გამარჯობა, სტუმარო ( შესვლა | რეგისტრაცია )

 
მიმდინარე თემაში პასუხის გაცემაახალი თემის დაწყება
> ფიტულების დამზადება, როგორ დავამზადოთ ფიტულები
ხ.მ.ე.ლ.ო
პოსტი Feb 24 2013, 10:43 AM
პოსტი #1


ზუსტი მსროლელი
****

ჯგუფი: Members
პოსტები: 1,361
რეგისტრ.: 10-April 11
ნიკის ჩასმა
ციტირება
მდებარეობა: თბილისი
წევრი №: 1,257
ქალაქი:თბილისი



მოკლედ, თემას გავხსნი ამ განყოფილებაში, რადგან უფრო მომსახურებასაც შეესაბამება და თან ზემოთ აღნიშნული განყოფილება ცარიელია და ცოდოა მარტოობისთვის biggrin.gif biggrin.gif
მოდერი თუ საჭიროდ ჩათვლის, თემა გადაიტანოს შესაბამის განყოფილებაში.
დავიწყებ იმით, რომ ყველამ რაღაცა-საიდანღაც, რომელიღაც წყაროდან ვიცით, არ ვიცი, შეიძლება ბევრს ნანახიც აქვს "ფიტულის დამზადების" ის წესები, რომლის დაწერასაც მე ვაპირებ, მაგრამ ბევრმა არ იცის და ასე ვთქვათ "მუღამი" აქვს რომ დაამზადოს, თუნდაც ეს დიდი წვალების ფასად დაუჯდეს.
მოკლედ, მე დავწერ მთავარს და პლაგიატობაში რომ არ ჩაგვეთვალოს იმასაც დავაყოლებ თან, რომ მოცემული წყარო მოძიებულ იქნა საიტიდან
PROTECTED LINKS CAUTION: REGISTER / LOGIN first, to view this links.
ბევრი ჩვენებური აირგანელი ამ საიტზეც კი არის დარეგისტრირებული. smile.gif


ფიტულების დამზადება

ბეწვიანი ნადირის ტყავის დამუშავება და ნანადირევის ნაწილებად დაყოფა

ბეწვიანი ნადირის გასატყავებლად საჭიროა ზოგიერთი წინასწარი სამზადისი. მაგალითად, სისიხლის ლაქები და ჭუჭყი, რომელიც აქვს ტყავს, უნდა მოაცილოთ სველი ჩვარით, ცხიმოვანი ლაქები-სკიპიდარით ან ბენზინით და ბეწვი ამ ადგილზე გააშროთ მშრალი წვრილი ნახერხით. პირდაპირი ნაწლავიდან უნდა გამოიღოთ განავალი, ხოლო შარდის ბუშტიდან - შარდი.
ტყავი დიდი სიფრთხილით უნდა გაიხადოს, არ გაგეჭრათ გლემურძი. არ შეიძლება აგრეთვე გლემურძის სისხლის ჩანაქცევების ან ლაქების დატოვება. გლემურძს კარგად უნდა გაეცალოს ქონი კუდიდან და თათებიდანგამოეცალოს წვრილი ძაფიც კი.
ტყავს ხდიან ერთ-ერთი ქვემოთმოყვანილი წესით.

პირველი წესი - მილისებური გახდა- იმაში მდგომარეობს, რომ ტყავს ხდიან მილის მსგავსად გავიდან თავისაკენ. ამისათვის ტყავს ჭრიან უკანა ფეხების თათებიდან შიგა გვერდით უკანა ტანის გასავლამდე და აქედან იწყებენ ტყავის გახდას. გარდა ამისა, საჭიროა კუდის ქვედა ნაწილში ბოლომდე გაკეთდეს ჭრილი და აგრეთვე შემოიჭრას წინა ფეხები თათებიდან ნიდაყვამდე.
მეორე წესია გატყავება წინდისებურად. ამ შემთხვევაში ტყავზე არავითარ გაჭრას არ წაწარმოებენ. მხოლოდ ლაფშებს ჩამოაჭრიან და დააცილებენ მათ ღრძილებს. შემდეგ იწყებენ ტყავის გახდას ცხოველის თავიდან გავისაკენ.
მესამე წესია გატყავება ნოხისებურად. ამისათვის ქვედა ყბაზე ტუჩის შუა ნაწილიდან იწყებენ ტყავის გაჭრას ყელის შუა ხაზზე და შემდეგ კი მკერდზე, მუცელზე და კუდის ქვედა პირზე. მერე ჭრილი გაკეთდება უკანა თათებიდან უკანა ტანის გასასვლელისაკენ და ბოლოს უკანასკნელი ჭრილი იქნება წინა თათებიდან ნიდაყვების გასწვრივ იღლიების გავლით, სანამ არ შეურთდება მკერდზე გაკეთებულ ჭრილს. ამის შემდეგ ტყავს ხდიან ნოხისებურად.
ცხიმის გაცლა. გახდილ ტყავს კარგად უნდა გასცილდეს ცხიმი, ვინაიდან ტყავზე დარჩენილი ქონი აფუჭებს ბეწვს და ამცირებს მის ღირებულებას.
ცხიმს აცლიან სპეციალური საფხეკით, ბოლოდან თავისაკენ. ცხიმი ჯერ უნდა გაეცალოს ზურგის (ხერხემლის) ნაწილს, შემდეგ გვერდებს, გავასა და კიდურებს. ცხიმის გაცლა ყველაზე უფრო მოსახერხებელია, როდესაც ტყავი წამოცმულია (ბეწვით შიგნითკენ) სათანადო ზომის ხის ჩოტზე.
ბეწვის ცხიმით დასვრის შემთხვევაში აუცილებელია ტყავის გაწმენდა ბეწვეულის საფარის მხრივ; ამისათვის მას უნდა წაუსვათ მშრალი თბილი ნახერხი.
ტყავის გაშრობა. ცხიმის გაცლის შემდეგ აუცილებელია ტყავის ჩამოცმა სამართზე. ეს ტყავს მისცემს სწორ სტანდარტულ ფორმას და ხელს შეუწყობს მის ნორმალურ გახმობას.
სამართს თვით მონადირეც აკეტებს. ამისათვის უნდა აიღოთ მოქნილი ორკაპიანი ტოტი, მოჭრათ იგი ტოტების გაორების ახლოს და დატოვოთ ორივე გრძელი ტოტი.
ორივე ტოტს მოუჭირეთ ხელი და სამართი მეორე ბოლოდან ჩასვით ტყავის გავის ნაწილში, ბეწვეულის შიგნით, და ასე შეიყვანეთ იგი ტყავში ბოლომდე (თავამდე). უკანა ფეხები მიაბით ორკაპის ბოლოებს და ჩამოკიდეთ იგი მშრალ, საქარე, ჩრდილოვან ადგილზე, სადაც ტემპერატურა იქნება 15-30 გრადუსი.
ტყავის გაშრობა დაუშვებელია ღუმელის ახლოს ან მზეზე.
თუ თქვენი სურვილია რომ ტყავი გქონდეთ ბეწვით გარეთ, მაშინ იგი უნდა მოიხსნას სამართიდან (ტყავიდან უნდა გამოიღოთ სამართი ჯერ კიდევ საბოლოოდ გაშრობამდე) და გადაბრუნდეს, რის შემდეგაც ტყავი ცხვირით ჩამოიკიდება საბოლოოდ გასაშრობად.
როდესაც ტყავი გაშრება, ბეწვი უნდა გაიწმინდოს ცხიმის ლაქებისაგან თბილი ნახერხით; წვრილი ჯოხით გაიბერტყოს ნახერხი, შემდეგ კი დაივარცხნოს ბეწვი და ჩამოიკიდოს მშრალ ადგილზე ცხვირით.
ჩლიქოსანთა ცხოველების გატყავება. ჩლიქოსანი ნადირის (ირემი, შველი, ღორი, ჯიხვი და სხვ.) მოპოვებისთანავე უნდა შეუდგეთ მის გატყავებას, ამისათვის უნდა აირჩიოთ მცირე, მაგრამ სწორი მოედანი, იქ დააფინოთ ახლად მოსხეპილი ტოტები და ზედ ზურგით დაადოთ ნადირი.
აიღეთ მჭრელი დანა და ჭლიქოსნებთან წინა და უკანა ფეხებზე შემოსჭერით ტყავი. ახლა უკანა ფეხებთან გაკეთებულ ჭრილთან გასერეთ ტყავის კოჭისაკენ უკანა ტანის გასვლამდე. ასევე წინა ფეხებზე გასერეთ ტყავი ნიდაყვის სახსრამდე და შემდეგ მკერდის შუაგულამდე.
გააკეთებთ რა ამ ჭრილებს, დაიწყეთ ტყავის გაჭრა პირადიპი ხაზით კისრის შუა ნაწილიდან მკერდზე და მუცელზე უკანა ტანის გასვლამდე.
თუ ნადირი რქოსანია (ირემი, შველი, ჯიხვი, არჩვი), ტყავი დამატებით უნდა გაიჭრას კისრის შუა ნაწილის დასაწყისიდან ყურის გავლით ერთ-ერთ რქამდე. შემდეგ შემოიჭრას ამ რქის ძირი, გაიჭრას ტყავი, მერე კი ასევე შემოიჭრას რქაზე.
ახლა კი ხან დანით და, ხან თითებით შეიძლება მხეცის თავიდან მთელი ტყავის გახდა.
გატყავება ყველაზე უკეთესია დაიწყოს თავიდან და ფეხებიდან, შემდეგ კი გვერდებზე და ზურგზე.
გააცილეთ გლემურძს ხორცის ნაწილაკები, ქონი და ძარღვები; დასდეთ ტყავი ბეწვით ძირს და ბლომად დააყარეთ მშრალი მარილი. შემდეგ შეახვიეთ ტყავი კონვერტის მსგავსად, შიგ ჩაატანეთ თავი და ფეხები. ასეთ მდგომარეობაში ტყავი უნდა დარჩეს 6-7 დღეს. რის შემდეგ შეიძლება მისი გაშრობა.
ნანადირევის ნაწილებად დაყოფა. გატყავების შემდეგ ნადირი უნდა გამოიშიგნოს იქვე, ტყავზე. ამისათვის საჭიროა გაიჭრას მკერდი და მუცელი.
უპირველეს ყოვლისა, ნადირს უნდა გამოეცალოს კუჭი და ნაწლავები, შემდეგ კი ფილტვები, გული და ღვიძლი.
ამის შემდეგ შეიძლება შეუდგეთ ნადირის მთელი მთელი სხეულის დაყოფას ნაწილებად.
ჯერ მოაჭერით თავი და ფეხები (სახსრებში). ღორისა და ირმის სხეულს ანაწილებენ ნაჯახით. აუცილებელია მათი ხერხემლის გასწვრივ შუაზე, მარჯვენა და მარცხენა ნახევრებად გაჭრა. თითოეული ნახევარი შეიძლება შემდეგ დანაწილდეს უკანასკნელი და უკანასკნელის წინა ნეკნის შორის წინა და უკანა მეოთხედებად, ანუ ბარკლად და ბეჭად.
სურვილის მიხედვით ოთხფეხი ნადირის ხორცს ამარილებენ შემდეგნაირად: გატყავებულ სხეულს გაჭრიან მცირე ნაწილებად, ყველა მსხვილ ძვალზე მდებარე ხორცში გააკეთებენ დამატებით ჭრილებს. შემდეგ მთელ ხორცს სქლად წაუსვამენ წათხს (კალიუმის გვარჯილას 1 წილზე 100 წილი სუფთა სუფრის მარილი) და მჭიდროდ ჩააწყობენ სუფთა, მდუღარე გამოვლებულ კასრში.
კასრის ძირზე წინასწარ ყრიან სანტიმეტრის სისქე მარილის ფენას. ხორცის ერთი ფენის ჩაწყობის შემდეგ კვლავ ეყრება მარილის სქელი ფენა და ასე განმეორდება ყველა ფენის ჩაწყობისას. ბოლოს ხორცს ზემოდან უნდა დაედვას ფიცრის სათანადო სიმრგვალის სახურავი, და ზემოდან კი რაიმე მძიმე საგანი.
მე-2 და მე - 3 დღეს, როდესაც ხორცი დაიტკეპნება, მას უნდა დაესხას მაგარი წათხი (220 გრამი მარილი ლიტრ წყალზე).
ამის შემდეგ კასრი შეიძლება დაიხუროს და დამარილებული ხორცი დარჩეს მასში 20 დღე-ღამეს გრილ ადგილზე.




