შინდლერის ტყვია
წელი: 1943 ივლისი
ადგილმდებარეობა: ბირკინაუ (კონსლაგერი)
პიროვნება: ამონ გიუტჰი
დრო: დილა 6 საათი და 38 წუთი
მზე დღეს არ გეგმავდა ცაზე გამოჩენას, ამიტომაც, გადმოაფარა დედამიწას თავისი ნაცრისფერი უღიმღამო საბანი და დღეც, ნელ-ნელა, დიდი სიხარულის გარეშე აისახა ფანჯრებში. დღე ცდილობდა თავისი ნაცრისფერი შუქით შენს თვალებში შემოეხედა, მაგრამ ძალა არ ყოფნიდა, თან გარეგნულად იგრძნობოდა რომ რაღაცა თავზე გიჭერს, გტკივა, მაგრამ ვერ იგებ ეს იმის ბრალია, რომ თავის ქალის შიგთავსი გუშინდელი ფრანგული კონიაკის დიდი დოზების გამო ქალაში არ ეტევა, თუ იმავე დოზა კონიაკის მიერ გამოწვეული გაუგებარი საქციელის ბრალია, რომელიც საძინებელ აპარტამენტებში დასრულდა.
თვალს ჯერ კიდევ ვერ ახელ, მაგრამ მძიმე და ატკიებული თავი იჭერს შორი-ახლოდან მომავალი დინამიკების ხმას. ალუმინის დინამიკები როგორც წესი კონსლაგერის პერიმეტრზეა განთავსებული და მკვახე ხმით გაჰკივის:
- aandacht, kijk uit voor de snavel, werkt en kwaken niet. Die ongehoorzaam zou worden neergeschoten
- Vergeet niet! Uw krill behoort tot jagers!
ოოხ, როგორ გაჰკივის ლეიტენანტი.... არ იცის რომ მისი ჰოუფშტურმანფურერი გუშინდელი მძიმე ღამის შემდეგ ასეთ ალიაქოთს ვერ აიტანს.... თუმცა კარლი აშკარად იმ ხალხს განეკუთნება ვინც ტყუილად არ იყვირებს დილიდან, ესე იგი ეს რუხი არსებები ისევ უსაქმურობენ... მისახედია საქმე მაგრამ თავი როგორ მტკივა!!! უუუხ, როგორ მტკივა!!!
ცალი თვალი იხსნება და ხედავ საოცარ სილამაზეს, პაწაწუნა ლამაზ შიშველ ფეხის თითებს, აშკარად უხდება ეს პაწუა საყვარელი დეტალები მის მფლობელს. თითებს აყოლებ გაღებულ თვალს და ხედავ შემდგომ სილამაზეებს, ნაზი ფაფუკი კანი... წვივი.. კიდევ ზემოთ და... ჰოო.... ლამაზი ბორცვაკია, ამას უკვე მეორე თვალის შეშველებაც უნდა. იხსნება მეორე თვალი და... უუუუ! თურმე მეორე ბორცვაკიც აქვე ყოფილა, იქვე ჭალა.... ჰმმმ!!! საქმე საქმე, თორემ ფრაუ ფონ ეშტონის სხეული ნებისმიერს ნერწყვით დაახრჩობს.
გადმოყავი ფეხები ლოგინიდან, თავზე ხელები შემოილაგე, უხეშად თმები გაისწორე და მაგიდაზე მდგომი ყინულებით სავსე შამპანიურის ვედროდან ამოიღე სასიამოვნოდ გრილი ქილა, რომელსაც ვეებერთელა წარწერა ამშვენებს - BudFurrer.
მოხსენი სახურავი, პირველი ყლუპი და გაიხედე გვერდზე, სანამ თვალი რაიმეს დააფიქსირებდა სხეულმა იგრძნო ზეციული შვება, აშკარად კარდ რამეს უშვებს BudFurrer-ი. როგორც იქნა თვალი გაჩერდა ოთახის კუთხეზე და გონებაში ნელნელა აისახა შენი შაშხანა... თვალს უკრავ ნაცნობ ფიგურას და ფიქრობ - უჰუ! დროა შენი დროც დადგა.
ავლებ ხელს თოფს და მიეშურები აივნისკენ. წინ კონსლაგერის ხედი გეშლება. აქეთ იქეთ დარბიან ნაცრისფერი არსებები, ზოგი ფრთებს ისწორებს, ზოგიც ერთმანეთს რაღაცას ართმევენ, ყიყინებენ... აი საქმეს კი არ აკეთებენ! სასწრაფოდ გამოსასწორებელია!
მაშ ასე, BudFurrer აივნის რაფაზე, რომ ხელი არ შეგვიშალოს... თოფი ბეჭზე და ოპტიკაში პირველი სამიზნის მოძებნა.... აი ისიც, ზის და საქმიანად რაღაცას კენკავს. თითი კაკვზე, ღრმად ამოსუნთქვა და... ჩუმი უხილავი გასროლა, თოფს მხარზე ოდნავაც არ უკვრია, აი სამიზნეს კი ისე რეკა რომ საცოდავი იქვე ამოტრიალდა.
აფუსფუსდა იქვე არსებული რუხი საზოგადოება, დაიწყო კივილი წივილი!!!! ააჰააა! აფორიაქდით! მეორე სამიზნე, ისევ ჩუმი გასროლა და უკვე მეორეა მზად, ჩახმახის ჩქარი გადაწევა და მესამე ტყვია მზადაა... მაგრამ მოიცა გასროლამდე ყელი ჩავიტკბარუნოთ თორემ გაშრა ეს ოხერი. თოფს ხელიდან არ უშვებ, პირით ეძებ BudFurrer-ის თავს, ამოხვლიფავ ზეციურ სითხეს და ამასთანავე მესამე სამიზნეს ეძებ. აი ისიც, კიდევ ერთი გამოკვრა და მესამე, რუხი ფიგურა ძირს არის... იმედია დრეისათვის მაგალითი უკვე აქვთ...
ოოოხ რა მძიმე იყო მუშაობა! თუმცა უნდა აღვნიშნო რომ შედეგიანი იყო!
შემოიდე მხარზე კარაბინი, ერთი ორი გაიზმორე, შეატრიალ შემოატრიალე წელი და შემობრუნდი შინ, ფრაუ ფონ ეშტონისკენ. მიუახლოვდი და ტკბები, მისი ნაზი სხეულით, უცებ მოგინდა მისი გაღვიძება და ამისათვის მშვენიერ აზრად ჩათვალე კარაბინიდან ამოგდებული ცხელი მასრის გამოყენება, თამამად ხსნი ჩახმახს და თოფის მარჯვენა მხარეს უშვერ ფრაუ ფონ ეშტონს. ხსნი ჩახმახს და....
მოიცა მასრა სადაა??? ეეეე!!! აი ეგრეც ვიცოდი რა! აი ეგრეც ვიცოდი! ყველაფერი მაგარი აქვს ამ HW 100-ს მაგრამ აი ჰილზების ჩასადები არსად აქვს... სასწრაფოდ მოსაგონებელია მასრები პნევმატიკისთვის. რა სცენა ჩაიშალა, რა ოსკარი დაიკარგა, ფუი!!!
შესავლიდან შორიახლოს
იმედია აპეტიტი გაგეხსნათ და ამასთანავე მაპატიებთ ამ პატარა უაზრო შესავალს, მაგრამ როგორც სათაურიდან და უაზრო შესავლიდან ხვდებით დღეს საუბარი გვექნება გერმანულ შაშხანაზე, დიახ დიახ, ლეგენდარულ HW 100-ზე, რომელსაც უშვებს გერმანული ფირმა Weihrauch-ი.
ეს შაშხანა თბილისში კაი ხნის წინ გამოჩნდა, თუ არა ვცდები პირველი მათგანი თბილისს ეწვია 2010 წლის 2 მარტს. მაშინ ისმის კითხვა რატომ არ დაიწერა ამ ლეგენდარული თოფის შესახებ ინფორმაცია გაცილებით ადრე? ვერ გეტყვით - სუბიექტური, თუ ობიექტური მიზეზების გამო ვერ მოხერხდა ამ თოფის სრული მიმოხილვის დაწერა. დღეისათვის თბილისში მხოლოდ 1 თოფი აღარ არის, მაღაზია ”მაგნუმმა” პირდაპირ გერმანიიდან ჩამოიტანა მთელი პარტია, აქვე მინდა ვისარგებლო საშუალებით და აღვნიშნო საკმაოდ კარგ ფასად. რა თქმა უნდა ქართველი მომხმარებლისთვის ფასები მაღალია, მაგრამ თუ მსოფლიო ფასებს გავითვალისწინებთ.... ჰოო ეს უკვე საინტერესოა.
როგორც უკვე წესად გვაქვს ჩვეული შევეცდები ამ თოფის შესახებ მაქსიმალურად ყველაფრის მოყოლას, მაგრამ რა თქმა უნდა რაღაც პუნქტებს გამოვტოვებ, რაღაც კი მინდა, თუ არ მინდა გამომრჩება. თუმცა ფორუმი იმისთვისაა, რომ ამ თემაში იყოს ეს თოფი შემდგომში განხილული.
განხილვისას შევეცდები, თოფის დეტალების, მექანიკის განხილვას, ასევე მის შესაძლებლობებს, ფასს და მოდიფიკაციებს შევეხები. მაშ ასე რა დამჭირდება თქვენგან ამ ეტაპზე? ჰმმმ, მემგონი მხოლოდ მცირედი, და ეს მცირედი არის:
- სკამი
- ჩაი, ყავა, ან ლუდი, რომელიც თქვენ მოგწონთ
- სასურველია დიდი მონიტორი, თუმცა პატარაც წავა
- ინტერნეტის სტაბილური ხაზი, თუმცა თუ ამ ტექსტს კითხულობს ესე იგი ტექსტი უკვე ეკრანზეა და ინტერნეტიც შეგვიძლია გადავაგდოთ
- და რა თქმა უნდა თქვენი სურვილი, რომ ეს ნაბოდვარი წაიკითხოთ.
მაშ ასე აღარ გაგაწბილებთ ისედაც ფორუმზე 4-5 დღეა ინფორმაციული ვაკუუმია, ზოგს უკვე ნერწყვები სდის... ზოგს სხვა რამ სდის... ასე რომ დავიწყოთ.
მოდელები პოდიუმზე
დავიწყოთ შორეული ისტორიიდან, ჯერ კიდევ მაშინ როდესაც დედამიწა გავარვარებული ბურთი იყო ჩვენს ახლად ჩამოყალიბებული მზის ორბიტაზე... მოკლედ ასე ძალიან შორსაც არ გვინდა, გადმოვინაცვლოთ წინ რამდენიმე მილიარდი წლით და გავჩერდეთ 1899 წელზე, როდესაც შეიქმნა გერმანული ფირმა Weihrauch-ი. ფირმა თავიდანვე მუშაობდა და პრაქტიკულად მე-20 საუკუნის ბოლომდე უშვებდა მხოლოდ და მხოლოდ ზამბარ დგუშიან პნევმატურ თოფებს. მოდელი HW 100 ეს არის ამ ფირმის პირველი PCP იარაღი, და აქვე დავძენ ჯერჯერობით ერთადერთი.
კომპანია ამ ერთადერთ მოდელს უშვებს რამდენიმე ვერსიაში, ძირითადი განსხვავებები არის კონდახში და ლულის სიგრძეში, მაგრამ აქვე არის გარკვეული შეზღუდვები, რა თქმა უნდა ეს არის ენერგეტიკა. არის ჩვენთვის საყვარელი FAC ვერსია (ვინც ვერ მიხვდა და ჰგონია რომ აქ უწმაწური სიტყვებით ვიგინები, მათ ავუხსნი რომ FAC ეს არის აბრევიატურა და ნიშნავს Fire Arm Certificate), ასევე გამოდის 16 ჯოულიანი და 7,5ჯოულიანი. ბოლო ორი ჩვენ არ გვაინტერესებს. ასევე მოდელებში არის 3 ზომის ლულა 610 მილიმეტრი, 410 და 310 მილიმეტრიანი. ყველაზე ძლიერად ითვლება 610 მილიმეტრიანი ლულის მქონე FAC ვერსია, მაგრამ ამ ბოლო დროს შეიმჩნევა ახალი ტენდენცია, ახალ ახალი თოფები გამოდის 410 მილიმეტრიანი ლულებით და ბაზარზე აშკარად შეიმჩნევა 600 მილიმეტრიანი ლულების დეფიციტი, კერძოდ ქარხანა ცალკე 600 მილიმეტრიან ლულებს არ ყიდის. აქვე დავძენ ლულებს Weihrauch თვითონ აკეთებს, ასე რომ რომელიმე სხვა ფირმის ნაწარმში ნუ დაიწყებთ მის ძიებას. ყველაზე ახლოს ხარისხით არის Lothar Waltther-ის ლულები, მაგრამ შეგახსენებთ ქარხნულად LW-ს ლულები 605 მილიმეტრია, და პლიუს ამ ლულებს რაღაც ნაწილი უკანა მხრიდან დამუშავებისას ჩამოეჭრებათ, ასე რომ ალტერნატივას მიიღებთ
კლასიკური HW 100 S
მოკლე ვერსია HW 100 S K
საერთო ჯამში დღეისათვის HW 100-ის ხაზში არის: HW 100 S, HW 100 SK, HW 100 T, HW 100 TK (სიმბოლო K მოდის გერმანულიდან კურც (kurz), ანუ მოკლე. ვიცი რომ ჩვენთან სიმბოლო K-ს აღიქვამენ როგორც სიტყვა კარაბინს, მაგრამ ისტორიულად K-ს აწერენ გერმანელები მოკლე ვერსიას, მაგალითად Mauser 98k, ანუ იშიფრება როგორც - 1898 წლის მაუზერის შაშხანა მოკლე ვერსია (საწყის ჩვეულებრივ ვერსიას ჰქონდა 740 მილიმეტრიანი ლულა, შემოკლებულ ვერსიას კი 600 მილიმეტრიანი), თუ გერმანელებს უნდა აღნიშვნა რომ ეს კარაბინია მაშინ სიმბოლო K-ს კი არ აწერენ არამედ იგივე მაუზერის შემთხვევაში აღნიშვნა იქნებოდა Mauser Kar 98k), HW 100 S - F.S.B., HW 100 T - F.S.B. (FSB შემოკლებით Full Shrauded Barrel, ანუ მოდერის მაგივრად შრაუდერი გამოიყენება)
რაც შეეხება გასროლების რაოდენობას. თუ გავითვალისწინებთ რომ გარეგნულად ყველა ვერსია ერთმანეთს ჰგავს და ყველა მათგანი ერთი და იგივე რეზერვუარს იყენებს, გასაგებია რომ ჩნდება კითხვა - რამდენ გასროლას გააკეთებს თოფი სხვადასხვა ენერგეტიკის დროს. მაშ ასე დატკბით:
30 ჯოული FAC ვერსია - იძლევა 40 სრულყოფილ გასროლას
16 ჯოულიანი ევრო ვერსია - იძლევა 110 გასროლას
7,5 ჯოულიანი F ვერსია - იძლევა 380 გასროლას
კონდახში ხვრელიანი ვერსია HW 100 T
კონდახში ხვრელიანი ვერსია თან მოკლე HW 100 T K
რა თქმა უნდა ეს არის ქარხნის მიერ მოწოდებული ინფორმაცია და სამწუხაროდ ამიტომაც არ ვიცით რომელ ტყვიაზეა ტესტირება ჩატარებული (თეორიულად ეს უნდა იყოს სადღაც 9 გრანიანი ტყვია, მაგრამ კონკრეტულად და დაზუსტებით ვერ გეტყვით), ქარხნისვე განმარტებით ტყვიის სიჩქარეებიც შესაბამისად ნაწილდება:
30 ჯოული FAC ვერსია - 320 მეტრი წამში
16 ჯოულიანი ევრო ვერსია - 250 მეტრი წამში
7,5 ჯოულიანი F ვერსია - 170 მეტრი წამში
რადგანაც საქართველოში მხოლოდ დიდი ძალა და მაღალი სიჩქარე გვიყვარს... გასაგებია რომ მხოლოდ ამ ვერსიაზე გვექნება საუბარი.
კონდახები თოფს აქვს მხოლოდ 4 ტიპის, ეგრეთწოდებული T ვერსია 2 ნაირსახეობა (მოკლე და გრძელი) და S ვერსია ისევ 2 ნაირსახეობა (მოკლე და გრძელი), თითოეულ მათგანს თავისი მოყვარული ყავს. მე პირადად შეხება ორივე ტიპის კონდახთან მქონდა და რატომღაც ვამჯობინებ S ვერსიას, თუმცა ეს სუფთა სუბიექტური აზრია და არანაირად არ ნიშნავს იმას, რომ T ვერსია ცუდია, ან ულამაზოა. ამაზე კამათი დღემდე მიმდინარეობს მსოფლიო საზოგადოებაში, ჩემი რჩევა იქნება დაივიწყეთ ჩემი მოწონება და სხვისი რჩევა, ორივე ტიპის კონდახი ხელში დაიჭირეთ და თქვენთვის სასურველი და სანატრელი ამოირჩიეთ.
გაითვალისწინეთ რომ კონდახის მოკლე ვერსია არის მხოლოდ K ინდექსის მქონე თოფებზე, ანუ მოკლე თოფებზე. დიდად შემცირებული კონდახი არ არის, მხოლოდ ცხვირის პატარა ნაწილია მოჭრილი სადღაც 4-5 სანტიმეტრი, დანარჩენის მხრივ ჩვეულებრივი ვერსიის ასლი კვალია.
შრაუდერიანი ვერსია HW 100 S - F.S.B.
შრაუდერიანი ვერსია ხვრელიანი კონდახით HW 100 T - F.S.B.
თოფის კლასიკური ვარიანტი არის, გრძელი ლულა და ლულის ბოლოს დამაგრებული მოდერი, მაგრამ ამ ბოლო დროს გამოჩნდა ეგრეთწოდებული FSB ვერსიები, ანუ შრაუდერიანი ვერსია. ეს უკანასკნელი ბოლო 1-2 წლის განმავლობაში გამოჩნდა ბაზარზე
ისევე როგორც უშრაუდერო ვერსია, შრაუდერიანსაც აქვს ორი კონდახის ვარიანტი. მოკლედ სრული ჩამონათვალი ყველა შესაძლო ვარიანტისა შეგიძლიათ http://www.weihrauch-sport.de/englisch/e_startseite/e_index.htm
კარგი ბატონო ჩავთვალოთ პირველადი შესამზადებელი მიმოხილვა გავიარეთ და ახლა გადავიდეთ კონკრეტულ მოდელზე. დღეს განხილვაში იქნება HW 100 S თუმცა ალაგ-ალაგ შეიძლება HW 100 T F.S.B.-ს ხსენებაც მოვასწრო.
ყუთი და....
მაღაზიაში შეძენის სიამოვნებას და ეიფორიას მე ვერ აღვწერ, სამწუხაროდ არ შევსწრებივარ ამ პროცესს (როგორც იცით თოფი ჩემი არაა, ეკუთვნის ჩვენს ფორუმელ პრეზიდენტს geojorjika-ს. მე უბრალოდ ამ მიმოხილვას ვწერ, რამდენიმე დღით ჩამბარდა ახალი ცინცხალი ფიშტო და...). დარწმუნებული ვარ მფლობელს სისხლი უდუღდა და უხაროდა როდესაც ხელში სასურველი კოლოფი ჩაბარდა. ან შეიძლება ხელი უკანკალებდა როდესაც ფულს იხდიდა... ვერ გეტყვით.
კოლოფი დიდი განსაკუთრებული გაფორმებით არ გამოირჩევა. არის გაკეთებული ჩვეულებრივი რუხი მუყაოსგან და რამდენიმე წარწერა აქვს, რომლებიც სულაც არ მიუთითებენ სანატრელ შიგთავსზე. გახსნისას აღმოაჩენთ სპარტანულ, მაგრამ საინტერესო კომპლექტაციას:
თოფი - 1 ცალი
მოდერი - 1 ცალი
რეზერვუარი - 1 ცალი
კლიპები - 2 ცალი
რეზერვუარის დამტენი კვიკი - 1 ცალი
რეზერვუარის პირდაპირ ნასოსთან მისაერთებელი კონექტორი (ძველი სტილით დასატუმბათ) - 1 ცალი
რეზერვუარის დასაცლელი - 1 ცალი
სახელმძღვანელო -1 ცალი
ზედმეტი მაკულატურა - 2-3 ცალი
როგორც ვიცი მფლობელისთვის (ანუ ჯეოჟორჯიკასთვის) სრული მოულოდნელობა იყო კოლოფში მოდერის აღმოჩენა, კომპლექტაციაში მოდერი შედის და თოფის ლულაზე სპეციალურად რეზბაც კი არის მოჭრილი მოდერის ჩასახრახნად. ალბათ FSB ვერსიას მოდერი არ მოყვება, მაგრამ ამბობენ მასზე დამატებითად მაგრდება მოდერი, ასე ვთქვათ დამატებითი სიმყუდროვისთვის, სამწუხაროდ დაზუსტებით ამას ვერ გეტყვით.
სამწუხარო ფაქტი ისაა რომ თოფს მოყვება კვიკი რეზერვუარის დასატენად, რომელიც ერთდება მხოლოდ ორიგინალ ნასოსზე (ანუ 1/8 დუიმების კონექტორზე ერთდება), აი ჯორჯიკას კი Benjamin-ის ნასოსი აქვს და ამიტომაც ორიგინალი ნასოსი აღარ შეუძენია, რომელიც საკმაოდ ძვირი ღირს, Benjamin-ის ნასოსს კი 1/8-ის შესაერთებელი არ აქვს, მაქს აქვს ფოსტერის პორტი.
ამიტომაც თუ თქვენც დააპირებთ იგივე თოფის შეძენას და ასევე სხვა ნასოსით მის დატენვას, მაშინ ჯერ უნდა შეიძინოთ შესაბამისი გადამყვანი (ფოსტერის ჩქარი მოხსნის პორტი 1/8 პორტზე), რომელიც სადღაც 12-13$ ღირს, პლიუს ჩამოტანა და შიპინგი... მოკლედ ალბათ 16-17$-მდე დაგიჯდებათ ეს გადამყვანი.
