1) იმას რომ 10-40 ჯერადობა ქარია
2) 4-16 -ზე მეტი საჭირო არაა თუ მედლის აღება გინდა
3) კაცმა არ იცის რს ნიშნავს
4) ძვირიანი არ უნდა იყოდო თუ იაფიანიც ქაჩავს
5) და ასე შემდეგ....

არასწორი მიდგომაა.... ოპტიკა მე პირადად მაქვს 1500$-იანი, უბრალოდ შეჯიბრის დღეს სახლში დამრჩა, მაგრამ რომც მქონოდა მაინც ვერაფერს ვიზამდი, იმიტომ რომ წინა დღეებში სხვა ოხრად საქმეები მქონდა და ლულის გაწმენდაც კი ვერ მოვასწარი, შედეგად შარშან რომ პირველ ადგილზე გავედი, წელს მოუცლელობის გამო მე-12 ადგილზე გავედი და არა ოპტიკის გამო არამედ ჭუჭყის გამო.

საიდან ვიცი ეეს? იქედან რომ 2 კვირის შემდეგ იგივე ადგილზე ვიყავით, იგივე თოფი წავიღე და იგივე დისტანციაზე ვისროდი, იგივე ქაქი შედეგი მივიღე, ოღონდ მოგვიანებით დავაძრე შომპოლი ჩოთქები და კაი 20 წუთი ლულას ვწმინდავდი, ავაწყვე თოფი მიივადექი და დირკა დირკაში წავიდა ტყვიები... რისი ბრალია ახლა იმის რომ 20 ჯერადობაზე მქონდა 50-ზე თუ იმის რომ ჭუჭყიანი ლულა იყო.

საკმაოდ არასწორად უდგები გამარჯვების პრინციპს, იმიტომ რომ ცალკე აღებული არცერთი პუნქტი არაფერს არ მოგცემს, ცალკე არც თოფი ვარგა, არც ოპტიკა, არც სკამი, არც სასროლი მეშოკი, არც მსროლელი და არც ტყვიები, მაგრამ საკმარისია ყველა კომპონენტი აეწყოს რომ უკვე ოოოო

ასე რომ ოპტიკის გაგების სურვილი კაია, მაგრამ როგორც გითხარი, ეგ აქ არ უნდა იყოს განხილული, არის, ოპტიკების მიმოხილვის თემები, უნდა შეხვიდე იქ გადაიკითხო, მერე განსაზღვრო ბიუჯეტი, რისთვის გინდა, რას მოითხოვ ოპტიკისგან და მრავალ თვიანი ძებნის შემდეგ და შეიძLება რამდენიმე ეგზემპლარის ყიდვა გაყიდვის შემდეგ მიაგნო იმ ერთადერთს და რჩეულს რომელსაც რეალურად გამოიყენებ და გასიამოვნებს.

ხოლო თუ მაინც არ მეთანხმები მაშინ იდეალური პასუხი მაქვს შენთვითონ უნდა დაესწრო ხოლმე ეგეთ ღონისძIებებს და ადგილზე შეისწავლო როგორც სხვისი თოფი, ასევე სროლის მანერა, ოპტიკა, ხელში უნდა აიღო ესა თუ ის თოფი, გამოკითხო ყველა მსროლელი შენთვის საინტერესო კითხვებით და დღის ბოლოს გავსებული ხურჯინით დაბრუნდები სახლში, ოღონდ ეგ ხურჯინი შენს თავში იქნება და ფინანსური გამოხატულება მის ფასს არ ექნება, მაგრამ თუ სწორად დაალაგებ და გადახარშავ ფინანსური სარგებელიც ექნება ინფორმაციულიც და.... ნუ მოკლედ 1000-ჯერ გაგონილს და წაკითხულს ერთხელ ნანახი ჯობიაო

iorama

გაფიცებ სად ნახე შენი სურათი ორჯერ?

პოსტის ავტორი: ilo Dec 22 2013, 11:19 PM

ja_ja

რადგან მაგის შესაძლებლობა არ მაქვს ჩემპიონატს დავესწრო ფორუმის ინფოს ვჯერდები, თუმცა ვნახოთ შესაძლებელია მომავალში მეც შემოგიერთდეთ

პოსტის ავტორი: iorama Dec 22 2013, 11:20 PM

ეეხლააა ეგეთები არ იყოოოსსსს
ვიში გამამცვალე ჯაჯა, ვიში?

პოსტის ავტორი: ja_ja Dec 22 2013, 11:34 PM

ilo

და რატო რა პრობლემაა?

iorama

რა არ მოგწონს გაღიმებულ "ევრეიში"

თან რავა იჭყიტება რავა აბრიალებს თვალებს

პოსტის ავტორი: monadire. Dec 22 2013, 11:35 PM

თეთრი წვერი და ულვაში გინდა ჯაჯინსკი და თოვლის ბაბუა ხარ რა! აბა, ამ საახალწლო საჩუქარს რა დავარქვა არ ვიცი, პადლაი ბუდუ! ისე, რაღა დაგიმალოთ და ცოოოტა დიდ&ვრცელ რეპორტს ველოდებოდი. რა გავაკეთო, მივეჩვიე ეტყობა ჯაჯასგან და.... გენაცვალეთ ყველას, მაგარი დღე იყო! P.S იორამ, მეორე სურათში ერთით ნაკლები შამფური გიჭირავს!

პოსტის ავტორი: ilo Dec 23 2013, 12:14 AM

ბათუმში ვცხოვრობ და პირადი საქმეების გამო თავისუფალი დრო სულ უფრო ნაკლები მაქვს ამ ბოლო დროს ...

თუმცა ეს აქ განსახილველი საკითხი არ არის.

პოსტის ავტორი: ikaaa Dec 23 2013, 04:06 PM

დაუვიწყარი დღე იყო და წინ კიდევ ბევრი ასეთი დღე გველოდება

ერთი გამოთბეს ცოტა

პოსტის ავტორი: norica_dragon Dec 23 2013, 09:42 PM

ეეე ბიჯო გამიხარდა მეთქი შეჯიბრიათქო, ეს როდინდელი თემაა მოკლე კლავიანებით ვარ და მსუქანი ვარ კიდე, მაგის მერე 13 კილო დავიკელი

ჯგუფებში შეჯიბრი არ მოვაწყოთ?

პოსტის ავტორი: ilariona Dec 24 2013, 12:26 AM

norica_dragon
მოვაწყოთ შენ ხომ იდეების გენერატორი ხარ

პოსტის ავტორი: norica_dragon Dec 25 2013, 08:55 AM

ჰოდა როდის?? ვატრაკებ ეხლა მე 31 მდე ვმუშაობს 10 დან 10 მდე ;D