როგორ დავამზადოთ ცხოველთა ფიტულები

თითოეული მონადირე რომელიც მისდევს ამ უაღრესად საინტერესო და აზარტულ სპორტის სახეობას , უნდა იყოს ამავდროულად ნატურალისტიც, ბუნების მოყვარულიც. ნადირობის დროს მონადირე უფრო მეტად, ვიდრე სხვა მოქალაქე, ხვდება ცხოველთა სამყაროს სხვადასხვა წარმომადგენელს.
ფრინველთა და ცხოველთა ფიტულების გაკეთება მეტად საინტერესოა, აქ წარმოგიდგენთ ფიტულების დამზადების წესებს და საშუალებებს.



ფრინველის ტყავის შემზადება გასახდელად

მოპოვებული ფრინველის ტყავის გახდა შეიძლება როგორც ნადირობის დროს დასვენებაზე, ასევე შინ. ყოველ შემთხვევაში ერთი რამე უნდა გვახსოვდეს: ტყავი უნდა გახადოთ მანამდე, სანამ მოკლულ ფრინველს აღმოაჩნდებოდეს გახრწნის პირველი ნიშნები.. ეს ნიშნები უპირველეს ყოვლისა, მოკლულ ფრინველს მუცელზე გამოაჩნდება: მუცელი გაიბერება, გამოსცემს მყრალ სუნს, მუცლის ტყავი ფერს იცვლის - ჩალურჯდება, რის შემდეგაც ბუმბულზედ აღარ ჩერდება და ადვილად სცვივა. ფრინველის ასეთი სხეული გასატყავებლად უკვე აღარ ვარგა და ამისთვის დროის დაკარგვა ზედმეტია.
როდესაც დარწმუნედებით, რომ ფრინველი გამოსადეგია დასამუშავებლად, კარგად დაათვალიერეთ: ხომ არ არის დასვრილი ტალახით, ან ხომ არა აქვს სადმე მოცხებული სისხლი. თუ ასეთი რაიმე შეამჩნიოთ, გაასუფთავეთ იგი. ამისათვის აიღეთ პატარა ჭურჭელი, ჩაასხით შიგ წყალი, დაასველეთ ბამბა და ფრთხილად გაუსვით იგი სისხლის წვეთებზე ბუმბულის მიმართულებით. ბამბა უნდა გაწუროთ, კვლავ დაასველოთ და ეს ოპერაცია უნდა განაგრძოთ მანამდე, სანამ ბუმბულს არ მოსცილდება სისხლის ნიშნები. ამის შემდეგ ბუმბული უნდა გაშრეს შემდეგნაირად: აიღეთ სუფთა ჰიგროსკოპული ბამბა ან საშრობი ქაღალდი და მაგრად დააწევით სველ ბუმბულს. ეცადეთ, რომ ეს გაიმეოროთ რამდენჯერმე და მოაცილოთ იქ დარჩენილი სითხე. შემდეგ ამ ადგილზე მოაყარეთ თაბაშირი ან კარტოფილის ფქვილი და ფუნჯით მოაცილეთ დასველებული თაბაშირი ან ფქვილი. რამდენჯერმე გაიმეორეთ ეს ოპერაცია, სანამ ბუმბული მთლიანად სრულიად არ გაშრება და არ მიიღებს თავის ბუნებრივ სახეს.
აიღეთ სანტიმეტრი, გაზომეთ ფრინველის ტანის მოცულობა ყველაზე დიდ ადგილას (მკერდის არეში) და ჩაწერეთ ეს ზომა. ამის შემდეგ შეიძლება შეუდგეთ გატყავებას.