პირველი რაც ყუთის გახსნისას თვალში მოგხვდებათ რა თქმა უნდა ეს იქნება ულამაზესი თოფი, თოფი ბევრი მინახია, მეც მაქვს ჩემი რჩეული, მაგრამ ამ გერმანელ ლამაზმანს აშკარად აქვს რაღაც თავისებური მომხიბვლელი. საუცხოო დამუშავება გინდ ხეზე, გინდ ლითონზე... გავმეორდები, მეც მაქვს მშვენიერი თოფი, რომელიც არანაირად არ ჩამოუვარდება დამუშავების ხარისხით, მაგრამ.... შეიძლება ახალი რომ არის სისხლი ჩქეფს და მთლიანად იპყრობს ყურადღებას....
ტექნიკური მონაცემები
რადგან ყუთი გავხსენით, ისტორია განვიხილეთ... დროა გავიგოთ რას ვკიდებთ ხელს. მოდით მშრალად ჩამოვყრი მონაცემებს:
სიგრძე - 1070 მილიმეტრი
სიგრძე მოდერით - 1245 მილიმეტრი
კონდახი - კაკალი
კლასი - PCP
მანომეტრი - არის (მწვანე დიაპაზონი 200-120 ბარი)
ოპტიკის სამაგრი - Dovetail 11 mm (მერცხლის კუდი)
რეზერვუარის მოცულობა - 175 კუბური სანტიმეტრი
მაქსიმალური წნევა - 200 ბარი
მინიმალური წნევა - 120 ბარი
რედუქტორი - არის, დაყენებულია 120 ბარზე
ლულის სიგრძე - 600 მმ
ლულის სისქე - 16 მმ (რეალური გაზომვისას აღმოჩნდა 15,90 მმ)
კლიპში ტყვიების რაოდენობა - 14 ტყვია
კლიპის სისქე - 9 მილიმეტრი (პრაქტიკულად ნებისმიერი 4,5 კალიბრის ტყვია ჩაეტევა ამ კლიპში)
გადატენვის მექანიზმი - გვერდითა მხარი (Side level)
ენერგია - 30 ჯოული
ტყვიის სიჩქარე - 320 მეტრი წამში
წონა - 3,9 კილოგრამი მხოლოდ თოფი, ოპტიკის და მოდერის გარეშე
სასხლეტი - 2 საფეხურიანი რეგულირებადი
მგონი ყველაფერი ჩამოვთვალე... მაშინ ავიღეთ ხელში თოფი და....
ლამაზსა თვალი ჩავუკარ, მანაც ჩამიკრა თვალიო
მაშ ასე დავიწყოთ სილამაზეებზე და მოხდენილობაზე საუბარი. პირველი ლამაზი და სერიოზული სახის მიმცემი არის სქელი ლულა. სხვათაშორის სქელ ლულას არა მარტო ვიზუალური დადებითი მხარე აქვს, არამედ იგი დადებითად მოქმედებს მიზანში სროლაზეც, არ გეშინია რაიმეს რომ მიაყუდებ და გაიღუნება, დაყრდნობის არ შეგეშინდება. მოხდენილი და ლამაზია ზედაპირული ყველა დეტალი, განსაკუთრებულ აღფრთოვანებას იმსახურებს კონდახი და მისი დამუშავების ხარისხი. იმდენად თხელი ფორმები აქვს მიცემული და ისეთი ლამაზი ფაქტურებია არჩეული, რომ წონა პრაქტიკულად შეგვიძლია დავივიწყოთ.
სხვათა შორის კონდახი ლაქით დამუშავებული არ არის, უბრალოდ გაჟღენთილია ზეთით, თან ზომიერად, არც ზედმეტი ზეთის კვალი ჩანს, არც ზედმეტი პრიალი... პლიუს საუცხოოდ და საკმაოდ ღრმად დამუშავებული ”ნასეჩკები”... მოკლედ კონდახი იდეალურია, განსაკუთრებით ამას გრძნობ როდესაც თოფი ხელში გიჭირავს. მე პირადად მომეწონა S სერია იმით რომ ხელი იდეალურად ზის კონდახში, არც იქეთ გადახრა, არც აქეთ, პირდაპირ შენს ხელზეა გამოჭრილი, პლიუს მშვენიერი ზომის მონტეკარლოს ლოყა ახასიათებს. აი T სერიაზე იგივეს ვერ ვიტყვი, ჩვეულებრივი პისტოლეტის ფორმის სახელურია, მოხერხებული, მაგრამ ზედმეტი აღფრთოვანება მე ვერ ვიგრძენი, თუმცა S სერიას აქვს მინუსიც, არ არის უნივერასლი, ცაცია ამ კონდახს ვერ გამოიყენებს. T სერია ამ შემთხვევაში არის უნივერსალური გამოადგება მარჯვენა ხელის მსროლელსაც და მარცხენა ხელის მსროლელსაც.
კიდევ ერთი მინი დეტალი, ეს არის მხარზე მისადები რეზინის სამაგრი. როგორც ირკვევა ეს ბედნიერება მიწეპებულია კონდახზე, შესაბამისად მისი გამოცვლა მთლად იოლი არ იქნება. მეორეა კითხვაა - და რატომ უნდა გამოცვალოთ, ან რატომ უნდა მოხსნათ...
რაც შეეხება ლითონის დეტალებს... მინიმუმამდეა დაყვანილი ალუმინის გამოყენება, მართალი გითხრათ მე საერთოდ ვერ ვიპოვე სად აქვს ამ თოფს ალუმინის დეტალები. ყველაფერი რკინისგან და მძიმე შენადნობებისგან (ურანი, პლუტონი, ოქრო, პლატინა ) არის დამზადებული. კლიპიც კი რომელსაც უმეტესობა სხვა ფირმები პლასტიკატისგან, ან ალუმინისგან, ან ბოლო, ბოლო სილუმიტის შენადნობისგან ამზადებენ... გერმანულ ვარიანტში კლიპიც კი რაღაც სხვა მასალისგანაა დამზადებული, ფოლადი აშკარად არ არის, მაგრამ მსუბუქი შენადნობი ალუმინის ბაზაზე ნამდვილად არ არის.
მახსენდება მეორე მსოფლიო ომის დროინდელი ტანკების ისტორია, ერთხელ ნანახი მაქვს ერთერთი ექსპერტის შედარება გერმანული ”ტიგრისა”-ისა და რუსული T-34-ის. ორივე ტანკიდან ამოღებული იყო საკისრეები რომელიც ერთი და იგივე ადგილზე გამოიყენებოდნენ და ერთი და იგივე ფუნქციას ასრულებდნენ. რუსული ვარიანტი ქარხნიდან გამოშვების დღიდან დაჟანგვას და გაფუჭებას იწყებდა, ტანკის დაზიანებისას პირველი სწორედ ეს საკისრე ფუჭდებოდა. გერმანული საკისრე კი გაკეთებული იყო 80 წლიანი რესურსის მარაგით. ტანკიდან ამოღებული საკისრე ისევ მშვენიერ მდგომარეობაში იყო და შეცვლის გარეშე განაგრძობდა თავის საქმის გაკეთებას, მიუხედავად იმისა რომ ტანკი რომლიდანაც დეტალი ამოღებული იყო ბრძოლის ველზე 2-ჯერ იყო აფეთქებული და ხელახლა იყო გარემონტებული.
აქაც იგივესთან გვაქვს საქმე, ლეგენდარული გერმანული ხარისხი ყველა დეტალში იგრძნობა, თუნდაც კონდახის ზედაპირის დამუშავებაში, რამდენჯერმე ვატრიალე ხელში და მართალი გითხრათ მიჭირს წარმოვიდგინო რა ღირებულებისაა დანადგარი, რომელიც ასეთ ფორმებს ასეთი სიზუსტით აკეთებს (ალბათ დაზგის ფასი ათეული და ასეული ათასი ევროთი კი არა მილიონებით განისაზღვრება), თან საკმაოდ ჩახლართული ფორმებია და არა სტანდარტულ საკონდახე მიხრა მოხრა. თუნდაც რვიანის ჩასასმელი ადგილი ავიღოთ, ხეში ზუსტად არის ამოჭრილი საჭირო ადგილები, მილიმეტრების დაცვით, მაშინ როდესაც სხვა მწარმოებლები, ძვირიან მოდელებშიც კი ამ ადგილებს ნაკლებად აქცევენ ყურადღებას.
როგორც უკვე ზემოთ აღვნიშნე თოფს საკმაო წონა აქვს 3,9 კილო, ადრე ჩვენს ფორუმზე სხვა თოფებს განვიხილავდით და მათი წონა 3,4 თუნდაც 3,5 და 3,6 კილოგრამი მაქსიმუმად მიგვაჩნდა, ეს მოდელი კი მთელი 3,9 კილოგრამს იწონის, დარწმუნებული ვარ, მოდერი და ქამარი დამატებით კიდევ 200 გრამსა დაამატებენ და ქე ავცდით 5 კილოგრამს, ამას დაამატეთ ნორმალური ხარისხის ოპტიკა რომელიც მინიმუმ 1 კილოგრამს იწონის და.... და ვხვდებით რომ ეს თოფი ტყეში საბოდიალოდ შექმნილი არ არის.
ფასიც უკვე მიგვინიშნებს რომ ეს თოფი საპლინკაოდ შექმნილი არაა, ლეგენდები მის სიზუსტეზე ავტომატურად მიგვითითებენ, რომ საუბარი მხოლოდ სპორტზე შეიძლება და ამასვე ამტკიცებს თოფის ლულის კოლოფზე მიწერილი Weihrauch SPORT.
ბოლოს მოდით ამ განყოფილებაში განვიხილოთ თოფის ბალანსი. ბალანსი თოფს აქვს ზუსტად იმ ადგილზე სადაც რეზერვუარი ლულის კოლოფს უერთდება, ანუ შუა წერტილი სასხლეტს დაცილებულია 16 სანტიმეტრით. საწყალ HATSAN AT44-ში შუა წერტილი სასხლეტთან უფრო ახლოს იყო, ვიდრე HW100-ში, მიუხედავად ამისა თოფი ხელში, თურქისგან განსხვავებით იდეალურად ზის და წინ აშკარად არ გქაჩავს.
მაგრამ ეს მანამდე სანამ ფეხზე არ დადგები და არ შეეცდები სპორტული პოზის დაჭერას როდესაც მარცხენა ხელი პრაქტიკულად სასხლეტის რკალთან გაქვს მიდებული... აი აქ იგრძნობა რომ ცოოტათი უკვე გქაჩავს თოფი წინ. რამდენადაც ვიცი მოკლე ვერსია ანუ HW 100 SK (სიმბოლო K დასახელებაში მიგვინიშნებს რომ მოკლე ლულიანი ვერსიაა 410 მილიმეტრიანი და არა სტანდარტული 600 მილიმეტრიანი) გამოირჩევა უკეთესი ბალანსით. არც არის გასაკვირი, პრაქტიკულად 20 სანტიმეტრის სიგრძის და 16 მილიმეტრის დიამეტრის რკინის დეტალი გაქვს მოძრობილი, შედეგად ბერკეტის ვარიანტი ნაკლებად მოქმედებს და ბალანსიც წინ აღარაა გადახრილი. მოკლედ თავსატეხი შეძენისას ბლომად გექნებათ, მოკლე ლულა გრძელი ლულა.... ის კონდახი ეს კონდახი, შრაუდერი, მოდერი და ასე შედმეგ.
სროლა, დაცვა და ტყვიების მიწოდება
როგორც ტექნიკური მონაცემების დაწერისას აღვნიშნე თოფს გააჩნია 2 საფეხურიანი სასხლეტი რომლის რეგულირებაც შეიძლება. რეგულირებისთვის კონდახის მოხსნა საჭირო არაა, ამისათვის კაკვიც დამცავ სარტყელში არის 2 ხვრელი, რომელიც თამამად შეგიძლიათ გამოიყენოთ. დაგჭირდებათ ექვსკუთხედების ნაკრები, რა თქმა უნდა მეტრული, გერმანიაში დუიმების სისტემას არავინ იყენებს
ქარხნულად წესით და რიგით სასხლეტის პირველ საფეხურს სჭირდება 120 გრამი ძალის დატანება რომ სასხლეტმა მოძრაობა დაიწყოს და მეორე საფეხურამდე მივიდეს. მეორე საფეხურზე მისვლისას გრძნობ წინააღმდეგობას და კიდევ დამატებით 120 გრამი ძალის დამატებისას ხდება დამრტყმელის მოწყვეტა.
სამწუხაროდ ზუსტად სასხლეტის ძალის გაზომვა არ შემიძლია არ გამაჩნია შესაბამისი ხელსაწყოები, მაგრამ სუფთა სუბიექტურად შემიძლია ვთქვათ რომ 120 გრამზე მეტი კი არა უფრო ნაკლები ძალაა საჭირო სასხლეტის სამოძრაოდ, ჩემის აზრით ეს არის სადღაც 70-80 გრამი. თან სასხლეტი მოძრაობს 5-6 მილიმეტრის მანძილზე და აწყდება მეორე საფეხურს. აი მეორე საფეხურისთვის საჭირო ძალა არანაირად არ შეადგენს 240 გრამს, ისევ და ისევ სუფთა სუბიექტურად ალბათ იქნება 120-140 გრამი. სხვათა შორის მეორე საფეხურზე დამრტყმელის მოწყვეტა მშვენივრადაა რეალიზებული, არანაირი ზედმეტი სვლა, ჩავარდნები, წაბორძიკება, ოდნავ მეტი ძალა დაატანე და გასროლა მომენტალურად ხდება. 10-20-ჯერ თუ გაისროლე უკვე ეჩვევი თუ როდის მოხდება გასროლა და ავტომატურად სროლა შენს კონტროლს ექვემდებარება.
თუმცა აქვს ამ საქმეს თავისი მინუსებიც... ხშირად მომსვლია ამ 2-3 დღეში შემთხვევითი გასროლები, ანუ იმდენად მსუბუქია სასხლეტი, რომ დამიზნების დაწყებისას ცოოტათი თუ გაერთე აზრებში გასროლა უკვე შემდგარი ფაქტია და მხოლოდ იმას ნანობ რომ ჯერ მიზანი ბოლომდე არ გქონდა ამორჩეული....
აქვე აღვნიშნავ მცველს. მცველი განთავსებულია ლულის კოლოფის მარჯვნივ ზედა მხარეს. ერთის მხრივ მოხერხებულადაა განთავსებული და შეიძლება მარჯვენა ხელის ცერა თითით მარტივად საბრძოლო მდგომარეობაში გადაყვანა, მაგრამ გარკვეული პრობლემები არსებობს. მაგალითად მცველის რეჟიმიდან ცეცხლის რეჟიმში შედარებით იოლია გადასვლა, თუმცა მაინც გარკვეულ ძალას მოითხოვს, აი მცველის რეჟიმში გადმოსვლა შედარებით რთულადაა და უფრო მეტ ძალას მოითხოვს, თან შედარებით მოუხერხებელია მცველზე დაყენება, ვიდრე საბრძოლო მდგომარეობაში გადაყვანა. თუმცა ეს ყველაფერი მიჩვევაზეა და რამდენად საჭიროა ამ თოფზე მცველის რეჟიმში გადაყვანა ეს ჯერ კითხვის ნიშნიშ ქვეშაა.
თოფი დაყენებულია მცველზე
თოფი საბრძოლო მდგომარეობაშია
ასე მაგალითად როდესაც თოფი გადატენილი არ არის, შეუძლებელია მცველის გადაყვანა დაცვის რეჟიმში, თოფი რჩება საბრძოლო მდგომარეობაში და ვერაფრის დიდებით ვერ გადაიყვანთ მცველის რეჟიმზე. ლოგიკა აქ ასეთია - მაინც არ არის თოფი გადატენილი და მცველი რათ გინდა?
მცველის რეჟიმში გადასვლა შეიძლება მხოლოდ მაშინ როდესაც თოფი გადატენილია. თან თუ გასროლას არ აპირებ... საკმაოდ იოლია თოფის საბრძოლო მდგომარეობიდან გამოყვანა. ამისათვის ჩახმახი, ნახევრად გადმოწიეთ უკან თითქოს და გადატენვას აპირებთ (ან ბოლომდე გადმოწიეთ უკან, თუ არ გეზარებათ), და გამოკარით სასხლეტს თითი. გაიგებთ ფუჭი გასროლის მცდელობის ნაზ ხმას (თუ ნახევარზე გქონდათ გადმოწეული, ხოლო თუ ბოლომდე გადაწიეთ ჩახმახი და სასხლეტს ხელი გამოკარით, მაშინ შეგიძლიათ სასხლეტი გამოკრულ პოზიციაში დატოვოთ და ჩახმახი წინ დაუშვათ, ისევ იგივე მოქმედება მოხდება) და მორჩა სამე, საბრძოლო მდგომარეობიდან თოფი გამოყვანილია.
ასეთი სიმარტივის შემთხვევაში ჩნდება კითხვა საერთოდ რა საჭიროა მცველი????
კარგი გადავიდეთ ჩახმახზე და კლიპზე. ჩახმახი უკვე ნაწილობრივ ვახსენე, მაგრამ მოდით დეტალურად განვიხილოთ. ჩახმახი არის ეგრეთწოდებული Sidelevel-ი, რომლის გადაწევა საკმაოდ იოლია, ვიტყოდი ჩახმახი თვითონ მოძრაობს, საკმარისია თავიდან გახსნა დაიწყოთ და შემდგომ თვითონ მიდის ჩახმახი თითქმის ბოლომდე უკანა პოზიციაზე, საჭიროა პატარა ძალაა იმისათვის რომ ბოლომდე გადატენოთ თოფი, ამასობაში ხდება კლიპის გადატრიალება და ტყვიის დაყენება მიმწოდებლის წინ.
შემდეგ კი გაითვალისწინეთ თოფის თავისებურება, მიუხედავად იმისა რომ ჩახმახი ბოლომდე გადავწიეთ და ყველაზე უკანა პოზიციაზეა, თოფი სინამდვილეში გადატენილი არაა, ანუ ასე ვთქვათ დამრტყმელი ამ დროს არაა სრულად ზამბარაზე დაყენებული.
საოცარია მაგრამ ფაქტია დამრტყმელის დაქოქვა მოხდება ჩახმახის წინ მოძრაობისას თან წინ მოძრაობისას, პირველი ნახევრის გავლის დროს დამრტყმელი არაა საბრძოლო მდგომარეობაში და ამ დროს რომ სასხლეტს გამოკრათ, ფუჭი გასროლა ხდება, ანუ კაკვი გამოვა ზამბარის მოქმედებიდან და გამოათავისუფლებს დამრტყმელს. რეალურად დამრტყმელის ასე ვთქვათ დაქოქვა ხდება მაშინ როდესაც ჩახმახი ბოლო ნახევარს გაივლის წინ წაწევისას.
აქვეა აღსანიშნავი გადატენვის სიმარტივე და სიმსუბუქე. ანუ ვთქვათ და სამიზნეს ოპტიკაში უყრებთ, დააპირეთ გადატენვა და დაიწყეთ ჩახმახის მოძრაობა უკანა მიმართულებით. უკან მოძრაობა იმდენად მარტივია რომ ცალ ხელში თოფის ჭერის დროსაც კი შესაძლებელია სამიზნის ხედვის არეალში დატოვება. ჩახმახის წინ მოძრაობისას იგივე პირობა არის შენარჩუნებული პირველი ნახერვის გავლისას, აი მეორე ნახევრის გავლისას ძალა უკვე საჭიროა და სამიზნის ოპტიკაში დაჭერა უკვე ჭირს, მაგრამ მაინც შეიძლება.
რაც შეეხება კლიპს, კლიპი წარმოადგენს ლითონის ბორბალს, რომელიც ცენტრში გახვრეტილია, ასევე გარე წრეზე აქვს 14 ხვრელი ტყვიებისთვის. ცენტრში არსებულ ხვრელში გადის კლიპის დასამაგრებელი ღერძი (ამავე ღერძზე არის კბილანები, რომლებიც კლიპის სპეციალურ ღარებში ჯდება) და დამრტყმელი. როგორც ხვდებით კლიპში ხვრელები არ შეიძლება ტყვიაზე უფრო პატარა იყოს, იმიტომ რომ ტყვია დაზიანდება. თუ დიდი ხვრელი იქნება ლითონის ბორბალში... მაშინ ტყვიები როგორც დავიცვათ იმისგან რომ მოძრაობისას კლიპიდან არ გადმოიყარონ? ამისათვის გამოსავალი არსებობს, კლიპს ირგვლივ აქვს რეზინის რგოლი შემორტყმული, რომელიც ხვრელებში ნაწილობრივ ყოფს ტანს. შესაბამისად როდესაც ტყვიას კლიპში დებთ ტყვიის თავი გადახტება ამ რეზინის რგოლზე და თავისი გამოყვანილი წელით გაეჭედება რეზინის რგოლზე. მორჩა გადმოვარდნა შეუძლებელია.
ამავე რეზინის გამო შეიძლება გარკვეული პრობლემები შეგექმნათ, მართალია ეს დამტკიცებული არაა, უფრო სახალხო დაკვირვებას გავს. მოკლედ დროთა განმავლობაში, ასე 200-300 ტყვიის გასროლის მერე თქვენმა თოფმა თუ დაიწყო ტყვიები გაფანტვა და მიზანში თუ ვეღარ არტყავთ, სავარაუდოდ კლიპის რეზინა გამოშრა და ამის გამო ტყვიები ზუსტად ვეღარ მიდის მიზანში. ზუსტ მიზეზს ვერ გეტყვით რატომ ხდება ეს. გამოსავალი იმდენად მარტივია რომ მიზეზის ძიებას აზრი არ აქვს. მოკლედ კლიპის რეზინა დაზეთეთ სინთეტიკური ზეთით, ან სილიკონის ზეთით (სილიკონის ტაოტიც მისაღებია, ოღონდ იმდენი ზეთი და ტაოტი არ გამოიყენოთ რომ თქვენც გაისვაროთ თოფიც და გვერდზე მდგომებიც), მორჩა ჩაალაგეთ ტყვიები და ისროლეთ....