ფრინველის ტყავის გახდა

ტყავის გახდისათვის საჭიროა შემდეგი ხელსაწყოები: მჭრელი ნეშტარი (ლანცეტი), ქირურგიული მაკრატელი და პინცეტი (მათი შეძენა შეიძლება სააფთიაქო მაღაზიებში), ერთი პარკი კარტოფილის ფქვილი, უბრალო ბამბა ან ძენძი, თაბაშირი, დარიშხანის ნატრიუმი, საკვნეტელა, მრგვალტუჩა, სანტიმეტრი და ფუნჯი.
მოკლული ფრინველის ნესტოებში უნდა გაატაროთ ნემსით ძაფი და შეკრათ ნისკარტი. ძაფის ბოლოებში დატოვოთ 10-15 სანტიმეტრი თავისუფალი ძაფი ფრინველის სიდიდესთან შეფარდებით. სანამ ნისკარტს შეუკრავდეთ, ფრინველის პირსა და ნესტოებში უნდა ჩადოთ დახვეული ბამბის პატარა ნაჭრები. ეს იმიტომაა საჭირო, რომ მუშაობის დროს პირიდან და ნესტოებიდან გამონადენმა სისხლმა არ დასვაროს ფრინველის ბუმბული.
ასეთი მომზადების შემდეგ ფრინველის დადეთ ზურგზე ბოლოთი თქვენსკენ, მუცლის ბუმბული გადაყავით შუაზე და ნეშტარით ფრთხილად გაჭერით ტყავი ზევიდან ქვევით, მკერდის ძვლიდან უკანა ტანის გასავლამდე, ამასთან ეცადეთ, რომ არ გაგეჭრათ მუცლის თხელი აპკი, წინააღმდეგ შემთხვევაში გამოცვივა შიგნეული და გაძნელდება შემდგომი მუშაობა. ჭრილობა ისეთი სიგრძით უნდა გაკეთდეს, რომ იქედან გამოეტიოს მთელი ფრინველის სხეული. მაგალითად, მწყრის მუცელზე ჭრილობა სიგძით 3-5 სანტიმეტრი უნდა იყოს, ხოხბის მუცელზე 10-12 სანტიმეტრი და ა.შ.
ჩაეჭიდეთ გაჭრილი ტყავის მარცხენა ნაპირს პინცეტით ან ფრჩხილებით და გააცილეთ იგი ხორცს ჯერ ნეშტარით, ხოლო შემდეგ მისი ბრტყელი სახელურის ან თითებით და ტყავი გახადეთ მანამ, სანამ არ მიხვალთ წვივის სახსრამდე.
ახლა მარცხენა ხელით აიღეთ ფრინველის ფეხი, დააწევით მას, ეცადეთ გაატაროთ წვივი გაჭრილ არეში, შეაჭერით მყესის სახსარი და ფეხიც ადცვილად გავა ჭრილში. ფრთხილად ჩაჭერით წვივთან და ეცადეთ არ გაჭრათ ტყავი. დააშორეთ წვივი ბარკალს და თითებით თანდათან დააცილეთ ერთმანეთს კუნთები და ტყავი. ამგვარად მიხვალთ მუხლამდე, სადაც ფრინველების უმრავლესობას უმთავრდება ბუმბულის ნაწილი. შემდეგ გადაკვეთეთ ყველა მყესი და წვივის ძვლიდან მოაცილეთ კუნთები, ფეხის ძვალი კი უკან ჩადეთ იმ ტყავში, რომელიც ამ ფეხზე იყო შემოკრული. ამ ადგილას დააყარეთ კარტოფილის ფქვილი, რომ ბუმბული არ დაისვაროს. ახლა გადადით ჭრილის მარჯვენა მხარეზე და ამავე წესით გაანთავისუფლეთ იგი ხორცისაგან, ასევე გაანთავისუფლეთ მარჯვენა წვივიც.
როცა გაანთავისუფლებთ ორივე ფეხს წვივებითურთ ფრინველის სხეულიდან და გაწმენდთ მათ, დააყენეთ ფრინველი ვერტიკალურად მაგიდაზე ბოლოთი ზევით, ასწიეთ ბოლო ზურგისაკენ, გადასწიეთ გვერდზე კუდის ქვეშ მყოფი ბუმბული უკანა გასავლის გარშემო, გაჭერით სწორი ნაწლავი უკანა გასავალთან და ფრთხილად გადაჭერით ხელხემალი კუდის ძირში. ხელრხემლის გადაჭრის დროს შესაძლებელია იქედან სითხე წამოვიდეს. ამ შემთხვივისთვის სასწრაფოდ დაუცეთ სწორ ნაწლავს ბამბა და დააყარეთ მას თაბაშირი.
ჩაჭრით რა ხერხემლის ბოლო მალებს, დაიწყეთ ტყავის გახდა ზურგიდან, მოაცილეთ იგი ხორცს თითებით და, სადაც აუცილებელია ნეშტარით. აწარმოეთ ტყავის გაცლა ხან ზურგიდან და, ხან მკერდიდან. მიხვალთ ფრთებამდე, რომლებიც გადაჭერით ზურგიდან მხრის შეერთებასთან და განაგრძეთ ტყავის გახდა კისრიდან.
როდესაც თავთან მიხვალთ, ფრთხილად გადმოაბრუნეთ ტყავი ისე, რომ არსად არ გაჭრათ ან არ გახიოთ.
თქვენ აქ ნახავთ, რომ ტყავი მიკრულია თავის ქალაზე ყურის თხელი აპკით. ფრთხილად მოკიდეთ მას პინცეტი, დაახვიეთ მასზე აპკი და ისე გამოიღეთ იგი ყურის ღრუდან. აპკი არ გაჭრათ, ვინაიდან იგი შემდეგ გაფართოვდება და დიდ ხვრელს გააკეთებს, რაც ფიტულს სილამაზეს დაუკარგავს.
დაასრულებთ რა ამ ოპერაციას ორივე ყურზე, მიადგებით თვალებს. აქაც დიდი სიფრთხილეა საჭირო, რომ არ გაიჭრას თვალის ქუთუთო. ამისათვის აუცილებელია, რაც შეიძლება თვალისკენ ღრმად ჩაჭრათ ქუთუთოს აპკი. შემდეგ ტყავის გაძრობას განაგრძობთ ნისკარტის ძირამდე და აქ ამთავრებთ მას.
შემდეგ თავიდან უნდა მოაცილოთ გატყავებული სხეული, რისთვისაც მაკრატლით მოაჭრით კისერს პირველივე კისრის მალასთან თავის ქალის დასაწყისშივე.
გაასუფთავეთ თავის ქალა ხორცისაგან, თვალებისაგან, ენისაგან და შეუდექით ტვინის ამოღებას. ამისათვის საჭიროა გააფართოვოთ თავის ქალის კეფის ნაპრალი მის ქვედა ნაწილში და ამ ნაპრალიდან ამოიღოთ მთელი ტვინი რაიმე ბრტყელი საგნით ან თქვენს მიერ გაკეთებული პატარა მავთულისაგან ერთი ბოლოდან გაფართოების საშუალებით.
როცა ამ ოპერაციას დაამთავრებთ, გადადით ხორცისაგან ფრთების გაწმენდაზე. აიღეთ მარცხენა ხელში ფრთის მხრის ძვლის ბურთისებური ბოლო და ზოგან ნეშტრით და, ზოგან ხელით გახადეთ მას ტყავი როგორც ხელთათმანი. როდესაც მიხვალთ ნიდაყვის სახსართან, ფრთხილად მოაცილეთ საქნევი ბუმბულების საფუძვლები, რომლებიც მიმაგრებულია წინამხრის ძვლებზე, და განაგრძეთ ტყავის გახდა ამ ძვლების ბოლომდე, ამასთანავე ეცადეთ არ გაჭრათ ან არ გახიოთ იგი.
ახლა კი მოჭერით და მოფხიკეთ მთელი ხორცი წინამხრისა და ბეჭის ძვლებიდან.
დარჩა ბოლოს გასუფთავება. ამისათვის ბოლოს ფრთხილად მოაჭერით ხორცის ნარჩენები ბუმბულის შიგნითა მხრიდან, ეცადეთ არ გაჭრათ ბუმბულის ფესვები, წინააღმდეგ შემთხვევიაში მთელი ბოლო დაიშლება და ბუმბულები დასცვივდება.
ტყავის გახდა დამთავრებულია. თქვენ ხელთ გაქვთ წინდისებურად გადმობრუნებული ტყავი, რომელსაც ბუმბული შიგნით აქვს. წაუსვით მას 10-პროცენტიანი დარიშხანის ნატრიუმის ხსნარი ფუნჯით. ეს პრეპარატი ძლიერ საწამლავია და მასთან მოპყრობა დიდ სიფრთხილეს მოითხოვს. შუშა, რომელშიც მოთავსებულია დარიშხანის ხსნარი, უნდა ინახებოდეს ჩაკეტილში, რომ ამ ხსნარით არ ისარგებლონ ბავშვებმა ან შეცდომით უფროსებმა. ეს დოზა სასიკვდილოა.
წაუსვით მტელ ტყავს დარიშხნის ხსნარი, დაამრგვალეთ ამ ფრინველის თვალისოდენა ბამბა და ჩაუდევით იგი თვალების ღრუში. მთელ თავის ქალაზე შემოახვიეთ ბამბის თხელი ფენა, აიღეთ ხელში იმ ძაფის ბოლოები, რომლითაც შეკრულია ნისკარტი, და დაიწყეთ ტყავის თანდათან გადმობრუნება. ფეხებისა და ფრთების ძვლები ისევ თავის ადგილზე მოათავსეთ ტყავში, ასევე ფრთხილად შეიტანეთ თავის ქალა ტყავის ქვეშ, გაასწორეთ იგი, ჩაუდგით თავის ადგილზე ქუთუთოები და ა.შ.
თავიდან ტყავის გახდის დროს ზოგიერთ ფრინველს (კოდალა, იხვი, ბატი, ფარშავანგი და სხვ.) კისრის ტყავში თავის ქალა არ გაეტევა. ამ შემთხვევაში გაიჭრება ფრინველის ყელი თავთან, რაც შეიძლება ახლოს. თავის ქალა არ გასუფავდება არამედ გაკეთდება რა ყოველივე ის, რაც ზემოთ იყო ნათქვამი და გადაბრუნდება რა ყოველივე ის, რაც ზემოთ იყო ნათქვამი და გადაბრუნდება ტყავი უკანვე (ბუმბულით გარეთ), გაკეთდება ჭრილი თავის ქალის ტყავზე გარედან, რაშიაც გაჰყოფენ თავის ქალას მის შემდგომ გასაწმენდად ხორცისა და ტვინისაგან.




ორნიტოლოგიური კოლექციის დამზადება

ამ შემთხვევაში საჭიროა აიღოთ სათანადო სიმსხოს მავთული ან ორივე წვეროდან წამახვილებული თქვენს ფრინველზე ცოტა მეტი სიგრძის ჯოხი; დაახვიეთ მასზე როგორც თითისტარზე, ბამბა ან ძენძი ფრინველზე ცოტა მეტი ზომის, დაიცავით ზუსტად ფრინველის სიგრძე და ყელის სისქე ოდნავ გააფართოვეთ და ოდნავ გადმოაბრუნეთ უკანვე ფრინველის ტყავი, ჩაუდეთ კეფის ჭრილში მავთულის ან ჯოხის ის ბოლო, სადაც თქვენ დაახვიეთ კისრის გამომსახველი ბამბა და დაიწყეთ ტყავის ჩამოცმა ფრინველის ამ იმპროვიზებულ სხეულზე.
როდესაც მიაღწევთ ბეჭებამდე, გამოაცალეთ ფრთებს ბეჭის ძვლები, წინამხრების ძვლები კი (ისინი წყვილია) გაახვიეთ ბამბის თხელ ფენაში, შესწიეთ ისევ უკან ფრთების ტყავში და განაგრძეთ ტყავის ჩამოცმა ბამბის სხეულზე. გააკეთეთ იგივე ფეხების მიმართაც. შემოახვიეთ ფეხების ძვლებს (წვივს) ბამბა ან ძენძი, ისე რომ მათ ექნეს ცოცხალი ფრინველის ფეხების ფორმა და ამგვარად ჩადეთ ისინი უკანა ფეხების ტყავში. ახლა დარჩა ბოლოს ჩადება თავის ადგილზე ისე, რომ იგი დამაგრდეს მავთულის ბოლოზე. თუ არ ყოფნის სხეულში ბამბა, უნდა დაემატოს, შეერთდეს მუცლის ჭრილის გვერდები და შეიკეროს იგი არახშირი ნაკერით. სწორად დასდეთ ფრთები და ფეხები, შეაბით ფეხზე ეტიკეტი და მთელი ფრინველი ჩადეთ ძირს ქაღალდის პარკში. შეინახეთ იგი მანამდე სანამ გაშრება.
ფეხზე მიბმულ წარწერაში აღნიშნეთ: ფრინველის დასახელება, სქესი, ადგილი, სადაც მოიკლა იგი, მოპოვების დრო, ფრნველის ადგილობრივი დასახელება თუ იგი განსხვავდება საერთო დასახელებისაგან, თუ ფრინველი მოპოვებულია მთაში, მაშინ მიუთითეთ მთის სიმაღლე ზღვის დონიდან, მოკლედ აღნიშნეთ, რა აღმოაჩნდა კუჭში და აგრეთვე მიუთითეთ თვალის ფერი.
ფრინველის სქესის გამოცნობა შეიძლება შემდეგი წესით. თუ ფრინველს არა აქვს სქესის გამომხატველი გარეგანი ნიშნები, გაჭერიტ მარცხნივ ნეკნები სხეულზე, გადასწიეთ გვერდზე ნაწლავები. ხერხემლის გვერდებზე შიგნიდან თირკმლების წინ მამლებს შეიძლება შეამჩნიოთ თითო თეთრ-მოყვითალო ფერის ჯირკვალი, რომელსაც კვერცხის ფორმა აქვს. ასეთი ჯირკვალი ორია. ესენი სათესლე ჯირკვლებია. დედალს ამავე ადგილას აქვს მარცვლის მსგავსი ჯგუფურად ჩაწყობილი გროვა - ეს საკვერცხეებია. ერთი ჯგუფის ფრინველებს ეს გროვა მოთავსებული აქვთ ხერხემლის ორივე მხარეზე, სხვებს კი მხოლოდ ერთ - მარცხენა მხარეზე.
მავნებელთაგან გაფუჭების თავიდან ასაცილებლად ტყავი უნდა შევინახოთ მჭიდროდ თავდახურულ ჭურჭელში და ზედ დავაყაროთ ნაფტალინი.
ამით შეიძლება ამოვწუროთ ფრინველთა ტყავების ორნოტოლოგიური კოლექციის გაკეთებისა და დაგროვების საკითხი.



ფრინველთა ფიტულის გაკეთება

თავიდან ფრინველის ტყავს ხდიან ისე, როგორც ეს მოთხრობილი იყო ზემოთ, მხოლოდ იმ განსხვავებით, რომ მხრის ძვლები არ გამოიღება და ტყავზე რჩება.
როდესაც ფრინველის თავის ქალა გაიწმინდება თვალების ენისა და სასისაგან, მოსცილდება მას ხორცის ყოველგვარი ნაწილაკი კეფის გაფართოებული ნაპრალიდან ამოიღება ტვინი, პატარა ფინჯანში გახსენით ცოტაოდენი თაბაშირი და პინცეტით ან თქვენ მიერ დამზადებული პატარა ნიჩბით ამოავსეთ თავის ქალა თაბაშირით იმ ადგილზე სადაც იყო ტვინი, თვალები, ქალის ყველა ნაწილი, ენა და სასა ისე, რომ თავის ქალამ მიიღოს იგივე ფორმა, როგორიც ჰქონდა ტყავის გაცლისას.
სანამ თაბაშირი ჯერ არ გამაგრებულა, ჩადეთ ქალაში ისეთივე სიმსხოს მავთული, როგორსაც აპირებთ დააყენოთ საყრდენზე. როდესაც თაბაშირი გამაგრდება, ეს მავთული უკან ამოიღეთ და დარჩენილ ღრუში შეიყვანეთ ფიტულის ღერძის მავთული.
ამოაძრობთ რა ამ მავთულის ნაჭერს მას შემდეგ, რაც თაბაშირი გამაგრდება, მთელ ტყავს წაუსვით დარიშხანის ხსნარი და იგი უკანვე გადმოაბრუნეთ.
დავტოვოთ დარიშხანის ხსნარწასმული, ბუმბულგადმობრუნებული ტყავი და დავუბრუნდეთ გატყავებულ ფრინველს.
დადეთ მაგიდაზე გატყავებული ფრინველის სხეული გვედზე, სანტიმეტრით მოახდინეთ შემდეგი გაზომვები და ჩაიწერეთ: კისრის სიგრძე (თავის ქალიდან ზურგამდე), ზურგის სიგრძე (მხრის სახსრიდან მენჯ-ბარკლის სახსრამდე), ბარკლის სიგრძე (აღნიშნეთ ბარკლის ძვლის მთელი სიგრძე, რომელიც დარჩა გატყავებულ სხეულზე). მკერდის გარშემოწერილობა. ეს უკანასკნელი უნდა აიღოთ ტყავის გახდის დაწყებამდე, რომ ამ ზომაში მოხვდეს ბუმბულით შემოსილი ფრინველი.
ახლა დავუბრუნდეთ ფრინველის ტყავს.დაამზადეთ სხვადასხვა სისქის 5 ნაჭერი რკინის გამომწვარი მავთული. მავთულის პირველი ნაჭერი უნდა იყოს ფრინველის მთელ სიგრძეზე ცოტა უფრო გრძელი და მსხვილი, ვინაიდან იგი არის ძირითადი (ღერძის) და ამ მავთულზე უნდა დადგეს ფრინველის მთელი ფიტული.
ქლიბით გაამახვილეთ მავთულის ორივე ბოლო, აღნიშნეთ მავთულზე თქვენს მიერ გაზომილი კისრის სიგრძე, მიუმატეთ მას კიდევ 5-8 სანტიმეტრი, მრგვალტუჩა მოჰკიდეთ მავთულს სწორედ იმ ადგილას და ისე დაატრიალეთ მავთული, რომ კისერთან გაკეთდეს მცირე რგოლი. შემდეგ ამ რგოლიდან მავთულზე კვლავ გადაზომეთ ზურგის სიგრძე და ამ წერტილშიაც მრგვალტუჩათი გააკეთეთ მეორე რგოლი.
შემდეგ აიღეთ პატარა ნაჭერი, ბამბა (და არა მატყლი) და კვლავ გადაზომეთ პირველი რგოლიდან კისრის სიგრძე და ამ უბანზე დაახვიეთ ბამბა, რომ გამოვიდეს ერთნაირი ლილვაკი, რომელსაც ექნება კისრის სიმსხო და სიგრძე. თქვენ მიერ ზედმეტად გადაზომილი 5-8 სანტინეტრი მავთული თავისუფალი დარჩება, რომელსაც მსხვილი ბოლო ექნება. გახსენით ფრინველის ტყავი, გასწიეთ კისრის ტყავი და როდესაც დაინახავთ ნახვრეტს კეფაზე, სადაც თავში თაბაშირის ჩასხმისას ჩატანებული გქონდათ მავთული, ჩაარჭვეთ შიგ საღერძე მავთული მსხვილი ბოლოთი და მსხვილი დატრიალებით შეიყვანეთ იგი კეფაში, სანამ ბამბის კისერი ზედ მიედება ფრინველის თავის ქალას. გარეთ გამოსული მავთულის ნაწილი თქვენთვის აუცილებელი იქნება შემდგომი მუშაობის პროცესში, ხოლო როდესაც ფიტული გაშრება, იგი უნდა მოჭრათ კვნეტელათი. კისრის ტყავი მთლიანად ჩამოაცვით კისერს და განაგრძეთ მუშაობა.
აიღეთ მავთულის ორი თანაბარი ნაწილი, იმაზე გაცილებით უფრო წვრილი რმელიც გამოიყენეთ ღერძად და გადაზომეთ ზედ მთელი გაშლილი ფრთის სიგრძე (მხრის და წინამხრის ძვლების მიხედვით), მიუმაეტეთ მას 5-10 სანტიმეტრი მავთული, იმის მიხედვით, თუ რა ზომის არის ფრინველი. ეს ორი ნაჭერი მავთული განსაზღვრულია ფრთების დასაკავებლად. თვითეული მხოლოდ ერთ მხარეზე გაამახვილეთ.
გადმოაბრუნეთ მარცხენა ფრთა მთლიანად და მის ბოლოში კავსა და ძვლებს შორის ჩადეთ მავთულის მახვილი წვერი, ფრთხილად ატრიალეთ და შეიყვანეთ იგი რაც შეიძლება ღრმად ფრთის ფალანგაში. დაამაგრეთ ამგვარად მავთული ფრთის ბოლოში და გაასწორეთ იგი მხრისა და წინამხრის ძვლების გასწვრივ. მეორე მხარეს დარჩება 4-6 სანტიმეტრი თავისუფალი მავთული.
ახლა საჭიროა ძვლების გასწვრივ ჩადებული მავთულის შეერთება ძვლებთან ბამბით ისე, რომ დაემსგავსოს ფრთას, როგორც იგი იყო სიცოცხლეში. ამ ოპერაციის შემდეგ წამოაცვით მას ფრთის ტყავი ბოლომდე და ოდნავ მოხარეთ ფრთა (იმ ადგილზე სადაც ფრთის უკანასკნელი ფალანგაა)
გაიმეორეთ იგივე მეორე ფრთაზედაც. აიღეთ მარჯვენა ხელით ღერძის მავთული და შედევით პირველ რგოლში (კისრის ბოლოს) ჯერ მარცხენა ფრთის მავთულის თავისუფალი ბოლო, შემდეგ კი ამავე რგოლში მარჯვენა ფრთის ასეთივე ბოლო. მოსწიეთ ორივე ფრთა რგოლისაკენ. მრგვალტუჩათი ერთად აიღეთ ეს რგოლი, რომელშიაც ჯვარედინად ჩასმულია ფრთის მავთულები და მაგრად მოუჭირეთ ამ შეერთებას მარჯვენა ხელი, მარცხენა ხელით კი მაგრად დაახვიეთ რგოლს ჯერ მარჯვენა ფრთის ზედმეტი მავთული, ხოლო შემდეგ მარცხენა ფრთის ზედმეტი მავთული. როდესაც დაამთავრებთ ფრთების დამაგრებას ღერძის მავთულზე, გადადით ფეხებზე. ამისათვის გადაზომეთ ორი ერთნაირი ზომის მავთული, დაახლოებით იმავე სიმსხოსი, როგორც ღერძის მავთულია და გამახვილეთ იგი ერთი მხრიდან. თითოეული ფეხისათვის მავთულით გადაზომვა ასე ხდება: მიადებთ საზომს ფეხს, რომელიც არის ტყავზე და გაზომავთ რა მასზე ამ ძვლების სიგრძეს, მიუმატებთ მას თქვენს მიერ უკვე ჩაწერილი ბარკლის ძვლის ზომას და დაუმატებთ იმდენ სიგრძეს რამდენიც საჭიროა იმისათვის, რომ ეს მავთული დაახვიოთ მეორე რგოლზე; ტერფში გამომავალი მავთულის თავისუფალი ნაწილი საჭირო იქნება ფრინველის დასამაგრებლად საყრდენზე ან ტოტზე. მაგალითად ფეხის ტერფისა და წვივის სიგრძეა 16 სმ, ბარკლის სიგრძე 9 სმ. რგოლზე დასამაგრებლად კი საჭიროა მავთულის 10 სმ -იანი ნაჭერი და ფეხის ტერფიდან გამომავალი 8 სმ-იანი მავთულის ნაჭერი. მაშასადამე, მავთული, სულ სიგრძით 43 სმ უნდა იყოს.
მოჭრით რა ორ ასეთ მავთულს და გაამახვილებთ მათ ერთი მხრიდან, ჯერ უკან გამოიღეთ ტყავიდან ფეხის ძვალი, ჩაარჭეთ მავთულის მსხვილი წვერი ტერფისა და წვივის სახსარში და ნელა დაიწყეთ ამ მავთულის შეყვანა ტერფის კანის ქვეშ.
მარცხენა ხელის თითებით გამუდმებით სინჯეთ ფეხის ის ნაწილი რომელიც ფრინველთა უმრავლესობას შემოსილი არ აქვს ბუმბულით, რომ მავთული სწორად გავიდეს ტყავში და თავი არ გამოყოს გარეთ. ასეთი სიფრთხილით უნდა მივიყვანოთ ტერფამდე მავთული და გარეთ გამოვიყვანოთ, მისი ისეთი სიგრძის ბოლო ნაწილი, რომელიც გათვალისწინებულია ფიტულის საყრდენზე დასამაგრებლად. როდესაც ამას მორჩებით, კვლავ გადასწიეთ ფეხის ტყავი და მაგრად შეაწყვილეთ მავთული და წვივის ძლები, გადააბით ისინი ძაფით, შემოახვიეთ მათ ბამბა ან ძენძი, მიეცით მას ცოცხალი ფრინველის წვივის სახე და ჩამოაცვით წვივზე უკანვე ფეხის ტყავი. მეორე ფეხზედაც ჩაატარეთ ასეთივე ოპერაცია.
როდესაც ყველა ამას დაამთავრებთ აიღეთ საზომი და გადაზომეთ წვივიდან გამოშვერილი მავთულის სიგრძე. იმ ზომაზე, რომელიც ჩაწერილი გაქვთ ბარკლის ძვლის ზომების აღების დროს და ბრტყელტუჩათი მავთულის გადაღუნვით სწორი კუთხე გააკეთეთ ამ ადგილას, იგივე გააკეთეთ მეორე ფეხზედაც. მარცხენა ხელით აიღეთ ღერძის მავთული და გაუყარეთ რგოლში ჯერ მარცხენა, შემდეგ კი მარჯვენა ფეხის მავთულის ბოლო ჯვარედინად. მისწიე ორივე მავთული რგოლისაკენ ბოლოს თქვენს მიერ გაკეთებულ მონაღუნამდე, თქვენ მიერ ჩადებული ფეხების მავთულებთან ერთად აიღეთ მრგვალტუჩათი რგოლი და ღერძის მავთულზე დაახვიეთ ჯერ ერთი ფეხის მავთული შემდეგ მეორესი. ეცადეთ რომ შემოხვეული მავთულის მთელი არე, რაც შეიძლება მოკლე იყოს, წინააღმდეგ შემთხვევაში ფრინველის სხეული არანორმალურად გრძელი გამოგივათ, ვინაიდან ახლა თქვენ დაგრჩათ უკანასკნელი ოპერაცია, რომ ღერძის მავთულის დარჩენილი ბოლო ნაწილი ჩაარჭოთ ფრინველის ბოლოში და იგი რაც შეიძლება მჭიდროდ შეუერთოთ ფეხების მავთულების ნასკვს.
მორჩებით რა ბოლოს გაკეთებას აიღეთ მარჯვენა ხელით ღერძის მავთული იქ, სადაც გათვალისწინებულია ზურგი, მარცხენა ხელით მოღუნეთ მარცხენა ფეხის მავული იმ ფორმაში, როგორც იგი უნდა იყოს ცოცხალ ფრინველზე. (ფეხის მავთული უნდა მოიღუნოს, წვივისა და ბარკლის სახსრისა და მენჯ-ბარკლის სახსრეში) იგივე გაიმეორეთ მარჯვენა ფეხისათვის. ახლა კი ისევე მარჯვენა ხელით აიღეთ ღერძის მავთული, მარცხენა ხელით კი ჩაკეცეთ ფრინველის ორივე ხელი, ისე როგორც ისინი უნდა ყოფილიყვნენ სიცოცხლის დროს. გაასწორეთ ფრთები და გადაუსვით ხელი ტყავს გარედან, რომ ყველა ბუმბული თავ თავის ადგილზე იყოს.
თქვენს მიერ დამზადებულმა მავთულის კარკასმა შეცვალა ფრინველის ჩონჩხი. მავთულის თითოეული მოხრილობა ისეთივეა, როგორც კიდურების ფორმა. ამიტომ ფრინველიც ანატომიურად ზუსტად ისეთივე უნდა გამოვიდეს, როგორიც იყო ის სიცოცხლეში, რაც ფიტულის მავთულების ამ მეთოდის ძირითადი დანიშნულებაა.