ჭკვიანურადაა მოფიქრებული კლიპის ტრიალიც, ანუ თუ ერთხელ კლიპი გადატრიალდა, სანამ გასროლა არ მოხდება, მეორედ კლიპი არ გადატრიალდება და ახალ ტყვიას ლულის მოპირდაპირე მხარეს არ დააყენებს. ეს იმას ნიშნავს რომ შემთხვევით ორი და სამი ტყვიის ლულაში ჩატენვისგან დაზღვეული ხართ. საკმაოდ ორიგინალური მეთოდია. თუმცა თუ 1 ტყვია უკვე ლულაშია, ამის შემდეგ თოფი მოხსენით საბრძოლო მდგომარეობიდან, და მოგვიანებით დააპირეთ ხელახლა გადატენვა.... მოკელდ ამ ჯერად 2-3 ტყვიის შეტენვისგან დაცვა აღარ მუშოაბს, კლიპი გადატრიალდება და მიმწოდებელ წინ ახალ ტყვიას დაუყენებს. თქვენც დაუფიქრებლად წაწევთ ჩახმახს წინ და აი ბედნიერება, მეორე ტყვია ლულაშია პირველთან ერთად.
მოდით განვიხილოთ ნადირობის სტანდარტული შემთხვევა, გადავტენეთ თოფი, ტყვია ლულაში მიწოდებულია. ახლა მივდივართ ტყე-ღრეში და არ გვინდა რომ თოფი ტყუილად იყოს გადატენილი (მოკლედ ზამბარას ვუფრთხილდებით), ამისათვის ჩახმახს გადმოვწევ ნახევარზე დავაჭერ სასხლეტს, თოფი საბრძოლო მდგომარეობიდან მოიხსნება. დავუშვებ სასხლეტს ბოლომდე და წავედით სანადიროდ. ვიარეთ 1 საათი, 2 საათი და დავინახეთ მინდორზე ბალახის მოსაძოვად გამოსული მამონტი. გასაგებია რომ მოგვინდა მონადირება, ამიტომაც თოფს უცებ ვამზადებთ, ზედმეტი ცერემონიალის გარეშე ჩახმახი გადავწიეთ ბოლომდე უკან და შემდგომ წინ (ამასობაში კლიპი ტრიალდება და მეორე ტყვიას ლულაში გვატენინებს, ის პირველი ისედაც ლულაშია). მორჩა თოფი მზადაა სასროლად. ვესროლეთ მამონტს, მაგრამ ავაცილეთ (ტყვიები გაიშალნენ და არცერთი მიზანს არ მოხვდა). სასწრაფოთ გადავტენეთ მეორეჯერ, მაგრამ მამონტი დაფრთხა და გაფრინდა.... ტფუი!... ჯანდაბამდე გზაც ჰქონია, ჩაბარდეს თავის პრეისტორიულ ეპოქას, მთავარია აწი იგივე შეცდომა აღარ დავუშვათ, ამიტომაც თუ თოფი გადატენილია ახლა მხოლოდ მცველზე ვაყენებთ და საბრძოლო მდგომარეობიდან აღარ ვხსნით.
საბრძოლო მდგომარეობიდან მოხსნა გამოგადგებათ მაშინ როდესაც სახლში ბრუნდებით და კლიპის ამოღება გინდათ თოფიდან (სიფრთხილეს თავი არ სტკივაო), ამისათვის გადმოვწევთ ჩახმახს, გავხსნით კლიპის ჩამკეტს, ამოვიღებთ კლიპს და თოფი გადატენილ მდგომარეობაში რომ არ დაგვრჩეს, გამოვწევთ სასხლეტს, არ ვუშვებთ სასხლეტს თითს, ისე დავუშვებთ ჩახმახს. გავიგებთ ფუში გასროლის ხმას, ანუ დამრტყმელი მოიხსნა საბრძოლო მდგომარეობიდან. მორჩა შეგიძლიათ თოფი ჩადოთ მანქანაში, ან შეინახოთ კარადაში.
მაგრამ მიუხედავად ამ ყველა სილამაზისა თვითონ კლიპის კონსტრუქცია გარკვეულ სირთულეებს ქნის. ასე მაგალითად შეუძლებელია გაიგოთ რამდენი გასროლა გააკეთეთ, ანუ 14-დან რამდენი გაისროლეთ, რამდენი დაგრჩათ კლიპში და ასე შემდეგ. აი კონკურენტი მარადიორი რომ ავიღოთ, ან FX-ის კლიპი, იქ მშვენივრად შეიძლება გაგება თუ რამდენი ტყვია დარჩა კლიპში და რომელ გასროლაზე ხარ. სამწუხაროდ HW 100-ში ამას ვერ გავიგებთ. შესაბამისად თავისუფლად შეიძლება მოგიხვდეთ შემთხვევა როდესაც გაისროლეთ 14 ტყვია, გამოგრჩათ გადათვლა, უცებ სამიზნე დაინახეთ, დაუმიზნეთ და მე-15 ტყვია ესროლეთ. მაგრამ სინამდვილეში მე-15 ტყვია კლიპში არ დევს, ანუ გამოდის ჰაერი გაისროლეთ. ვითომ და ასეთი სიტუაციების თავიდან ასაცილებლად კლიპს ერთი თეთრი ხაზი გააჩნია აღმნიშვნელად. მაგრამ ეს ხაზი თქვენ უნდა დააყენოთ სასურველ პოზიციაზე კლიპის ჩადებისას, და შემდეგ უნდა უთვალთვალოთ როდის გააკეთებს კლიპი 340-350 გრადუსიან მოტრიალებას და როდის დაინახავთ დარჩენილ 10-20 გრადუსში სასურველ ხაზს, რომ მიხვდეთ ტყვიები მორჩა. მოკლედ უნიჭო მცდელობაა რამენაირად აღნიშვნის მეთოდიკა შემოიღო, გამწარებული სროლისას ეს ცოტა არ იყოს ძნელია. თან 10, ან 15 ტყვიაზე მაინც იყოს კლიპი... 14 რამ მოაფიქრათ?
ასევე ხდება პრობლემა როდესაც კლიპის ჩამკეტი ბოლომდე წინ არაა მიწეული. კლიპს არტიალებს სპეციალური კბილანები, თუ ისინი კლიპის სპეციალურ ბუდეებში არ არის შესული, მაშინ ვიღებთ მეორე უკიდურესობას, გავისროლეთ, გადავწიეთ ჩახმახი, მაგრამ კლიპი არ გადატრიალებულა, შედეგად ახალი ტყვია ლულაში არ ჩაიდება და თამამად ვისვრით ჰაერს... პირადად მომივიდა ასეთი კურიოზი, ლამის 4-5 გასროლის მერე და გაუგებარი აზრების ტრიალის შემდეგ როდესაც ვცდილობდი გამეგო სულ რაღაც 4 მეტრში არსებულ ვეებერთელა ცელოფანს პაკეტს რატომ არ მოხვდა 5 ტყვიიდან არცერთი.... თოფის რეალურმა მფლობელმა მკითხა - კლიპი საერთოდ ჩაკეტილი გაქვსო? .
ბოლო კლიპის პრობლემა, ეს არის ტყვიების დამთხვევა, მართალია ეს გაზვიადებული თემაა, მაგრამ ვთქვათ და გვაქვს სიტუაცია როდესაც დაგვრჩა ბოლო 6 ტყვია, კლიპს ბოლომდე ვერ ვავსებთ, ჩავდეთ ბოლო 6 ტყვია და ვდებთ კლიპს თოფში... იმისათვის რომ ყველა მომდევნო გადატენვისას ჰაერი არ გავისროლოთ და ექვსივე ტყვია სწორედ მიეწოდოს თოფს ლულაში თავიდან საჭირო იქნება ბარაბნის ტრიალი და საჭირო პოზიციაზე მისი დაყენება. ასეთი ზედმეტი მოქმედებები იგივე FX-ში და მარადიორში საჭირო არაა, თუმცა ამ თოფებს მეორე ტყვიის შეცდომით ჩატენვის შესაძლებლობა აქვთ , მოკლედ სამყაროში სამართალი არაა. ერთ პრობლემას აღმოფხვრი მეორე ჩნდება, მეორეს აღმოფხვრი, პირველი იჩენს თავს.
სხვათა შორის არის კიდევ ერთი თავისებურება კლიპის ჩადება ამოღებასთან დაკავშირებით. თუ კლიპის ამოღება, ან შეცვლა გინდათ ახლით, მაშინ გინდა არ გინდა ჩახმახი ბოლომდე უკანა პოზიციაში უნდა გადაიყვანოთ. ამის შემდეგ კლიპის ჩამკეტი ღილაკი უნდა გაწიოთ უკან და.... აი გამონთავისუფლდა ადგილი კლიპის ამოსაღებადაც და ახლის ჩასადებადაც. გაითვალისწინეთ კლიპი მხოლოდ მარჯვენა მხრიდან იდება, მარცხნიდან სპეციალური წანაზარდი არ აძლევს კლიპს საშუალებას ამოვარდეს კოლოფიდან, იგივე წანაზარდი ხელს შეგიშლით მარცხენა მხრიდან კლიპის ჩადებაში. პლიუს გაითვალისწინეთ, კლიპის ჩადება ჩაკეტვის შემდეგ მისი მოძრაობა შეგიძლიათ მხოლოდ საათის ისრის მიმართულებით, უკუღმა ვერ დაატრიალებთ.
და ბოლოს წონა, კლიპი საკმაოდ წონისაა როგორც უკვე აღვნიშნე, რომელი შენადნობია გამოყენებული ან რა ლითონი ძნელია, იმიტომ რომ მუქი შავი საღებავი აქვს გადასმული. ისღა დაგვრჩენია დაველოდოთ როდის გადაუვა კლიპს საღებავი, თუმცა ვიცი სხვა საიტებიდან რომ ეს მალე არ მოხდება, შეიძლება 2-3 წელი საღებავი კლიპს არ აძვრეს, ასე რომ ლოდინი დიდხანს მოგვიწევს , მანამდე კი შეგიძლიათ დატკბეთ კლიპის სუფთა წონით.
რეზერვუარი, ლულა და მოდერი
რეზერვუარი მემგონი ერთერთი ყველაზე პატარა აქვს HW-ის. ძირს მოყვანილია Hatsan AT44-ის რეზერვუარი და HW 100-ის რეზერვუარი, ვინც არ იცის შევახსენებ რომ ჰაცანის რეზერვუარის მოცულობაა 180 კუბური სანტიმეტრი, გერმანელის კი 175 კუბური სანტიმეტრი. HW 100-ის რეზერვუარი გაცილებით სქელია, ანუ შუა წელში და გარე კუთხეებში არის 37,1 მილიმეტრი შუა ადგილებში კი 35,7 მილიმეტრი, ანუ ერთერთი ყველაზე პუტკუნა რეზერვუარია. სხვათა შორის შუაში არსებული სქელი რგოლი ასრულებს კარგ საქმეს, იგი აძლიერებს კონსტრუქციას და უფრო მედეგს ხდის.
თუ დააკვირდებით თურქს და გერმანელს, თურქის რეზერვუარზე ასევე აღმოაჩენთ საბრძოლო კლაპანსაც, გერმანელს კი ეგ არ აქვს. ეს იმას ნიშნავს რომ თურქის რეზერვუარის შეცვლისას, შეიცვლება ჰაერის მიწოდების სისტემაც. ანუ ყოველ რეზერვუარს თავისი გადახრები ექნება. აი გერმანელში კი კლაპანი და რედუქტორი ლულის კოლოფშია ჩამალული და რამდენი რეზერვუარიც არ უნდა გამოცვალოთ თოფი ყოველთვის ერთნაირად გაისვრის.
სხვათა შორის თავიდან HW თვლიდა რომ რეზერვუარი ყოველთვის უნდა მოსძვრეს თოფს, შეუერთდეს ძირა კლაპნით ნასოსს, უნდა დაიტენოს და თავიდან ჩაიხრახნოს თოფში. ბოლოს გერმანელები მიხვდნენ რომ ეს მოუხერხებელია და ტყუილა ცვითავს რეზერვუარის რეზნას და განსაკუთრებით ლულის კოლოფის რეზბას, ამიტომაც რეზერვუარს დაემატა განივი პორტი. დღეს რეზერვუარის დატენვა შეიძლება თოფიდან მოხსნის გარეშე.
მიუხედავად განივი პორტისა დღემდე შესაძლებელია რეზერვუარის მოხსნა და მიერთება. მოსხნა შეიძლება დატენილ რეზერვუარზე, ამისათვის უბრალოდ მოატრიალეთ და მორჩა საქმე, სადღაც 1/3 გზაზე გაიგებთ რედუქტორიდან გამოპარულ ჰაერის ხმას, ნუ შეგეშინდებათ რეზერვუარი ამ დროს კპალანს მოცილებულია და რეზერვუარიდან ჰაერი არ იპარება.
ჩახრახნვისას ისევ უბრალოდ ჩაახრახნეთ რეზერვუარი, სადღაც ნახევარ გზაზე გაიგებთ რეზერვუარიდან თოფში გადასული ჰაერის ხმას და...
რაც შეეხება მანომეტრს, მემგონი HW-ის ერთერთი ყველაზე კარგი მანომეტრი მოყვება, ყველაზე ინფორმატიულია (რა თქმა უნდა იქნება ინფორმატიული, HW100-ს მოყვება მეორე ცნობილი გერმანული ფირმა WIKA-ს მანომეტრი), დანაყოფები არის 10 ბარით დაცილებული, რაც საშუალებას გაძლევს ზუსტად იანგარიშო რამდენი ჰაერი დაიხარჯა, რამდენი დაგრჩა და ასე შედმეგ. შეფერადებულიც კარგადაა:
- ყვითელი დიაპაზონი 0-დან 120 ბარამდე
- მწვანე სამუშაო დიაპაზონი 120-დან 200 ბარამდე, ამ დიაპაზონში მუშაობს თოფი ყველაზე ეფექტურად
- წითელი არა რეკომენდირებული, საშიში ზოლი. სასურველია ამ დიაპაზონში არ გადავიდეთ რომ რაიმე უბედურება თავს არ დაგვატყდეს.
რეზერვუარი თავიდან მოდის ცარიელი, ეს ნორმალურიცაა. რა იცი გზაში რა ხდება!, ეს თურქები არიან ჭკვიანები რომ თოფს და ცალკე რეზერვუარსაც უკვე დატუმბულს ყიდიან. ნოლიდან რეზერვუარის დატუმბვა არ დაგვითვლია, მაგრამ აი 120 ბარიდან 200 ბარამდე რეზერვუარის დასატენად საჭიროა 95-დან 103 ბუქნამდე, ეს ეხება Benjamin-ის ნასოსს.
ბარემ რეზერვუარზე ვართ და გავიხსენებ რეზერვუარის დატუნინგების მცდელობებს. რა თქმა უნდა 175 კუბიკი ცოტაა და ჰაერი მალე თავდება, ამიტომაც ბევრი ცდილობს გააკეთოს ხელნაკეთი რეზერვუარი და მოცულობა აიყვანოს 300, ან 350 კუბიკამდე. რა თქმა უნდა შეიძლება ამის გაკეთება, მაგრამ ჩემის აზრით, ჯობია მეორე სათადარიგო რეზერვუარის ყიდვა, რადგან ახალი ხელნაკეთი რეზერვუარი მაინც 200-250$-თან თამაშობს, თან ისეთ ბევრ გასროლების რაოდენობას არ იძლევა როგორიც მფლობელს დააკმაყოფილებს (მაქსიმუმ 92-98 სრულყოფილი გასროლა), ასე რომ ჯობია 2 რეზერვუარი გქონდეს და გეყოფა გინდა სპორტულ ღონისძიებაზე გინდა სანადიროდ, არც დატენვით დაიღლები, არც თოფის წონა შეგაწუხებს...
მგონი დაგვრჩა ლულა და შეგვიძლია ტესტირებებზე გადავიდეთ. მაშ ასე მისტერ ლულა.... სამწუხაროდ ლულას თოფს ვერ მოვხსნი პარტონთან ასეთ ნიუანსებზე არ მოგვილაპარაკია, ასე რომ მოგვიწევს გარეგნული ინფორმაციით დაკმაყოფილება.
პირველი რაც თვალში საცემია, ეს არის რვიანი, რომელიც ლულას მჭიდროდ აქვს შემორტყმული და თავის მხრივ რვიანი ვინტით ჩამაგრებულია კონდახში. ამით იმის თქმა მინდა რომ ლულა სულაც არაა გამოკიდებული, მაგრამ სულაც არ უშლის ხელს თავის საქმე 5-იანზე აკეთოს. აქ გარკვეულ წილად იმსხვრევა თეორიები იმის შესახებ რომ დაფიქსირებული ლულა ცუდია და ეს აფუჭებს საქმეს, თითქოს და რეზერვუარში წნევის ცვლილების გამო ლულას იქეთ აქეთ დაარბენინებს...
ერთის მხრივ კი მართალია, მაგრამ მეორეს მხრივ, რეზერვუარი რვიანშივე კი არის დაფიქსირებული, მაგრამ მაინც გამოყოფილია სისტემიდან, პლიუს რეზერვუარზე თუ გახსოვთ შუა წელში არსებული სქელი რგოლი! სწორედ ეგ რგოლი არ აძლევს რეზერვუარს დეფორმაციის საშუალებას. ასე რომ აქ საკამათო თემა მაინც რჩება, კარგია ლულა დაფიქსირებული რომაა, თუ ცუდია.
რაც შეეხება ლულის დამუშავებას, რა თქმა უნდა გერმანელებს არ ეშლებათ ლულის გვირგვინის ამბები და ლულას ქარხნულად აქვს დამუშავება გაკეთებული, რომელიც ჩემის აზრით საკმაოდ მაღალ დონეზეა შესრულებული და რა თქმა უნდა დამატებით საკუთარი ხელებით მანდ ჩაძრომა კატეგორიულად უნდა იყოს აკრძალული.
სურათზე ხრახნებიც ჩანს, საკმაოდ კარგად გამოიყურება, უბრალოდ ვახსენებ რომ სულ არის 12 ხრახნი, მაგრამ ეს 4,5 კალიბრში, მართალია მე შეხება არ მქონია 5,5 კალიბრთან, მაგრამ ამბობენ რომ 5.5 კალიბრში HW-ს აქვს მხოლოდ 6 ხრახნი.
ლულას ბოლოში აქვს მოჭრილი ”რეზბა”, ეს რა თქმა უნდა მოდერისთვისაა გაკეთებული. რეზბა სტანდარტული ½ UNF-ია. გარეგნულად როდესაც უყურებ რაღაც არაადეკვატურად გლუვი დამუშავება აქვს ამ ”რეზბას”, მაგრამ ფოტოაპარატით MACRO გადაღება ლეგენდებს სპობს და მშვენივრად ჩანს დამუშავების კვალი .
თითონ მოდერს რაც შეეხება... დამუშავება უმაღლეს დონეზეა, მიუხედავად იმისა რომ ჩვენთან ასევე იშოვება HAtsan AT44-ის მოდერი... მოკლედ არ შეიძლება ამ ორი მოწყობილობის ერთმანეთთან შედარება. თავიდან როდესაც HW-ის მოდერი ნანახი არ მქონდა ჩავთვალე რომ თურქების მიერ გაკეთებული მოდერი მშვენიერი იყო. აი გერმანელის ხელში დაჭერისას მივხვდი რომ ვცდებოდი. კონსტრუქციულად ყველაფერი იგივეა, მაგრამ აი დამუშავების მხრივ... ფორუმზე უკვე განიხილებოდა შემთხვევები როდესაც თურქს შუაში არსებულ გამყოფებზე დარღვეული ჰქონდა ცენტრი. მეთვითონ როდესაც დავშალე თურქული მოდერის, გამყოფი რკინის რგოლები თავისუფლად გადმოცვივდა, აი გერმანელში კი რგოლები იმდენად ზუსტად ზის რომ ცოცხალი თავით არ იძვრის.
მოდერი სტანდარტული HW-ის მეთოდითაა შექმნილი ანუ "ბიგუდები" და ქეჩა, შესაბამისად გვაქვს 2 მოცულობა, ერთი ცარიელი მოდერის მოცულობა, რომელიც შეადგენს 90.51 კუბურ სანტიმეტრს, მაგრამ ქეჩები და ბიგუდები რა თქმა უნდა იპარავენ სივრცეს და რეალური მუშა მოცულობა რჩება 37.31 კუბური სანტიმეტრი. დიახ დიახ 37 კუბიკი, შეგიძლიათ არ დამიჯეროთ და თქვენთვითონ დაითვალოთ. შიდა სიგრძე ხუფის დახურვის შემდეგ არის 157 მილიმეტრი, ეს მნიშვნელობა ერთი და იგივე იქნება, მაგრამ აი შიდა დიამეტრი ცარიელი მოდერის არის 27.15 მილიმეტრი, ხოლო შევსებული მოდერის შიდა დიამეტრი არის 17.47 მილიმეტრი. დანარჩენი მათემატიკაა.
აი რაც შეეხება მუშაობას....რა ვქნა, აქ ვახსენო თუ ცალკე თავში.... ჯანდაბას ბარემ აქვე იყოს. მაშ ასე მუშაობა არის საუცხოო, გინდ ბუნებაში გინდ სახლში გესმის მხოლოდ დამრტყმელის ხმა, რაღაც წვრილი და წყნარი ტკლინც. არანაირი ჰაერის ხმა, არანაირი სხვა დამატებითი ხმა.... მოკლედ არ არის სხვა ხმა. მიუხედავად იმისა რომ თურქიც იგივეა.... იდეაში გასასინჯია ჯერ და შემდეგ შეიძლება დაზუსტებით თქმა, მაგრამ სუფთა სუბიექტურად მემგონი თურქს მაინც აქვს რაღაც ხმა.