ფიტულის დატენა

ახლა შევუდგეთ ფიტულის დატენას.
ფრინველი დადეთ მაგიდაზე ზურგით. აიღეთ ბამბის თხელი ფენა და დააფარეთ იგი ზურგის, ანუ ღერძის მავთულის ქვეშ მხრების რგოლიდან ბოლომდე. შემდეგ ბამბის ორი სათანადო ნაჭერი დაუდეთ ქვეშ იმ მავთულებს, რომლებიც ცვლიან ბარკლების ძვლებს. ორი სათანადო ბამბის ნაჭერი ჩადეთ იქ, სადაც მხრების რგოლია. აიღეთ ბამბის დიდი ნაჭერი და ჩადეთ იგი ტყავის მკერდის ნაწილის ქვეშ და ასე თანდათან ბამბის ნაჭრები მოათავსეთ ფრინველის ტყავის ქვეშ და მიყვანეთ იგი იმ სიდედემდე და ცოტა მეტამდეც, ვიდრე აღნიშნულია იმ ციფრებით, რომლებიც ქონდათ ჩაწერილი ფრინველის პირველი გაზომვის დროს. ბამბა უნდა ჩაიდვას თანასწორად და მჭიდროდ.
დაამთავრებთ რა დატენას, ძაფით გაკერეთ მუცლის ჭრილი და ზედმიწევნით შენიღბეთ ნაკერავი ბუმბულით.
აიღეთ ფრინველი ხელში ფეხებით და შეამოწმეთ სწორად არის თუ არა იგი დატენილი, ხო არ არის ასიმეტრია, გამობურცვები ან ჩაღრმავებები განსაკუთრებით მუცლის არეში. გასწიეთ ფეხები ისე, როგორც ეს ფრინველს ჰქონდა სიცოცხლეში, გააკეთეთ დაფაზე ორი ნაბურღი და ჩაატარეთ შიგ ტერფიდან გამოსული მავთულის ბოლოები, გადაუკეცეთ მათ თავები საყრედის ქვედა ნაწილიდან.
დაამაგრებთ რა ფრინველს დაფაზე დაიწყეთ მისთვის ფორმის მიცემა თქვენი სურვილისამებრ. ჩაუსვით მას თვალები და მჭიდროდ გაახვიეთ ფიტული ქაღალდში ან ნაჭერში, რომ ბუმბულის საფარი სწორად გაშრეს და აბურძგნილი არ გამოვიდეს.
როდესაც ფრინველის ფიტული ამგვარად გაშრება, გადაიტანეთ იგი სათანადო მუდმივ საყრდენზე, რომელიც უნდა მოირთოს ხავსით., ხავსულათი, ხმელი ტოტებით. ამგავარდ ფიტული უკვე მზადაა.
რასაკვირველია, პირველად ფიტული უნაკლო არ გამოვა. ეს სამუშაო ზემოთმოყვანილი თეორიულ ცოდნის გარდა მოითხოვს დიდ პრაქტიკას, მხატვრულ უნარს, ფრინველთა ჩვევების ცოდნას, მოთმინებასა და ამ საქმისადმი სიყვარულს.
ან ნაწილის დასასრულს რამდენიმე რჩევა ფრინველთა ტყავის გახდის შესახებ უნდა მივცეთ ამ საქმით დაინტერესებულთ.
მცირე ფრინველებს ქორების ჩათვლით, ტყავი ფრთებზე (მხარსა და წინამხარზე) უნდა გაეხადოს წინდისებურად. დიდ ფრინველებს (არწივი, სავათი, წერო) ჯერ გახდიან ფრთის ტყავს ნიდაყვის სახსრამდე, წინამხრის ტყავის გახდა კი უნდა მოხდეს გარედან, ტყავის გაჭრის საშუალებით ფრთის შიგნით ნაწილზე წინამხრის ნიდაყვსა და სხივის ძვალს შუა. წინამხრის ასეთი გაწმენდა ხორცისაგან ხელს უწყოს ფრთის იმ საქნევი ბუმბულის განწყობის შენარჩუნებას, რომელიც უშუალოდ მიმაგრებულია წინამხრის ძვალთან.
ფიტულს დააყენებთ რა დროებით საყრდენზე, გაუსწორეთ ბოლო და მოაქციეთ იგი ორ ვიწრო მუყაოს ნაჭრებს შუა, შეაწებეთ ისინი ქაღალდით, რომ ბოლოს ამ მდგომარეობაში გაშრეს.
თუ გსურთ ფრინველს ქონდეს გაშლილი ფრთები, ისინი ფიტულის გატენვისთანავე უნდა ასწიოთ სასურველ სიმაღლემდე, გაშალოთ ან ოდნავ მოკუმშოთ. ფრთები უნა მოხაროთ სახსრებში. ამის შემდეგ ორივე ფრთის ორივე მხარეს უნდა დაადვათ ორ-ორი მუყაოს ნაჭერი, რომელთა შორის მჭიდროდ ჩაიდება გასწორებული ფრთები და დამაგრდება ქინძისთავებით. ამ მდგომარეობაში ფრთებიც ფიტულთან ერთად გაშრება. ფრინველის ფეხების თითები დამაგრდება თავის ადგილზე ქინძისთავებით, ხოლო თუ ფრინველი დასმულია ტოტზე, მიებმება ძაფით.
მეტხორცები, მაგალითად ბიბილო, მოეჭრება და ბოლოს შეიცვლება შეღებილი, სანთლისგან გამოძერწილი მსგავსი ფიგურით.
უმეტეს შემთხვევაში ფეხები, სანთლის ნაძერწი ნისკარტზე და წარბები გახმობის შემდეგ კარგავენ ფერს. ამიტომ ფიტული გაშრობის შედეგ უნდა შეღებოთ სათანადო ფერით, ზეთოვანი საღებავით.




წვრილი ნადირის ფიტულის გაკეთება

ახლა შევეხებით წვრილი ნადირის ფიტულის გაკეებას.
იმისათვის რომ წვრილი ნადირი სწორად გავატყაოთ, უნდა გავსეროთ იგი მკერდსა და მუცლის შუახაზზე წინა ფეხებიდან უკანა ფეხებამდე. ამის შემდეგ ტყავი მცირე ნადირს გაეხდება ისევე როგორც ფრინველს.
ჯერ ტყავი ერთ ერთ უკანა ფეხზე უნდა გაეხადოს, რისთვისაც გამოიწევა მუხლი და გადაიჭრება რა იოგები ბარკალი მოსცილდება წვივს. წვივის ძვლები რჩება ტყავთან, მაგრამ ისინი ზედმიწევნით იწმინდება ხორცისაგან ფეხის თითების ფარანგებამდე. იგივე უნდა გაკეთდეს მეორე უკანა ფეხის მიმართაც. როდესაც ტყავს მოაცილებთ ხორცს მუცელზე და ნაწილობრივ გვერდესა და ბარკლებზე, ზურგისაკენ უფრო ღრმად გადაჭერით უკანა გასავლის ნახვრეტი. გაანთავისუფლებთ რა ტყავს კუდზე, აიღეთ მარჯვენა ხელში კუდის მალა ორი ჯოხით, როგორც ჩანგლით, მარცხენა ხელით კი მარჯვედ დაიჭირეთ ნადირის სხეული, ძლიერ მოსწიეთ იგი მარჯვენა ხელით და კუდს ისე გასძვრება ტყავი როგორც ხელთათმანი.
ახლა თანდათან დაიწყეთ ტყავის გახდა ხან ზურგიდან ხან მკერდიდან. ასე მიხვალთ ბეჭამდე. გააძრეთ ტყავი წინა მარცხენა ფეხს მხრის სახსრამდე და გადაჭერით სახსარი. მხრის, ნიდაყვისა და სხიური ძვლები გაიწმინდება და დარჩება ტყავზე. ასევე მოექეცით მეორე წინა ფეხს. ორივე ფეხს გააცალეთ ხორცი. შემდეგ განაგრძეთ ტყავის გახდა კისრიდან და თავიდან. განსაკუთრებული სიფრთხილე უნდა ტყავის გაძრობას თავიდან. ყურები უნდა მოეჭრას ძირშივე თავის ქალასთან, თვალები ამოჭერით ღრმად თვალის კაკალთან, ტუჩები კი კბილებთან, ხოლო ცხვირის ხრტილი ტყავზევე დარჩება.
პატარა მხეცების თავის ქალა არ მოშორდება ტყავს და ტყავი თავის ქალასტან ერთად ცხვირის ხრტილით ტყავზე რჩება. თავის ქალაზევე რჩება ის თხელი აბკისებრი ტყავი, რომელიც აერთიანებს ლაფშებს ყბებთან, ყველაფერი ეს ადვილად ხდება. თავის ქალას მთელი ხორცი უნდა მოსცილდეს ენასთან, თვალებთნ და სასასთან ერთად. ტვინს გამოიღებენ თავის ქალიდან ზემოთ ნაჩვენები ნიჩბით ოდნავ გაფართოებული კეფის ნახვრეტიდან. გამოღებული ტვინის ნაცვლად თავის ქალაში ჩაისხმება გახსნილი თაბაშირი და როგორც ფრინველს, შიგ ჩაეტენება ისეთივე მავთულის ნაჭერი, როგორც ფრინველის საღერძე მავთული, როდესაც თაბაშირი გახმება, მავთულის ეს ნაჭერი ამოიღეთ. თვალების ღრუ, სასა და თავის მთელი კუნთები ზუსტად შეცვალეთ თაბაშირით. თუ ისე პატარა მხეცს აკეთებთ, რომლის თავის ქალა ტყავზე დარჩა, მაშინ თავის ტყავს წაუსვით დარიშხანის ხსნარი, ხოლო თავის ქალა სკულპტურული თიხის თხელი ფენით შელესეთ, ჩააბრუნეთ უკანვე ტყავში და კარგად გაასწორეთ ზედ ტყავი.
მთელ ტანს გარედან წაუსვით დარიშხანის ხსნარი და გადადეთ იგი გვედზე.
ახლა საჭიროა პატარა ცხოველის ჩონჩხის დამზადება.
თქვენს წინ მდებარე ცხოველის ტყავგახდილ სხეულზე სანტიმეტრით გაზომეთ:

ა) კისრის სიგრძე იმ ადგილიდან, სადაც იგი მიბმული იყო თავის ქალასთან, ბეჭის შუამდე;
ბ) კისრის სიმსხო;
გ) მანძილი ბეჭის შუადან მენჯბარკლის სახსრამდე;
დ) ბეჭის სირძე;
ე) ბარკლის ძვლის სიგრძე;
ვ) კუდის სიგრძე;