მოკლედ ვისაც მარადიორის ჩუმი გასროლა მოსმენილი გაქვთ შეგიძლიათ პირი დააღოთ! HW 100 უფრო ჩუმია თავისი მოდერით, ვიდრე მარადიორი შრაუდერით! სხვათა შორის HW 100 FSB-ც ხმაურიანია, თან საკმაოდ დიდი ხმა აქვს, FSB ვერსია ახლოსაც ვერ მიდის მარადიორთან, აი უბრალო მოდერიანი ვერსია კი ბოლომდე კლავს ჰაერის ტალღის ხმას. გინდ დაიჯერეთ გინდ არა.
ველად გაჭრილი ტესტები და მონადირებული შედეგები
ჰოოო ტესტირება დავიწყეთ შაბათს ანუ შეძენიდან მეორე დღეს, თუ მესამე დღეს... ჰმმმ აღარც მახსოვს.. მოკლედ ეს იყო 27 ნოემბერი წყნარი ამინდი, დაგემოვნების დიდი სურვილი და....
თოფის მფლობელის ამაყი გამოხედვა
ასე იყო თუ ისე შევიკრიბეთ რამდენიმე მსურველი საიდუმლო სერობაზე, ჩავეხუტეთ გერმანელ სტუმარს და ვეწვიეთ ტბასა ლისისასა. გავჩერდით გზის პირას და მემგონი მანდ მწარედ მივქარეთ, ოხ რა მივქარეთ! .
ჯერესერთი ხომ გამვლელ გამომვლელმა მანქანებმა აგვიკლეს, ყველას უნდა გაეჩერებინა მანქანა გადმოეყო თავი დაეღო პირი და მერე ნელნელა წსულიყო, მეორეცესერთი ლისის ტბა თუ საქორწილო ტრასა იყო მემგონი არავინ ვიცოდით , ყოველ 20-30 წუთში ახალი კოლონა მიბობღავდა იმ დამტვრეულ გზაზე კივილ წივილითა და დაჭყეტილი თვალებით, ალბათ ეგონათ საქორწილო დღე დაყაჩაღებით მთავრდებოდა, ან პატარძლის გატაცებით... აბა რავიცი, სხვა რა შეიძლება ეფიქრათ მოქეიფე გაუგებარ ხალხს, რომლებიც შუა ქეიფი და ”გულავის” დროს 3 შეიარაღებულ პიროვნებას გადააწყდნენ გზაზე .
ჯანდაბას დავხუჭეთ ამ ხალხზე თვალი მაგრამ ცოტა ხანში პატრული დაგვადგა თავზე - ასე გვითხრეს იარაღიანი ხალხი დადის მანდო. მოკლედ TT-ს მეგობრები იყვნენ რომ გაიგეს პნევმატიკა არისო ინტერესი დაკარგეს და ეგრევე თავისი იდეების შემოტენვა დაიწყეს... - გეკო გეყიდათ არა ჯობდაო?!
რავიცი განვანათლეთსავით, რომ გეკო საშიშია, ხმაურიანია, ძვირია საბრძოლო მასალა, ისევ მათგანვე (ანუ პოლიციისგან) შეწუხებას და თავზე დადგომას გამოიწვევს (თუმცა ისედაც არ გვაკლია მათი მზრუნველობა)... რავიცი მემგონი მაინც ვერაფერი გაიგეს და წავიდნენ იმ იდეით, რომ უფრო კაი იქნებოდა ერთი ორი კაი მაკაროვი გვეყიდა კაი რუსულ ტაოტში ამოსვრილი .
ყველაზე უსიამოვნო კი ის იყო რომ ერთერთი პოლიციელი რომელიც HW-ის ჩააცივდა თვალებით, ბოლოს მოვიდა და მეკითხება - ეს ლულაზე რა აქვს, ”გლუშიტელიაო”?, ავუხსენი რომ ამ თოფს არ აქვს ხმა და გლუშიტელი არ სჭირდება , დამიჯერა... მაგრამ აქვე ჩანს ლულაზე წამოწმული მოდერი რა პოტენციურ პრობლემებს შეიცავს, აი შრაუდერიან თოფზე კი ასეთი კითხვები არ გაჩნდება (მარადიორი სულ მათ თვალწინ ტრიალებდა, მაგრამ... ნუ კისტია რა... ), შესაბამისად HW 100 F.S.B ასეთ შემთხვევებში გამართლებული ვარიანტია.
კაი ბატონო ყველა ეს სისულელე ასე თუ ისე გადავლახეთ, და გადავწყვიტეთ თოფის დაქრონვა... გამახსენდა რომ ქაღალდი და კალამი არ მქონდა წამოღებული, ამიტომაც დავაძრე ჩემი ტელეფონი და დავიწყე ჩაწერა... ამ ჩაწერისას სულ დამავიწყდა თოფის რეზერვუარის პირველადი მონაცემების ჩაწერა.... როგორც მე-10 გასროლაზე გაირკვა რეზერვუარი ბოლომდე დატენილი არ ყოფილა და დასაწყისში სადღაც 180 ბარზე იყო შევსებული. შედეგად აზრი დაკარგა პირველმა გაქრონვამ, თუმცა მაინც მივიყვანეთ 120 ბარამდე და ვნახეთ რომ თოფი მუშაობს მაქსიმუმ 305 მეტრ წამზე და მინიმუმ 299 მეტრ წამზე. გამოყენებული იყო 10,2 გრანიანი JSB Exact Heavy. 120 ბარის შემდეგ იწყება ვარდნა, იმიტომ რომ რედუქტორი აღარ მუშაობს და შესაბამისად რეზერვუარიდან ჰაერი პირდაპირ ლულაში გადადის. შესაბამისად მანამდე თუ 299-დან 305-მდე მერყეობდა სიჩქარეები, 120 ბარის შემდეგ იწყება გარანტირებული ვარდნა ზემოთ ამოსვლის გარეშე. ანუ 298, 297, 295 და ასე შემდეგ სულ უფრო ძირს და ძირს.
მე და დავითი უბანძეს ოპტიკას ვაყენებთ ერთერთ საუკეთესო თოფზე
მოკლედ ფაქტი იყო რომ მეორეჯერ თავიდან გაქრონვა საჭირო და აუცილებელი იყო, მაგრამ რატომღაც ამ მომენტში, ჯორჯიკამ თავისი ახალი თოფი ჩემს ხელში მიატოვა, თვითონ ჩემი მარადიორი გადაიკიდა და წავიდა სანადიროდ.... გადავწყვიტე მიზანზე შემემოწმებინა თოფი, ამისათვის დავაპირეთ ოპტიკის დამაგრება, მაგრამ ჯორჯიკა ჩემი ფიშტოთი გაიქცა, თენგოს თოფს ვივერის სამაგრები ჰქონდა ჩვენ კი მერცხლის კუდის სამაგრები გინდოდა, ასე რომ დავაძრეთ რაღაც საშინელი 3-9x32-იანი ოპტიკა და შევეცადე თოფზე დამეყენებინა. ოპტიკას საკმაოდ უკან გამოწევა დასჭირდა, იმის გამო რომ რინგი მილზე მიმკვდარი იყო, მომიწია რინგის მოხსნა, წინ წაწევა... მოკლედ მთელი სისულლები ვაკეთეთ და საცოდავ ულამაზეს გერმანელს, რაღაც მახინჯი საშინელება ჩამოვაცვით .
მე ახალ თოფს ვეჩალიჩები,
პრეზიდენტმა კი ჩემი თოფი გადაიკიდა ზურგი გვაქცია და მიგვატოვა
რა ემჩნევა ახლა ჟორჟიკას იმისა რომ ახალი თოფი უხარია?
დარბის ჩემი თოფით და უხარია ბალახებში რაღაცეებს რომ ნახულობს
დავაძრეთ სასროლი ბალიშები, იქვე მანქანის კაპოტზე მოვაწყვე გასასწორებელი პოზიცია და 22 მეტრზე ოპტიკა 3 გასროლაში გავასწორე. 22 მეტრშივე საკმაოდ საინტერესო იყო ტყვიის მოხვედრა. ოპტიკის მისროლა გავაკეთე ბორცვაკზე დაგდებული პაწუა კენჭის მეშვეობით, მესამე გასროლაზე კენჭი ბორცვაკიდან გაქრა. მოვძებნე კიდევ ერთი კენჭი, კიდევ ვესროლე ისიც გაქრა და ასე შემდეგ, 3-4 კენჭი აორთქლდა. უკვე საინტერესო იყო თოფის შესაძლებლობები, ამიტომაც თენგომ გამოთქვა სურვილი მოდი მიზანში ვისროლოთო. თავიდან კი დავიჭყანე მაგრამ....
22 მეტრზე თოკის.. ტფუი... ოპტიკის გასწორება
მოკლედ თენგომ დააძრო თავისი დასაკეცი მაგიდა, მე მანძილმზომით გადავზომე მანძილი და ვიპოვე 50 მეტრზე არსებული ბუჩქი, დავაძრე სტანდარტული სამიზნე და ჩავეხუტე ბუჩქს სანამ თენგო მაგიდას აწყობდა. როდესაც დავბრუნდი დავაყენეთ თოფი მაგიდაზე და....
აი მაშინ მივხვდი რომ ჩვენი წამოწყება სრული სისულელე იყო, 9 ჯერადი ოპტიკით, საღამოს, ღია ბუნებაში... რომელ მიზანში სროლაზეა საუბარი? გადავხედეთ ერთმანეთს, თენგომ ნუ მიდი ვნახოთ რა იქნებაო, მეც ჩავიქნიე ხელი, პოვერ ვანომ ფოტოაპარატი მოიმარჯვა და....
მოკლედ მიზანში წავიდა 3 ტყვია, გავიქეცი შევამოწმე და ტყვიები ძირს დაჯდა, ძლივს შეეხო ქაღალდს, ამიტომაც დავბრუნდი და გავასწორე ოპტიკა 50 მეტრისთვის, შემდეგ გავავსე კლიპი და ზუსტად 10 ტყვია (JSB Exact Heavy 10.2 გრანი) ჩავახუტეთ ქაღალდს.
სანამ შედეგს შეხედავთ გაითვალისწინეთ, სროლისას ნიავი ხელს არ გვიწყობდა, 9 ჯერადი ოპტიკით და 32 მილიმეტრიანი გამომავალი ლინზით ნოემბრის ბოლოს საღამოს 17:15 წუთზე რაიმე ნორმალურ ხილვადობაზე საუბარიც კი არ არის, მაგიდა სუულ ოდნავ მაგრამ მოძრაობდა (გრუნტზე რაფერ გინდა გააქვავო მაგიდა), პლიუს ყოველი გულის ცემა აისახებოდა ოპტიკის სეირნობაზე. ამ ყველა პუნქტის გათვალისწინებით მივიღეთ აი ქვემოთ მოყვანილი შედეგი.
როგორც ხედავთ 3 ტყვია გაქცეულია, დანარჩენი 7 ტყვია კი ჩაჯდა.... ჩაჯდა 10,55 მილიმეტრში, გინდ დაიჯერეთ გინდ არა, მარტო რომ ვყოფილიყავი ალბათ არავინ დამიჯერებდა და მეც ვერაფერს დავამტკიცებდი, კიდევ კარგი მარტო არ ვიყავი. მართალია ამ ერთადერთი ნასროლით რაიმე დასკვნის გაკეთება ჭირს, თან აცდენილი ტყვიებიანად ჯგუფი 44 მილიმეტრი გამოდის მეორე დღეს პერსონალური მიზანში სროლა ჩაიშალა რადგან კვირას ქარი იყო და მიზანში სროლა არ გამოვიდოდა, ტირი კი კვირას ყველა დაკეტილია, მოკლედ ეს ერთადერთი ნასროლი შედეგია ჯერჯერობით. რომელიც მემგონი უფრო მეტ კითხვას სვავს ვიდრე პასუხს.
მოკლედ იმ დღეს ამ შედეგებით დავიშალეთ. ოღონდ მისტერ პრეზიდენტს მოველაპარაკე რომ თოფს 1-2 დღით დატოვებდა ჩემთან და დანარჩენ რეპორტს უკვე მე გავამზადებდი. რა იცოდა საწყალმა პრეზიდენტმა რომ თოფს ლამის ერთი კვირა დამიტოვებდა , ოღონდ ეს ჩემი ბრალი არ ყოფილა. როგორც მოვილაპარაკეთ კვირას საღამოს უნდა დამემთავრებინა თოფის დაშმონვა და სურათების გადაღება, კვირას საღამოსვე დამირეკა, მაგრამ სურათები ჯერ ბოლომდე გადაღებული არ მქონდა, ამიტომაც ვთხოვე ხვალ დილით ჩაგახუტებთქვა. აი ხვალ დილას კი მისტერ პრეზიდენტს არ ეცალა, არ შემდეგ დღეს, არც იმის მერე და ვაბშე ტავარიშჩ პრეზიდენტ მიგაქვს ეს თოფი თუ მჩუქნი? არა მე წინააღმდეგი არ ვარ, ასეთი კარგი საჩუქარი....
საიდუმლო სერობის მონაწილეები წინიდან უკანა ფონის მიმაეთულებით:
daviti , Power_VANO, geojorjika, tengo, მე ამ კადრს ვირებდი და ისედაც ბლომად ვჩანვარ ამ რეპორტში
მოკლედ ასე თუ ისე კვირას გადაწყვეტილი იყო დამოუკიდებელი ტესტები. სამწუხაროდ დილიდან ქარი ამოვარდა და მიზანში სროლა ჩაიფუშა. დავიცადე შუადღემდე იმ იმედად რომ ქარი ჩადგებოდა მაგრამ.... მოკლედ დარჩა ნორმალურ პირობებში გაქრონვა, სროლების რაოდენობის აგროვება, და პრეზიდენტის თხოვნით JSB-ის გარდა CP-თი უნდა გამეზომა ტყვიის სიჩქარე. მოვიკიდე ჩემი ხურჯინი, ნასოსი და თოფი, გავეშურე მთაში და 20-25 წუთში პოლიგონი მზად მქონდა.
უფრო სწორედ ვფიქრობდი რომ მზად იყო, მაგრამ რეზერვუარის დატენვა ვის გაახსენდა , ამიტომაც სასწრაფოდ ნასოსი და დატუმბვა. დაიტენა რეზერვუარი 200 ბარზე.
ამ ნიშნულზე დაიწყო გაქრონვა
ცოტა ხანი დავიცადე და კლასიკური შეცდომა აღმოვაჩინე, ბლოკნოტი და ქაღალდი ისევ სახლში დარჩა , სხვა რა გზა მქონდა ისევ წავიდა მობილურში ჩაწერა.
მაშ ასე შედეგები არის შემდეგი (ჩანაწერები წყევაზე გაკეთებულია ყოველ 10-10 გასროლაში და ყოველი კლიპის დამთავრებაში ანუ 14-14 გასროლაში, ამიტომაცაა ამდენჯერ წნევა მიწერილი):
1) 298.2 - Rez 200 Bar
2) 300.4
3) 299.3
4) 299.6
5) 299.5
6) 299.7
7) 300.9
8) 303.3
9) 297.7
10) 299.5 - Rez 185 Bar
11) 300.7
12) 300.3
13) 300.1
14) 301.9 –END CLIP #1 – Rez 180 Bar
15) 302.7
16) 300.5
17) 298.3
18) 304.1
19) 300.7
20) 301.2 - Rez 168 Bar
21) 301.3
22) 300.8
23) 303.4
24) 302.3
25) 301.5
26) 300.2
27) 301.7
28) 300.9 – END CLIP #2 – Rez 155 Bar
29) 301.3
30) 301.1 - Rez 150 Bar
31) 300.9
32) 301.9
33) 297.9
34) 304.1
34) 302.5
36) 301.8
37) 301.0
38) 302.8
39) 301.3
40) 302.4 - Rez 135 Bar
41) 305.1
42) 301.6 –END CLIP #3 – Rez 130 Bar
43) 301.9
44) 300.2
45) 301.0
46) 300.4
47) 299.9 - Rez 120 Bar (End Regulator)
48) 298.7
49) 297.3
50) 297.5 - Rez 115 Bar
51) 296.0
52) 294.5
53) 291.1
54) 291.1
55) 289.9
56) 287.4 – END CLIP #4 – Rez 110 Bar
57) 287.8
58) 285.3
59) 283.0
60) 281.1 - Rez 100 Bar
61) 278.8
62) 278.1
63) 277.4
64) 274.5
65) 270.5 - Rez 90 Bar
ამის შემდგომ სროლა აღარ გამიგრძელებია, მგონი ნათლად ჩანს რომ რედუქტორის მუშაობა მშვენიერ შედეგს იძლევა, მართალია ჯერ რედუქტორი ახალია და ჯერ მიმუშავებაა საჭირო რომ დაიწყოს სტაბილური სროლა, ეს კი სადღაც 500 გასროლის მერე იქნება და ამ დროს განსხვავება გასროლიდან გასროლამდე შეიძლება 1 მეტრ წამიც კი აღარ იყოს. მანამდე კი მაქსიმუმ 7 მეტრ წამია განსხვავება რედუქტორის მუშაობის პერიოდში. თან რედუქტორი 200-დან (ნუ იდეაში ცოტა გადაცილებული ვიყავი 200ს, ალბათ 204-205 ბარზე დავიწყე სროლა) 120 ბარამდე ვიღებთ 45-47 რეალურ გასროლას, თუმცა შეგვიძლია უხეშად დავამრგვალოთ და 50-იც ჩავთვალოთ, მართალია ბოლო 3 გასროლა რედუქტორზე აღარ იყო, მაგრამ მანდაც იმხელა სხვაობა არაა რომ რაიმე განსაკუთრებულ ვცლილებაზე ვილაპარაკოთ.
ანუ იდეაში 3,5 კლიპი უპრობლემოდ ჯდება მშვენიერ დიაპაზონში, გაჭირვებით კაცი 4 კლიპს გაისვრი, ეს კი უკვე 56 გასროლაა. ბოლო-ბოლო თუ ისე აღმოჩნდა რომ სხვა გზა არა გაქვს ნასოსიც ახლო-მახლოს არაა და ნადავლი ბეგემოტებისა და მამონტების სახით მოდის და მოდის, გაჭირვებისას 65 გასროლამდეც შეიძლება ასვლა თუმცა რეალურად ვზივართ ერთ დატენვაზე 45-47 სრულყოფილ გასროლაში.
აქვე მომყავს პრეზიდენტის თხოვნით ნასროლი 1 კლიპი CP-ები 10,5 გრანიანი (წნევებს აქ უკვე აღარ მივაწერ):
1) 299.3
2) 298.4
3) 297.2
4) 299.0
5) 295.7
6) 297.6
7) 298.8
8) 298.0
9) 297.7
10) 299.1
11) 298.3
12) 297.8
13) 298.3
14) 298.4
რაც არ უნდა გასაკვირი იყოს CP-ს ჩვენი გერმანელი მემგონი უფრო სტაბილურად ისვრის. გადავწყვიტე მთელი რეზერვუარის გატესტვა, მაგრამ სამწუხაროდ ამ დროისთვის მზე მთას ამოეფარა და ქრონოგრაფმა შემდგომში შედეგების გამოტანაზე მწარე უარი განაცხადა (მარტო ვტენიდი, მარტო ვისროდი და მარტო ვიწერდი, დროც შესაბამისად უცებ დაიხარჯა).
მოდით ახლა გრაფიკს გადავხედოთ თუმცა ქე ვხვდებით რა გრაფიკი იქნება, მაგრამ მაინც ვნახოთ, თან აქვე ვნახოთ ჰაერის ხარჯი რამდენია.
როგორც ხედავთ გრაფიკი შესაშურია, პრაქტიკულად ერთ ხაზზეა ყველა მონაცემი, ძირითადად საშუალოდ შეგვიძლია 300 მეტრ წამი ჩავთვალოთ და ასევე შეგვიძლია ჩავთვალოთ რომ ტყვიის ენერგია გარანტირებული 30 ჯოულია. ნუ მოკლედ ენერგიისა და სიჩქარეების მოყვარულები აქ გაიხარებთ .
ახლოს მოტანილი გრაფიკი, დატეხილი დიაგამის ნუ შეგეშინდებათ,
აქ 1 მეტრიანი დიაპაზონია გამოტანილი და იმიტომ არის ამხელა ზემოთ ქვემოთ სირბილი
თუ დააკვირდებით ჰაერის ხარჯს... ჰოო იდეალური 8 კუბი არ მიიღება, არის ძირითადად სტანდარტული 12 კუბური სანტიმეტრი ხარჯი, სადღაც იგივეს გვაძლევს 300 მეტრ წამზე მარადიორიც, მაგრამ აი თურქი ჰაცანის მომხმარებლებს უკვე მოუწევთ თავიანთი ფიშტოების გადახედვა, რადგანაც მათი რეზერვუარები გერმანელზე 5 კუბური სანტიმეტრით მეტია, მაგრამ ამასობაში 40 გასროლას აკეთებენ (თან რამოდენა სიჩქარეების დიაპაზონში) და თითო გასროლაზე ჰაერის ხარჯი 17-18 კუბურ სანტიმეტრს უახლოვდება. ფაქტია მინიმუმ 10 გასროლას კარგავენ თურქები. რეალურად კი კაი 20 გასროლასაც კარგავენ.
მაშ ასე მიმოხილვა მგონი გვქონდა, ისტორიაც გვქონდა, გასართობი მომენტებიც მგონი იყო, ტესტირების შედეგები დევს, მიზანში ნასროლი არის... რა ვქნათ როგორ თვლით არ დადგა დრო შევაჯამოთ მთელი ეს თავგადასავალი? მემგონი დროა. მაშ ასე ჯამი
დას ისტ კლაინე ფანტასტიშენ ფიშტო!
გული მწყდება რომ უნდა დაგემშვიდობოთ, მაგრამ ამასობაში მიხარია რომ ეს მოთხრობა მოვრჩი რომელიც ვორდის ფაილში ახლა 20 გვერდს იწონის, და ეს მხოლოდ ცარიელი ტექსტია. სურათების თავგადასავალი ჯერ კიდევ წინ მაქვს, დახარისხება დაჭრა, ატვირთვა ჩასმა....
მაგრამ მოდით ჩვენს მთავარ საკითხს დავუბრუნდეთ რა გავიგეთ და რა დასკვნების გამოტანა შეგვიძლია HW 100-ის შესახებ? მოდით ჯერ ჩამოვყვეთ დადებითი მხარეები.
პლიუსები:
1) კარგი დამუშავება
2) კარგი მიზანი
3) მშვენიერი კონდახი
4) საუცხოო სიჩუმე
5) კარგი ბალანსი
6) კლიპი 14 ტყვიით (მოყვება 2 კლიპი)
7) მოდერი კომპლექტაციაში
8) დაცვა 2-3 ტყვიის ჩატენვისგან
9) 2 საფეხურიანი რეგულირებადი, სპორტული სასხლეტი
10) ინფორმაციული მანომეტრი
11) რედუქტორი
12) მოსახერხებელი და მსუბუქი გადატენვა
13) სქელი ლულა დამუშავებული გვირგვინით
14) განივი პორტი რეზერვუარის დასატენად
15) რეზერვუარის მოხსნა შეცვლის შესაძლებლობა
16) საბრძოლო მდგომარეობიდან მოხსნის იოლი შესაძლებლობა
აქვე განვიხილოთ მინუსები
1) წონა 3,9 კილო მხოლოდ თოფი
2) ფასი, ნამეტანი იკბინება 1000 ევროს ექვივალენტი
3) შეუძლებელია გაიგო რამდენი ტყვია გაისროლე კლიპიდან
4) პატარა რეზერვუარი
5) წინ წაწეული ცენტრი (სპორტულ ვარიანტში დამდგარი, ხელიდან სროლა ძნელია)
6) არ აქვს ქამრის სამაგრები
7) ცაციებისთვის არ არის მოსახერხებელი
ასეა თუ ისეა თოფი აშკარად საინტერესოა, თავის მფლობელს 100%-ით გაახარებს, მთავარია გადაწყვიტოთ რომელი ვერსია გჭირდებათ. მიუხედავად იმისა რომ ჩვეულებრივი კლასიკური ვერსია გაცილებით ჩუმია (მოდერის გამო), მე მაინც ვურჩევდი მომავალ შეძენის მსურველს აქცენტირება FSB ვერსიაზე გააკეთოს (თუმცა ვიცი არავინ არ დამიჯერებთ, ჩვენთან უკვე წესია, რასაც ვიღაც გირჩევს იმის საწინააღმდეგო უნდა გააკეთო, შემდეგ კი თავი უნდა იმტვრიო სწორედ იმ პრობლემებზე რომელზეც გაფრთხილებდნენ). რადგანაც ვიცი ჩვენთან ჯერ ტირის კულტურა ბოლომდე არ ჩამოყალიბებულა და შესაბამისად მომავალი მოხმარებელი თოფს ბუნებაშიც გამოიყენებს. ბუნებაში კი პირველი პრობლემა სამართალდამცავები და მოდერი იქნება. სანამ გაირკვევა რა როგორაა, შეიძლება საკმარისი პრობლემები აკრიფოთ.
ასევე გაითვალისწინეთ მიუხედავად იმისა რომ ეს მოდელი გამოდის მარკით Sport ეს სულაც არ ნიშნავს რომ სპორტულ საქმეში გამოცდილ მამონტებთან შეუძლია ჭიდილი. უფრო სწორედ შეუძლია, მაგრამ ყოველთვის არა და ზედიზედ ყველა ეგზემპლარს არა. მიუხედავად მაღალი დონის დამუშავებისა მაინც რჩება რაღაც პროცენტი იმისა რომ კონკრეტულ ეგზემპლარში რაღაც ისე არ იქნება როგორც საჭიროა, ამის მაგალითი უკვე არსებობს საქართველოში, იმავე HW100-ის მიმართებაში.
მოკლედ მთავარია ჩამოყალიბდეთ რისთვის გინდათ, იცოდეთ სროლა და დანარჩენს თოფი გარანტირებულად გააკეთებს თუ რა თქმა უნდა რაღაც კურიოზი არ შეგხვდათ.
ასეა თუ ისეა ეს რეპორტი დამთავრებულია. იმედია ინფორმაცია სრულად იყო მოწოდებული და ამომწურავი იყო. ახლა კი დროა თქვენი კომენტარები მოვისმინოთ თოფზეც და სხვა დანარჩენზეც.
პირველი ვარ!
ახლა ვიწყებ კითხვას
მოკლედ რა უნდა ვთქვა აბა? მაგარი მანიაკი ხარ . მადლობა დიდი. დიიიიიიიიიიიიიიიიიიიიიიიიი
ეხლა ყველას მიგაშლით და მე ვიქნები პირველი
ვკითხულობ, და ნელ ნელა ვსრიალდები სკამიდან
Power_VANO
პირველი შენ კიარა მე ვიყავი უბრალოდ დაწერა დამასწარი თორე შენზე ადრე მოვრჩი კითხვას
.................
მაგარია რააააა აი ამაზეა ნათქვამი ფასს ამართლებსო...
სასწაულია, მინდა
მდააა......
რავი, საღოლ....
ისა, არ გინდა იარაღის შესახებ კანონპროექტიც შენ დაწერო? გაასწორებდა ხო იცი ერთი-ორგან სმეშნოი სსიტყვასაც იტყოდი და ეგაა რა...
კარგია,
საკმაოდ კარგია,
ძალიან კარგია,
მაგარიაა...
რეპორტი ხო არის და არის !
ყოჩაღ,
ავტორა, ავტორა ნა სცენე ! ! !
მომინდა მაგნაირი თოფის ყიდვა
ნუ ეხლა რა ვთქვა არ ვიცი..თოფი შევაქო? თუ მწერალი
ეს იარაღი რო მაგარი გიჟია მაგას ბევრი ლაილაი არ უნდა
მაგრააამ...ჯაჯა...ბიჭო რა ნიჭი გაქ ტო...იმენა სიტყვები არ მყოფნის..
რესპექტ რესპექტ ი კიდო რაზ რესპექტ
მაგარია, ბრწინვალეა! მშვენიერია და ა.შ. როგორც ყოველთვის მოწოდების სიმაღლეზეა ja_ja! უზარმაზარი რეპორტი, მაგრამ წყალივით იკითხება, ერთი ამოსუნთქვით!
რადგან საიდუმლო სერობაზე მეც ვიყავი, ჩემს შეგრძნებებსაც დავამატებდი:
ფიშტო მართლა მშვენივრადაა დამუშავებული. კონდახი, მეტალის დამუშავება, სამღებრო სამუშაო... ნუ მე "მატოვი" ზედაპირი უფრო მომწონს HW100-ის გალაკულ ზედაპირთან შედარებით, მაგრამ ეს მხოლოდ და მხოლოდ პირადი შეხედულებაა და არანაირად არ აკნინებს HW100-ს
მოდერი რომ ჰაჩიკას ანალოგთან შედარებით უკეთესი ჩანდა, პირველივე თვალის შევლებით ვიგრძენი თუ ჰაჩიკას მოდერი "ოყნაა", აქ უკვე ზომები ნორმაშია და "დაჟე" დისკოზეც კი იმდენად დიდი პრობლემა აღარ იქნება.
+ მართლა საოცარი მუშაობა, სუუულ ოდნავი "წკაპ" ისმოდა ჯორჯიკას HW100-ის სროლისას. ყველამ ვისროლეთ და ყველას მოგვეწონა, მართლა მაგარია.
სხვათა შორის, ჯა_ჯ, ფიშტო თუ ისევ შენთანაა, მე ხვალვე შემიძლია მოგაწოდო ჩემი ჰაჩიკა მოდერი შესადარებლად, თუ სურვილი გაქვს. ოღონდ გასათვალისწინებელია, რომ "ხვრელები" გაფართოებული აქვს ჩემს ჰაჩიკა მოდერს ცოტათი, დარღვეული ცენტრის გამო.
+ შემიძლია მოდერის გადამყვანიც წამოვიღო, მარადიორსაც ხომ 11 მმ-იანი ლულა აქვს მარადიორზეც შეძლებ ორივე მოდერის გატესტვას.
სასხლეტ მექანიზმს რაც შეეხება, ახლა 10-მდე გასროლით ვერ ვიტყვი რომ საფუძვლიანი ხედვა ჩამომიყალიბდა, მაგრამ პირველი შეგრძნებებით კარგია ძალიან. ქარხნულადვე მშვენივრადაა დარეგულირებული მიზანში სასროლად. რბილი, გამოკვეთილი პირველი საფეხური და ასევე მშვენიერი მეორე საფეხური, ზედმეტი მოძრაობის გარეშე.
giorgi-RW1k77X2
ეხ, ეგ თოფი აქ ყველას გვინდა.
ამ რეპორტმა ისეთ პონტში დამტოვა რა, წარმოიდგინეთ, ვიღაცა სკამზე რომ მიაბა და წინ ნაშებმა სტრიპტიზი რო უცეკვონ ერთი სამი დღე...
მდააა ესეიგი მოგეწონათ კინო
ჰა ღირდა დაცდათ თუ არა? მფრინავი მამონტები და...
P.S. ისე ეს პოსტი გადავაკოპირე WORD-ში თავისი სურათებიანად და ყბა ჩამომივარდა... 66 გვერდია ბლინ.... ნეტა რა დავლიე, რა ვჭამე?? რა ჭკუაზე ვიყავი ამას რომ ვწერდი
norica_dragon
მოვითხოვ ჯაჯას გადაეცეს ლიტერატურული პრემია
არ ვიცი რომელს მოვუხადო პირველს მადლობა ჯაჯას თუ თოფის მფლობელს ამიტომ ორივეს ერთად ნიზკი ვამ პაკლონ.
კიდევ ერთხელ გილოცავ შენაძენს.ჯაჯა შენ კი ყოჩაღ ძმაო რო არ დაგეზარა,მაგრამ შენიც მესმის აკეთებ საყვარელ საქმეს
სულ დამავიწყდა. ღირდა ლოდინად
ეჰ ახლა ვიპოვეთ მე და ბაზუკამ პატარა იაღლიში, გასასწორებელი იქნება ერთი ადგილი
ტააკს!
ჯაჯა შენ ხარ ნიჭიერი კაცი!! მოკლედ პოპ კორნის ყიდვას გერმანული პროდუქტი ვამჯობინე ვიყიდე ჰოლსტენის ლუდი და დავჯექი, მარა! ასე უგემურად ლუდი მე არ დამილევია ვინაიდან ამ სტატიის კითხვისას ისე შემომელია გემო ვერ ჩავატანე მოვრჩი სტატიას გავიშვირე ხელი ლუდის კათხისკენ და სადაა ლუდი დამილევია თუმცა რომელ ეტაპზე შეისვა არ ვიცი, კარგი და ყოვლის მომცველი სტატიაა, ერთადერთი რაც კითვხებია ანუ ოპტიკისათვის მერცხლის კუდა ხო როგორც წერ? და ქრონოგრაფის მონაცემებით ქარხნულ მონაცემებს ვერ ვემთხვევით? გაცხადებული 320 მეტრ/წამი არ ჩანს და რამე "აბკატკის" მომენტია თუ მე ვარ დაუკვირვებელი?
ja_ja
ეხლა რაც მტავარია ეგენი ცავასწოროთ
giga_st
giga_st
ტყვია მძიმეები იხმარეს. აბა FTT-ები ეხმარატ, 320 კი არა 340-იც იქნებოდა სიჩქარე
ხო და ჟორჟ კიდევ ერთხელ გილოცავ შენაძენს, კიდე ერთი როცა ასეთი რამეა შეგიძლიათ გაიხსენოთ მაღალბობლებიანი ეტლების მქონე მეგობრები, რომლებიც ისეთ ადსგილებში მიგიყვანენ სადაც მექორწილეებს არ დააფრთხობთ რაც შეეხება სპორტის მამონტებს ასეთები ერთი ორი თუა აქ ჯერ ჯერობით ასე, რომ მგონი უნივერსალური შაშხანაა. მე მოკლე ვერსიით დავინტერესდები თუ 98 არ შემომეყიდა.
ჯაჯ, დიანა არგინდა გათხოვო???
ამ კაცის ენერგიაზე და ფანტაზიაზე სიტყვები არ მყოფნის, გერმანელებმა რეკლამისთვის სელფასიც კი უნდა დაგინიშნონ
geojorjika
ja_ja
geojorjika
Nice nice
OTO
აიიი რა გეშველება რა
gregory
ვაიმე ჯაჯაააა სიტყვები არ მყოფნის... საღოლ რა ძმაო მართლა საღოლ რა... პროსტა ერთი კითხვა მაქ კლავიატურას რამდენ ხანში ცვლი ხოლმე?
geojorjika
გილოცავ სულ კაი ამბებში მიზნების მიღწევაში და კიდევ და კიდევ უკეთესებში..
რეპორტი უძლიერესია! ჯაჯა ისეთ სიმაღლეებს აღწევ, მალე სარეკლამო სააგენტოს ბოსად გიხილავთ.
ყველა ამ აღფრთოვანების შემდეგ,რაც თოფმა მოგვანიჭა, ანზდად ჩნდება კითხვები:
1-მაგ თოფის დანიშნილება?!
2-რამდენად მიზანშეწონილია მაგხელა თანხის გადახდა იმაში რასაც სხვა,გაცილებით უფრო იაფი თოფიც წარმატებით აკეთებს?
არის კიდევ მრავალი კითხვა,მაგრამმ ჯერ ამეებზე მაინტერესებს პასუხები.
foxi
geojorjika
გემოვნებიანი კაცი რომ ხარ მაგაზე არ ვსაუბრობ,არც მე ვიტყვი უარს მასეთ სილამაზეზე.(თავის დროზე.) მე სხვა რამე ვიკითხე.
სანადიროდ კი რა გითხრა,ძალიან მძიმე მოუხერხებელი და სათუთია ეგ თოჯინა.
foxi
ეგ იმათთვის არის სათუთი ვისაც გონია რომ ძვირიანი თოფით ტყეში სიარული საცოდაობაადა გააფუჭებენ . მე კატეგოიურლი წინააღმდეგი ვარ კარგი ნივთების არ გამოყენების. რაც შეეხება სიმძIმეს და მოუხერხებლობას , რა გითხრა აბა მარადიორით თუ გინადირია? 500 გრამით უფრო მსუბუქია მაგრამ ხელიდან სროლა ამით უფრო ადვილია ვიდრე მარადიორიდან , იმიტომ რომ დაბალანსებულია.
geojorjika
რაც დამოკლდა, თითქოს ჰენდლინგი ბევრად მოემატაო, ეხლა ხმის პრობლემა მომაგვარებინა და ეგაა.
მისმინე ხვალ თუ გადავწყვიტეთ სადმე გასვლა, ჰაჩიკას მოდერი გამოაყოლე რაა.
geojorjika
ყველა ვარიანტში გილოცავ,ბაზარი არ არი. ისე მინდოდა აირ არმსი, ლამის 2000$ გადავიხადე თავის დროზე.,მაგრამ დისკომ
ყველა პრობლემა გადამიჭრა რასაც პნევმო ნადირობაში ვაწყდებოდი. ძალიან მაგარი თოფია ეგ გერმანელი და მაგრად გამიხარდა რომ
იყიდე. კიდევ ერთხელ გილოცავ.
bazuka
არ მაქვს მე ჰაჩიკას მოდერი ნორიკას მივეცი. ვანიჩკა ს აქვს კიდევ ჰაჩიკას მოდერი.
მტააკ პირველი პოსტი ჩავასწორე, ანუ სუპერ პროსტინა, მემგონი რაც გრეხები იყო გავასწორე და ამასობაში სტატიის ფორმა და წყობა შევინარჩუნე.
norica_dragon
იმით რითად G კლასი პაჯეროს
norica_dragon
არა ავთო ერთი ჩOრტი არ არის , არქვ რიგი უპირატესოსები და კიდევ უფრო ზუსტია , უფრო ხარისხიანი მასალებია გამოყენებული, უკეთEსი დამუშავებაა, გამოცდილია და საიმედო. და ბრენდია ბოლო ბოლო
nihontoman
ანუ დამუშავების ხარისხი და ბრენდი . რა გინდა ზუსტად იგივე განსხვავება რაც G კლასსა და პაკეროს შორის
რაც შეეხება - სიზუსტე, ესეთეტიკა და რედუქტორი, თუნდაც დამუშავების ხარისხი და ბრენდი, მაგას ჩასაფრებული ნადირობისას არანაირი მნიშვნელობა არ აქვს :P
ეს ისე ვატრაკებ თორე, ჯორჯ შენი იარაღის ფანი რო გავხდი ეგ ფაქტია
G.class არ ჯობია პაჯეროს ხო?
ეგეთი მსჯელობით რო წავიდეთ სუბარუები როა და კიდე სკაილაინი ეგენი ჯობნიან 1-2 კილომეტრზე ბუგატს
ფასს თუ შევადარებთ 3 ჯერ მეტია ან უფრო მეტჯერ
გავიდნენ ისევ მანქანაზე....
მე აღარ გაცაგრძელებ. ხო, მართლები ხართ, G კლასი მაგარია პაჯერო და სხვა დანარცენი ნაგავი. ასევე ნბუგატიოა ერთადერთი სპორტული მანქანა, სხვები არ ითვლება.
და ვაირაუხია კიდე ერთადერთი პნევმატიკა, რომლის ყიდვაც ღირს.
მოკლედ ატრაკებთ რა....
ოფისათვის ბოდიში...
norica_dragon
geojorjika
Allstar
ნუ აოფებთ რა.. მეორე გვერდია და უკვე ოფოფები აწიეთ.
ja_ja
მოდი დავვორნოთ სანამ დროა
რა მაინტერესებს არის თუ არა რეკომენდირებული რედუქტორიანი შაშხანების დატელის მდგომარეობაშI შენახვა? ანუ მოვხნსა რეზიკი და ისე შვინახო? თუ არა?
nihontoman
geojorjika
ja_ja
ნუ მოვხსენი უკვე და მომავლისთვის მივწერ. მარა რომელი გერმანისტი მე მნახეთ ერთი რა
geojorjika
თვითონ ფიშტოს მანუალში მაგაზე არაფერია ნახსენები? თუ არა, ალბათ კრიტიკული საკითხი არაა ისე შეინახავ თუ ასე
geojorjika
კაკ მინიმუმ 1 წელი არაფერი მოუვა
ja_ja
geojorjika
ja_ja
მანდ შეყოფის უფლება, მარო ჯორჯიკას აქვს !!!
bazuka
ja_ja
ამას გაქაჩამ ???
http://pix.ge/
bazuka
ja_ja
იასნო
ja_ja
ეხლა შემოვედი პირველად ამ თემაში და....
კაროჩე შენ ყოფილხარ ვინც ყოფილხარ რა.....
მაგარი ნიჭი გაქვს ძმაო!
პ.ს. თოფიც მომეწონა
პ.პ.ს. :UP: ვარიანტში სმაილი ... ცერა თითი ზემოთ... რატომ არ არის ამ ფორუმზე? თუ მე ვერ ვნახე
bazuka
ja_ja
bazuka
ja_ja
რომელი ნაღდათ არვიცი, მარა თუ ძველი საბჭოური სტანდარტებით ვიმსჯელებთ გაზოვი რეზბა ნაღდათ არაა
ანუ შესაბამისად თუ ხვიის ბიჯზეა საუბარი 1-იანი გამოდის, ანუ ყველაზე გავრცელებული M6, რომელიც ბაზრობაზე
ყველა დახლს აქვს, მოყვითალო ფერისაა და ყველაზე იაფიც ღირს, ხოლო გაზოვები მე რაც მინახავს ძირითადად შავი ფერისაახოლმე.
bazuka
ja_ja
bazuka
და ეგ ვინტიკი მეც რომ მინდა არაუშავს ? მეც კი მაქვს მაი ფიშტო ბიძია
geojorjika
გათენდა ???
geojorjika
ja_ja
და რა იცი რომ არ მექნება ?
მოკლედ დღეს გავაკეთე სიჩქარეების გაზომვები
14 ტყვიიდან 41სმ-იანი ლულით მომცა ზუსტად 277-278 მ/წმ ერთი იყო 280
მოდერს რომ ვუყენებ ეგეთი სტაბილური აღარაა, სიჩქარეები აშკარად ხტუნაობს, მარა არა ისე რო ძაან საგანგაშო იყოს
15 სროლაზე 175-იანმა რეზიკმა დახარჯა 35 ერთეული ბარი(ანუ 200დან ჩამოეშვა 165-ზე), რაც იმის მანიშნებელია, რომ არის გადახარჯვა.
bazuka
მაიცა და მოდერის გაკეთებისას რა განსაკუთრებილი სიჩქარეების დიაპაზონი გაქვს?
ja_ja
სადღაც 5-6 მეტრის დიაპაზონია სიჩქარეებში, როდესაც ბეზმოდერა 10-დან 9 1 მეტრიანია, და იმ მეათესაც თუ ჩავღვლით 3,
ანუ
277.6,
277.6,
277,6,
278.1,
278.0,
277,6,
280.0,
277,8,
277.6
278.1 .... 14 მდე
ხოლო მოდეტით
275
279
276
280
277
279 ...
norica_dragon
bazuka
ვააა. მაგარი სტარნნია
მოდერის ხვრელში გაჭოლ შუქზე რომ ვიყურები, აშკარად ელიფსია წრეწირის მაგივრად, რაც ნიშნავს ჩემსმიერ ხელოვნურად გაკეტებული შაიბების
არასიმეტრიულ დამუშავებას, რაც შესაძლოა იყოსკიდევაც ამის მიზეზი
bazuka
bazuka
თან გაითვალისწინე, რომ ჰატსანის მოდერის შიდა კედლებიც არაერთგვაროვნადაა დამუშავებული. ყველა ვარიანტში ცოტა გაფართოვება უნდა ხვრელებს
ახალი საშუალო სიმაღლის ლიპერსის რინგები მოუხდა ვერიკოს , მეჟდუ პროჩემ ვექტორ ოპტიკსის რინდებზე გაცილებით მყარი და ხარისხიანია.