კიდურების მავთულთა ზომები, აღნაგობა და აგრეთვე საღერძე მავთულის სიმსხო და სიგრძე უნდა აიღოთ როგორც ფრინველის ფიტულის გაკეთების დროს ორივე მხარეზე ზედმეტად ერთ მხარეზე გამახვილებით.
როგორც საღერძე, ისე ფეხების მავთული იმ ანგარიშით უნდა აიღოთ, რომ მათ შეეძლოთ აიღონ მთელი ფიტული.
ასევე საჭიროა ორი რგოლის გაკეთება საღერძე მავთულზე, პირველი იმ წერტილში, სადაც უნდა იყოს ბეჭის შუა ნაწილი. ამასთან საღერძე მავთულზე კისრისათვის გადაზომილი მავთულის სიგრძეს აგრეთვე უნდა ქონდეს დანამატი, რომ იგი შეიჭრას თავის ქალაში ჩასხმულ თაბაშირში გაკეთებულ ნახვრეტში.
მეორე რგოლი კეთდება იმ წერტილში, სადაც უნდა იყოს ბარკლის და თეძოს სახსარი. აიღეთ საჭირო ზომის ბამბის ან ძენძის ფენა და შემოახვიეთ ღერძის მავთულის კისრის ნაწილს თანახმად იმ ჩანაწერისა, რომელიც გააკეთეთ სხეულის ზომების აღების დროს (კისრის სიგრძე). როდესაც კისრის სიმსხო მიაღწევს თქვენს მიერ ჩაწერილ ზომას (კისრის სიმსხოს ზომა), მას მთლიანად შემოახვიეთ ძაფი და შეკარით.
გაშალეთ ტყავი და გამოაჩინეთ თავის ქალის კეფის ის ნაწილი, სადაც თაბაშირში გაკეთებულია ნახვრეტი და შედეთ შიგ კისრის მავთულის წამახვილებული თავი. ფრთხილად დაატრიალეთ იგი და დააწექით, ეცადეთ, რომ მავთული შევიდეს ნახვრეტში, გავიდეს შუბლის ძვალსა და ტყავში და გამოვიდეს თავის ქალის მეორე მხარეზე. ახლა გარედან მოსწიეთ მავთული, რომ კისერი მჭიდროდ მივიდეს კეფასთან. წამოაცვით კისრის ტყავი კისრისვე ბამბაშემოხვეულ ლივლს და გაასწორეთ. ეცადეთ, რომ იგი დაუჭმუჭნავად დადგეს თავის ადგილზე.
ახლა ხელში აიღეთ კიდურისათვის დამზადებული მავთულები და დაიწყეთ ჯერ წინა ფეხების მომზადება და მონტაჟი.
შეიყვანეთ მავთულის ბოლო წამახვილებული ბოლო წინა მარცხენა ფეხის ტერფში და თავისუფალი ნაწილი გამოიყვანეთ ფეხის გულიდან გარეთ იმ ზომით, რაც საჭიროა შემდეგ საყრდენზე ფეხის დასამაგრებლად; მავთულის მეორე თავი მიადევით ფეხის ძვლებს და მიაბით მათზე მსხვილი ძაფით. გადაზომეთ მავთულზე ბეჭის სიგრძის ნახევარი და მოღუნეთ სწორ კუთხად. გადაზომეთ ამ კუთხიდან მკერდის სიფართის ზუსტად ნახევარი და ისევ მოღუნეთ მავთული სწორ კუთხად. ახლა დაიწყეთ ფეხის გამართვა. შემოახვიეთ ყველა ძვლებს ძენძი ან ბამბა (ნაცრისფერი, არაშალის) ისე, რომ მთელმა ფეხმა მიიღოს სათანადო ფორმა. კიდევ წაუსვით ტყავს დარიშხანის ხსნარი და ჩააცვით იგი ახლახან გადაკეთებულ ფეხს. კარგად დაუკვირდით, რომ ტყავი კარგად დაჯდეს და არ გადმობრუნდეს.
იგივე გააკეთეთ წინა მარჯვენა ფეხზედაც.
წინა ორი ფეხის მოთავსების შემდეგ მათი მავთულის თავისუფლალი ბოლოები შედეთ საღერძე მავთულის პირველ რგოლში, გაჭიმეთ ისინი ჯვარედინად რგოლისაკენ. აიღეთ ის კვანძი ბრტყელტუჩათი მარჯვენა ხელით, მარცხენათი კი საღერძე მავთულს შემოახვიეთ 3-4 ჯერ მარჯვნიდან მარცხნივ ჯერ ერთი ფეხის ბოლო და შემდეგ მეორესი მარცხნიდან მარჯვნივ და გადაახვიეთ ერთმანეთზე ორივე ბოლო.. ზედმეტი მავთული მოაჭერით. დააწყვეთ ფეხები ისე, როგორც ეს უნდა იყოს ანატომიურად, და შემდეგ შეუდექით უკანა ფეხებს.
აქ იგი უნდა გაკეთდეს, როგორც წინა ფეხებისათვის, მხოლოდ მას შემდეგ, როგორც კი შეიკვრება ძვლები (ბარკლის დიდი და მცირე) ძაფით და ზედ შემოეხვევა ბამბის ან ძენძის სათანადო სისქის ფენა, უნდა გაიზომოს მავთულზე ბარკლის ძვლის სიდიდე და ამ ადგილზე მავთული უნდა მოიხაროს სწორი კუთხით. ამ კუთხიდან უნდა მიემატოს მენჯის სიფართის ნახევარზე ცოტა ნაკლები და კვლავ გადაიღუნოს მავთული სწორი კუთხით წინა გადაღუნულის პერპენდიკულარულად.
იგივე გააკეთეთ მეორე უკანა ფეხზე. ორივე თავისუფალი ბოლო შედევით მეორე რგოლში ისე, როგორც წინა ფეხების გაკეთების დროს, ხელი მოკიდეთ ამ კვანძს ბრტყელტუჩათი და ორივე ბოლო დაახვიეთ საღერძე მავთულს.
როდესაც დაამთავრებთ მუშაობას უკანა ფეხებზე, გადადით კუდზე. კუდის ნაწილის მავთულს შემოახვიეთ ბამბა ან ძენძი იმ ფორმისა და სიგრძის შესაბამისად, როგორიც იყო ტყავი და ამოღებული კუდის ხერხემალი, შიგნით კუდის ტყავს ისე წაუსვით დარიშხანი და შიგ ჩასვით კუდის ზომის ბამბადახვეული მავთული.
ამგვარად, პატარა მხეცის თავი, კისერი, კუდი და ოთხივე კიდური თქვენ მზად გაქვთ.
ახლა შეუდექით სხეულის გატენას. ამისათვის აიღეთ გრძელი და სათანადო ფენა ბამბისა და ჩადეთ იგი ღერძის მავთულის სიგრძის ქვეშ, მთელი ზურგისა და გავის ქვეშ. ცოტა მეტი ბამბა უნდა ჩაიდვას ბეჭებს ქვეშ (იქ, სადაც პირველი რგოლია).
თქვენ გახსოვთ, რომ ბეჭები არ გაგიკეთებიათ. მათ მაგივრად მხოლოდ მავთულის გადაზომილი ადგილები გაქვთ, რომლებიც ბეჭების სიგრძის მხოლოდ ნახევარს უდრის. მაშასადამე, ახლა საჭიროა ბეჭის გაკეთება. ეს გაკეთდება ბამბის ან ძენძის თანაბარი ფენებით. ისინი უნდა ჩაიდვას ჯერ ბეჭის მავთულისა და ტყავის ქვეშ და შემდეგ მკერდის ტყავის ქვეშ. ბამბა მჭიდროდ უნდა იყოს ჩაწყობილი. ამავე დროს ბამბა პატარა ნაჭრებად და თანაბრად უნდა ჩაიდოს მარჯვნივ და მარცხნივ, თან ყურადღება უნდა მიექცეს, რომ ორივე ბეჭი სიმეტრიული გამოვიდეს.
მოათავებთ რა ფიტულის მკერდის ნაწილს, გადადით უკანა ფეხებზე.
აქ ისე როგორც წინა ფეხებზე, ჯერ ბარკლების გაკეთებას შეუდექით, მოხარეთ ფეხები მუხლის სახსარში და ჩადეთ ბამბა ბარკლის მავთულის უკან. ეცადეთ, რომ ბამბა თანაბრად ჩაიწყოს როგორც მარჯვნივ, ისე მარცხნივ, ხელი უსვით ბარძაყის ბეწვს და არ დაგრჩეთ ცარიელი ადგილი ტყავის ქვეშ.
მოათავებთ რა უკანა ფეხების გატენას, გადადით მუცლის არის და ცხოველის სხეულის დარჩენილი ნაწილების გატენაზე. ამ ოპერაციის დამთავრების შემდეგ ტყავის გაჭრილი ადგილი.
დააკვირდით ფიტულს ყოველი მხრიდან: ხომ არ არის სადმე ჩავარდნილი ადგილი ან, პირიქით, ამობურცული, რაც ამახინჯებს ცხოველის ფიგურას. თუ ასეთები შეამჩნიოთ და შეუძლებელია მათი შეკეთება-შელამაზება გარედან, მაშინ გირჩევთ ნუ დაიშურებთ დროს, გაარღვიეთ ნაკერი და გააკეთეთ ყველა საჭირო შესწორება.
როდესაც დაამთავრებთ ფიტულის დატენას, დაუბრუნდით ცხოველის სახეს. ზოგან პინცეტით, ზოგან კი ქინძისთავით ცხოელს მიეცით ცოცხალი გამომეტყველება. ამ შემთხვევაში , რასაკვირველია ძნელია რაიმე რჩევის მოცემა. დაკვირვება, მხატვრული ალღო და პრაქტიკა თვითონ გვიჩვენებს, რაც უნდა გაკეთდეს იმისათვის, რომ ცხვირი თავის ადგილზე იყოს, თვალების კი თავის ადგილზე, ქუთუთოებზე ჰქონდეს ბუნებრივი ჭრილი, ტუჩებს კი ჩვეულებრივი ადგილი და ბუნებრივი მოხაზულობა.
დიდი დახმარება შეუძლია ფოტოსურათებს და იმ კარგი მხავრების ნაწარმოებს, რომლებსაც ხელი გაწაფული აქვთ ცხოველების ხატვაში.
ახლა კვლავ დავუბრუნდეთ ჩვენს ფიტულს.
მოიყვანთ რას მას წესრიგგში, ჩაუსვით თვალები. ისარგებლეთ შუშის შეუღებავი თვალებით. ისინი იმითაა კარგი, რომ შესაძლებელია მათი სურვილისამებრ შეღებვა იმ ფერით, რომელიც აუცილებელია ამ ცხოველისათვის.
თვალების შეძენა შეიძლება ზოოლოგიურ მაღაზიაში.
როდესაც თვალებს ჩაუსვამთ და ფიტულზე შემჩნეულ ყველა ნაკლს გამოასწორებთ, მიეცით მას ის პოზა, რომელიც თქვენ განიზრახეთ. აიღეთ სათანადო ხის დაფა და გაუკეთეთ მას ნახვრეტები იქ, სადაც უნდა დაიდგას ფეხები, და ზედ დააყენეთ ფიტული, გაუსწორეთ ბეწვი, დაუმაგრეთ საჭირო მდგომარეობაში ყურები ქინძისთავებით და დადეთ ფიტული გასაშრობად. ფიტული უნდა გაშრეს ჩრდილში, იქ, სადაც არის ჰაერის მოძრაობა, და არა მზეზე, ან ღუმელის ახლოს.
მას შემდეგ, რაც ფიტული გაშრება, იგი უნდა მოიხსნას საყრდენიდან და საყრდენი შეიმკოს იმ ადგილის შესაფერისად, სადაც სიცოცხლეში ცხოვრობდა ეს ცხოველი და რომელიც შეეფერბა ამ ცხოველთა ადგილსამყოფელს. საყრდენს მოსართავ მასალად შეიძლება გამოდგეს ზღვის სილა, ხავსი, ხავსულა, ხის ტოტები და ყველაფერი ის, რაც კი მოიპოვება ბუნებაში. ყველაფერი ეს უნდა დაეწებოს საყრდენზე სადურგლო წებოთი. გასახუნებელი საგნები: ხავსი, ხავსულა და სხვ. უნდა შეიღებოს სათანადო ფერის საღებავით. როდესაც საყრდენი გამზადდება, მასზე კვლავ უნდა დააყენოთ ფიტული და სამუშაო შეიძლება დამთავრებულად ჩაითვალოს.
აღწერილი წესით შეიძლება გაკეთდეს ყველა პატარა ცხოველის ფიტული მელამდე.
>
გვერდის დასაწყისში გადასვლა
 