ოპტიკა ჩემი ძველი VO 3.4-10X44 MARC M3
სურათის ხარისხისთვის დიდი ბოდიშI , ფოტიკი ჩემს ძმას აქვს წაღებული
norica_dragon
კი
არა მგონია რო მაგის შანსი მქონდეს გრძელი ლულის გარეშე.... ვერ ვხვდები რამდენი გამოდის ხარჯი...
norica_dragon
ქრონოგრაფის პროგრამა არ აქვს შენ? აი ეს: http://www.airgun.ge/forums/index.php?showtopic=1311
ამ თემაში სკრინები რომ მაქვს ჩასმული. მაგ პროგრამაში საჭირო ინფოს შეიტან, რეზერვუარის მოცულობა, საწყისი და ბოლო წნევა, თითეული გასროლის სიჩქარე და გიანგარიშებს ჰაერის ხარჯს ყოველი გასროლისთვის
კი მარა ბაზუკას ფიშტოს რო 28 აქვს? 2ჯერ მეტი აქვს გადახარჯვა? ანუ რაღაც ჭირს??
norica_dragon
tengo
ყველას ეგრე არ აქვს, ბაზუკასი ვიცი რო მაგდენს ვერ ისვრის
ვაფშეტა ჰჩიკას სერიოზული მინუსი საბრძოლო კლაპანის ბუდეა, ყველა მხარეს რო არის დახვრეტილი, იქ იმხელა სივრცე იშლება...
ეჰ ახალის გაჩარხვა როგორ მინდა..., მარტო ცალ მხარეს რო გამაკეთებინა და ეგ სივრცე დამაპატარავებინა - მიმარტული ჰაერის ნაკადი მექნებოდა... მინიმუმ 10 მეტწამიანია.... ტოკარმა კი მითხრა ამის იდენტურს ზისუსტად 25 ლარად გაგიკეთებო....
ნორიკ თუ დააპირებ მაგის გაკეთებას შემეხმიანე, მეც მინდა მაგდადგვარის გამოჩარხვა, ნახაზები მაქვს
მე ვაპირებ ტოკარს გავუტანო, თუ გინდა ოპტომ შევუკვეთოთ 20-20 ლარში გამოვალთ , მარა მეშინია რეზმა თუ კაი არ გამიკეთა არ წაძვრეს... მარა მაგ სიგრძე რეხზმაზე რავი რავი...
მარა ეგ რო გასაკეთებელია ფაქტია...
norica_dragon
ელიავადან არის, კუკუ არ ვიცი , ვანახე და ვუთხარი თუ ზუსტად ესეთი არ იქნება არ ავიღებთქო, მარა იქნებაო და....
ისე ეს აბგრეიდი მემგონი არკარად უნდა მოუხდეს არა?
თენგო გაშიფრე აბა როგორ კი მარა ძებო არ ფუჭდება? იმხელა ზნევასზე ?
და რუსული ლინკიც გეცოდინება და ეგეც მოაყოლე, და კიდე შედეგი რააა ეგეც
norica_dragon
tengo
ნორიკ მეორედ ახერხებ HW-ის თემაში ჰაჩიკას განხილვას ჩამოგდებას...
რა გიყო ახლა როგორც აურზაურის შემომტანს?
ja_ja
bazuka
ჰმმ სერიოზულადიძახი???
ვააა, აი შემოთავაზებააა....
მტაკ რაც შეეხება რედუქტორს, მაგი რამდენადაც ვიცი ცალკე ჩასმულია ცალკე ბუდეში და ამოღებისას თუ არ ატრიალე იქეთ აქეთ ყველაფერი ადგილზე იქნება, თუმცა ნებისმიერი შემთხვევისთვის Beqa-ს მანომეტრი ჯერჯერობით ჩემთანაა.
მოკლედ როდესაც მოახერხებ მაგ კაი საქმეს.... ტი ტილკო პოზვონი
ja_ja
ხვალ თუ არ დამავიყწდა ჩავდებ მანქანაში და გამოვაყოლებ
ხოლო გაზომცას რაც შეეხება, რამდენადაც მე ვიცი
შუაში, რომ დირკაა, მანდ ეხრახნება მანომეტრი და აჩვენებს რედუქტირებულ წნევას
bazuka
სურათი არ ჩანს და იდეა გასაგებია, ნიხტ პრობლემო.
ჰოოომოკლედ მისტერ bazuka-მ ყველას დიდი პატივი გვცა და მოიტანა ტრეპანაციაზე HW100.
ნუ დაშლით პირველად დავშალე ასეთი ფიშტო, გერმანელია რა ეს შობელძაღლი. ჯერ მარტო კოლოფის ფორმებია ისეთი ნაჩალიჩები.... კაროჩე რა რამდენ ღერძიანი ფრეზი უნდა ადინ ხრენ ივო ზნაიტ რა. დამუშავების ხარისხიც... მილიმეტრებზე კი არა მილიმეტრის მეათედებზე და მეასედებზეა ყველაფერი გათვლილი. შთამბეჭდავია მინდა გითხრათ. ატრიალებ და ხვდები რომ სახლის პირობებში ან ეგეთს ვერ გააკეთებ ან ნაჯახით გაკეთებული გამოგივა.
სულმაინტერესებდა რატომარის ეგეთი სტრანნი ფორმის კოლოფი,რატომ იშლება 2 ნაწილად... მოკელდ რა ეს თოფი მარადიორივით არაა გაკეთებული სადაც დისკოა აღებული და უბრალოდ დაასკეილეს, არც ჰაჩიკაა რაც არ უნდა იძახოთ დავატუნინგებ და ჰაჩიკაც HW გახდებაო. გაცილებით, გაცილებით მაღალ საფეხურზე დგას დამუშავება და მოფიქრების მხრივ. მესმის ასევე გაცილებით ძვირია, მაგრამ ფული თუ გაქვს ....
მოკლედ ინტელექტუალური ხარჯია სერიოზული თოფში ჩადებული, გასაგებია რომ შესაბამისი დაზგა დანადგარების იმედი უნდა გქონდეს კაცს როდესაცასეთ რაღაცას აკეთებ და გეგმავ, მაგრამ გერმანელებს მაგი არ შეეშლებათ
კაი ავკრიფე ჩემი დორბლები კლავიატურიდან და გადავედი საქმეზე.
საუბარი გვქონდა გადამშვებზე, ანუ უფრო პროგრესული და მართებული გადამშვები უნდა ყოფილიყო რადგანაც ჰაერის ჰარჯი ან თოფს გაცილებით ნაკლები აქვს და ამასობაში სიჩქარე გაცილებით მეტი აქვს. საოცრება ისაა რომგანსხვავებული არაფერი დამხვდა. ნუ კონსტრუქციულად სხვანაირადაა გადამშვები რეალიზებული, მაგრამ საერთო კონცეპტი ანუ რეზერვუარიდან ვერტიკალურად ზემოთ სწორი მილით ჰაერის გადაცემა იგივეა.
პროსტა HW-ში ეს ყველაფერი ერთ დეტალადაა რეალიზებული მაშინ როდესაც ზემოთ ხსენებულ 2 თოფში გადამშვების მილი ცალკე დეტალია და თავი ბოლო რეზინებზე ზის.
მოკელდ აი ეს დეტალია გადამშვები:
ნუ ტყვიის მიწოდების მხრიდან შედარებით უკანაა გადამშვების ხვრელი
უკანა მხარეს კი საიდანად კლაპანის ბუდეც არის შედარებით ახლოსაა ნაპირთან
იმედია აი ქვემოთ მოყვანილ რაკურსში უკეთესად ჩანს
სამწუხაროდ ხვრელის ზომა ვერ გავზომე, ვერ მივუდექი, ნუ დღეს კიდევ ერთი აზრი მაწუხებს როგორგავზომო გადამშვების დიამეტრი, ერთი შემიძლია ვთქვა 3.5 მილიმეტრთან ახლოსაა. ზუსტი ინფო ჯერ არ მაქვს (იმედია მექნება).
მტაკ ახლა კი გასართობი სახალისო დამატებითი ინფო... თუ გახსოვთ საუბარი იყო ერთხელ მარადიორის კლაპანზე და არიქა უნდა იყოს ზოლადისო ისეთი ფორმა ასეთიო... ნუ რურულ ფორუმებზე იყო ეგ ინფო და JAH-იც მოწამლეს. მე პირადად საერთოდ პირღია დავრჩI HW100-ის კლაპნისგან, რომელიც აი ასე გამოიყურება:
ანუ ის ლითონის ღერძი გამოყოფილია ხვრელში რომელსაც ჩაქუჩი ურტყავს, ის თავისმხრივ პლასტიკატის კლაპანზეა ჩამჯდარი, და ეს ყველაფერი მიჭიმულია საკმაოდ აგრეზიული ზამბარით (ვინტის მოჭერის გარეშე ხელით ძალიან ჭირს ამ დეტალის ჩასმა კოლოფში, კოლოფშI როდესაც ჩასვავ მერეკლაპნის ღერძს რაიმეს დაწოლით თუ გახსნი ისიც კაი ძალის დატანების ხარჯზე)
წონით ეს კლაპანი იწონის.... ნუ რავი თქვენთვითონ ნახეთ:
ნუ მართალია არცერთ თოფში კლაპანი განსაკუთრებულად არაფერს იწონის, მაგრამ ზაბარის წონა რომ გამოაკლო მარტო პლასტიკატი 1 გრამს იწონის
მთავარი საინტერესო წინ მელოდა, ბაზუკამ რომ დააგდო ზემოთ სურათი შუა ხვრელშI შეაერთე და ნახე წნევაო..... მოკედლმანდ არ ერთდება მანომეტრი ძალიან პატარა ხვრელია, მომიწია სტანდარტულად გადამყვანის გაკეთება:
და იცით რა მიიღწევა? საოცრება! სუპწრ საოცრება მიიღწევა წარმოების მხრივ.წარმომიდგენია თავიდან HW-ს ინჟინრები რა თავს იფხანდნენ ასეთი შტუკის გაკეთებაზე. ანუ რედუქტორს რომ ააწყობ კაცი, პროსტა მოჭერით ვერაფერს გააკეთებ, მოუჭირე მერე სადგურში უნდა ჩააგდო, მერე შეამოწმო, არ მოგეწონა დაცალე თავიდან გაასწორე და...მოკელდ მაგარი ტვინის ბურღვაა. აქ კიდევააწყვე რედუქტორი ჩააგდე თოფში, მიამაგრე რეზიკი ან წარმოების შემთხვევაში ვთქვათ 100 ლიტრიანი ბალონი, მერე ზემოთ მოყვანილი გადამყვანი მაღალი ხარისხის მანომეტრი და:
ლაივში ხედავ რამდენზეა რედუქტორი:
იტყვით დიდი რამეო არა , ჯერ სად ხართ, მთავარი კაიფი მერე იწყება, მიერთებული გაქვს ეს ყველაფერი და ვთქვათ გიჩვენებს რედუქტორი 50 ბარს დაიჭერ ექვსკუთხედ გასაღებს და....
პირდაპირ ლაივში შეგიძლია არეგულირო, 60-70-80-90 მტააკ ცოტაც 110-115-117-119-120 ვსიო მზადაა!
ამოაძრე ექვსკუთხა, მოხსენი რეზერვუარი ან ბალონი, ამოაძრე მანომეტრი თავისი გადამყვანით, ჩააგდე ამ ხვრელშI ფოლადის ბურთულა და მოუჭირე კონტრ ვინტით. მორჩა ესთოფი მზადაა, მოიტა შემდეგი....
იმენნა ეგრევე დავინახე ქარხანაში ვიღაც კლაუს ფონ კურბერტი როგრო ამოწმებს პირველ თოფს, მერე მეორეს და გვერდზე გორგოლებიან მაგიდაზე როგორ აქვს ჩამოწიკწიკებული გასწორებული კოლოფის წინა ნაწილები.
მდააა გენიალურია, აქამდე არცერთ თოფში ეგეთი ინტელექტუალური დანახარჯი არ აღმომიჩენია. მასიურ წარმოებაზეა გათვლილი იდეალურად. ნუ სხვა დეტალებიც არანაკლები ხარიხსით და იდეითაა გაკეტებული, მაგალითად ბარაბნის გადასატრიალებელი, ნუ ჰაჩიკაში მაგას მთელი ბუასილი მინაშენი აკეთებს რომელიც კოლოფს ხედს უკარგავს, აქ კი ერთი ქანქარათია გადაწყვეტილი, მართალია რაღაც სუპერ ჩახუჭუჭებული რაღებითაა გადაერთებული მიმწოდებელთან რომ მიმწოდებლის სიარულისას მოძრაობდეს, მაგრამ ერთი მინი დეტალი აკეთებს საქმეს და არა მთელი მექანიზმების ბატარეა.
P.S. ისე ბაზუკ თუ დამტენს მომაწვდიდი კაი იქნებოდა, პირველადი ცდებისას სანამ მოვახერხე და შარიკის ამოვაგდება ლამის სულ დავხარჯე რეზერვუარი, კაი იქნება დამეტენა ცოტათი და შემემოწმებინა ადამიანურად. ნუ თუ ვერ ახერხებ მაგასაც გამოვთლი პროსტა რეზინებზე სირბილი...
რეპორტ ტაკ რეპორტ.
გუშინ კი ვნახე მაგ ფიშტოს რაც შეუძლია და .........................
ცუდია ახალი აირგანელობა სულ რაღაცას ეძებ და სულ რაღაცა გინდა კაცს.
bazuka
შენ რომ დააგდე ახალ აირგანელებზე, ცვეტში მართალია
ja_ja
bazuka
ხო კიდე რაზე ვფიქრობ ამდენიხანი
როგორც ვატყობ ყველა HW100-ს აქვს "პრობლემა" ტყვიის ბოლომდე შესვლასთან დაკავშირებით
განსაკუთრებულად CP-ებთან, ეს ტყვიაბი, კაბაში არსებული დიდი დიამეტრისა და ღრმა ხვრელის გამო, საკმაოდ გარეთ რჩება
ასევე პტობლემა აქვთ jsb-ებსაც, თუმცა H&N მიდის ყველაზე საკაიფოდ, რადგანაც კინუსური და მოკლე ხვრელი აქვს, მარა ბოლომდე არც ეგ ჯდება
რუსები წერენ რომ აგრძელებენ მიმწოდებელს რომ მოხდეს მთლიანი ტყვიის ბოლომდე ნარეზზე დასმა, ერთერთმა დაწერა, რომ ამის შესახებ ჰკითხა
HW-ს წარმომადგენელს, თუ ინჟინერს თუ დირექტორს, მოკლედ ვიღაცას ჰკითხა, რაზეც პასუხად, მხოლოდ სიცილი მივიღეო.
ხოდა აქედან გამომდინარე ვფიქრობ, რომ სპეციალურად ხომ არ აქვთ გაკეთებული რაიმე წინაღობვის ეფექტი, ამ ქმედებით HW-ს.
რომ მოხდეს მაქსიმალური კონცენტრაცია და ტყვია დაიძრას, ჰაერის რაცშეიძლება მეტი ზეწოლის შემდეგ.
bazuka
მოკლედ ძაან ბევრი ვეჩალიჩე ჩემს hw100-ს, წუხელ 5 საათზე დავწექი 11:30-ზე ავდექი და გავნაგრძე
მოკლე ლულით ვერანაირად ვერ დავარეგულირე გადახარჯვა
მივაყენე თავისი ქარხნული ლულა, წნევა რედუქტორში სადღაც 123-125-ზეა, ძაან პატარა შკალაა და ვერ გავიგე ზუსტად რამდენზეა
სიჩქარე 56მმ-იანზე 285მ/წმ დავაყენე, 14 ტყვიის შემდეგ რეზერვუარი 200დან 170მდე ჩამოდის
15 მეტრზე ვისროლე 14 ტყვია, მყარი სადგამიდან (თუმცა კოდახის ბოლოში თითი მქონდა ამოდებული) და 14-ივეს ჯგუფურობა არ ასცდა 9მმ-ს
თუმცა სამიზნე დავხატე კალმით და 3-9X32 ლიპერსის ბადეში ეს სამიზნე ჯვარი სრულად იკარგებოდა, ვფიქრობ, რომ უკეთესიც შეიძლებოდა.
ესეიგი ამ ლულას არუყვარს 300მ/წმ, კიდევ გავაგრძელებდი ცდებს მარა ერთი 30-ჯერმაინც დავტუმბე რეზერვუარი და აქ წერაცკი მეზარება
bazuka
ეხლა მოიცაააა!!!
ესეიგი იმ გრძელით გააკეთე 9 მილიმეტრი???? ბლ.....ნნნნნნნ...აქამდე აგვეტეხა ერთი ამბავი და ჩამოგვეყვანა ძირს წნევა....
აეუფ, ერთის მხრივ რავა გატეხა ახლა შენ მაგ ლულას საერთოდ აღარ გაყიდი , მე კაკრაზ 280-285 მინდოდა!!! აუფ რას იმუშავებდა ჩემთან გაყრევინებდი ცოფებს
მოკლედ მაგარი საინტერესო შტუკა მოხდა! ნუ გილოცავ რომ ლულა ამუშავდა და თან აშკარად საინტერესო ხდება მაგ ლულის ტვისტი. შესაბამისად გვეცოდინება რომელი ტვისტის მქონე ლულას სავარაუდოდ არ უყვარს 300 მეტრ წამი (ნუ იქ მწარმოებელზე შიდა დიამეტრზე და კიდევ რაღაცეებზეც იქნება დაყრდნობილი ეგ ამბავი, მაგრამ უხეში ვარიანტით გვეცოდინება ერთერთი პარამეტრი მანცა).
ja_ja
კი მაგ ლულას რადგანაც მოკლეზე ვერაფრისდიდებით ვერ დავარეგულირე სიჩქარე/გადახარჯვა, კინაღამ გადავამტვრიე
ეს მონაცემები დავაყენე 110 ბარზე, და შემდეგ მეთქი ზაპასად ერთ 10 ბარს კიდე მოვუმატებ, მოვუმატე და სიჩქარემ მხოლოდ 2-3 მ/წმ-ით მოიმატა
განმეორებადობა პლუსმინუს 1მ-წმ, (თუმცა მე მაინც არმომწონს 0.5 მინდა )
ხოდა რომ დავიღალე ამდენი ბუქნაობით, მეთქი იმ FSB ლულას სიჩქარეების მხრივ პრობლემა არჰქონდამეთქი და მოდი იმაზე დავარეგულირებ და მერე გადმოვიტან ამას
ხოოდა წუხელ ერთერთ განზელის პოსტში წავიკითხე, ბევრი უნდა ეძებო შენი ლულის სიჩქარე და მერე იქნება ბედნიერებაო, ხოდა მოდიმეთქი ვცდი და რავი 50-ზე რასიზამს
მარა 15 მეტრზე 14 ტყვია აგერ სურათი
http://pix.ge/
http://pix.ge/
მოკლედ რაცარუნდა იყოს სანადიროდ კამფეტკა იქნება
ხო მართლა სროლა ხდებოდა 200-177 BAR
bazuka
ჰოო ... მაგი კაი ინფოა, ახლა რაც შეეხება მეორე აზრს... ისა რა ჰქვია და.... მოკლე ლულას არ გაყიდი
ja_ja
bazuka
ja_ja
geojorjika
ilariona
საშუალოდ 300 მ/წმ იქნება , კარგია როცა შენაძენი გახარებს
აი ამას ახლა დიდი რეზერვუარი უნდა ჩავახუტო და ვაფშემც ჩუვაკი გახდება.
აბა ერთი ვინმემ დააგდეთ ლინკი FX-ის რეზერვუარების უნდა შავიძინო.
ilariona
http://www.gehmann.com/pages-en/detail.php?id=631&headline=Zoom
geojorjika
გაიხარე,
ისა და აქედან რომელი მიდის ზუსტად ჩემსაზე? აქ რაღაც ვერ გავერკვიე.
ilariona
რომლის ლინკიც დაგიდე ის , გადამყვანი ან ჯაჯ და ან კიდევ ბაზუკამ იცის სად იყიდება
geojorjika
კიდევ ერთხელ გაიხარე.
აბა ველოდები გადამყვანის მცოდნეებს
ჰა სად ხართ უფროსებო? გადამყვანი მინდააა
ilariona
რ გადამყვანი გინა??
bazuka
ilariona
http://cgi.ebay.com/ws/eBayISAPI.dll?ViewItem&item=260709048373&ssPageName=STRK:MESELX:IT
http://www.airgunadvice.net/viewtopic.php?t=14476
bazuka
შენ გაიხარე. ახლა დამრჩა ბალონი და ეგ შევუკვეთო.
ilariona
ისე ეს გრძელი რეზიკი, მიუხედავად იმისა რომ უფრო დიდი მოცულობისაა და კარგია, ვიზუალურადაც მაგრა უხდება უფრო სრულყოფილი ვიდი აქვს.
თან რამდენი გასროლა მექნებააა
tengo
ilariona
რას ხედავთ ამ სურათში??
bazuka
ბიპოდს თავისი სამაგრით :P
და გამოკიდებულ ლულას
bazuka
bazuka
მე ყველაზე კარგს მანდ რასაც ვხედავ არის 31სმ ლულა , მერე ბიპოდი და ბოლოს კასტრირებული რვიანი შესაბამისად გადმოკიდებული ლლა, ამგრამ თუ კარგად დააკვირდები ვერიკოს რვისნ ლულას არცთუისე იწერს , უბრალოდ გარედან არის შემოსალტული , ლული კი თავისუფლად მოძრაობს ხელის შეხებაზე
მთავარია იმოძრაოს 0.05მმ ყოფნის,შედეგიც დაგეწერა ბარემ?დო ი პოსლე
და რითია კარგი ეს გადმოკიდებული ლულა?
masteroff
ახლა შენ დაიწყე ამ თემაშI ჰაჩიკას შემოტენა??რა გჭირთ კაცოუ!!! ცალკე თემა გახსენით თუ გინდა შეჯიბრობანა, აქანე განხილვაა, მოვკვდი თქვენი დევნიტ
ბოდიში ბატონო ჯაჯა მაგრამ ხაჩიკას რომ აკრიტიკებენ სულ მეც გავაკრიტიკე ვაირაუხი 15მტ 9მმ ჯგუფი არც თუ ისე გასაკვირია,უბრალოდ ამ ფიშტოსაც აქ პრობლემები,არანაირი დაპირისპირება
რას ამბობთ კაცო, 15 მეტრზე 9 მმ-იან ჯგუფს ხომ დისკოც აკეთებს დაჟე ნაკლებსაც კი
50 მეტრი მაინც თქვით.
Power_VANO
ზუსტად ტეტუუ
bazuka
ძალიან მაინტერესებს და თუ შეგიძლია რომ მითხრა შენს HW-ში რამდენი კუბია რედუქტორს მიღმა, რა ზომის არის გადამშვების და ლულის ხვრელი.
tengo
ეუფ, რამე მარტივი მკითხე თენგოია
ისე დგადამშვების გაზომვა რთული საქმე იქნება, რადგანაც ლულის კოლოფი და რეზერვუარის კოლოფი ერთი დეტალია და შიგნითაა ეგ ხვრელი
აი რედუქტორის მერე მოცულობის გაზომვა კი შეიძლება, მარა დაშლა უნდა
მე ის ვიცი რო რეზერვუარი 170 კუბია + რედუქტორს მიღმა სივრჩე 9.5 კუბიკი
norica_dragon
175 კუბიკი
tengo
გადამშვები 3.6 მილიმეტრი, რედუქტორს მიღმა 8 კუბი.
შანსი არაა შენ თუ მაგის სისტემის გადატანას აპირებ მარადიორზე, მაგას გადამშვების და კლაპნის პონტი სულ სხვანაირად აქვს, მოწყობილი. გადამშვები ლამის 2-3 მილიმეტრია სიმაღლეში, ანუ მარადიორზე გაცილებით პატარა ადგილი აქვს იამაღლეში, კლაპანი კი პირდაპირ მაგ გადამშვებზეა მიდებული, მარადიორში კი კლაპანი დაცილებულია გადამშვებს. შედეგად ჰაერი ჯერ კლაპანს სცდება, მილში გადის, მერე გადამშვებში და ასე შედმეგ, HW-ში კი პრაქტიკულად კლაპნიდან პირდაპირ გადამშვებში გადადის ჰაერი და მინიმალურ მანძილში.
მერე მაგიტომაა ეგეთი კაი ხარჯი რო აქვს....
tengo
ჯაჯა, გაუკეთებალი არაფერია, მე პირადად მიმიწვდება ხელი იმ მონალიზა ფრეზზე შენ რომ გევასება 600,000ევროჯდება თურმე , მერე კიდე კოპირებას არ ვაპირებ უბრალოდ რაღაც რაღაცეების გარკვევა მინდა, ძირითადად მიმწოდებელი დამრტყმელი რა პრინციპიტ მუშაობს, კი ვიცი თეორიულად მარა თუ არ დავინახე მაინც მიჭირს დასკვნების გამოტანა.
რაც შეხება ნახაზებს და თავად ხაზვას ეგაც მეხერხება.
მოკლეთ ვმუშაობ ძან მარტივ და ასევე საკმაოდ კარგ კოლოფზე, უბრალოდ ვაგროვებ სხვადასხვა მწარმოებლის გამოცდილებას.
tengo
შენ მე ვერ გამიგე, მე რამოდენიმე დეტალის ნახვა მინდა, ანუ პრინციპის გარკვევა, და არა მთლიანად კოპირება, ვაააააააააააა ვაააააააააა
ძირითადად უკანა ნაწილი მიმწოდებელი დამრტყმელი.
masteroff
რათარაგაქ მერე, მეც არ მაწყენდა ეგ პორტი.
ეგ ვიცი ჯაჯა სურათებით ვნახე ვიდეოც ვნახე მარა, ახლოდან სულ სხვაა დაცილებები ზომები ნუ ეგ შენც იცი.
პრინციპი კი ძან კაიაქ აი მეკი უფრო გავაუმჯობესებ იდეა არის მარა რიალში უნდა ვნახო ეგ ოხერი რავა 2500 ლარი გადავიხადო დათვარიელაბაში
masteroff
სულ სამ კაცს გვაქვს ეგ მოდელი ასე რომ გადაიხადეთ 1000 ლარი წინასწარ და საბანკო გარანტია გააკეთეთ 1150 ლარზე ვაი და გააფუჭოთ თუ მშვიდობით დასრულდება ოპერაცია მერე დაგიბრუნებთ ფულსაც და ბანკის ვალსაც მოგიხსნით
ტაკ ჩტო დუმაიტე ტოვარიში
კაცო, ბავარიულ 8ცილინდრიან მონსტრს ვშლი და ვაწყობ და ეგ რაღააა, ტოჟემნე შედევრი არმინდა ბატონო, უკვე შევისწავლე რადა როგორ დიდი სირთულის არაფერიაქ, აი ჩზს ვერ შეედრება იქ მართლაც მაგიურმა ფრეზმა იმუშავა, მაინც ვერ დავადგინე რაფერ ჩაძვრა ეგ ოხერი და რაფერ გამოფუღრა, შემდეგი ჩემი ფიშტო ჩზ200 იქნება რადი ინტერესა უნდა გავშიგნო, ამწუთასვე შევუკვეთავდი მარა ეს კანონი დგას ჯორივით
არადა ლანცეტი სკალპელი და 100 გრამი უკვე მომზადებული მქონდა
ესეიგი რა ხდება,
ბოლოს გასვლი შემდგე მე ისევ თავში მიტრიალებს მხოლოდ ერთი რამ, როგორ გადავაკეთო ჩემი თოფი, რომ ან სპორტული იყოს ან და სანადირო. ახლა არც მძიმე ტყვიებს (13.4 გრაინი მაქვს მხედველობაში) ისვრის სწრაფად და მსუბუქებს (10.2 აქ) კი ფანტავს.
დღეს მე და ჯაჯამ ჩავუტარეთ მინი ოპერაცია ფიშტოს და გავაკეთეთ ასეთი რამ:
1) რედუქტორის მიღმა გავუზარდეთ მოცულობა 125-დან 142-მდე ვისროლეთ პირველი ტყვია და ........... იმ სიტყვებს ვერ დავწერ რაც მე ვთქვი, 270 მ.წ-ი გავგიჟდი კინაღამ, როგორ შეიძლება ამხელაზე გაზარდო კაცმა რედუქტორის მიღმა ჰაერი და სისწრაფემ საერთოდ არ მოიმატოს. აქვე დავწერ, რომ ადრე მაქვს გაქრონილი 13.4 გრაინიანი ტყვიები სანამ თოფს შევეხებოდი და მაშინაც მიწერდა 270-ს.
2) ჯაჯას გაახსენდა, რომ დამრტყმელი ზამბარაც უნდა მოგვეჭიმა, რომ ძალა ჰქონოდა, ჰოდაა ვეტაკეთ ეგრევე დავშალეთ უკნიდან და ამოვაგდეთ ზამბარა, დავითრიეთ შისწიგრანნიკი და დავიწყეთ გადაჭერა, 1/8 ბრუნი გაკეთდა თუარა და ზამბარა აღარ ეჭირება.
ოიი რას ხედავს ჩვენი თვალები და ზამბარას უყენია პატარა შისწიგრანნიკი, რომელიც იცავს უკან მოშვებისგან. აგრანიჩიწელი.
ვეტაკეთ ინსტრუმენტებს და ოიიიი, ის ზომა რომელმაც უნდა მოუშვას ეგ ჯანდაბა შისწიგრანნიკი არ გვქონია
არადა ლისზე ვართ ასულები და თოფი დაშლილი, მაგიდა გაწყობილი და ეს ყველაფერი ტყუილად
ნუ არ დავიბენით და გამოვიქეცით ქალაქისკენ, ავკრიფეთ ეს ჩვენი გუდა-ნაბადი ავაწყვეთ თოფი, რედუქტორის მიღმა 142-დან დავწიეთ 134-ზე (სტანდარტი რაც იყო იმაზე მეტი) და გავიქეცით ჯაჯასთან სახლში ინსტრუმენტებიზა.
უკვე გვიან იყო და ლისზე დაბრუნებას აზრი არ ჰქონდა, ავდექით და გავედით ჩემთან ოფისში. მოვეწყეთ მაგიდასთან, მოვხსენით აგრანიჩიწელი და მოვჭიმეთ ზამბარა ორი ერთი ბრუნით,
დავიწყეთ ქრონში გატარება და რას ხედავს ისევ ჩემი თვალები, 280-ზე ზევით ისევ არ ადის. (ისევ ვიგინები) მე ეგრევე წამოვაყენე იდეა, რომ მოდი ისევ რედუქტორის მიღმა ავწიოთ წნევა მეთქი, 142-ზე დავაყენოთ მეთქი.
ჯაჯამ გააპროტესტა და უარი განმიცხადა ჩემს უგუნურ საქციელზე. არაო რა ცოდოაოო.
კარგი მეთქი, ავდექით და ზამბარას მოვუჭირეთ კიდევ ნახევარი ბრუნით.
(სულ დამავიწყდა დაწერა იმისა, რომ ქრონმა სასწაულად გაგვაწვალა, ხან სინათლე არ ყოფნიდა და თანაც ვის ტერიტორიაზე ჰააა? პროლაითის ტერიტორიაზე რომ სინათლე არ გეყოფა!!! და ხან კიდე რანცხა სასწაულს წერდა, რომელიც ჯაჯამ პრობლემების სიაშიც კი ვერ იპოვა. მერე დავუყენეთ ბევრი განათება, თოფს დავუყენეთ მაყუჩი და ქრონი გამოსწორდა)
გავისროლეთ ისევ მძიმე ტყვია და სადღაც 286 მ.წ დაიჭირა სისწრაფე. სამწუხაროდ რეზერვუარი დაიცალა 22 გასროლაში.
ფაქტიურად თოფის რესურსის მაქსიმუმი გვქონდა გამოყენებული, რედუქტორს მიღმა 125-ის ნაცვლად 134 გვქონდა დაყენებული და ზამბარა ორი ბრუნით მოჭიმული. გასროლების რაოდენობაც 42-დან 22-ზე იყო ჩამოსული.
ნუ მომეღუნა სახე, მაგრამ რა უნდა ვქნა ჰა? ასეთი შედეგი არ მაწყობდა ნაღდად. ამდენი ვიწვალო და 286-ით ვისროლო არ მინდა მეთქი ვუთხარი ჯაჯას და ახლა დავიწყეთ პირიქით სიჩქარის დაგდება.
რედუქტორის მიღმა დავტოვეთ 120 ატმოსფერო და ზამბარა მოვუშვით თითქმის სამი ბრუნით.
გამოვიდა 10.2 გრაინიანი ჯსბ-ის ტყვიებით 293 მ.წ.
სპორტული სროლისთვის სავსებით საკმარისიაოოო ასე გადავწყვიტეთ და ამ დროს რა გამოვიდა იცით?
42 გასროლის ნაცვლად მივიღე სადღაც 60 გასროლა არადა რა დააკლდა 304-ით ისროდა ამ ტყვიებს და ახლა ისვრის 293-ით.
რამხელა სვაობას აძლევს ეს 11 მ.წ გადახარჯვაზე 175 კუბიკით 60 გასროლა და თანაც 293-ით მაგარი შედეგია ხო?
ნუ მოვრჩით და ავაწყვეთ თოფი ჩავბარგდით მანქანაში და წავიყვანე ჯაჯა სახლში.
რა თქმა უნდა მთელი გზა მოღუშული სახე მქონდა, (მოღუშულ სახიანი სმაილიკი) ერთი აზრი მიტრიალებდა სულ, რატომ არ გავზარდე მეთქი რედუქტორის მიღმა სადღაც 140 ატმოსფერომდე მეთქი, იქნებ და მიმეღო ის ჩემი სანატრელი შედეგი მძიმე ტყვიებით მეთქი.
კაროჩე რამოდენიმეჯერ კიდევ გზად განვიხილეთ მიღებული შედეგი და ბოლოს გადავწყვიტეთ ასეთი რამ (ტოესწ მე გადავწყვიტე)
ხვალ მივდივარ სასროლად და თანაც ჯაჯას ოპტიკით, ვაკვირდები თოფს, თუ კარგი შედეგი მომცა და ის ზედმეტი 11 მ.წ რომელიც უშლიდა თოფს ზუსტ სროლაში გამართლდა და თოფდა მართლაც დაიწყო სასურველი შედეგის ჩვენება სპორტულ სროლაში, მასინ ამ თოფს არ ვეხები და ვიტოვებ ჩემპიონატებისთვის. იდეალური იქნება 175 კუბიკით 60 გასროლა რედუქტორით და 293 სისწრაფით.
აი თუ ისევ გაფანტვა მომცა, მერე ვშლი ისევ და ვაყენებ რედუქტორის მიღმა 140 ატმოსფეროს და დამრტყმელ ზამბარას დავჭიმავ სამი ბრუნით. დარწუმებული ვარ მაგ შემთხევაში გაისვრის მინიმუმ 295-ით 13.4 გრაინიან ტყვიას და მექნება სადღაც 18 გასროლა.
ნადირობისთვის იქნება იდეალური თოფი. მაგხელა ენერგეტიკით რასაც არ უნდა მოხვდეს გააქვავებს ადგილზე.
აი მერე კი უნდა ვიყიდო მეორე თოფი სპორტისთვის და ის თოფი სახელად იქენბა ..........???
აი ესეთი დღის შედეგი მაქვს ხვალ ეს ისტორია გაგრძელდება.
ilariona
ჯგუფებს მიხედე ჯგუფებს ნუ გადაყვები 10 მ.წმ -ს მთავარია პირველი აგდილი დაიკავო, დანარჩენს მოევლება
tengo
koknar
ხვალ გამოჩნდება რისი ჯგუფების გამკეთებელია აი ფიშტო
შეიძლება ტირშიც წასვლა, მაგრამ შევხედავ ხვალ დილით ამინდს და მაგის მიხედვით გადავწყვეტ.
ilariona
დაიცა ლულა გამოვცვალო
koknar
ლულა თუ თოფი?
დღეს რაღაც მეთოდით ლანჩზე გავძვერი ტირში და სოსო მასწავლებელიც დამხვდა იქ.
ერთი საათით დავითანხმე ეთხოვებინა დარბაზი და სხვათა შორის დღეს პირველი გაკვეთილები მივიღე სრლაში ძალიან დამეხმარა თუ როგორ უნდა მესუნთქა, თითი როგორ უნდა გამომეკრა და ასე შემდგე.
ამ თემას არ ეხება, მაგრამ კიდევ რაღაცეებზე მოვილაპარაკეთ ტირთან დაკავშირებით.
კიდევ ვიღაცეებს მთლიანი სკას შენობა უყიდიათ და გაქანებული რემონტი მიდის, მალე ტირსაც არემონტებენ და უახლეს აპარატურას ვაყენებთო.
ახლა რაც შეეხება თოფსა და მის ახალ შედეგებს.
ვინაიდან ჯაჯას ვურეკავდი და არ მიპასუხა, მე კიდე შტანგელი არ მაქვს დავდებ სურათებს ისე, ნუ ხურდები დავყარე რომ წარმოდგენა შეგექმნათ რამდენი მილიმეტრია, მე გავზომე და საუკეთესო შედეგი 11 მმ-ია
ბოლო სურათზე 9 ტვყვიაა ნასროლი.
ყველა დანარჩენზე კი ხუთ ხუთი. ზოგან არ ჩანს, მაგრამ სოსო მასწავლებელი ყურებდა 60 X გადიდებით და მიდასტურებდა, რომ ტყვია ტყვიაში ჩაჯდაო ასე რომ არცერთი არაა მიზანს აცილებული. თან 100%-ით მეც ვხედავდი ოპტიკაში, რომ იქ ხვდებოდა სადაც მონახვედრი იყო.
მაგარი კმაყოფილი ვარ, ასეთი შედეგები ჩემს თოფს არ უჩვენებია და თანაც ეს ყველა გასროლა გავაკეთე ერთი დატენვით ახლა თოფი ისვრის 293 მ.წ-ით 10.2 გრაინიან ჯსბ-ის.
ამ თოფს ახლა კარგი ოპტიკის გარდა არაფერი არ უნდა ვოტ ტაკ
ეს ყველაფერი კარგი, მარა .177 კალიბრში მაგაზე მეტი ენერგეტიკა რათ გინდა ნადირობისათვის? იმჰო აზრს კარგავს უკვე 30-ზე მეტი ჯოული მაგ კალიბრში, შნ კიდე 28.75 ჯოული გაქ..... თან ეგ ჯოულები ტყვია-ტყვიაში ჯდება. კარგი ოპტიკა, კარგი პრაქტიკა და 100 მეტრის რადიუსსი რაზე ვერ ინადირებ? ღორზე ხომ არ აპირებ ნადირობას
ilariona
ილო, გილოცავ მაგარი შედეგი მიგიღია,ასეთი შედეგებით მომავალი პრიზი შენი იქნება 100-იანი.
tengo
გაიხარე თენგო მაგრად მიხარია, რომ თოფმა სროლა დაიწყო რაც მთავარია ჯაჯა მართალი იყო და ის 12 მ.წ სულ ზედმეტი იყო და გაფანტვა ჰქონდა მაგის გამო.
nihontoman
რავი აბა, მგონი რომ ასე დავტოვებ და ამ თოფით ჩემპიონატებზე გამოვალ ხოლმე, პროსტა კარგ ოპტიკას შევიძენ.
norica_dragon
ამ თემაში წინა გვერძე გადადი და ნახავ რეები უქენი ჩემს თოფს, რომ ეს შედეგი მიმეღო
საინტერესო იცი რა არის, ამას ვანმტკიცებ რამდენიხანია სულ მაკერია პირზე 280-280-280-280 კაციშვილს დაჯერება არ გინდათ თან ამას გავიძახი რამდენიმე დღე კი არა ან კვირა ან თვე, წლებია 280 ვყვირივარ მაგრამ კაციშვილს გაგონება არ უნდა...
სანამ საკუთარ ტყავზე არ გადაიტანეთ ყველამ არ დაიჯერეთ. ყველას აკერია პირზე 300-300-300-300-3000000000000000000000000000000 სამასი მეთქი და პაცელუეტ მენია ნიგერ ვ იუბკე და ასე შემდეგ, კი თეორია კაია - სწორი ტრაექტორია, ლამაზი ციფრები... სისულელეა ეგ ყველაფერი...
არიან მსოფლიოში ჩვენზე გამოცდილი და ჭკვიანი ხალხი ამ სფეროში, მილიარდი ექსპერიმენტია ჩატარებული, მაგრამ მხოლოდ ჩვენ გვჯერავს რომ არა ის შედეგები ჩვენ არ გვეხება, ჩვენ გაბნსაკუთრებული ხალხი ვართ და ჩვენი თოფი სულ სხვაა და ვაბშე ჩვენს ირგვლივ რტიალებს სამყარო და ფიზიკის კანონები ჩვენ გვემორჩილება და არა ჩვენ ვემორჩილებით მას
300 და მეტი არის ახალბედებისთვის და საუცხოოდ გამოადგება გრიშას ეგ სიჩქარე და მეტი საქონლის გასაყიდად, მაგრამ ძირითადი ბირთვი უკვე იმდენიხანია ამ საქმეში ხართ რომ კაიხანია უნდა დაგემუღამებინათ.
270 არის მსოფლიოს წამყვანი ფირმების არჩევანი, 280 არის რუსების მიერ დასაშვები პატალოკი, 290-ზე უკვე დისბალანსი იქნება მაგრამ ჯანდაბას ჩვენ სისხლი გვიდუღს და გვინდა და ჯანდაბას ამართლებს... მაგრამ შევეშვათ რა გამოცდილი ხალხი ამ დაწყევლილ ნერწყვებს და 300, მგონი დროა მაიკებზე გავიკრათ - მე არ მინდა 300 (აუ ეგ რომ გაიკრა მართლა რას დაქლიავდება სასტავი ქუჩაში, იმათ 300 სპარტანელი ეგონებათ )
მოკლედ მე მიხარია რომ მინიმუმ 2 თოფი ამუშავდა ისე როგორც საჭიროა და ამუშავდა იმ თეორიებით რომელსაც ამდენიხანია ვიძახი. მაია ოჩენ ნრავიტსია
ilariona
გავარილ ტებე ნაფანია კაია კაი შედეგია, ასე რომ გესროლა შეჯიბრზე.... დღეს მე არ მექნებოდა კომპიუტერთან პრიზი.
რავა ესროდი კარდონებს, იფ-იფ-იფ
norica_dragon
gregory
ja_ja
ისა და შენი ტელეფონი ტვალეტში ხომ არ დაგრჩა ა? მთელი დღეა გირეკავ, რომ დაგიბრუნო შენი პრიბამბასები, თუ არ გინდა სიამოვნებით დავიტოვებ ყველაფერს
ისე შედეგმა მართლა გამაოცა, 45 გასროლა გავაკეთე ერთი დატენვით და რვა სამიზნეზე ვისროლე ხუთ ხუთი ტყვია, 5 ტყვიაც დამჭირდა მიზნის გასასწორებლად და რაც მთავარია ეს 45-ი გასროლა გავაკეთე 195 ატმოსფეროდან 130-მდე
მერე ცოდა კიდევ დავტენე და კიდევ 20 გასროლა გავაკეთე, თუ დააკვირდებით სამიზნეებს პირველი სამიზნე რაც დავდე მანდ არის ყველაზე კარგი შედეგები და რაც მთავარია ეგ არის სულ ბოლო ნასროლი სამიზნე მაგ 20 გასროლას მოვანდომე სადღაც 5 წუთი ჩქრა უკეთ ვისროლე ვიდრე დაფიქრებით და დინჯათ (გურული ვარ რა)
კაროჩე ერთი სიტყვით კიდევ უნდა დავწიო სიჩქარე ოღონდ მართლა სადღაც 280-ზე დავაყენებ და მერე მექნება 70 გასროლა და მშვენიერი რეზულტატები
აი ახლა კი ვხსნი ახალ თემას სადაც ძალიან მძიმე ტყვიები გავისვრი 290-ით
ilariona
ja_ja
გიო, ისე რას ფიქრობ კიდევ რომ დავწიო სიჩქარე სადღაც 280 ფარგლებში მინდა დავიჭირო. რედუქტორის მიღმა დავაკლო კიდევ თუ დამრყმელს მოვუშვა?
ilariona
თუ ექსპერიმენტობანა გაინტერესებს დაიყვანე 280-ზე, მაგრამ თუ თოფმა გაჩვენა ახლანდელ 290-ზე რომ ისვრის, მგონი არარ ღირს ჩალიჩი, არ გამოვრიცხავ რომ უკეთესი შედეგიც მიიღო, მაგრამ ასევე შეიძლება უარესიც მიიღო.