+შეტყობინების ციტირება
geojorjika
პოსტი Feb 24 2013, 10:52 AM
პოსტი #2


ვეტერანი
********

ჯგუფი: Administrators
პოსტები: 11,796
რეგისტრ.: 7-February 09
ნიკის ჩასმა
ციტირება
მდებარეობა: თბილისი
წევრი №: 8
ქალაქი:Tbilisi



ხ.მ.ე.ლ.ო
ყოჩაღ, მაგრამ იმ წიგნში საიდანაც ეგ არის სურათებიც არის და კარგი იქნება დაურთო

ასევე პირველწყაროც მიაწერე
>
გვერდის დასაწყისში გადასვლა
 
+შეტყობინების ციტირება
gregory
პოსტი Feb 24 2013, 11:11 AM
პოსტი #3


პროფესიონალი
******

ჯგუფი: Airgun.ge Club
პოსტები: 4,801
რეგისტრ.: 2-November 09
ნიკის ჩასმა
ციტირება
მდებარეობა: Tbilisi
წევრი №: 237
ქალაქი:თბილისი



ციტატა(giorgi @ 24th February 2013 - 11:52 AM)
PROTECTED LINKS CAUTION: REGISTER / LOGIN first, to view this links.
ასევე პირველწყაროც მიაწერე

geojorjika
PROTECTED LINKS CAUTION: REGISTER / LOGIN first, to view this links.


>
გვერდის დასაწყისში გადასვლა
 
+შეტყობინების ციტირება
geojorjika
პოსტი Feb 24 2013, 11:14 AM
პოსტი #4


ვეტერანი
********

ჯგუფი: Administrators
პოსტები: 11,796
რეგისტრ.: 7-February 09
ნიკის ჩასმა
ციტირება
მდებარეობა: თბილისი
წევრი №: 8
ქალაქი:Tbilisi



gregory

არა იყო ესე წიგნი " მონადირის ცნობარი"
>
გვერდის დასაწყისში გადასვლა
 
+შეტყობინების ციტირება
ხ.მ.ე.ლ.ო
პოსტი Feb 24 2013, 12:35 PM
პოსტი #5


ზუსტი მსროლელი
****

ჯგუფი: Members
პოსტები: 1,361
რეგისტრ.: 10-April 11
ნიკის ჩასმა
ციტირება
მდებარეობა: თბილისი
წევრი №: 1,257
ქალაქი:თბილისი



ციტატა(geojorjika @ Feb 24 2013, 11:52 AM)
PROTECTED LINKS CAUTION: REGISTER / LOGIN first, to view this links.
ხ.მ.ე.ლ.ო
ყოჩაღ, მაგრამ იმ წიგნში საიდანაც ეგ არის სურათებიც არის და კარგი იქნება დაურთო

ასევე პირველწყაროც მიაწერე

ეს ინფორმაცია მოცემულია წიგნში "მონადირის გზამკვლევი"

სურათებს რაც შეეხება, ბევრი რამის ფიტულის დამზადებაა შესაძლებელია, (ნუ რათქმაუნდა იმათ გარდა რაზეც ნადირობაა აკრძალული და წითელ წიგნშია შეტანილი) აი მაგალითად:





>
გვერდის დასაწყისში გადასვლა
 
+შეტყობინების ციტირება
geojorjika
პოსტი Feb 24 2013, 07:35 PM
პოსტი #6


ვეტერანი
********

ჯგუფი: Administrators
პოსტები: 11,796
რეგისტრ.: 7-February 09
ნიკის ჩასმა
ციტირება
მდებარეობა: თბილისი
წევრი №: 8
ქალაქი:Tbilisi



აი ეგ ბოლო ტაქსიდეერმიის სამოთხე ჩვენ ნაკლებად გვაინტერესებს biggrin.gif
>
გვერდის დასაწყისში გადასვლა
 
+შეტყობინების ციტირება
ხ.მ.ე.ლ.ო
პოსტი Feb 25 2013, 11:35 AM
პოსტი #7


ზუსტი მსროლელი
****

ჯგუფი: Members
პოსტები: 1,361
რეგისტრ.: 10-April 11
ნიკის ჩასმა
ციტირება
მდებარეობა: თბილისი
წევრი №: 1,257
ქალაქი:თბილისი



ციტატა(geojorjika @ Feb 24 2013, 08:35 PM)
PROTECTED LINKS CAUTION: REGISTER / LOGIN first, to view this links.
აი ეგ ბოლო ტაქსიდეერმიის სამოთხე ჩვენ ნაკლებად გვაინტერესებს biggrin.gif

ჰო კი, მარა თვალსაჩინოებისთვის biggrin.gif
>
გვერდის დასაწყისში გადასვლა
 
+შეტყობინების ციტირება
Dave
პოსტი Feb 25 2013, 08:00 PM
პოსტი #8


მსროლელი
***

ჯგუფი: Airgun.ge Club
პოსტები: 562
რეგისტრ.: 11-February 12
ნიკის ჩასმა
ციტირება
მდებარეობა: თბილისი
წევრი №: 1,523
ქალაქი:თბილისი



მე პირადად არანაირად არ მიზიდავს ფიტულების კეთება .... ხოდა პროტესტის ნიშნად აი თქვენ უნიჭო მეფიტულის ნაშრომი biggrin.gif biggrin.gif biggrin.gif


>
გვერდის დასაწყისში გადასვლა
 
+შეტყობინების ციტირება
foxi
პოსტი Feb 25 2013, 09:02 PM
პოსტი #9


ზეზუსტი მსროლელი
*****

ჯგუფი: Moderators
პოსტები: 2,912
რეგისტრ.: 22-October 09
ნიკის ჩასმა
ციტირება
წევრი №: 226



ეგ ფიტული უნიჭოს გაკეთებულს კი არა,სროლის მომენტში დაფიქსირებულ საწყალ ცხოველს გავს.
>
გვერდის დასაწყისში გადასვლა
 
+შეტყობინების ციტირება
koknar
პოსტი Feb 25 2013, 09:20 PM
პოსტი #10


ზუსტი მსროლელი
****

ჯგუფი: Airgun.ge Club
პოსტები: 2,315
რეგისტრ.: 4-March 10
ნიკის ჩასმა
ციტირება
წევრი №: 321



ცოფიანი მგელია, ცოცხალი
>
გვერდის დასაწყისში გადასვლა
 
+შეტყობინების ციტირება
xrincho
პოსტი Feb 25 2013, 10:19 PM
პოსტი #11


ცნობის მოყვარე
*

ჯგუფი: Members
პოსტები: 89
რეგისტრ.: 28-September 12
ნიკის ჩასმა
ციტირება
მდებარეობა: თბილისი
წევრი №: 1,632
ქალაქი:თბილისი



სასაცილოა სატირალი რომ არ იყოს, მე პირადად მაგრა გამეცინა მაგის დანახვაზე biggrin.gif biggrin.gif biggrin.gif biggrin.gif biggrin.gif biggrin.gif biggrin.gif biggrin.gif biggrin.gif biggrin.gif
"დატოვა გაღიმებულიო" მაგაზეა ალბათ ნათქვამი, რამდენჯერ შევხედავ სიცილი მივარდება biggrin.gif biggrin.gif biggrin.gif biggrin.gif biggrin.gif biggrin.gif საღოლ dave სად "გაჩითე"ეგ სურათი?
>
გვერდის დასაწყისში გადასვლა
 
+შეტყობინების ციტირება
ხ.მ.ე.ლ.ო
პოსტი Feb 26 2013, 02:30 PM
პოსტი #12


ზუსტი მსროლელი
****

ჯგუფი: Members
პოსტები: 1,361
რეგისტრ.: 10-April 11
ნიკის ჩასმა
ციტირება
მდებარეობა: თბილისი
წევრი №: 1,257
ქალაქი:თბილისი



ციტატა(Dave @ Feb 25 2013, 08:00 PM)
PROTECTED LINKS CAUTION: REGISTER / LOGIN first, to view this links.
მე პირადად არანაირად არ მიზიდავს ფიტულების კეთება .... ხოდა პროტესტის ნიშნად აი თქვენ უნიჭო მეფიტულის ნაშრომი biggrin.gif biggrin.gif biggrin.gif



რას გავს, უცებ ჩამოვყევი ნაწერებს და თვალი რო მოხვდა, გული რამის გამისკდა biggrin.gif biggrin.gif

ციტატა(foxi @ Feb 25 2013, 09:02 PM)
PROTECTED LINKS CAUTION: REGISTER / LOGIN first, to view this links.
ეგ ფიტული უნიჭოს გაკეთებულს კი არა,სროლის მომენტში დაფიქსირებულ საწყალ ცხოველს გავს.

მართლა ეგრეა მგონი biggrin.gif biggrin.gif


ვაიმე რა საწყალი სახე აქვს, გეგონება მისი თვალები იმას გეუბნება: ხო კაი მომკალი-მომკალი, ჯანდაბას შენი თავი, შე კაი კაცო ფიტულად მაინც დამამზადე წესიერადო biggrin.gif
>
გვერდის დასაწყისში გადასვლა
 
+შეტყობინების ციტირება

მიმდინარე თემაში პასუხის გაცემაახალი თემის დაწყება
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:

 



RSS მსუბუქი ვერსია ახლა არის: 29th March 2024 - 12:25 AM
Hosted by Pro-Service