წნევა 110-ზე დაბლა არ ჩაიყვანო, ანუ 1616 PSI ბრიტანულ სისტემაში. მგონი მოგიწევს ასევე დამრტყმელის ზამბარის მოსუსტება.
bazuka
ja_ja
bazuka
ja_ja
ძაან ეჭვი კი მეპარება 60 სრულფასოვანი გასროლისა, მარა რეავიცი ...
bazuka
ნუ ჩემი თვალით რაც ვნახე 20 ბარი ეხარჯებოდა 14 გასროლაზე, ანუ ერთ კლიპზე, უხესად 200-დან 120-მდე 80 ბარია, ანუ 4 დანაყოფი, ეგრე უნდა გამოსვლოდა, ნუ ტირშI მე არ ვყოფილვარ მაგრამ რაც მაგის ოფისშI ვნახე შემიძლია ვთქვა რომ მჯერავს დაუსწრებლად.
ja_ja
ეგ როგორ?? 200-დან>180 14ტყვია, თუ 140>120 ???
ხომ ხვდები სხვადასხვა პორციაა ჰაერის 200-ზე და 140-ზე.
შესაძლოა ზედა ზღვარზე ეგრეც იყო (თუმცა ჩემთან აშკარად ბეტს ხარჯავს) მარა ქვემოთ და ქვემოთ მოშნად უმატებს
თან არაერთხელ წამიკითხავს, რომ 3 კლიპს ისტოდნენ 1 რეზიკით. მარა 4 კლიპზე არასოდეს მსმენია თითქოს
თუ ეგრეა, მზად ვარ 260-ზე ჩამოვიდე და 4 კლიპი მქონდეს
bazuka
რატომ არ გჯერათ არ ვიცი, მაგრამ მართლა 55-დან 60 გასროლამდე აკეთებს ახლა რედუქტორით.
305-ით ისროდა 42 გასროლას როდესაც რედუქტორის მიღმა 125 ატმ იყო დაყენებული და ახლა 120-ზეა და თან ჩაქუჩი მოშვებულია ოდნავ, შედეგად 293-ით ისვრის და არა 290-ით. სამაგიეროთ სადღაც 15 გასროლა მომემატა.
მე რატომ მინდა კიდევ დავწიო იცით, 280-ზე ტირში უფრო სტაბილური იქნება ეს თოფი. ნუ მე ასე მგონია და უნდა ვცადო აშკარად.
ესეიგი აქ იდეები იყო რას ამბობთ როგორ მოახერხეთ რომ ერთი პაწუწკუტუნა რეზერვუარით 60 გასროლაზე გაქვთ პრეტენზიაო!
ნუ ilariona-ს მგონი არავინ უჯერებთ სანათ თქვენ თვითონ არ ნახავთ. მაშინ აგერ პოლ კაპელოს განცხადება:
დააკვირდით 7 წუთსა და 45 წამზე ამბობს რომ 66 გასროლა გამოდისო! მართალია .22 კალიბრიანს აქვს 36 ჯოული ენერგია ანუ ეს ნიშნავს რომ თოფი სადღაც 0.22-იანი JSB-ს (15.9 გრანიანს) ისვრის 265 მეტრ წამით.
დატკბით ახლა და...
ჯაჯ ეგ იასნა, დიდი ლულა აქვს და ეგაა მაგის მიზეზი, ნაკლები ჰაერით ბევრ გასროლას აკეთებს...!!!
შენ შრეირზე რო 280 მეტრწამი დააყენე რამდენი გასროლა მიიღე?? რამდენი მოემატა 30 გასროლა? 40?
norica_dragon
დათვლას რათ უნდა გასვლა?? :P
ja_ja
26 ჯოული არა, 26 ფუტ-ფუნტი, ანუ ეგ აგმოდის სადღაც 34-35 ჯოული...
nihontoman
აბა ჩემი რატომ აკეთებს 40 გასროლას ????
bazuka
bazuka
ეს რა დაწერე
რაცხა დავწერე რააა ლოლ
ილარიონ რამდენს ისვრი მაი სიჩქარით ????
bazuka
ორ კლიპს, ანუ 28 გასროლას.
ხალხნო ვინმე განს.რუ-ზე ან სადმე უფრო უკეთესზე ხომ არ შეგვედრიათ და გახსოვთ HW 100-ზე კალიბრის შეცვლის თემა?
geojorjika
ja_ja
კაცო შენა თუ გახოსვს თქვი
geojorjika
ეგ კი არა დღეს მთელი დღა ჭია მღრღნის და მაწვალებს. რატომღაც თავში მომივიდა, რომ ვერიკოც ელექტრო დამრტყმელზე გადავიყვანო (მოვსპობ ხომ ამ თოფსაც?)
ilariona
ilariona
ja_ja
რავი ჯერ იდეა მომივიდა და სად და როგორ უნდა ვნახო კაცო, ეგრევე კი არ ვეცი და დამიშლია თოფი ისე კონდახში შეიძლება მაგ რანცხეების ჩატენვა პროსტა ამას მარადასავით არ აქვს და ეგაა ცუდი, დამრტყმელის ხვრელი ბევრად პატარააა და ეგ არის დასაშლელი რომ გავიგოთ ჩავა თუ არა
ხომ იცით, რომ იდეა თუ მომივიდა უნდა შევასრულო და მგონი დაენძრა ჩემს თოფს
ilariona
ilariona
ja_ja
ხოდა დღეს თუ გცალია გამოგირბენ და დავშალოთ
ilariona
რაცხა ნამეტნავად ჩაჩუმდით
ilariona
აი მაგდენჯერ რომ დაშლის და ააწყობს მიხვდება, რომ გადასაგდებია
bazuka
ilariona
ამ ფიშტოს ლულა ინგლისში ვნახე 60 სანტიმეტრიანი , მარა რათ გინდა 165 ინგლისელი ღირს
ჰო მარა ქარხნულია და მ არტო დაგება უნდა
norica_dragon
უიმე შემშლია, ეს ამდენი ღირს თავისი შრაუდერით და პრობამბასებით, მოკლედ ვაირაუხის მფლობელებო, ამაზე კარგი რა გინდათ????
თქვენს ადგილზე უახლოეს 5 წუთში შევუკვეთავდი
http://www.gunspares.co.uk/shopdisplayproducts.asp?id=24752&cat=HW100
norica_dragon
norica_dragon
ერთი სიტყვით ვაპირებ შევიძინო ვერიკოსათვის დიდი რეზერვუარი, როგორც მახსოვს FX-ის მიდის გადამყვანით.
გადავიკითხე მთელი თემა და ვიპოვე ჟორჟიკას და ბაზუკას მიერ დადებული რეზიკები, მაგრამ არცერთი ლინკი არ მუშაობს. თუ ვინმეს გაქვთ განახლებული ინფო მომეცით რა, დავუკვეთო მინდა.
ახლა რაც მაინტერესებს ყველზე მეტად----
როგორც მახსოვს FX-ის რეზიკის სამუშაო წნევა არის 230 ატმ----ვერიკოსი კი 200.
ვთქვათ და დავაყენე FX-ის ეს 230 ატმოსფეროზე მომუშავე დიდი რეზიკი, როგორც მახსოვს 240 კუბიკოვ უნდა იყოს ვერიკოს რედუქტორი გაუძლებს 230 ატმოსფეროს?
ხო აი ეს მაინტერესებს
ეს ნახეთ რა
რა არი ტო ეს, аксу-ა ?
cz80
არა HW100 У
geojorjika
სექსია
რამე ახალი ხომ არ გიქნიათ თქვენი ვერიკოებისთვის?
geojorjika
ეგ 5,5-ში იქნება მართა სექსი.
ja_ja
ჰა დაწერ თუ მე დავწერო?
ilariona
შენი თოფია და შენ დაწერე
ჰე ეხლა ამოიღეთ ხმა
კარგი მე დავწერ.
ერთი სიტყვით დღეს მაგნუმში, ვიყავი რაღაც საქმეზე და ბარემ ვიყიდე შომპოლი, რომ ჩემი ვერიკოს ლულა გემრიელად გამეწმინდა.
ნუ დავბრუნდი სამსახურში და აღმოვაჩინე, რომ თოფი ისევ საბარგულში მდებია, რა თქმა უნდა დავშალე, ლულა მოვაძვრე და დავიწყე გულიანად წმენდა, გავაპრიალე მართლა გემრიელად და ცალი თვალით გადავხედე შემავალ ფასკას!
აი ტეტუუუს ძახილით დავურეკე ჯაჯას და სულ შვაინეს ვყვიროდი (ნუ რა თქმა უნდა გერმანულ მწარმოებელს ვუწოდებდი შვაინეს)
რანცხა სურათები კი გადავუღე მობილით, მაგრამ არ გამომივიდა და ვერ აგიხსნით თუ რა ცუდად ქონდა ფასკა მოჭრილი.
სამსახურში რაღაც მქონდა დასამთავრებელი და ერთი საათის საქმე 15 წუთში მოვაყომარე ეგრევე გავიქეცი ჯაჯინსკისთან, ნუ თავისი დინჯი გამომეტყველებით დახედა ფასკას და ტეტუუ სულ შვაინები ეძახა გერმანელებს.
აუუ მერე რეები მოხდა და რეები ვაკეთეთ მართლა გრძელი ისტორიაა და მურტალი ასახსნელი, მაგრამ ერთი ვიცი 100%-ით ვიცი, რომ ჟორჟიკას დასაშლელი აქვს თოფი და ფასკა სანახავი.
ilariona
ნდააა , აუფ ეხლა რა დაშლის მაგას , ვერაა კაი ამბავი ეგა
ბიჭებო ვარიას თემაა და მარადა არაფერს შუაშია მაგრამ, ერთს დავწერ,რამოდენიმე ხნის წინ ჩემს მარადას ამოვაძვრე ლულა რადგან სხვა ჩამესვა,რატომღაც აზრად მომივიდა ლულაში ტყვია ჩამესვა და გამეტარებინა ისე რომ გადამშვების ნახვრეტს გაცდომოდა,ხოდა რომ გავაკეთე ის რაც მინდოდა რა დავინახე იცით?ტყვია როგორც კი დაცდებოდა იმ ნახვრეტს სადაც გადამშვები ჯდება სასტიკად აკვნეტდა ტყვიას ნაწილს,მართლაც რომ სასტიკად და არა ისე რომ უბრალოდ გაეხაზა ან რამე ისე რა,ნუ ეგ ხარვეზი ჩემივე ჩარევით გამოვასწორე მაგრამ მანამდე,ჩემი მარადა რავა ისროდა ალბათ ყველას კი გახსოვთ,რომ არა რამოდენიმე ისეთი ფაკტი რავარიც არ უნდა მომხდარიყო ალბათ 1 ადლილიც უნდა ამეღო.აი ახლა კი ვფიქრობ იმაზე დავიჯერო ილარიონას ვარიას ლულა უფრო მეტად აზიანებს ტყვიას ვიდრე ჩემი მარადა შვებოდა ამას?მომკალით და არ დავიჯერებ!ყველამ ვიცით ფასკა რაცააა მითუმეტეს შემავალი და არა გამავალი.
kaka8079
ნუ მგონი ილარიონა ნამეტანი ნერვებზე მოიშალა იმიტომ რომ ნუ გერმანულია, საუკეთესოა და ასევტქვათ იდეალური არ იყო ფასკა. ნუ გადახრილი იყო რა და ტყვია რომ ჯდებოდა ლულაში იუბკა ცალ მხარეს ხრახნებზე იჯდა, ცალ მხარეს ჰაერში იყო.
ნუ რამდენად აფუჭებდა მაგი საქმეს ხრენ ივო ზნაიტ. არაა გამორიცხული რომ მართლა აფუჭებდა. კაროჩე ეგ გაირკვევა იმის მერე რაც ილარიონა გაისვრის თავისი ვარიკოდან, ჩაფიქრებით, დაფიქრებით და.. ნუ მოკლედ დაველოდიოთ რა მოხდება დალშე.
რაც შეეხება შენს მარადას ლულას... და დარწმუნებული ხარ რომ აკვნიტავდა ადრე რომ ისროდი? ანუ მაშინაც და ახლაც აკვნიტავდა? იქნებ მარტო ახლა აიკიდა. პლიუს გააჩნია ტყვია რაფრა ჩადე, ანუ ცალკე ლულა გეჭირა ხელში და ისე ჩადე თუ თოფში იყო ლულა, ჩატენე ტყვია, მოაძრე ლულა და გახედე....
თუ პირველი ვარიანტით გააკეთე, ანუ მოხსნილ ლულაზე, მაშინ ეგ არაფერს მეტყველებს, შეიძლება ხელით ჩადებისას, ის სიტუაცია არ იქმნება რაც მიმწოდებლით ჩასმისას. ასე რომ უკეთესი იყო თოფში ყოფილიყო ლულა და ისე შეგემოწმებინა...
P.S. აუ ბლიაძ დღეს დავიღალე რამდენი ვიბოდიალე, ახლა მეძინება საშინლად და ფეხებიც მტკივა...
სუპერ P.S ისე რამდენადაც მახცსოვს ნიტო ჯორჯიკას ნიტო ბაზულკას ლულას მშვენიერი შემავალი ფასკა ჰქონდა, ასე რომ ერთეულ შემთხვევას ნუ ჩავთვლით 100%-იან გერმანელების ხარვეზად
ilariona
ისე მეც კაი სკლეროტიკი ვარ, ბოლოს უნდა შეგვემოწმებინა იმ მიკროსკოპით...
კაროჩე ჯერ სინჯე რა და როგორ იქნება და მერე ეგეც ვნახოთ.
ja_ja
დარწმუნებული ვარ რომ აკვნიტავდა და რატომ ვარ დარწმუნებული.ნუ ჯერ შომპოლით დავიწყე ცდები რათქმა უნდა და არა მიმწოდებლით რადგან მინდოდა გამეგო თუ როგორი ნარეზი ქონდა ლულას,რამოდენიმე გატარების მერე ქე იცით რომელ ნახვრეტზე მაქ საუბარი,დავინახე რომ გამოჩნდებოდა თუ არა ტყვია ნახვრეტში მშვენივრად გამოიყურებოდა ანუ ტყვიის წინა ნაწილი იგულისხმება,გაივლიდა თუ არა ტყვიის კაბა ეგრევე ეგლიჯებოდა ნაწილი და ეს ყველაფერი ხდებოდა მიმწოდებლით ჯაჯინსკი,ანუ რა ხდებოდა ის დახვრეტი სადაც მიმწოდებელი ჯდებოდა ლულის შიდა მხრიდან არ იყო დამუშავებული,სულ ეს იყო ეგ პრობლემა.არა და მახსოვს რაღაც ტემაში ხალხი წერდა ლულას დავხვრიტავთო იმისათვის რო ჰაერი გამოვიდესო თუ რაღაც,მოკლედ წარმომიდგენია რა დრეში ჩავარდებოდა მაგათი თოფები.მიშალეთ ბიჭებო ეგ მაწერები იმის მერე რაც წაიკითხავს ის ხალხი ამას ვინც ჩემგან პასუხს ელოდება,არა და ისინი ამას მალე წაიკითხავენ)))
რაცხა ილარიონას აღფრთოვანებულ პოსტს ვერ ვხედავ ფასკის დამუშავების შემდეგ ...
P.S. ჩემსას ჩინებული ფასკა აქვს
bazuka
შენ სად დაიკარგე საერთოდ
ილარიონა ახლა სხვა რაღაცითაა აღფრთოვანებული, ჩამორჩი ცხოვრებას http://www.airgun.ge/forums/index.php?showtopic=2334
bazuka
რაის აღფრთოვანება, ფასკის გასწორების მერე, რომ ვისროლე სულ გულზე შემომეყარა!
ახლა რაღაც ახალი ტყვიები ჩამოვიტანე და შევხედავ იქნებ და ახალი ხილი მოეწონოს და თუ ეგეც არ მოეწონა და კარგი საიტი ვიცი იაფიანი ნივთების ძვირად გასაყიდი და ქე დავდებ იქანა. თან ამ გაჭირვების პერიოდში კი უნდა გაიყიდოს კარგ ფასად!
აგერ ჟორჟიკას 1800 ლარიან თოფში 2200 აძლევდნენ და ისეთი ნაგლია, რომ არ მიყიდა
ilariona
geojorjika
აუ გაფიცებ ვინ გაძლევს 2000ლარს, ერთი გადამეკიდა მე, ტიპი დიანას საყიდლად მოვიდა და ვერიკოთი მომინდომა წასვლა
ბოლოს დიანაზეც უარი ვუთხარი
bazuka
ჩემტან გამოუშვი
ja_ja
პოსტი #115
ეს პოსტია ძალიან საიტნერესო და რატომღაც სურათები დაიკარგა, იქენებ გადახედო რატომ მე კი ვიცი რატომაც, მაგრამ მაინც გადახედე (ისე შენ ის ჯაჯა არ ხარ, ქართულ საიტებზე არ ვტვირთავო რომ იძახდი ჰა????)
ilariona
ja_ja
მდააა, სულ რაღაც 2მმ-ია საჭირო და ნეტა ვერ გაჰქაჩამს?
ფასკა ხო არაა დიდი, იქნებ ძაან პატარა კუთხე მიცე ფასკას და ტყვია თითქმის სულ ლულაში დაჯდება
koknar
კაკრას მასე ვიჩალიჩეთ, მაგრამ ჩვენ ერთ ტიპ ტყვიას მოვარგეთ და აქ მაქვს საუბარი, როდესაც უფრო დიდი ზომის ტყვიას დებ მაინც გარეთ დარჩება კაბა. ავტომატურად კუდის შიგნით სივცე თუ ღრმა აქვს, მაგ მომენტში მიმწოდებელი ტყვიას მიაწვება, მაგრამ ბოლომდე ვერ შესდებს.
კაროჩე შედება უჭირს რა
ilariona
აი მაგაშია საქმე, უნდა ააწყო კონკრეტულ ტყვიაზე, და ეს ჩმა არის ჯიესბი
შეუდარებელი იარაღის შეუდარებელი "რეპორტი". გერმანელები ხომ მაგრები არიან მსგავს შედევრებს რომ ქმნიან, მაგრამ ჯაჯა უფრო მეტად - იმიტომ რომ მე ასეთი რეპორტი არცერთ უცხოურ საიტზე არ მაქვს წაკითხული
ვიძიუ ვაირაუხის ქარხანაში
http://www.edp24.co.uk/sport/video_weihrauch_visit_2011_1_1113444
რედუქტორის შაიბების განლაგება თუ ვინმეს ხელთ გაქვთ დამიგდეთ რაა
ვსიო აღრ მინდა
მაშინ ახლა შენ დააგდე
თუ არავცდები მგონი 16 ცალია და 2-2 ცალადაა დალაგებული ანუ (())(())(())(())
ja_ja
ხო ეგრეა
თუ არ ვცდები edgun matador - შიც ასეა შაიბები
Dave
სამწუხაროდ არვიცი
ჩემი კი დავშალე,
აი ეს ნაწილი რაზეც ეს "შაიბებია" (გეპეიში მასწავლეს, რომ შაიბას საყელური ჰქვიაო) ეგ ნაწილი გავაკრიალე, რასავ ჰქვია სარკესავით! ეტყობოდა ნამუშევარი ბიჭს, სამწუხარპდ ხელთ არც მექანიკური ტუმბო მაქვს და არც არაფერი, ამიტომაც არვიცი რა გამოვიდა
bazuka
რა გინდა ახლა მეც მივადგე და დავშალო?
რაო ჭუჭყიანები ვიყავითო?
ilariona
ხინკალი მქონდა ნაჭამი და პივა მიცემული, ხოდა 2 ვარიანტი მქონდა, ან უნდა დამეძინა- ანკიდე რაც ვქენი
ხოდა დღისით ძილი კი მიყვარს მარა მაგრად ვერიდები
ხოდა დავშალე რააა, თან მააააგრად გავაპრიალე
კსტაწე მგონი მართალს იძახდი, შენც და მეც, ბევრი არაფერი უნდა მარა უკან მაინც უნდა გაბურღვა
ilariona
მე ნორიკას ვასახელებ
ilariona
მო-ღა-ლა-ტე, მო-ღა-ლა-ტე, მო-ღა-ლა-ტე, მო-ღა-ლა-ტე, მო-ღა-ლა-ტე ......
სადაა შენი ვერონიკა
მო-ღა-ლა-ტე, მო-ღა-ლა-ტე, მო-ღა-ლა-ტე, მო-ღა-ლა-ტე, მო-ღა-ლა-ტე ......
მო-ღა-ლა-ტე, მო-ღა-ლა-ტე, მო-ღა-ლა-ტე, მო-ღა-ლა-ტე, მო-ღა-ლა-ტე ......
მო-ღა-ლა-ტე, მო-ღა-ლა-ტე, მო-ღა-ლა-ტე, მო-ღა-ლა-ტე, მო-ღა-ლა-ტე ......
".............
bazuka
ნუ ხმაურობ , ბავშვს ვაძინებ :-D :-D
cz80
უკაცრავად ქალბატონი ....
უზრუნველყოფა Invision Power Board
© Invision Power Services